ಆಜ್ ತಿದೊಡೊ ಸಂಭ್ರಮ್. ಮರಿಯಾಳ್ ಲೀಜನಾಚಿ ವಾರ್ಷಿಕ್ ದೀಸ್, ಸಾಂ ಜುಜೆ ವಾಡ್ಯಾಗಾರಾಂಚೊ ದೀಸ್. ಹ್ಯಾ ದಿಸಾ ತುಮಿ ಉಪ್ಕಾರಿ ಕಾಳ್ಜಾನ್ ಆರ್ಗಾಂ ಮೀಸ್ ಭೆಟಯ್ಲಾಂ. ತುಮ್ಕಾಂ ಹ್ಯಾ ದಿಸಾಚೆಂ ಉಲ್ಲಾಸ್ ಪಾಟಯ್ತಾಂವ್ ಆನಿ ಹ್ಯಾ ಸೆವೆಚಾ ವಾವ್ರಾಕ್ ಬರೆಂ ಮಾಗ್ತಾಂವ್. ಮಿಸಾ ಉಪ್ರಾಂತ್ ವಡ್ಲ್ಯಾ ಹೊಲಾಂತ್ ಸಾಂ ಜುಜೆ ವಾಡ್ಯಾಗಾರಾಂಚೆ ಸಾಂಗಾತ್ಪಣ್ ಆಸ್ತೆಲೆಂ. ವಾಡ್ಯಾಗಾರಾಂನಿ ಹೊಲಾಂತ್ ಹಾಜರ್ ಜಾಂವ್ಕ್ ವಿನಂತಿ. ತಶೆಂಚ್ ಲ್ಯಾನ್ಶಿ ಆನಿ ಜಾನೆಟ್ ಮೀನೆಜಸ್ ಹಾಂಚಾ ಕಾಜಾರಾಚೊ ರುಪ್ಯಾಳೊ ಸಂಭ್ರಮ್. ಪಾಟ್ಲ್ಯಾ ವರ್ಸಾಂನಿ ದೆವಾನ್ ತುಮ್ಚೆ ವಯ್ರ್ ವೊತ್‍ಲ್ಲ್ಯಾ ಕುರ್ಪೆ ದೆಣ್ಯಾಂಕ್ ತುಮಿ ಧಿನ್ವಾಸ್ಣೆಚೆ ಬಲಿದಾನ್ ಭೆಟಯ್ಲಾಂ ತುಮ್ಕಾಂ ಜಮ್ಲೆಲ್ಯಾ ಸರ್ವಾಂಚಾ ತರ್ಫೆನ್ ಉಲ್ಲಾಸ್ ಪಾಟಯ್ತಾಂ ಆನಿ ತುಮ್ಚಿಂ ಮುಕ್ಲಿ ಜಿಣಿ ನಂದನ್ ಜಾಂವ್ದಿ ಮ್ಹಣ್ ಮಾಗ್ತಾಂ. ತಾಂಚಾ ಸಂತೊಸಾನ್ ವಾಂಟೆಲಿ ಜಾಂವ್ಕ್ ತಾಣಿಂ ಗೊಡ್ಶೆಂ ಆನಿ ಪೀವನ್ ದಿಲಾಂ ತೆಂ ಮಿಸಾ ಉಪ್ರಾಂತ್ ಸ್ವೀಕಾರ್ ಕರುಂಕ್ ವಿನಂತಿ. ಹ್ಯಾ ಮಿಸಾಚಿ ಲಿತುರ್ಜಿ ಚಲವ್ನ್ ವ್ಹೆಲ್ಲ್ಯಾ ಆನಿ ಕಾಣಿಕೊ ಹಾಡ್‍ಲ್ಲ್ಯಾ ಸರ್ವಾಂಕ್ ಧಿನ್ವಾಸ್.
ಸಗ್ಳೊ ಹಫ್ತೋ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಲ್ಯಾ ಅವಿಲಾ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ಲಿತುರ್ಜಿ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂನಿ ಲಿತುರ್ಜಿ ಚಲವ್ನ್ ವರ್ಚಿ. ಹಫ್ತ್ಯಾಮಧೆಂ ಬಾಳೊಕ್ ಜೆಜು ವಾಡ್ಯಾಗಾರಾಂನಿ ಲಿರ್ತುಜೆಚಿ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಆಜ್/ಫಾಲ್ಯಾಂ ಸಾಂಜೆರ್ 7 ವೊರಾರ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿ ಆರಾದಾನ್ ಆಸ್ತೆಲೆಂ. ಮಾಲ್ಘಡ್ಯಾಂ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.
