ಅದ್ಲ್ಯಾ ಆಯ್ತಾರಾ ಮಿಸಾಂಚೆರ್ ಜಮೊ ಜಾಲ್ಲಿ ಕಾಣಿಕ್ 7748/ರುಪಯ್. ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ವೆಲಂಕಣಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಸಾಂ.ಅಂತೊನ್ ವಾಡ್ಯಾಗಾರಾಂನಿ ಕರ್ಚಿ. ಪೊರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಸಾಮಾಜಿಕ್ ಆನಿ ಸಾಂಸ್ಕೃತಿಕ್ ಸಮಿತಿ ಸಾಂದ್ಯಾಂನಿ, ದುಸ್ರ್ಯಾ ಮಿಸಾಕ್ ಸಾಂ.ಜುಜೆ ವಾಡ್ಯಾಗಾರಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ. ಡಿಸೆಂಬರ್ 24 ಆಯ್ತಾರಾ ಆನಿ ಡಿಸೆಂಬರ್ 31 ತಾರಿಕೆರ್ ಭುರ್ಗ್ಯಾಂಕ್ ದೊತೊರ್ನ್ ಆಸ್ಚಿನಾಂ.
ಹ್ಯಾ ಹಫ್ತ್ಯಾಂತ್ ಫಿರ್ಗಜೆಚ್ಯಾ ಉದರ್ಗತೆ ಖಾತಿರ್ ಆಯಿಲ್ಲೆಂ ದಾನ್ : ಜೂಡಿ ಪಿಂಟೊ - ಅವಿಲಾ ವಾಡೊ - 10,000/ ರುಪಯ್
ಫಿರ್ಗಜ್ ಪತ್ರ್ ಕುರೊವಾಕ್ ದಾನ್ ದಿಲಾಂ : ಹಿತಚಿಂತಕ್ – ಅವಿಲಾ ವಾಡೊ - 15,000/ ರುಪಯ್
ದಾನ್ ದಿಲ್ಲ್ಯಾಂಕ್ ದೇವ್ ಬರೆಂ ಕರುಂ ಮ್ಹಣ್ತಾಂ, ಬಾಳ್ ಮರಿಯೆಚಿಂ ಆಶೀರ್ವಾದಾಂ ತಾಂಚೆರ್ ಮಾಗ್ತಾಂ.
ಡಿಸೆಂಬರ್ (ಆಜ್/ ಫಾಲ್ಯಾಂ) 17 ತಾರಿಕೆರ್ ನತಲಾಂ ಫೆಸ್ತಾಕ್ ಅತ್ಮಿಕ್ ತಯಾರಾಯ್ ಜಾವ್ನ್ ಸಾಂಜೆರ್ 4.30 ಥಾವ್ನ್ 7.30 ವೊರಾ ಪರ್ಯಾಂತ್ ಕಾರ್ಮೆಲಿತ್ ಯಾಜಕ್ ಬಾಪ್ ಅನಿಲ್ ಪ್ರಶಾಂತ್ ಹಾಂಚೆ ಥಾವ್ನ್ ಮಟ್ವಿ ರಿತಿರ್, ಪವಿತ್ರ್ ಸಾಕ್ರಾಮೆಂತಾಚೆಂ ಅರಾಧಾನ್ ಆನಿ ಕುಮ್ಸಾರಾಂ ಆಸ್ತೆಲಿಂ. ಸರ್ವ್ ಫಿರ್ಗಜ್‍ಗಾರಾಂನಿ ಹಾಂತುನ್ ಭಾಗ್ ಘೆವ್ನ್ ಅತ್ಮಿಕ್ ರಿತಿನ್ ತಯಾರಾಯ್ ಕರ್ಚಿ.
