ಸಗ್ಳೊ ಹಫ್ತೋ ದೇವ್‍ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ಲೂಡ್ಸ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ಕುಟ್ಮಾ ಆಯೋಗ್ ಸಮಿತಿಚ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಕ್ರೀಸ್ತಿ ದೊತೊರ್ನ್ ಶಿಕೊಂವ್ಚ್ಯಾ ಶಿಕ್ಷಕಾಂನಿ ದೇವ್ ಸ್ತುತಿ ಚಲವ್ನ್ ವರ್ಚಿ. ಹಫ್ತ್ಯಾಮಧೆಂ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ದೇವ್‍ಸ್ತುತೆಕ್ ಮಾಂಡಾವಳ್ ಕರ್ಚಿ.
ಆಜ್ ಸಾಂಜೆರ್ 7ವೊರಾರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ. ಭಲಾಯ್ಕಿ ಶೆತಾಂತ್ ವಾವುರ್ಚ್ಯಾ ದಾಕ್ತೆರ್, ನರ್ಸಾಂ ತಶೆಂಚ್ ಆಸ್ಪತ್ರೆಂತ್ ಸೆವಾ ದಿಂವ್ಚ್ಯಾ ಹರ್ಯೇಕ್ಲ್ಯಾ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಆಕ್ಟೋಬರ್ 28:ಸಿಮಾಂವ್ ಆನಿ ಜೂದ್ ಅಪೆÇಸ್ತಲ್, ಫೆಸ್ತ್
ಆಜ್ 8 ವೊರಾರ್ ಭುರ್ಗ್ಯಾಂಚೆ ಮೀಸ್ ತಶೆಂಚ್ ಭುರ್ಗ್ಯಾಂಕ್ ದೊತೊರ್ನ್ ಆಸ್ತೆಲಿ. ತಿಸ್ರ್ಯಾ ಕ್ಲಾಸಿ ಥಾವ್ನ್ ವೈಸಿಎಸ್ ಪರ್ಯಾಂತ್ ಹರ್ಯೇಕಾ ಭುರ್ಗ್ಯಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಕ್ ವಿನಂತಿ.
ನವೆಂಬರಾಚ್ಯಾ 4 ತಾರಿಕೆರ್ ಕ್ರೀಸ್ತಿ ಶಿಕ್ಷಕಾಂಚೊ ಪಾತ್ರೊನ್ ಚಾಲ್ರ್ಸ್ ಬೊರೊಮಿಯೊ ದೀಸ್. ಹೊ ಸಂಭ್ರಮ್ ಯೆಂವ್ಚ್ಯಾ ಆಯ್ತಾರಾ 8ವೊರಾಂಚಾ ಮಿಸಾ ವೆಳಾರ್ ಕರ್ತಾಂವ್ ಆನಿ ಶಿಕ್ಷಕಾಂ ಪಾಸತ್ ಪ್ರತ್ಯೇಕ್ ಮಾಗ್ತಾಂವ್. ಫಾಲ್ಯಾಂ ದೊತೊರ್ನ್ ಶಿಕೊಂವ್ಚ್ಯಾ ಶಿಕ್ಷಕಾಂಚಿ ಜಮಾತ್ ಸಕಾಳಿಂ 9.45ವೊರಾರ್ ಆಸ್ತೆಲಿ.
