ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಲೂಡ್ಸ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ಕರ್ಚಿ. ಪೊರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಮರಿಯಾಳ್ ಲೀಜನಾಚ್ಯಾ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಪಿಯುಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಆಜ್/ಫಾಲ್ಯಾಂ ಸಾಂಜೆರ್ 7 ವೊರಾರ್‍ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಅರಾಧಾನ್ ಆಸ್ತೆಲೆಂ. ಸರ್ವ್ ಫಿರ್ಗಜ್‍ಗಾರಾಂನಿ ಹಾಜರ್ ಜಾಂವ್ಚೆಂ.
ಹ್ಯಾ ಪಾವ್ಟಿಂ ಪಿಡೆಸ್ತಾಂಕ್ ಕುಮ್ಗಾರ್ ಬುದ್ವಾರಾ 7 ತಾರಿಕೆರ್ ಹಾಡ್ನ್ ಯೆತೆಲ್ಯಾಂವ್. ಜೊಕ್ತಿ ತಯಾರಾಯ್ ಕರ್ಚಿ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ:
ಫೆಬ್ರೆರ್ 5: ಸಾಂತ್ ಅಗಾತಾ, ಫೆಬ್ರೆರ್ 6: ಸಾಂತ್ ಪಾವ್ಲ್ ಮಿಕಿ ಆನಿ ಸಾಂಗಾತಿ, ಫೆಬ್ರೆರ್ 7: ಸಾಂ ಗೊನ್ಝಾಲೊ ಗಾರ್ಸಿಯಾ, ಫೆಬ್ರೆರ್ 10: ಸಾಂ.ಸ್ಕೊಲಾಸ್ಟಿಕಾ.
ಫೆಬ್ರೆರ್ ಮಹಿನ್ಯಾಂತ್ ವಾಡ್ಯಾ ಜಮಾತ್ ಆಸಾ
ವಾಂಜೆಲ್ ಜುವಾಂವ್ 2:1-11
ಹ್ಯಾ ಮಹಿನ್ಯಾಂತ್ ವಿಷಯ್ ಆಸ್ಚೊನಾ ಪೂಣ್ ದೋನ್ ಸಂಗ್ತಿವಿಶಿಂ ತರ್ಕ್ ಚಲೊಂವ್ಕ್ ವಿನಂತಿ.
ಹೆಂ ವರ್ಸ್ ತೇರ್ಸಾಚೆಂ ಜಾಲ್ಲ್ಯಾನ್ ತೇರ್ಸಾಕ್ ಪ್ರಾಮುಖ್ಯತಾ ದಿಂವ್ಚ್ಯಾಕ್ ವಾಡ್ಯಾಂತ್ ಆನಿ ಫಿರ್ಗಜೆಂತ್ ಕಿತೆಂ ಕರ್ಯೆತ್ ಮ್ಹಣ್ ತರ್ಕ್ ಚಲವ್ನ್ ಉಪ್ರಾಂತ್ ಮಟ್ವೊ ವಿವರ್ ಬರೊವ್ನ್ ಆಫಿಸಾಕ್ ಪಾವಿತ್ ಕರ್ಚೊ.
ದುಸ್ರೊ ವಿಷಯ್: ವಾಡ್ಯಾವಾರ್ ದೇವ್ ಸ್ತುತಿ
ಪಾಟ್ಲ್ಯಾ ಥೊಡ್ಯಾ ಮಹಿನ್ಯಾ ಥಾವ್ನ್ ಕೇವಲ್ ಏಕ್ ವಾ ದೋನ್ ಸಾಂದೆ ದೇವ್ ಸ್ತುತೆಚಿ ಜವಾಬ್ದಾರಿ ಘೆತ್‍ಲ್ಲ್ಯಾ ವಾಡ್ಯಾ ಥಾವ್ನ್ ಮಿಸಾಕ್ ಹಾಜರ್ ಜಾತಾತ್. ಚಡಿತ್ ಜಣಾಂನಿ ಹಾಜರ್ ಜಾಂವ್ಚ್ಯಾಕ್ ವಾಚ್ಪಾಂ ಹರ್ಯೆಕಾ ಕುಟ್ಮಾಚ್ಯಾ ಸಾಂದ್ಯಾಂಕ್ ವಾಂಟುನ್ ದಿಂವ್ಚಿ ಅನಿ ಹಫ್ತ್ಯಾಚ್ಯಾ ದೇವ್ ಸ್ತುತೆಕ್ ಜೊಕ್ತಿ ತಯಾರಾಯ್ ಕರ್ಚಿ.