ನತಾಲಾಂಚೆ ಫೆಸ್ತ್ ಡಿಸೆಂಬರ್ 24 ಸಾಂಜೆರ್ 7 ವೊರಾರ್ ನತಾಲಾಂಚಿ ಗಿತಾಂ, 7.30 ವೊರಾರ್ ಫೆಸ್ತಾಚೆಂ ಸಂಭ್ರಮಿಕ್ ಮೀಸ್, ಉಪ್ರಾಂತ್ ಬಾಳ್ಕಾಚೊ ಉಮೊ. ತ್ಯಾ ದಿಸಾಚಿ ದೇವ್ ಸ್ತುತಿ ಮಾಂಡಾವಳ್ ವೆಲಂಕಣಿ, ಬಾಳ್ ಮರಿ, ಕಾರ್ಮೆಲ್, ಜೆಜುಚೆಂ ಪವಿತ್ರ್ ಕಾಳಿಜ್ ಆನಿ ಸಾಂ.ಜುಜೆ ವಾಡ್ಯಾಗಾರಾಂಕ್. ಕಾಣಿಕೊ ಹಾಡುಂಕ್ ಅವಿಲಾಚಿ ಸಾಂ.ತೆರೆಜ್, ಬಾಳೊಕ್ ಜೆಜು, ಲೂಡ್ಸ್, ಸಾಂ.ಅಂತೊನ್ ಆನಿ ಜೆಜುಚೆಂ ಲ್ಹಾನ್ ಫುಲ್ ವಾಡ್ಯಾಗಾರಾಂಕ್ ಆಸ್ತೆಲಿ. ಮಿಸಾ ಉಪ್ರಾಂತ್ ಮಟ್ವೆಂ ಕಾರ್ಯೆಂ ಆಸ್ತೆಲೆಂ, ದೆಕುನ್ ಸರ್ವಾಂನಿ ಏಕ್ ಸಮುದಾಯ್ ಜಾವ್ನ್ ಥೊಡೊ ವೇಳ್ ಸಾಂಗಾತಾ ಸಂತೊಸ್ ವಾಂಟುನ್ ಘೆಂವ್ಚೊ. ಹಾಂತುನ್ ಸಾಂತಾ ಶೋ, ಸೋಟ್ ಗೇಮ್ಸ್, ಏಲಂ ಅನಿ ಹೌಸಿ ಹೌಸಿ ತಶೆಂಚ್ ಡ್ಯಾನ್ಸ್ ಆಸ್ತೆಲೆಂ.
ಡಿಸೆಂಬರ್ 25 ತಾರಿಕೆರ್ ಸೊಮಾರಾ ಸಾಕಾಳಿಂ 7.30 ವೊರಾರ್ ಮೀಸ್ ಆಸ್ತೆಲೆಂ.
ಕ್ರಿಸ್‍ಮಸ್ ಡೆಕೊರೇಶನಾಚಿ ಜವಾಬ್ದಾರಿ
ಗರ್ದನಾಚೊ ಗೊಟೊ: ಕಿರಣಾಚ್ಯಾ ಮುಕೇಲ್ಪಣಾಖಾಲ್‍ ಗೊವ್ಳಿಕ್ ಪರಿಷದ್ ಸಾಂದೆ ಆನಿ ಐಸಿವೈಯಮ್
ನೆಕೆತ್ರ್ ಕರುಂಕ್: ದೀಪಕ್ ಆನಿ ಪಂಗಡ್
ಅಲ್ತಾರ್ ಸೊಬಂವ್ಕ್: ಹೊಲಿ ಸ್ಪಿರಿಟ್ ಸಿಸ್ಟರಾಂ
ಡಿಸೆಂಬರ್ 22 ಸಾಂಜೆರ್: ಇಗರ್ಜ್ ಸೊಬಂವ್ಕ್: ಸೆಕುಲರ್ ಕಾರ್ಮೆಲ್, ಮರಿಯೆಚೆಂ ಲೀಜನ್, ಅಲ್ತಾರ್ ಭುರ್ಗಿಂ.
ಇಗರ್ಜೆ ಭಾಯ್ರ್ ನೆಕೆತ್ರಾಂ : ಎಸ್‍ವಿಪಿ ಸಾಂದೆ
ಭಾಯ್ರ್ ಡೆಕೊರೇಶನ್ (ಲೈಟ್ಸ್): ವೈಸಿಯಸ್
ಆಯ್ತಾರಾ ಸಕಾಳಿಂಚ್ಯಾ ಮಿಸಾ ಉಪ್ರಾಂತ್ ಸ್ಟೇಜ್ ಅನಿ ಕದೆಲಾಂ ಮಾಂಡುನ್ ದವರುಂಕ್ ಹರ್ಯೆಕಾ ವಾಡ್ಯಾ ಥಾವ್ನ್ಯ್ ತೆಗಾಂನಿ ಯೆಂವ್ಚೆಂ. (ವಾಡ್ಯಾಚಾ ಗುರ್ಕಾರಾಂನಿ ಹಿ ಜವಬ್ದಾರಿ ಘೆಂವ್ಚಿ).
ಕ್ರಿಸ್‍ಮಸ್ ನೆಕೆತ್ರ್ ಅನಿ ಗರ್ದನಾಚೊ ಗೊಟೊ ಸ್ಪರ್ಧ್ಯಾಕ್ ನಾಂವಾಂ ದೀಂವ್ಕ್ ನಿಮಾಣಿ ತಾರಿಕ್ ಡಿಸೆಂಬರ್ 18, ಆಮ್ಚ್ಯಾ ಫಿರ್ಗಜೆಚ್ಯಾ ಭುರ್ಗ್ಯಾಂನಿ ತಶೆಂಚ್ ಯುವಜಣಾಂನಿ ಸ್ಪರ್ಧ್ಯಾಂತ್ ಭಾಗ್ ಘೆಂವ್ಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ.
