ಸಗ್ಳೊ ಹಫ್ತೋ ದೇವ್‍ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ಕಾರ್ಮೆಲ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಬಾಳೊಕ್ ಜೆಜು ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಸಾಂ.ವಿಶೆಂತ್ ಪಾವ್ಲ್ ಸಭಾ ಸಾಂದ್ಯಾಂನಿ ದುಸ್ರ್ಯಾ ಮಿಸಾಕ್ ಸೆಕುಲರ್ ಕಾರ್ಮೆಲಿತ್ ಸಾಂದ್ಯಾಂನಿ ದೇವ್‍ಸ್ತುತೆಕ್ ಮಾಂಡಾವಳ್ ಕರ್ಚಿ.
ಐಸಿವೈಯಮ್ ಸಾಂದ್ಯಾಚೆಂ ಮೀಟಿಂಗ್ ಪಯ್ಲ್ಯಾ ಮಿಸಾ ಉಪ್ರಾಂತ್ ಆಸ್ತೆಲೆಂ.
ಮಹಿನ್ಯಾಚೊ ಪಯ್ಲೊ ಆಯ್ತಾರ್ ಸಕಾಳಿಂ ಆರಾಧಾನ್ ಆಸ್ಚೆನಾಂ. ಸಾಂಜೆರ್ ಪವಿತ್ರ್‍ಸಭೆಚೆ ಮಾಗ್ಣೆಂ ಆನಿ ಆರಾಧಾನ್ ಆಸ್ತಲೆಂ. ಫಾಲ್ಯಾಂ ಜಿವ್ಘಾತ್ ಆಡೊವ್ಣೆ ದೀಸ್ ಜಾಲ್ಲ್ಯಾನ್ ಹ್ಯಾ ತೆಸಾಂವಾಂ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.
ಸೊಮಾರಾ ಸಕಾಳಿಂ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್. ಘರಾಂನಿ ಜೊಕ್ತಿ ತಯಾರಾಯ್ ಕರ್ಚಿ.
ಮಾರ್ಚಾಚಾ 2 ತಾರಿಕೆ ಥಾವ್ನ್ ಘರ್ ಬೆಜ್ಮೆಂತಾ ಪ್ರಾರಂಭ್ರ್ ಕರ್ತಾಂವ್. ಸದಾಂಯ್ ಸಾಂಜೆರ್ 6.30ವೊರಾಂ ಥಾವ್ನ್ 9ವೊರಾಂ ಪರ್ಯಾಂತ್. ಸೊಮಾರಾ ಮಾರ್ಚಾಚಿ 2 ತಾರಿಕ್ ಕಾರ್ಮೆಲ್ ವಾಡೊ, ಮಾರ್ಚ್ 3 ಮಂಗ್ಳಾರಾ ಬಾಳೊಕ್ ಜೆಜು ವಾಡೊ; ಮಾರ್ಚ್ 4 ಬುದ್ವಾರಾ ಲ್ಹಾನ್‍ಫುಲ್ ವಾಡೊ, ಮಾರ್ಚ್ 5 ಬ್ರೆಸ್ತಾರಾ ಪವಿತ್ರ್‍ಕಾಳಿಜ್ ವಾಡೊ; ಮಾರ್ಚ್ 6 ಸುಕ್ರಾರಾ ಲೂಡ್ರ್ಸ್ ವಾಡೊ. ಘರಾ ಬೆಜ್ಮೆಂತಾ ವೆಳಾರ್ ಘರ್ಚ್ಯಾ ಸಾಂದ್ಯಾಂನಿ ಹಾಜರ್ ಜಾಂವ್ಚೆಂ, ಘರಾ ನಿತಳ್ ದವರ್ಚೆಂ, ಪವಿತ್ರ್‍ಪುಸ್ತಕಾಚೆ ವಾಚಾಪ್, ಮಾಗ್ಣಿಂ ಆಯ್ತಿಂ ದವರ್ಚಿಂ. ಖುಶೆಚಿ ಕಾಣಿಕ್ ದಿವ್ಯೆತ್. ಪ್ರಾಚಿತ್ ಕಾಳಾರ್ ಆಸಾಂವ್ ಜಾಲ್ಲ್ಯಾನ್ ಹೊ ಐವಜ್ ಗರ್ಜೆವಂತ್ ಕುಟ್ಮಾಕ್ ಆಮಿ ದಿತೆಲ್ಯಾಂವ್.