ಪಾಸ್ಕಾಂ ಫೆಸ್ತಾಕ್ ತಯಾರಾಯ್ ಜಾವ್ನ್ ಪ್ರಾಚಿತ್ ಕಾಳಾಚಿ ರೆತಿರ್ ಮಾರ್ಚ್ 2 ಥಾವ್ನ್ 4 ತಾರಿಕೆ ಮ್ಹಣಾಸರ್ ತೀನ್ ದೀಸ್ ದಿಸಾಂಚಿ ರೆತಿರ್ ಸಾಂಜೆರ್ ಆಸ್ತೆಲಿ. ಚಡಿತ್ ವಿವರ್ ಮುಕಾರ್ ತಿಳ್ಸಿತೆಲ್ಯಾಂವ್.
ಫಿರ್ಗಜೆಚೆಂ ಫೆಸ್ತ್ ಆನಿ ಸಾಂಜೆಚೆಂ ಸಾಂಸ್ಕೃತಿಕ್ ಕಾರ್ಯೆಂ ಭೋವ್ ಆಪುರ್ಬಾಯೆನ್ ಜಾಲೆಂ. ಸರ್ವ್ ರಿತಿನ್ ಸಹಕರಾರ್ ದಿಲ್ಲ್ಯಾ ಸರ್ವಾಂಕ್ ದೇವ್ ಬರೆಂ ಕರುಂ ಮ್ಹಣ್ತಾಂ. ಬಾಳ್ ಮರಿಯೆಚಿಂ ಆಶೀರ್ವಾದಾಂ ತಾಂಚೆರ್ ಭರ್ಪೂರ್ ಮಾಗ್ತಾಂ.
ಫೆಬ್ರವರಿ 11 ತಾರಿಕೆರ್ ದೊತೊರ್ನಿಚಿ ಪರೀಕ್ಷಾ ಆಸ್ತೆಲಿ ಸರ್ವ್ ಭುರ್ಗ್ಯಾಂನಿ ಬರಿ ತಯಾರಾಯ್ ಕರ್ನ್ ಕಡ್ಡಾಯ್ ಜಾವ್ನ್ ಹಾಜರ್ ಜಾಂವ್ಚೆಂ. ಆನಿ ಫೆಬ್ರವರಿ 25ಕ್ ದೊತೊರ್ನಿಚೊ ದಿವಸ್ ಆಸ್ತಲೊ. ಭುರ್ಗ್ಯಾಂಸಂಗಿಂ ವ್ಹಡಿಲಾಂನಿ ಹಾಜರ್ ಆಸೊಂಕ್ ಜಾಯ್.
ಸಿಟಿವಾರಾಡೊ ಕೊರ್ಡೆಲ್ ಫಿರ್ಗಜೆಚ್ಯಾ ಉಗ್ತ್ಯಾ ಮಾಯ್ದಾನಾರ್ “ಯೂತ್ ಸಂಡೇ” ಆಚರಣ್ ಕರ್ತಾತ್. 4 ತಾರಿಕೆರ್ ಸಾಂಜೆರ್ 4 ವೊರಾರ್ ಬಾಳೊಕ್ ಜೆಜುಚೆಂ ಪೂನ್‍ಶೆತ್ ಬಿಕರ್ಣಕಟ್ಟೆ ಹಾಂಗಾ ಥಾವ್ನ್ ದಬಾಜಿಕ್ ಪುರ್ಶಾಂವ್. ಫಿರ್ಗಜೆಥಾವ್ನ್ ಜಾತಾತಿತ್ಲ್ಯಾ ಯುವಜಣಾಂನಿ ಹ್ಯಾ ಪುರ್ಶಾವಾಂತ್ ಭಾಗ್ ಘೆಂವ್ಕ್ ವಿನಂತಿ ಕರ್ತಾಂವ್.
