ತಿಳ್ಸೊಣ್ಯೊ

1. ಆಜ್ ಪ್ರಾಚಿತ್ ಕಾಳಾಚೊ ಪಾಂಚ್ವೊ ಆಯ್ತಾರ್. ಹ್ಯಾ ಮಂಗ್ಳಾರಾ ಇಗರ್ಜ್ ಮಾತಾ ಬಾಗೆವಂತ್ ಜುಜೆ, ಆಂಕ್ವಾರ್ ಮರಿಯೆಚೊ ಪತಿ, ಹ್ಯಾ ಮಹಾನ್ ಸಾಂತಾಚೆಂ ಫೆಸ್ತ್ ಆಚರಿತಾ. ತ್ಯಾ ದೀಸ್ ಸಾಂ.ಜೆಜು ವಾಡ್ಯಾಗಾರಾಯೀ ಫೆಸ್ತ್ ಆಚರ್ಸಿತಾತ್.

2. ಯೆಂವ್ಚೊ ಆಯ್ತಾರ್ ತಾಳಿಯಾಂಚೊ ಆಯ್ತಾರ್ ವ ಸೊಮ್ಯಾಚಾ ಕಷ್ಟಾಂಚೊ ಆಯ್ತಾರ್. ತ್ಯಾ ದೀಸ್ ಆಮಿಂ ಬಾಗೆವಂತ್ ಹಫ್ತೊ ಆರಂಭ್ ಕರ್ತಾಂವ್. ತಾಳಿಯಾಂಚ್ಯಾ ಆಯ್ತಾರಾ, ಸಕಾಳಿಂ 6.30 ವರಾಂಚೆಂ ಮೀಸ್ ಆಸ್ಚೆಂನಾಂ. ಜುಸ್ತ್ ಸಕಾಳಿಂ 7.15 ವರಾರ್ ಸರ್ವಾಂನಿ O.S.S ಸಿಸ್ಟ್ರಾಂಚ್ಯಾ ಕೊನ್ವೆಂಟಾ ಲಾಗಿ ಮೆಳ್ಚೆಂ. ಥಂಯ್ ಪಯ್ಲೆಂ ತಾಳಿಯೊ ಬೆಂಜಾರ್ ಆನಿ ತ್ಯಾ ಉಪ್ರಾಂತ್ ಸಂಭ್ರಮಿಕ್ ಥರಾನ್ ಗಿತಾಂ ಗಾವುನ್ ಆನಿ ಮಾಗ್ಣೆಂ ಮ್ಹಣೊನ್ ಆಮಿಂ ಪುರ್ಶಾಂವಾರ್ ಇಗರ್ಜೆಕ್ ಯೆತೆಲ್ಯಾಂವ್. ತ್ಯಾ ಉಪ್ರಾಂತ್ ಸಂಭ್ರಮಿಕ್ ಮೀಸಾಚೆಂ ಬಲಿದಾನ್ ಆಸ್ತಲೆಂ. ತ್ಯಾ ದೀಸ್ ಸಾಂಜೆರ್ 7 ವರಾರ್ ಇಗರ್ಜೆಂತ್ Parish Choir ಆನಿ ICYM ಸಾಂದೆ ತೈಜೆ ಮಾಗ್ಣೆಂ ಚಲವ್ನ್ ವ್ಹರ್ತೆಲೆ. ವ್ಹಡಾ ಸಂಖ್ಯಾನ್ ತುಮಿಂ ಹ್ಯಾ ಮಾಗ್ಣಾಂತ್ ಪಾತ್ರ್ ಘೆಂವ್ಚೊ.