ವೆನಿಜಿಯಾ ಕಾರ್ಲೊನ್ ಏಷ್ಯನ್ ಪವರ್ ಲಿಫ್ಟಿಂಗ್ ಚಾಂಪಿಯನ್‍ಶಿಪಾಂತ್ 2 ಭಾಂಗಾರಾಚಿ ಪದಕಾಂ, 1 ರುಪ್ಯಾಳೆಂ ಪದಕ್ ಅನಿ 1 ಕಾಶ್ಯಾಚೆ ಪದಕ್ ಆಪ್ಣಾಯ್ಲಾಂ. ತಾಕಾ ಆಮ್ಚ್ಯಾ ಫಿರ್ಗಜೆ ತರ್ಫೆನ್ ಉಲ್ಲಾಸ್ ಆನಿ ಅಭಿನಂದನ್ ಪಾಟಯ್ತಾಂವ್.
ಇಗರ್ಜೆಚ್ಯಾ ಬೇಜ್‍ಮೆಂಟಾಂತ್ ಆನಿ ಮುಕಾರ್ ಕಸಲೆಚ್ಚ್ ಖೆಳ್ ಖೆಳೊಂಕ್ ಆವ್ಕಾಸ್ ಆಸ್ಚೆನಾಂತ್. ತಶೆಂಚ್ ಸಾಂಜೆರ್ 7 ವೊರಾಂ ಉಪ್ರಾಂತ್ ಗರ್ಜೆವಿಣೆಂ ಕಾರಣ್ ನಾಸ್ತಾನಾಂ ಕೊಣೆಂಯ್ ಥಂಯ್ಸರ್ ರಾವೊಂಕ್ ಆವ್ಕಾಸ್ ನಾಂ. ಹಿ ತಿಳ್ಸೊವ್ಣಿ ಮತಿಂತ್ ದವರ್ನ್ ಸಹಕಾರ್ ದಿಂವ್ಚೊ.
ಎದೊಳ್‍ಚ್ಚ್ ಆಮ್ಕಾಂ ಏಲಂಚೆ ವಸ್ತು ಸ್ಪೋನ್ಸರ್ ರುಪಾರ್ ಆಯ್ಲ್ಯಾತ್, ತುಮ್ಚ್ಯಾ ಉದಾರ್ ಮನಾಕ್ ದೇವ್ ಬರೆಂ ಕರುಂ ಮ್ಹಣ್ತಾಂ. ತಶೆಂಚ್ ಕ್ರಿಸ್‍ಮಸ್ ನೆಕೆತ್ರ್, ಗರ್ದನಾಚೊ ಗೊಟೊ ಆನಿ ಸಾಂತಾ ಶೋ ಹ್ಯಾ ಸ್ಪರ್ದ್ಯಾಂಚ್ಯಾ ಇನಾಮಾಂಕ್ ಸ್ಪೋನ್ಸರ್ ಜಾಯ್ ಪಡ್ಲ್ಯಾತ್. ದೆಕುನ್ ಜಾತಾ ತಿತ್ಲ್ಯಾ ವೆಗ್ಗಿಂ ತುಮಿಂ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ.
ಡಿಸೆಂಬರ್ 25 ತಾರಿಕೆರ್ ಬೆಂದುರ್ ಇಗರ್ಜೆ ಮೈದನಾಕ್ ಸಾಂಜೆರ್ 4 ವೊರಾಂ ಥಾವ್ನ್ 9 ಪರ್ಯಾಂತ್ ಫೆನ್ಸಿ ಫೆಟ್ ಆಸಾ ಕೆಲಾಂ.
(ಆಜ್ ಮಾತ್ರ್) ಆತ್ಮ ಜ್ಯೋತಿ ಆಶ್ರಮಾನ್ ಮಾಂಡುನ್ ಹಾಡ್ಚ್ಯಾ ಅಂತರ್ ಫಿರ್ಗಜ್ ಕ್ಯಾರಲ್ಸ್ ಸ್ಪಧ್ಯಾಂತ್ ಆಮ್ಚ್ಯಾ ಕೊಯರ್ ಪಂಗ್ಡಾಚೆ ಸಾಂದೆ ಭಾಗ್ ಘೆತಾತ್ ತಾಂಕಾಂ ಬರೆಂ ಮಾಗ್ತಾಂವ್. ಹೆಂ ಕಾರ್ಯೆಂ ಸಾಂಜೆರ್ 5.30 ವೊರಾರ್ ಸುರು ಜಾತಾ. ತುಮ್ಕಾಂ ಆಪವ್ಣೆಂ ಅಸಾ.