ಸಗ್ಳೊ ಹಫ್ತೋ ದೇವ್‍ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ಸಾಂ. ಜುಜೆ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಕಾರ್ಮೆಲ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಜೆಜುಚೆಂ ಲ್ಹಾನ್ ಫುಲ್ ವಾಡ್ಯಾಚ್ಯಾ ಐಸಿವೈಯಮ್ ಸಾಂದ್ಯಾಂನಿ ದುಸ್ರ್ಯಾ ಮಿಸಾಕ್ ಬಾಳೊಕ್ ಜೆಜು ವಾಡ್ಯಾಗಾರಾಂನಿ ದೇವ್‍ಸ್ತುತೆಕ್ ಮಾಂಡಾವಳ್ ಕರ್ಚಿ.
ಫಾಲ್ಯಾಂ ಸಾಂಜೆರ್ ಪವಿತ್ರ್‍ಸಭೆಚೆ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ. ದೇವ್ ಆಪೊವ್ಣ್ಯಾ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.
ವಾಡ್ಯಾ ಜಮಾತ್: ಜೆಜುಚೆಂ ಪವಿತ್ರ್ ಕಾಳಿಜ್ ವಾಡೊ, ಸಿರಿಲ್ ಮೆಲಿಟಾ ರಸ್ಕೀನ್ಹಾ-4.30ವೊರಾರ್
ಮಾರ್ಚಾಚಾ 1ತಾರಿಕೆರ್ ದಿಯೆಸೆಜಿ ಹಂತಾರ್ ಜಿವ್ಘಾತ್ ಆಡಾವ್ಣೆ ದೀಸ್ ಆಚರಣ್ ಕರ್ತಾಂವ್. ತ್ಯಾ ದಿಸಾಚಿ ದೇವ್‍ಸ್ತುತಿ ಹ್ಯಾ ವಿಷಯಾಕ್ ಸಂ¨ಂದ್ ಜಾಲ್ಲಿ ಜಾವ್ನಾಸ್ತೆಲಿ. ಜಿವ್ಘಾತ್ ಆಡಾಂವ್ಚೆ ವಿಶಿಂ ಮಾಹೆತ್ ದಿಂವ್ಚಿಂ ಹಾತ್ ಪತ್ರಾಂ ಭಾಯ್ರ್ ಆಸಾತ್. ತುಮಿ ವಾಚಾ ಆನಿ ಹೆರಾಂಕ್‍ಯೀ ದಿಯಾ. ತ್ಯಾ ದೀಸ್ ತುಮಿ ಆಫಿಸಾಕ್, ಇಸ್ಕೊಲಾಕ್, ತಶೆಂಚ್ ಬಾಯ್ರ್ ವೆತಾನಾ ತುಮ್ಕಾಂ ಎದೊಳ್‍ಚ್ ದಿಲ್ಲಿಂ ಹಳ್ದುವಿಂ ರಿಬ್ಬನ್ ಘಾಲ್ನ್ ಜೀವ್ಘಾತ್ ಆಡೊಂವ್ಚ್ಯಾ ಅಭಿಯಾನಾಕ್ ಸಹಕಾರ್ ದಿಂವ್ಚೊ. ಚಡಿತ್ ವಿವರ್ ನೋಟಿಸ್ ಬೋರ್ಡಾರ್ ಆಸಾ.
ಮಾರ್ಚಾಚಾ 2 ತಾರಿಕೆ ಥಾವ್ನ್ ಘರ್ ಬೆಜ್ಮಾಂತಾ ಪ್ರಾರಂಭ್ರ್ ಕರ್ತಾಂವ್. ವಾಡ್ಯಾಚಾ ಗುರ್ಕಾರ್/ರ್ನಿನ್ ಮ್ಹಾಕಾ ಮೇಳ್ನ್ ಕುಟ್ಮಾಚೊ ವಿವರ್ ದೀವ್ನ್ ತುಮ್ಚ್ಯಾ ತುಮ್ಚ್ಯಾ ವಾಡ್ಯಾಕ್ ದೀಸ್ ಆನಿ ವೇಳ್ ನಮಿಯೆರ್ಚೊ. ದೀಸ್ ಆನಿ ವೇಳ್ ಪಯ್ಲೆಂಚ್ ತಿಳ್ಸಿತಾಂವ್ ಜಾಲ್ಲ್ಯಾನ್ ಕುಟ್ಮಾಚಾ ಸಾಂದ್ಯಾಂನಿ ತ್ಯಾ ದಿಸಾ ಮಾಗ್ಣ್ಯಾಕ್ ಹಾಜರ್ ಜಾಂವ್ಚೆಂ.
ದೊತೊರ್ನಿಚೊ ದೀಸ್ ಬರ್ಯಾನ್ ಆಚರಣ್ ಕರುಂಕ್ ಸಹಕಾರ್ ದಿಲ್ಲ್ಯಾ ಸರ್ವ್ ಶಿಕ್ಷಕ್ ಶಿಕ್ಷಕಿಂಕ್, ಭುರ್ಗ್ಯಾಂಕ್ ವ್ಹಡಿಲಾಂಕ್ ದೇವ್‍ಬರೆಂ ಕರುಂ. ತ್ಯಾ ದಿಸಾ ಜಾಲ್ಲೊ ಖರ್ಚ್: 20,230/-
ಯೆಂವ್ಚೊ ಬುದ್ವಾರ್ ಸಿಂಜಿಚೊ ಬುದ್ವಾರ್. ಜಿಂಜ್ವಾರಾಚೊ ಕಾಯ್ದೊ ಪಾಳ್ಚೊ. ತ್ಯಾ ದೀಸ್ ದೋನ್ ಮಿಸಾಂ ಆಸ್ತೆಲಿಂ. ಸಕಾಳಿಂ 6.30 ವೊರಾರ್ ಆನಿ ಸಾಂಜೆರ್ 6.00 ವೊರಾರ್. ಕರೆಜ್ಮಾಚ್ಯಾ ದಿಸಾಂನಿ ಹರ್ಯೇಕಾ ಸುಕ್ರಾರಾ 5.30ವೊರಾರ್, ಸನ್ವಾರಾ 5 ವೊರಾರ್ ಆನಿ ಆನಿ ಆಯ್ತಾರಾ 9 ವೊರಾರ್ ಖುರ್ಸಾವಾಟ್ ಆಸ್ತೆಲಿ. ಜವಾಬ್ದಾರಿ ಘೆತ್‍ಲ್ಲ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ.
ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾ ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಜಮಾತ್ ಆಸ್ತಲಿ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾನಾ ಹಾಜರ್ ಜಾಂವ್ಚೆಂ.