ಬಾಗೆವಂತ್ ಹಪ್ತಾಚಿ ದೇವ್‍ಸ್ತುತೆಚಿ ಕಾರ್ಯಾವಳ್ ಎದೊಳ್‍ಚ್ಚ್ ಆಮಿಂ Parish Whatsapp ಚೆರ್ ಘಾಲ್ಯಾ ಆನಿ ಹಾಚೆಂ Hand Bills ಮೀಸಾ ಉಪ್ರಾಂತ್ ಆಮಿಂ ವಾಂಟ್ತೆಲ್ಯಾಂವ್. ತಶೆಂ ಸಕ್ಕಡ್ ಗುರ್ಕಾರಾಂನಿ ವಾಡ್ಯಾ ಜಮಾತೆ ವೆಳಾರ್ ವ ಹೆರ್ ವೆಳಾರ್ ಹಿ Hand Bills ಹರ್ಯೆಕಾ ಕುಟ್ಮಾಕ್ ಪಾವಿತ್ ಕರ್ಚೆಂ. ಹಾಚ್ಯೊ ಪ್ರತಿಯಾ ಮ್ಹಜ್ಯಾ Office ಮುಖಾರ್ ಆಸ್ಚ್ಯಾ ಮೆಜಾಚೆರ್ ವಾಡ್ಯಾವರ್ ದವರ್ಲ್ಯಾತ್. ಸರ್ವ್ ಫಿರ್ಗಜ್‍ಗಾರಾಂನಿ ಹೆರ್ ಕಡೆನ್ ವಚಾನಾಸ್ತಾ ಸಕ್ಕಡ್ ಬಾಗೆವಂತ್ ಹಫ್ತಾಚ್ಯಾ ದೇವ್‍ಸ್ತುತಿಚೇ ಕಾರ್ಯಾವಳೆಕ್ ಆಮ್ಚ್ಯಾ ಫಿರ್ಗಜೆಕ್‍ಚ್ಚ್ ಯೆಂವ್ಚೆಂ. ಎಕಾ ಕುಟ್ಮಾ ಬಾಷೆನ್ ದೇವ್-ಭಕ್ತಿನ್ ಆನಿ ಬಾವ್ -ಬಾಂದವ್ಪಣಾನ್ ಹೊ ಬಾಗೆವಂತ್ ಹಫ್ತೊ ಆಮಿಂ ಆಚರ್ಸಿಯಾಂ.

3. ಫಾಲ್ಯಾಂ/ ಆಜ್ ವಾಡ್ಯಾ ಜಮಾತಿ ಹ್ಯಾ ಪರಿಂ ಆಸಾತ್.
1. ವೆಲಂಕಣಿ ವಾಡೊ: ಅಂಟೊನಿ ರೀಟಾ ಡೆಸಾ ಹಾಂಚ್ಯಾ ಘರಾ ಸಾಂಜೆರ್ 4.30 ವರಾರ್
2. ಲ್ಹಾನ್ ಫುಲ್ ವಾಡೊ: ತೆರೆಜಾ ಡಿಸೋಜಾ ಹಾಂಚ್ಯಾ ಘರಾ ಸಾಂಜೆರ್ 4.30 ವರಾರ್
3. ಸಾಂ ಜುಜೆ ವಾಡೊ: ಲ್ಯಾನ್ಸಿ ವಿಲ್ಮಾ ಡಿಸೋಜಾ ಹಾಂಚ್ಯಾ ಘರಾ ಸಾಂಜೆರ್ 4.00 ವರಾರ್
4. ಅವಿಲಾ ವಾಡೊ: ದೆಲ್ಫನ್ ಡಿಸೋಜಾ ಹಾಂಚ್ಯಾ ಘರಾ ಸಾಂಜೆರ್ 4.15 ವರಾರ್
5. ಸಾಂ. ಆಂತೊನ್ ವಾಡೊ: ಸಿಸ್ಟಾರ್ ಸೆಲೆಸ್ಟೀನ್ ಮೊರಾಸ್ ಹಿಚ್ಯಾ ಘರಾ ಸಾಂಜೆರ್ 4.30 ವರಾರ್
6. ಲೂಡ್ಸ್ ವಾಡೊ: ಗ್ರೇಸಿ ಪಿರೇರಾ( Fr Muller Compound) ಹಿಚ್ಯಾ ಘರಾ ಸಾಂಜೆರ್ 5.00 ವರಾರ್
7. ಬಾಳ್ ಮರಿ ವಾಡೊ: ಬೆನಾಡಿಕ್ಟಾ ಕುವೆಲ್ಲೊ ಹಾಂಚ್ಯಾ ಘರಾ ಸಂಜೆರ್ 4.00 ವರಾರ್