ಯುವಜಣಾಂಖಾತಿರ್ ಐಸಿವೈಯಮ್ ಕೇಂದ್ರಿಕ್ ಸಮಿತಿ “ಡಯಾಫರೆನ್ಸ್ 2018” ಫೆಬ್ರೆರ್ 11 ತಾರಿಕೆರ್ ಪಕ್ಷೆಕೆರೆ ಇಗರ್ಜೆ ವಠಾರಾಂತ್ ಸಕಾಳಿಂ 9 ಥಾವ್ನ್ 5ವೊರಾ ಪರ್ಯಾಂತ್ ಮಾಂಡುನ್ ಹಾಡ್ಲಾಂ. ಯುವಜಣಾಂನಿ ಹಾಚೊ ಫಾಯ್ದೊ ಜೊಡ್ಚೊ.
ಇಂಜಿನಿಯರಿಂಗ್ ಕೊಲೆಜಿಂತ್ ಸ್ಕೋಲರ್‍ಶಿಪ್ ಮೆಳಾಜಾಯ್ ತರ್ ಕೇವಲ್ ಸಿಇಟಿ ಪರೀಕ್ಷಾ ಬರಯ್ಲ್ಯಾರ್ ಪಾವಾನಾ ಕೊಮೆಡ್ ಕೆ ಪರೀಕ್ಷಾ ಬರಯ್ಜಾಯ್ ಆನಿ ಬರೆ ಅಂಕ್ ಜೊಡಿಜಾಯ್. ಹ್ಯೊ ದೊನೀ ಪರೀಕ್ಷಾ ಗರ್ಜೆಚ್ಯೊ ಮ್ಹಣ್ ಮತಿಂತ್ ದವರ್ಚೆಂ.
ಕುರೊವ್ ಜಾಹೀರಾತ್ ಮಂಡಳಿಚೆಂ ಮೀಟಿಂಗ್ ಫೆಬ್ರೆರ್ 7 ತಾರಿಕೆರ್ ಸಾಂಜೆರ್ ಆಸ್ತೆಲೆಂ.
ಫೆಬ್ರೆರ್ 18 ತಾರಿಕೆರ್ ದುಸ್ರ್ಯಾ ಮಿಸಾ ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚೆಂ ಮೀಟಿಂಗ್ ಆಸಾ. ಕಿತೆಂಚ್ ಕಾರಣ್ ದೀನಾಸ್ತಾನಾಂ ಸರ್ವ್ ಸಾಂದ್ಯಾಂನಿ ಕಡ್ಡಾಯ್ ಜಾವ್ನ್ ಹಾಜರ್ ಜಾಂವ್ಚೆಂ.
ಫೆಬ್ರೆರ್ 14 ಥಾವ್ನ್ 18 ತಾರಿಕೆ ಮ್ಹಣಾಸರ್ ಅಮಾಲ್ ಪಿಯೆವ್ಣ್ಯಾ ಥಾವ್ನ್ ಸುಟ್ಕೆಚೆಂ ಧರ್ಮಾರ್ಥ್ ಶಿಬಿರ್ ಕಾರ್ಮೆಲ್ ಗುಡ್ಯಾರ್ ಆಸಾ ಕೆಲಾಂ. ಹ್ಯಾ ಶಿಬಿರಾಚೊ ಫಾಯ್ದೊ ಜೊಡ್ಚೊ ಆನಿ ಹೆರಾಂಕ್ ತಿಳ್ಸುಂಚೆಂ.
ಮಾಂಡ್ ಸೊಭಾಣ್ ಫೆಬ್ರೆರ್ 4 ತಾರಿಕೆರ್ ಸಾಂಜೆರ್ 6.30ವೊರಾರ್ ಸಂಗೀತ್ ಸಾಂಜ್ ಮಾಂಡುನ್ ಹಾಡ್ತಾ. ತುಮ್ಕಾಂ ಮೊಗಾಚೆಂ ಅಪವ್ಣೆಂ.