ಮಕ್ಲ್ಯಾ ಹಪ್ತ್ಯಾಂತ್ ಫೆಸ್ತಾಂ: ಆಕ್ಟೋಬರ್ 14 ತಾರಿಕೆರ್ ಸುಕ್ರಾರಾ ಭಾಗೆವಂತ್ ಕಾಲಿಸ್ತ್, ಶ್ರೇಷ್ಟ್ ಗೊವ್ಳಿ ಆನಿ ರಗ್ತ್‍ಸಾಕ್ಷಿ(ಸ್ಮರಣ್). ಆಕ್ಟೋಬರ್ 15 ತಾರಿಕೆರ್ ಕಾರ್ಮೆಲಿತ್ ಸಾಂತಿಣ್ ಅವಿಲಾಚಾ ಸಾಂ ತೆರೆಜಾಚೆ ಫೆಸ್ತ್.
ತುಮ್ಚ್ಯಾ ಉದಾರ್ ಮನಾಕ್ ದೇವ್‍ಬರೆಂ ಕರ್ತಾಂವ್. ಸುರ್ವಿಲ್ಲ್ಯಾ ಹಂತಾಚೆ ಹೆಂ ಕಾಮ್ ಪ್ರಾರಂಭ್ ಕೆಲಾಂ ಜಾಲ್ಲ್ಯಾನ್ ಹ್ಯಾ ಬರ್ಯಾ ಕಾಮಾಕ್ ತುಮ್ಚೊ ಆದಾರ್ ಮಾಗ್ತಾಂವ್.
ಡಿಸೆಂಬರ್ 31 ತಾರಿಕೆರ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಆವ್ದಿ ಸಂಪ್ತಾ ಜನೆರ್ 1 ತಾರಿಕೆ ಥಾವ್ನ್ ನವಿ ಫಿರ್ಗಜ್ ಗೊವ್ಳಿಕ್ ಪರಿಷದ್. ದೆಕುನ್ ನವ್ಯಾ ಗೊವ್ಳಿಕ್ ಪರಿಷದ್ ಸಾಂದ್ಯಾಂಚೆ ಚುನಾವ್ ಪ್ರಾರಂಭ್ ಕರುಂಕ್ ಬಿಸ್ಪಾನ್ ಉಲೊ ದಿಲಾ. ಹಾಚೊ ಪಯ್ಲೊ ಹಂತ್ ಜಾವ್ನ್ ಹ್ಯಾ ಮಹಿನ್ಯಾಚಾ ವಾಡ್ಯಾ ಜಮಾತೆಂತ್ ಚುನಾವಾ ವಿಷ್ಯಾಂತ್ ಸಮ್ಜೊಣಿ ಆಸ್ತೆಲಿ. ತಶೆಂಚ್ ವಾಡ್ಯಾಂತ್ಲಾ ಕುಟ್ಮಾಚೊ ವಿವರ್ ಘೆತೆಲ್ಯಾಂವ್. ಥೊಡಿಂ ಕುಟ್ಮಾಂ ಸಾಂಗಾನಾಸ್ತಾ ದುಸ್ರ್ಯಾ ಜಾಗ್ಯಾಕ್ ಶಿಷ್ಟ್ ಜಾಲ್ಯಾಂತ್ ಹೆರ್ ಥೊಡಿಂ ಘರ್ ಬಾಡ್ಯಾಕ್ ದೀವ್ನ್ ದುಸ್ರ್ಯಾ ಘರಾಂತ್ ರಾವ್ತಾತ್. ಜೊ ಕೊಣ್ ಸಾಂಗಾನಾಸ್ತಾ ಗೆಲ್ಯಾಂತ್ ತಾಂಕಾಂ ಟ್ರಾನ್ಪರ್ ಲೆಟರ್ ವ್ಹರುಂಕ್ ಗುರ್ಕಾರಾಂನಿ ಉಗ್ಡಾಸ್ ಕರ್ಚೊ ನಾ ತರ್ ಆಮಿ ದುಸ್ರ್ಯಾ ಜಾಗ್ಯಾಕ್ ಗೆಲ್ಯಾಂವ್ ಮ್ಹಣ್ ಬರ್ಪಾರುಪಿಂ ಕಳಿತ್ ಕರುಂಕ್ ತಿಳ್ಸುಂಚೆಂ ಉಪ್ರಾಂತ್ ತಾಂಚೆ ನಾಂವ್ ಆಮಿ ಕಾಡ್ತೆಲ್ಯಾಂವ್.
