ಸಗ್ಳೊ ಹಫ್ತೋ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಲಾಸಾಂ. ಜುಜೆ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ಕುರೊವ್ ಮಂಡಳಿ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಧಾವ್ಯಾ ಕ್ಲಾಸಿಚ್ಯಾ ಭುಗ್ರ್ಯಾಂನಿ ಲಿತುರ್ಜಿ ಚಲವ್ನ್ ವರ್ಚಿ. ಸಾತ್ವ್ಯಾ ಕ್ಲಾಸಿಚ್ಯಾ ಭುಗ್ರ್ಯಾಂನಿ ವೆದಿ ಸೆವಾ ಕರ್ಚಿ. ಹಫ್ತ್ಯಾಮಧೆಂ ಕಾರ್ಮೆಲ್ ವಾಡ್ಯಾಗಾರಾಂನಿ ಲಿರ್ತುಜೆಚಿ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ವಾಡ್ಯಾಂತ್ ಪ್ರತಿನಿಧಿಚೆಂ ಚುನಾವ್ ಬರ್ಯಾನ್ ಜಾಲಾಂ. ಚುನಾವ್ ಚಲೊನ್ ವ್ಹರುಂಕ್ ಸಾಂಗಾತ್ ದಿಲ್ಲ್ಯಾ ಚುನಾವ್ ಸಮಿತಿಕ್, ವಾಡ್ಯಾಚಾ ಗುರ್ಕಾರ್/ರ್ನಿಕ್, ವಾಡ್ಯಾಗಾರಾಂಕ್ ಧಿನ್ವಾಸ್. ವಾಡ್ಯಾ ಥಾವ್ನ್ ವಿಂಚುನ್ ಆಯಿಲ್ಲ್ಯಾ ಪ್ರತಿನಿಧಿಚಿಂ ನಾಂವಾಂ ಹ್ಯಾ ಪರಿ ಆಸಾತ್. ವೆಲಂಕಣಿ ವಾಡ್ಯಾ ಥಾವ್ನ್ ಶ್ರೀಮತಿ ಗ್ರೇಸಿ ಫೆರ್ನಾಂಡಿಸ್ ಆನಿ ಶ್ರೀ ಸಚಿನ್ ಮಿನೇಜಸ್. ಸಾಂ ಅಂತೊನ್ ವಾಡ್ಯಾ ಥಾವ್ನ್ ಶ್ರೀ ಆಲ್ಬನ್ ರಸ್ಕೀನ್ಹಾ ಆನಿ ಶ್ರೀಮತಿ ರೇಶ್ಮಾ ಪಿಂಟೊ, ಬಾಳ್ ಮರಿ ವಾಡ್ಯಾ ಥಾವ್ನ್ ಶ್ರೀ ವಿನೋದ್ ರೋಶನ್ ಡಿಸೋಜಾ ಆನಿ ಶ್ರೀಮತಿ ಸುಮಿತಾ ಡಿಸೋಜಾ, ಲ್ಹಾನ್‍ಫುಲ್ ವಾಡ್ಯಾ ಥಾವ್ನ್ ಶ್ರೀ ವಲೇರಿಯನ್ ಮೊನಿಸ್ ಆನಿ ಶ್ರೀಮತಿ ವಾಯ್ಲೆಟ್ ಡಿಮೆಲ್ಲೊ, ಸಾಂ ಜುಜೆ ವಾಡ್ಯಾ ಥಾವ್ನ್ ಶ್ರೀಮತಿ ಡೈನಾ ರೆಬೆಲ್ಲೊ ಆನಿ ಶ್ರೀಮತಿ ಹಿಲ್ಡಾ ಡಿಕುನ್ಹಾ, ಪವಿತ್ರ್‍ಕಾಳಿಜ್ ವಾಡ್ಯಾ ಥಾವ್ನ್ ಶ್ರೀ ರೊನಾಲ್ಡ್ ಗೋವಿಯಸ್ ಆನಿ ಶ್ರೀಮತಿ ಜೆಸ್ಸಿಕಾ ಜುಲಿಯಾನಾ ಮೆಂಡೊನ್ಸಾ, ಬಾಳೊಕ್ ಜೆಜು ವಾಡ್ಯಾ ಥಾವ್ನ್ ಶ್ರೀಮತಿ ಸೀಮಾ ಜೊವಿಯಾ ಕಾರ್ಲೊ ಆನಿ ಶ್ರೀ ಗ್ರಿಪ್ಪನ್ ಆ್ಯಂಟನಿ ಡಿಸೋಜಾ, ಅವಿಲಾ ವಾಡ್ಯಾ ಥಾವ್ನ್ ಶ್ರೀಮತಿ ರೂಪಾ ಶೈಲಾ ಕುಟಿನ್ಹಾ ಆನಿ ಶ್ರೀಮತಿ ಕ್ಲೆರೆನ್ಸ್ ಲೀನಾ ಡಿಸೋಜಾ, ಲೂಡ್ರ್ಸ್ ವಾಡ್ಯಾ ಥಾವ್ನ್ ಶ್ರೀಮತಿ ಜೋಯ್ಸ್ ಲೂಸಿ ರೊಡ್ರಿಗಸ್ ಆನಿ ಗ್ಲೆನ್ ತರುಣ್ ಲಸ್ರಾದೊ, ಕಾರ್ಮೆಲ್ ವಾಡ್ಯಾ ಥಾವ್ನ್ ಶ್ರೀ ಮೆಲ್ವಿನ್ ಪ್ಲಾಸಿಡ್ ಲೋರೆನ್ಸ್ ಡಿಸೋಜಾ ಆನಿ ಶ್ರೀಮತಿ ಜುಲಿಯಾನಾ ಫೆರ್ನಾಂಡಿಸ್. ತುಮ್ಕಾಂ ಸರ್ವಾಂಕ್ ಉಲ್ಲಾಸ್ ಪಾಟಯ್ತಾಂ.
ನವ್ಯಾ ಗೊವ್ಳಿಕ್ ಪರಿಷದೆಚಿ ಪಯ್ಲಿ ಜಮಾತ್ ತಶೆಂಚ್ ಗೊವ್ಳಿಕ್ ಪರಿಷದೆಚಾ ನವ್ಯಾ ಹುದ್ದೆದಾರಾಂಚೆ ಚುನಾವ್ ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾ ಉಪ್ರಾಂತ್ ಆಸ್ತೆಲೆಂ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾ ಹಾಜರ್ ಜಾಂವ್ಚೆಂ.
ಸ್ಪೋಟ್ಸ್ ಆಸ್‍ಲ್ಲ್ಯಾನ್ ಫಾಲ್ಯಾಂ ಸಾಂಜೆರ್ ಆರಾಧಾನ್ ಆನಿ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆಸ್ಚೆಂ ನಾ.
ಯೆಂವ್ಚ್ಯಾ ಹಪ್ತ್ಯಾಂತ್ ಫೆಸ್ತಾಂ: ಡಿಸೆಂಬರ್ 6 ತಾರಿಕೆರ್ ಮಂಗ್ಳಾರಾ ಭಾಗೆವಂತ್ ನಿಕ್ಲಾಂವ್, ಧರ್ಮಾಧಕ್ಷ್, ಸ್ಮರಣ್; ದಶೆಂಬರ್-7 ತಾರಿಕೆರ್ ಬುದ್ವಾರಾ ಸಾಂ. ಅಂಬ್ರೊಜ್, ಧರ್ಮಾದಕ್ಷ್ ಆನಿ ಧರ್ಮ್‍ಶಾಸ್ತ್ರಿ, ಸ್ಮರಣ್; ದಶೆಂಬರ್-8 ತಾರಿಕೆರ್ ಬ್ರೇಸ್ತಾರಾ ಬಾಗೆವಂತ್ ಅಂಕ್ವಾರ್ ಮರಿಯೆಚೊ ನಿಷ್ಕಂಳಕ್ ಗರ್ಭ್‍ಸಂಭಮ್ ಫೆಸ್ತ್.
ಸೊಮಾರಾ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್. ಘರ್ಚ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ.
ಯೆಂವ್ಚ್ಯಾ ಆಯ್ತಾರಾ ದೊತೊರ್ನಿಚಾ ವೆಳಾರ್ ಭುರ್ಗ್ಯಾಂಕ್ ಕುಮ್ಸಾರಾ ಆಸ್ತೆಲಿಂ.
ಡಿಸೆಂಬರ್ 17 ತಾರಿಕೆರ್ ಸನ್ವರಾ ಸಾಂಜೆರ್ 5ವೊರಾರ್ ಫಿರ್ಗಜ್ಗಾರಾಂಕ್ ಕುಮ್ಸಾರಾಂ ಆಸ್ತೆಲಿಂ ಕುಮ್ಸಾರಾಂ ಉಪ್ರಾಂತ್ ಮೀಸ್ ಆಸ್ತೆಲೆಂ.