ಹೊ ಮಹಿನೊ ಮಿಸಾಂವ್ ಮಹಿನೊ. ಹ್ಯಾ ದಿಶೆನ್ ಐಸಿವೈಎಮ್ ಬಜ್ಜೋಡಿ ಘಟಕ್ ಆಲ್ತಾರ್ ಭುರ್ಗಿಂ, ವೈಸಿಎಸ್ ಚ್ಯಾ ಸಾಂಗಾತ್ಪಣಾಖಾಲ್ Wrap 2 scrap, Trash 2 Cash, Cash 2 Charity ತಶೆಂಚ್ ದಿಯೆಸಿಜೆ ಹಂತಾರ್ “Ready for the Needy” ಯೋಜನ್ ಹ್ಯಾ ಮಹಿನ್ಯಾಂತ್ ಮಾಂಡುನ್ ಹಾಡ್ಲಾಂ. ಪೇಪರಾಂ, ಪ್ಲಾಸ್ಟಿಕ್ ಬೊಟಲ್ಸ್ ತಶೆಂಚ್ Recycle ಜಾಂವ್ಚ್ಯೊ ವಸ್ತು ದೀವ್ನ್ ತುಮಿ ಸಹಕಾರ್ ದಿಂವ್ಚೊ. ಹ್ಯಾ ಮುಖಾಂತ್ ಮೆಳ್‍ಲ್ಲೊ ಐವಜ್ ಫಿರ್ಗಜೆಚಾ ಗರ್ಜೆವಂತ್ ಕುಟ್ಮಾಕ್ ಜಾವ್ನಾಸ್ತಲೊ. ಯೆಂವ್ಚ್ಯಾ ಆಯ್ತಾರಾ 31 ತಾರಿಕೆರ್ ಆಯ್ತಾರಾ ಯುವಜಣಾಂಚಿ ವಾಡ್ಯಾಚಿ ಭೆಟ್ ಬಾಳೊಕ್ ಜೆಜು, ಅವಿಲಾ, ಕಾರ್ಮೆಲ್ ಆನಿ ಲ್ಹಾನ್‍ಫುಲ್ ವಾಡೊ).
ಆಜ್ ಸಿಟಿ ವಾರಾಡ್ಯಾಚಾ ಯುವಜಣಾಂಕ್ ಸಕಾಳಿಂ 9ವೊರಾಂ ಥಾವ್ನ್ 4ವೊರಾಂ ಪರ್ಯಾಂತ್ ಶಕ್ತಿನಗರ ಇಗರ್ಜೆಚೆ ಹೊಲಾಂತ್ ಯುವೋತ್ಸಹ ಮ್ಹಳ್ಳೆಂ ಯುವಸಮಾವೇಶ್ ಮಾಂಡುನ್ ಹಾಡ್ಲಾ. ಫಿರ್ಗಜೆಚಾ ಯುವಜಣಾಂನಿ ಹ್ಯಾ ಸಮಾವೇಶಕ್ ಹಾಜರ್ ಜಾಂವ್ಕ್ ವಿನಂತಿ ಕರ್ತಾಂವ್.
ಹ್ಯಾ ಮಹಿನ್ಯಾಂತ್ ವಾಡ್ಯಾಂತ್ ಕೋರ್ ಸಮಿತಿಚಾ ಸಾಂದ್ಯಾಂನಿ ಸಾಂಗಾತಾ ಮೆಳೊನ್ ಜವಬ್ದಾರಿ ವಾಂಟುನ್ ಘೆಂವ್ಚಿಂ. ಯೆಂವ್ಚ್ಯಾ ಮಹಿನ್ಯಾಂತ್ ವಾಡ್ಯಾ ಜಮಾತ್ ಆಸ್ತೆಲಿ.
ಮಿಸಾಂವಾಂ ಖಾತಿರ್ ಜಮೊ ಜಾಲ್ಲೊ ಐವಜ್ ಬಿಸ್ಪಾಚಾ ಘರಾ ದಾಡುಂಕ್ ಆಸ್‍ಲ್ಲ್ಯಾನ್ ಕೊಣೆಂ ಮಿಸಾಂವಾಂಚಿ ಕವರಾಂ ಆನಿ ಕರ್ಡೆಂ ದೀಂವ್ಕ್‍ನಾಂತ್ ತಾಣಿಂ ವೆಗ್ಗಿಂಚ್ ಪಾಟಿಂ ದೀಂವ್ಕ್ ವಿನಂತಿ.