ಕಥೊಲಿಕ್ ಸಭಾ ಮಂಗ್ಳುರ್ “ಕೆನರಾ ಕಥೊಲಿಕ್ ಸ್ತ್ರೀಯಾಂಚೊ ಬೃಹತ್ ಸಮಾವೇಶ್” ಮಾರ್ಚ್ 4 ತಾರಿಕೆರ್ ಸಕಾಳಿಂ 9 ಥಾವ್ನ್ 1 ವೊರಾ ಪರ್ಯಾಂತ್ ಬೆಂದುರ್ ಸೈಂಟ್ ಆಗ್ನೆಸ್ ಸ್ಪೆಶಲ್ ಸ್ಕೂಲ್ ಮೈದನಾರ್ ಮಾಂಡುನ್ ಹಾಡ್ತಾ. ಹ್ಯಾ ಸಂದರ್ಭಾರ್ ‘ಕಥೊಲಿಕ್ ಸಭಾ ಸ್ತ್ರೀ ಸಾಧನ್ ಪ್ರಶಸ್ತಿ 2018’ ಪುರಸ್ಕಾರ್ ದೀಂವ್ಕ್ ಯೆವ್ಜಿಲಾಂ. ಆಸಕ್ತ್ ಆಸ್‍ಲ್ಲ್ಯಾಂನಿ ಪ್ರಶಸ್ತ್ರೆಕ್ ನಾವಾಂ ಸೂಚವ್ಯೆತ್. ಚಡಿತ್ ವಿವರ್ ನೋಟಿಸ್ ಬೋರ್ಡಾರ್ ಆಸಾ.
ಎದೊಳ್‍ಚ್ಚ್ ದಿಯೆಸೆಜಿಚ್ಯಾ ಮಟ್ಟಾರ್ ಹೆಂ ವರಸ್ ತೇರ್ಸಾಚೆಂ ವರಸ್ ಮ್ಹಣ್ ಪಾಚಾರ್ಲಾಂ. ದೆಕುನ್ ಸರ್ವಾಂನಿ ಖಳಾನಾಸ್ತಾನಾಂ ಕುಟ್ಮಾಚೊ ತೇರ್ಸ್ ಕರ್ಚೊ ಆನಿ ಸದಾಂ ಮಿಸಾ ಪಯ್ಲೆಂ ಜಾಂವ್ಚ್ಯಾ ತೇರ್ಸಾಕ್ ಯೆಂವ್ಚೆಂ.
ಆಮ್ಚ್ಯಾ ಫಿರ್ಗಜ್ ದಫ್ತರಾಂತ್ “ಸಾಂತಿಪಣಾಚ್ಯಾ ವಾಟೆರ್” ಮ್ಹಳ್ಳೊ ಧಾರ್ಮಿಕ್ ಬೂಕ್ ಮೆಳ್ತಾ. ಹಾಂತುಂನ್ ಮಟ್ವಿ ಖುರ್ಸಾ ವಾಟ್, ಸಾಂತಾಂಚಿ ಜಿಣಿ, ವಿವಿಧ್ ನೊವೆನಾಚಿಂ ಮಾಗ್ಣಿಂ, ಮರಿಯೆಚ್ಯೊ ನೋವ್ ದೆಕಾವ್ಣ್ಯೊ, ದೈವಿಕ್ ಕಾಕುಳ್ತಿಚೊ ತೇರ್ಸ್ ಆನಿ ಹೆರ್ ಗರ್ಜೆಚಿಂ ಮಾಗ್ಣಿಂ ಆಟಾಪ್ಲ್ಯಾಂತ್. ತುಮಿ ತೊ 120/ ರುಪಯ್ ದೀವ್ನ್ ಘೆಂವ್ಚೊ. ಕೇವಲ್ 30ಬೂಕ್ ಮಾತ್ರ್ ಆಸಾತ್. ಪಯ್ಲೆಂ ಆಯ್ಲ್ಯಾಂಕ್ ಮಾತ್ರ್ ಹೊ ಬೂಕ್ ಮೆಳ್ತಲೊ.