4. ಮೊಗಾಚ್ಯಾಂನೋ ಆಮ್ಚ್ಯಾ ಫಿರ್ಗಜೆಕ್ ಎಕ್ ಬರಿ ಖಬರ್. ಆಮಿಂ ಇಗರ್ಜೆಚ್ಯಾ ದುರಸ್ತಿ ಕಾಮಾ ಖಾತಿರ್ ಆನಿ ಇಗರ್ಜೆಚೊ ದೊರೊ ಉಬಾರ್ ಕಚ್ರ್ಯಾ ಕಾಮಾ ಖಾತಿರ್ Minority Department ಕ್ application ಘಾಲ್ಲೆಂ . ದೇವಾಚ್ಯಾ ಕುರ್ಪೆನ್ ತುಮ್ಚ್ಯಾ ಮಾಗ್ಣ್ಯಾಚ್ಯಾ ಆದಾರಾನ್ ಆನಿ ಶ್ರೀಮಾನ್ J.R. Lobo ಆನಿ Ivan D'Souza ಹಾಂಚ್ಯಾ ಶಿಫಾರಸೆನ್ ಆನಿ Marcel Dsouza, Mudipu   ಹಾಚ್ಯಾ ಸಹಾಯೆನ್ ಆಮ್ಕಾಂ ಇಗರ್ಜೆಚ್ಯಾ ದುರಸ್ತಿಕ್ 20 ಲಾಕ್ approve ಜಾವ್ನ್ 10 ಲಾಕ್ ಆಮ್ಚ್ಯಾ Account ಕ್ 1st Instalment ಜಾವ್ನ್ ಆಯ್ಲ್ಯಾತ್. ತಶೆಂ ದೊರ್ಯಾಕ್ 10 ಲಾಕ್ approve ಜಾವ್ನ್ ಆಮ್ಚ್ಯಾ Account ಕ್ 5 ಲಾಕ್ ಆಯ್ಲ್ಯಾತ್. ಗರ್ಜೆಚಿಂ quotations ಘೇವ್ನ್ ಆನಿ ಆನ್ಬೋಗಾಚ್ಯಾ ವ್ಯಕ್ತಿ ಲಾಗಿಂ ವಿಮರ್ಸೊ ಕರ್ನ್ ಹೆಂ ಕಾಮ್ ವೆಗ್ಗಿಂಚ್ ಆಮಿಂ ಹಾತಿಂ ಘೆತೆಲ್ಯಾಂವ್. ತುಮ್ಚ್ಯಾ ಮಾಗ್ಣ್ಯಾಚೊ ಪಾಟಿಂಬೊ ಆಮ್ಕಾಂ ಗರ್ಜೆಚೊ.

5. ಕೊರ್ಡೆಲ್ ಕಲ್ಶೇಕರ್ ಫಿರ್ಗಜೆಂತ್ ಸಿಟಿ ವಾರಾಡ್ಯಾ ವಾರ್ ಖುರ್ಸಾವಾಟ್ ಮಾರ್ಚ್ 25 ತಾರೀಕೆರ್ ಸೊಮಾರಾ ದವರ್ಲ್ಯಾ. ಹಿ ಖುರ್ಸಾವಾಟ್ enacted ಖುರ್ಸಾವಾಟ್ ಜಾವ್ನಾಸ್ತೆಲಿ. ಸಾಂಜೆರ್ 4.30 ವರಾರ್ ಮೀಸ್ ಆನಿ 5 ವರಾರ್ ಖುರ್ಸಾ ವಾಟ್ ಆರಂಭ್ ಜಾತೆಲಿ. ಸಿಟಿ ವಾರಾಡ್ಯಾಚ್ಯೊ ಸಗ್ಳೊ ಫಿರ್ಗಜ್ಯೊ ಹಾಂತು ಪಾತ್ರ್ ಘೆತಲ್ಯೊ. ಆಮ್ಕಾಂ ಚೊವ್ತೆಂ ಸ್ತೆಸಾಂವ್ ದಿಲಾ. ತುಮ್ಕಾಂಯೀ ಹಾಂತು ಪಾತ್ರ್ ಘೆಂವ್ಕ್ ಆಪವ್ಣೆಂ ಆಸಾ.