ಡಿಸೆಂಬರ್ 18 ಆಯ್ತಾರಾ ಇಗರ್ಜ್ ನಿತಳಾಯ್ ಕರುಂಕ್ ಆಸ್ತೆಲಿ.
ಕ್ರಿಸ್ಮಸ್ ಆನಿ ನವ್ಯಾ ವರ್ಸಾಚಾ ಸಂಭ್ರಮಾಚಿ ಲಿತುರ್ಜೆಚಿ ಮಾಂಡಾವಾಳ್, ಕ್ರಿಸ್ಮಸ್ ಫೆಸ್ತಾಚಿ ಜವಬ್ದಾರಿ ನೋಟಿಸ್ ಬೊರ್ಡಾರ್ ಘಾಲ್ಯಾ ತಿ ತುಮಿ ಪಳೆಂವ್ಚಿ ಆನಿ ಜೊಕ್ತಿ ತಯಾರಾಯ್ ಕರ್ಚಿ.
ಹ್ಯಾ ಮಹಿನ್ಯಾಂತ್ ದೋನ್ ಸ್ಪರ್ಧೆ ಆಸಾ ಕೆಲ್ಯಾತ್. ಕ್ರಿಸ್ಮಸ್ ಟ್ರೀ ಸ್ಪರ್ಧೊ ಆನಿ ನತಾಲ್ ನೆಕೆತ್ರ್ ಸ್ಫರ್ದೊ. ನಾಂವಾಂ ದೀಂವ್ಕ್ ನಿಮಾಣಿ ತಾರಿಕ್ ದಶೆಂಬರ್ 15.
ಫಿರ್ಗಜ್ ಪತ್ರ್, ಡಿಸೆಂಬರಾಚಾ ವಿಶೇಷ್ ಅಂಕ್ಯಾಂಕ್ ಲೇಖನಾಂ ತಶೆಂಚ್ ಜಾಹೀರಾತಾಂ ದಿತೆಲ್ಯಾಂನಿ ವಾಡ್ಯಾವಾರ್ ಕುರೊವ್ ಪ್ರತಿನಿಧಿಲಾಗಿಂ ದೀಂವ್ಕ್ ವಿನಂತಿ.
ಆಜ್/ಫಾಲ್ಯಾ: ಪದ್ವಾ ಗೌಂಡ್ರಾರ್ ಫಿರ್ಗಜೆಚೊ ವಾರ್ಶಿಕ್ ಸ್ಪೋಟ್ಸ್. ಲ್ಹಾನಾ ಥಾವ್ನ್ ವ್ಹಡಾ ಪರ್ಯಾಂತ್ 14 ಸ್ಪರ್ಧೆ ಆಸಾ ಕೆಲ್ಯಾತ್. ಜಾತಾ ತಿತ್ಲ್ಯಾ ಜಣಾಂನಿ ಹ್ಯಾ ಸ್ಪಧ್ರ್ಯಾಂತ್ ಭಾಗ್ ಘೆಂವ್ಕ್ ವಿನಂತಿ ಕರ್ತಾಂವ್. ಫಾಲ್ಯಾಂ ಸಕಾಳಿಂ 6.30ವೊರಾಚೆಂ ಏಕ್ ಮೀಸ್ ಮಾತ್ರ್ ಆಸ್ತೆಲೆಂ. ದುಸ್ರೆಂ ಮೀಸ್ ಆಸ್ಚೆನಾಂ. ಫಾಲ್ಯಾಂ ಸಕಾಳಿಂ 8.30ವೊರಾರ್ ಪದ್ವಾ ಗ್ರೌಂಡಾರ್ ಉಗ್ತಾವಣೆಚೆ ಕಾರ್ಯೆಂ. ಬಾಪ್ ರೊವೆಲ್ ಡಿಸೋಜಾ, ಮುಕೆಲ್ ಸಯ್ರೆ ಜಾವ್ನ್ ಹಾಜರ್ ಆಸ್ತೆಲೆ. ವಾಡ್ಯಾವಾರ್ ಮಾರ್ಚ್ ಪಾಸ್ಟ್ ಉಪ್ರಾಂತ್ ವಿವಿಧ್ ಖೆಳಾಂತ್ ಸಾಂಜ್ ಪರ್ಯಾಂತ್ ಸಾಂಗಾತ್ ದಿಂವ್ಚೊ.