ಯೆದೊಳ್ ಪರ್ಯಾಂತ್ ಹೊಲಾಂತ್ ಸಾಂಜೆಚಾ ಕಾರ್ಯಾಕ್ ಸೌಂಡ್ಸ್ ವಾಪರುಂಕ್ 10.30ವೊರಾಂ ಪರ್ಯಾಂತ್ ಆವ್ಕಾಸ್ ಆಸ್‍ಲ್ಲೊ. ಪಾಟ್ಲ್ಯಾ ದಿಸಾಂನಿ ಸರ್ಕಾರಾನ್ ಸೌಂಡ್ ಲೈಸನ್ಸ್ ಘೆವ್ನ್ ರಾತಿಂ 10ವೊರಾಂ ಮ್ಹಣಾಸರ್ ಮಾತ್ರ್ ಸೌಂಡ್ಸ್ ವಾಪರುಂಕ್ ಆವ್ಕಾಸ್ ಕರ್ನ್ ದಿಲಾ. ಆಮಿಂಯ್ ಹೊಲಾಕ್ ಸೌಂಡ್ ಲೈಸನ್ಸ್ ಘೆತ್ಲಾಂ ಹಾಚಿ ಪ್ರತಿ ಇಗರ್ಜೆಚಾ ತಶೆಂಚ್ ಹೊಲಾಚಾ ನೋಟೀಸ್ ಬೋರ್ಡಾರ್ ಘಾಲ್ಯಾ. ಹಿ ಬದ್ಲಾವಣ್ ಮತಿಂತ್ ದವರ್ಚಿ ಅನಿ ಹೊಲಾಂತ್ ಸಾಂಜೆಚಿ ಕಾರ್ಯಿಂ ವೆಳಾರ್ ಪ್ರಾರಂಭ್ ಕರ್ಚಿಂ.
ಡಿಸೆಂಬರ್ 23 ತಾರಿಕೆರ್ ಬಾಪ್ ಪ್ಯಾಟ್ರಿಕ್ ಲೋಬೊಚೊ ಯಾಜಕೀ ದೀಕ್ಷೆಚೊ ಬಾಂಗ್ರಾಳೊ ಸಂಭ್ರಮ್. ಹ್ಯಾ ದಿಶೆನ್ ಡಿಸೆಂಬರಾಚೊ ಅಂಕೊ ಬಜ್ಜೋಡಿಚೊ ಬಾಂಗ್ರಾಳೊ ಕುರೊವ್ ಜಾವ್ನ್ ಪಾಯ್ಸ್ ಕರ್ತೆಲ್ಯಾಂವ್. ಬಾಪ್ ಪ್ಯಾಟ್ರಿಕ್ ಲೋಬೊಕ್ ಉಲ್ಲಾಸ್ ಪಾಟವ್ನ್ ವಯುಕ್ತಿಕ್ ವಾ ಕುಟ್ಮಾಂ ಥಾವ್ನ್ ವಾಡ್ಯಾ ಥಾವ್ನ್ ಜಾಹೀರಾತಾಂ ದೀಂವ್ಕ್ ಆವ್ಕಾಸ್ ಆಸಾ. ನವೆಂಬರ್ ಅಖೆರಿ ಭಿತರ್ ಜಾಹೀರಾತಾಂ ಫಿರ್ಗಜ್ ಧಪ್ತರಾಕ್ ಹಾಡ್ನ್ ದೀಂವ್ಕ್ ವಿನಂತಿ.