6. ತಶೆಂ ಕಾರ್ಮೆಲ್ ಗುಡ್ಯಾರ್ ಮಾರ್ಚ್ 26 ಸಕಾಳಿಂ 6 ಥಾವ್ನ್ 27 ರಾತಿಂ 9 ಪರ್ಯಾಂತ್ ನಿರಂತರ್ 40 ವರಾಂಚೆಂ ಆರಾಧನ್ ಮಾಂಡುನ್ ಹಾಡ್ಲಾಂ. ಆಮ್ಚ್ಯಾ ಫಿರ್ಗಜೆಕ್ ಮಂಗ್ಳಾರಾ ಮಾರ್ಚ್ 27 ತಾರೀಕೆರ್ ಸಕಾಳಿಂ 7 ಥಾವ್ನ್ 8 ಪರ್ಯಾಂತ್. ತುಮಿಂ ಯೇವ್ನ್ ಹ್ಯಾ ಆರಾದನಾಂತ್ ವಾಂಟೊ ಘೆಂವ್ಚೊ.

7. ಯೆಂವ್ಚ್ಯಾ ಆಯ್ತಾರಾ, ಮ್ಹಣ್ಜೆ ತಾಳಿಯಾಂಚ್ಯಾ ಆಯ್ತಾರಾ ಸಕಾಳಿಂ 9 ಥಾವ್ನ್ 1 ವರಾ ಪರ್ಯಾಂತ್ Blood Donation ಆಮ್ಚಾ ಇಗರ್ಜೆಚ್ಯಾ ವ್ಹಡ್ಲ್ಯಾ ಹೊಲಾಂತ್ ಫಿರ್ಗಜೆಚ್ಯಾ ಯುವಣಾಂನಿ ICYM ಆನಿ Church hill Rockerz ಮಾಂಡುನ್ ಹಾಡ್ಲಾಂ. ತುಮ್ಚೆ ರಗತ್ Donate ಕರ್ನ್ ಹೆರಾಚೊ ಜೀವ್ ಉರಂವ್ಚಿ ಹಿ ಎಕ್ ದಯಾಳ್ ಕರ್ನಿ ಜಾವ್ನಾಸಾ ತುಮ್ಚೊ ಪಾಟಿಂಬೊ ದಿಯಾ.

8. (ಆಜ್ ಬಜ್ಜೋಡಿ ಸ್ತ್ರೀ ಸಂಘಟನ್ “ಸ್ತ್ರೀಯಾಂಚೊ ದೀಸ್” ಆಚರ್ಸಿತಾ. ಆನಿ ತಾಂಚೆರ್ ಆಮಿಂ ದೆವಾಚಿಂ ಆಶೀರ್ವಾದಾಂ ಆನಿ ಮರ್ಯೆ ಮಾಯೆಚಿ ನಿರಂತರ್ ಮಜತ್ ಮಾಗ್ತಾಂವ್.)

9. ಮಂಗ್ಳುರ್ ದಿಯೆಸೆಜಿತ್ ಯೆಂವ್ಚ್ಯಾ ಸುಕ್ರಾರಾ, ಮಾರ್ಚ್ 22 ತಾರೀಕೆರ್ ರಾಷ್ಟ್ರೀಯ್ ಮಾಗ್ಣೆಂ ಆನಿ ಉಪಾಸಾಚೊ ದೀಸ್ ಮ್ಹಣ್ ಪೋಷಿತ್ ಕೆಲಾ. ದೆಕುನ್ ತ್ಯಾ ದೀಸ್ ಇಲ್ಲೊ ಉಪಾಸ್ ಆನಿ ಚಡಿತ್ ಮಾಗ್ಣೆಂ- ಸಾಕ್ರಿಪೀಸ್ ಕರ್ನ್ ಆನಿ ಪ್ರತ್ಯೆಕ್ ಥರಾನ್ ಸಾಂಜೆಚ್ಯಾ ಖುರ್ಸಾ ವಾಟೆ ಆನಿ ಮೀಸಾ ವೆಳಾರ್ ಆಮ್ಚ್ಯಾ ರಾಷ್ಟ್ರಾಚ್ಯಾ ಎಲಿಸಾಂವ್ಯಾಂ ಖಾತಿರ್ ಬರೆಂ ಮುಖೆಲಿ ವಿಂಚುನ್ ಯೆಂವ್ಚ್ಯಾ ಖಾತಿರ್ ಮಾಗ್ಯಾಂ.