ಹರ್ಯೇಕಾ ವರ್ಸಾ ಕುಟ್ಮಾಕ್ ಭೆಟ್ ದೀಂವ್ಕ್ ಆನಿ ಕುಟ್ಮಾಂ ಸಾಂಗಾತಾ ಮಾಗೊಂಕ್ ದೋನ್ ಆವ್ಕಾಸ್ ಆಮ್ಕಾಂ ಲಾಭ್ತಾತ್. ಪಯ್ಲೊ ಆವ್ಕಾಸ್ ವಾಡ್ಯಾವಾರ್ ಕ್ಯಾರಲ್ಸ್. ಹರ್ಯೇಕಾ ಘರಾಂತ್ ಕುಟ್ಮಾಸಾಂಗಾತಾ ಮಾಗ್ಣೆಂ ಗಿತಾಂ ಆನಿ ಆಶೀರ್ವಾದ್. ಡಿಸೆಂಬರ್ 5 ತಾರಿಕೆರ್ ಥಾವ್ನ್ ವಾಡ್ಯಾವಾರ್ ಕ್ಯಾರಲ್ನ್ ಪ್ರಾರಂಭ್ ಕರ್ತಾಂವ್. ವಾಡ್ಯಾಂತ್ ಭುಗ್ರ್ಯಾಂನಿ, ಯವಜಣಾಂನಿ, ಕೋರ್‍ಕಮಿಟಿಚಾ ಸಾಂದ್ಯಾಂನಿ, ವಾಡ್ಯಾಗಾರಾಂನಿ ಸಾಂಗಾತ್ ದೀಂವ್ಕ್ ವಿನಂತಿ ಕರ್ತಾಂವ್. ಖುಶೆಚಿ ಕಾಣಿಕ್ ದಿವ್ಯೆತ್.
ಡಿಸೆಂಬರ್ 5 ಸೊಮಾರಾ: ಬಾಳೊಕ್ ಜೆಜು ವಾಡೊ, ಡಿಸೆಂಬರ್ 6-7 ಮಂಗ್ಳಾರಾ/ಬುದ್ವರಾ: ಅವಿಲಾ ವಾಡೊ; ಡಿಸೆಂಬರ್ 8 ಬ್ರೇಸ್ತಾರಾ: ಲ್ಹಾನ್‍ಫುಲ್ ವಾಡೊ; ಡಿಸೆಂಬರ್ 9 ಸುಕ್ರಾರಾ: ಕಾರ್ಮೆಲ್ ವಾಡೊ; ಡಿಸೆಂಬರ್ 11 ಆಯ್ತಾರಾ ಪವಿತ್ರ್ ಕಾಳಿಜ್ ವಾಡೊ
ಕರ್ನಾಟಕ್ ವಿಧಾನ್ ಸಭಾ ಚುನಾವ್ ಚುನಾವ್ ಮಹಾ ಝಜ್-2023 ಆಮ್ಚೆಂ ಮುಖಾರ್ ಆಸಾ. 2023 ಎಪ್ರಿಲ್/ಮೇ ಜಾಂವ್ಕ್ ಆಸ್ಚ್ಯಾ ಚುನಾವಾಕ್ ತಯಾರಾಯ್ ಚಲೊನ್ ಆಸಾಒಟರ್ ಪಟ್ಟೆಂತ್ ನಾಂವ್ ದಾಖಲ್ ಕರುಂಕ್, ತಿದ್ದುಪಡಿ ಕರುಂಕ್ ಹೊ ಏಕ್ ನಿಮಾಣೊ ಆವ್ಕಾಸ್ ಲಾಭ್ಲಾ ದೆಕುನ್ ಜಾಗ್ರುತ್ಕಾಯ್ ಸಾಂಬಾಳ್ಚಿ. ಕೊಣಾಕ್ ವೊಟಾರ್ ಐಡಿ ಕರುಂಕ್ ಜಾಯ್ ತಾಂಚೆ ನಾಂವ್ ಆನಿ ನಂಬರ್ ಫಿರ್ಗಜ್ ಧಪ್ತರಾ ಮುಖಾರ್ ದವರ್ಲ್ಯಾ ಬೊಕ್ಸಾಂತ್ ಘಾಲುಂಕ್ ವಿನಂತಿ.
6.30 : ಐಸಿವೈಎಮ್ ಸಾಂದ್ಯಾಂಕ್