ಪಯ್ಲ್ಯಾ ಮಿಸಾ ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಜಮಾತ್ ಆಸ್ತಲಿ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾನಾ ಹಾಜರ್ ಜಾಂವ್ಚೆಂ.
ಯೆಂವ್ಚ್ಯಾ ಬುದ್ವಾರಾ 4ತಾರಿಕೆರ್ ಲ್ಹಾನ್ ಕ್ರೀಸ್ತಿ ಸಮುದಾಯ್ ಸಮಿತಿ ಜಮಾತ್ 5.30ವೊರಾರ್ ಆಸ್ತೆಲಿ.
ಫಿರ್ಗಜ್ ಪತ್ರ್:ಬಜ್ಜೋಡಿಚೊ ಕುರೊವ್ ಪಾಸ್ಕಾಂ ಫೆಸ್ತಾಚ್ಯಾ ಅಂಕ್ಯಾಕ್ ವಿಂಚ್ಲಲೊ ವಿಷಯ್-ಮನ್ಶಾಜಿವಾಕ್ ಮಾನ್ ಆನಿ ಗೌರವ್. ಹ್ಯಾ ವಿಷಯಾಕ್ ಸಂಬಂಧ್ ಜಾಲ್ಲಿಂ ಕವನಾಂ, ಲೇಕನಾಂ, ವಾಡ್ಯಾಚಿ ಸಂಘ್‍ಸಂಸ್ಥ್ಯಾಚಿ ವರ್ದಿ- ತಸ್ವಿರ್ಯೊ, ಜಾಹೀರಾತಾಂ ಮಾರ್ಚಾಚಾ 22 ತಾರಿಕೆ ಭಿತರ್ ದೀಂವ್ಕ್ ವಿನಂತಿ.
ಫಾಲ್ಯಾಂ ಆಲ್ತಾರ್ ಭುರ್ಗ್ಯಾಂಕ್ ಪಿಕ್ನಿಕ್ ಆಸಾ ಕೆಲಾಂ. ನಾಂವಾಂ ದಿಲ್ಲ್ಯಾ ಭುರ್ಗ್ಯಾಂನಿ ಸಕಾಳಿಂ 8.30ವೊರಾರ್ ಇಗರ್ಜೆಲಾಗಿಂ ಯೆಂವ್ಚೆಂ.
ಖುರ್ಸಾವಾಟೆರ್ ಕ್ರಿಸ್ತಾಚಿ ಭೆಟ್ ನವ್ಯಾ ಖುರ್ಸಾವಾಟೆಚೊ ಬೂಕ್ ಹಾಂಗಾಸರ್ ಆಸಾತ್. ಮೋಲ್ 50/. ತುಮಿಂ ತೊ ಘೆಂವ್ಚೊ.
ಸಾಂ.ವಿಶೆಂತ್ ಪಾವ್ಲ್ ಸಭಾ ರುಜಾಯ್ 46ವೆ ಪಾವ್ಟಿಂ ಮಾಂಡುನ್ ಹಾಡ್ತಾ ಸಾಮೂಹಿಕ್ ಕಾಜಾರಾಂ. ನಾವಾಂ ದಾಖಲ್ ಕರುಂಕ್ ನಿಮಾಣಿ ತಾರೀಕ್ ಎಪ್ರಿಲಾಚಿ 14. ಚಡಿತ್ ವಿವರಾಕ್ ನೋಟಿಸ್ ಬೋರ್ಡ್ ಪಳಂವ್ಚೊ