ಹೊ ಮಹಿನೊ ಮಿಸಾಂವಾಂಚೊ ಮಹಿನೊ. ಆಕ್ಟೋಬರ್ 16 ತಾರಿಕೆರ್ ಮಿಸಾಂವಾಚೊ ಆಯ್ತಾರ್ ಜಾವ್ನ್ ಆಚರಣ್ ಕರ್ತಾಂವ್. ಮಿಸಾಂವಾಂಚಿ ಕವರಾಂ ತಶೆಂಚ್ ಕ್ಯಾಲೆಂಡರಾ ಆಮಿ ದಿತೆಲ್ಯಾಂವ್. ಮಿಸಾಂವಾಂಚಿ ಕವರಾಂ ಹ್ಯಾ ಆಯ್ತಾರಾ ತುಮ್ಕಾಂ ದಿತೆಲ್ಯಾಂವ್ ಯೆಂವ್ಚ್ಯಾ ಆಯ್ತಾರಾ ಗುರ್ಕಾರ್/ಪ್ರತಿನಿದಿಲಾಗಿಂ ಪಾಟಿಂ ದೀಂವ್ಕ್ ವಿನಂತಿ.
ಯೆಂವ್ಚ್ಯಾ ಆಯ್ತಾರಾ ಆಕ್ಟೋಬರ್ 16 ತಾರಿಕೆರ್ ಥಾವ್ನ್ ಆಯ್ತಾರಾಚಿ ದೊತೊರ್ನ್ ತಶೆಂಚ್ ಆಲ್ತಾರ್ ಭುಗ್ರ್ಯಾಂಚಿ ಜಮಾತ್ ಪ್ರಾರಂಭ್ ಕರ್ತಾಂವ್. ಯೆಂವ್ಚ್ಯಾ ಆಯ್ತಾರಾ ದೊತೊರ್ನಿಕ್ ಯೆತಾನಾ ಭುರ್ಗ್ಯಾಂನಿ ಮಿಸಾಂವಾಂಚೆ ಕರ್ಡಂ ಪಾಟಿಂ ಹಾಡ್ನ್ ದಿಂವ್ಚೆಂ.
ಆಕ್ಟೋಬರ್ 23 ತಾರಿಕೆರ್ ಆಯ್ತಾರಾ ಐಸಿವೈಎಮ್ ಸಾಂದೆ ಬಜ್ಜೋಡಿ ಪುಟ್‍ಬೋಲ್ ಕಪ್-2022 ನಾಂವಾರ್ ಸಿಟೆ ಎರೆನಾ ಗ್ರಾಂಡಾರ್ ಅಂತರ್ ಫಿರ್ಗಜ್ ಫುಟ್‍ಬೋಲ್ ಮ್ಯಾಚ್ ಆಸಾ ಕರ್ತಾ. ತಾಂಕಾ ಆಮಿ ಬರೆಂ ಮಾಗ್ತಾಂವ್ ತಶೆಂಚ್ ತಾಂಕಾಂ ತುಮ್ಕಾ ಸಹಕಾರ್ ತಶೆಂಚ್ ಸ್ಪೋನರ್ ರಾವುನ್ ಆದಾರ್ ದೀಂವ್ಕ್ ವಿನಂತಿ ಕರ್ತಾಂವ್.
ಯೆಂವ್ಚ್ಯಾ ಆಯ್ತಾರಾ ಆಕ್ಟೋಬರ್ 16 ತಾರಿಕೆರ್ ಮಾಲ್ಘಡ್ಯಾಂಚೊ ದೀಸ್ ಆಚರಣ್ ಕರ್ತಾಂವ್. 9.15 ವೊರಾರ್ ಮೀಸ್, ಪವಿತ್ರ್ ತೆಲಾನ್ ಮಾಖ್ಣಿಂ ತಶೆಂಚ್ ಮಾಗ್ಣೆಂ ಆಸ್ತೆಲೆಂ ಉಪ್ರಾಂತ್ ಹೊಲಾಂತ್ ಸಾಂಗಾತ್ಪಣ್ ತಶೆಂಚ್ ಜೆವಣ್ ಆಸ್ತೆಲೆಂ.
6.30 ವೊರಾರ್ ಕುರೊವ್ ಮಂಡಳಿಚಾ ಸಾಂದ್ಯಾಂಕ್, 8ವೊರಾಂಚಾ ಮಿಸಾಚಿ ಲಿತುರ್ಜಿ: ಬಾಳೊಕ್ ಜೆಜು