10. ಪಾಸ್ಕಾಂಚ್ಯಾ ಫೆಸ್ತಾಕ್ ಮುಡ್ದೊಮ್ ಆನಿ ಮಿಸಾಂ ದೀಂವ್ಕ್ ಆಪೇಕ್ಷಿತೆಲ್ಯಾಂನಿ Parish Office ತ್ ದಿವ್ಯೆತ್

11. ಆಮ್ಚಾ ದಿಯೆಸೆಜಿಚೊ ಮಾಜಿ ವಿಗಾರ್ ಜೆರಾಲ್ ಬೋವ್ ಮಾನಾದಿಕ್ ಬಾಪ್ ಡೆನಿಸ್ ಮೊರಾಸ್ ಪ್ರಭು ಆಜ್ ಆಂತರ್ಲ್ಯಾತ್. ತಾಚ್ಯಾ ಆತ್ಮ್ಯಾಕ್ ಶಾಂತಿ ಮಾಗ್ಯಾಂ. ಮೊರ್ನಾಚಿ ರೀತ್ ಮಾರ್ಚ್ 20 ತಾರೀಕೆರ್ ಬಜ್ಪೆ ಇಗರ್ಜೆಂತ್ ಸಾಂಜೆರ್ 5 ವರಾರ್ ಚಲ್ತೆಲೆಂ.

12. ಸಗ್ಳೊ ಹಫ್ತೊ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಲ್ಯಾ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಯೆಂವ್ಚ್ಯಾ ಆಯ್ತಾರಾ ಮಾರ್ಚ್ 24 ತಾರೀಕೆರ್ ಆಯ್ತಾರಾ ಸಕಾಳಿಂ 7.15 ಕ್ ಸಿಸ್ಟ್ರರಾಂಚಾ ಕೊನ್ವೆಂಟಾ ಕಡೆ ತಾಳಿಯೊ ಬೆಂಜಾರ್ 7.30ಕ್ ಮೀಸ್. ದೇವ್ ಸ್ತುತಿ -ಲ್ಹಾನ್ ಫುಲ್ ವಾಡೊ ಆನಿ ಪವಿತ್ರ್ ಕಾಳಿಜ್ ವಾಡೊ. ತ್ಯಾ ದೀಸಾ 9.30ಚೆಂ ದುಸ್ರ್ಯಾ ಮೀಸ್ ಆಸ್ಚ್‍ನಾ. ಹಫ್ತ್ಯಾ ಮಧೆಂ ಬಾಳ್ ಮರಿ ವಾಡ್ಯಾಗಾರಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ತ್ಯಾಚ್ ವಾಡ್ಯಾಚ್ಯಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.

13. ಆಮ್ಚ್ಯಾ ಸರ್ವ್ ಧಾನಿ ಆನಿ ಹಿತಚಿಂತಕಾ ಪಾಸತ್ ಜೆಜು ಆನಿ ಬಾಳ್ ಮರಿಯೆ ಲಾಗಿಂ ಏಕ್ ಆಮ್ಚ್ಯಾ ಬಾಪಾ ಏಕ್ ನಮಾನ್ ಮರ್ಯೆ ಮ್ಹಣ್ಯಾಂ.

Home | About Us | Sitemap | Contact

Copyright © 2013 - www.infantmarychurch.org. Powered by eCreators

Contact Us

INFANT MARY CHURCH
Bajjodi, Bikarnakatte,
Mangalore - 575 005, India

Contact : +91 97403 16900