ಸಗ್ಳೊ ಹಫ್ತೋ ದೇವ್‍ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ಲೂಡ್ರ್ಸ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಅವಿಲಾ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಗೊವ್ಳಿಕ್ ಪರಿಷದ್ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ಮರಿಯಾಳ್ ಲೀಜನ್ ಸಾಂದ್ಯಾಂನಿ ದೇವ್‍ಸ್ತುತೆಕ್ ಮಾಂಡಾವಳ್ ಕರ್ಚಿ.
ಆಜ್ ಸಾಂಜೆರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸ್ಚೆನಾ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಜನವರಿ 1: ಭಾಗೆವಂತ್ ಮರಿ ದೇವ್ ಮಾತಾ ಜನವರಿ 2: ಭಾಗೆವಂತ್ ಬಾಜಿಲ್ ಆನಿ ಗ್ರೆಗರಿ
ನತಾಲಾಚೆಂ ಫೆಸ್ತ್ ಸಂಭ್ರಮಾನ್ ಆಚರಣ್ ಕರುಂಕ್ ಹಾತಾಕ್ ಹಾತ್ ದೀವ್ನ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ದೇವ್ ಬರೆಂ ಕರುಂ ಮ್ಹಣ್ತಾಂ. ಏಲಂ ವಸ್ತು ದಾನ್ ದಿಲ್ಲ್ಯಾ ವಾಡ್ಯಾಗಾರಾಂಕ್ ಆನಿ ವ್ಹಡಾ ಐವಜಾಕ್ ತೆ ಕಾಣ್ಘೆವ್ನ್ ಫಿರ್ಗಜೆಚ್ಯಾ ಯೋಜನಾಕ್ ಆಧಾರ್ ಸರ್ವಾಂಕ್ ದೇವ್‍ಬರೆಂ ಕರುಂ ಮ್ಹಣ್ತಾಂವ್.
ಫಿರ್ಗಜೆಚ್ಯಾ ಲಿಫ್ಟಾಚ್ಯಾ ಯೋಜನಾಕ್ “ಪೆಸ್ಟಿವ್ ಬೊನಾನ್ಜಾ” ಕೂಪನಾಂ ಆಸಾ ಕೆಲ್ಯಾಂತ್. ತುಮಿ ಘೆಂವ್ಚಿಂ ಆನಿ ಹೆರಾಂಕಿ ದಿಂವ್ಚಿಂ. ಎಕಾ ಕೂಪನಾಚೆ ಮೋಲ್ 100 ರುಪಯ್. ಕೂಪನಾಚೆ ಡ್ರಾ ಫಿರ್ಗಜ್ ಫೆಸ್ತಾ ದಿಸಾ (ಜನೆರ್ 26 ತಾರಿಕೆರ್)ಸಾಂಜೆರ್ ಆಸ್ತೆಲೆಂ. ಜಾಕ್‍ಪೊಟ್ ಇನಾಮ್ 10000/- ದುಸ್ರೆಂ ಇನಾಮ್: 6000/- ಆನಿ ತಿಸ್ರೆಂ ಇನಾಮ್ 4000/-
ಯೆಂವ್ಚ್ಯಾ ಆಯ್ತಾರಾ ಜನೆರಾಚ್ಯಾ 5ತಾರಿಕೆರ್ ಎವ್ಕರಿಸ್ತಿಕ್ ಪುರ್ಶಾಂವ್ ಆಸಾ. ಮಿಲಾರ್ ಇಗರ್ಜೆಂತ್ 3.30ವೊರಾರ್ ಮೀಸ್ ಉಪ್ರಾಂತ್ ಪುಶ್ರ್ಯಾಂವ್. ಆಮ್ಚ್ಯಾ ಫಿರ್ಗಜೆಥಾವ್ನ್ 30ಜಣ್ ಸ್ವಯಂಸೇವಕಾಚಿ ಗರ್ಜ್ ಆಸಾ. ತ್ಯಾ ದೀಸ್ ಜಾತಾತಿತ್ಲ್ಯಾ ಜಣಾಂನಿ ಹ್ಯಾ ಪುಶ್ಯಾಂವಾಂಕ್ ಹಾಜರ್ ಜಾಂವ್ಕ್ ಬಿಸ್ಪಾನ್ ಉಲೊ ದಿಲಾ.
ಯೆದೊಳ್‍ಚ್ಚ್ ನವ್ಯಾ ಗೊವ್ಳಿಕ್ ಪರಿಷದೆಕ್ ಗೊವ್ಳಿಬಾಪಾ ಥಾವ್ನ್ ಪರ್ವಣ್ಗಿ ವಾ ಮಂಜೂರಾತಿ ಲಾಭ್ಲ್ಯಾ. ನವಿ ಗೊವ್ಳಿಕ್ ಪರಿಷದ್ ಜನೆರ್ ಥಾವ್ನ್ ಮುಕ್ಲ್ಯಾ ತೀನ್ ವರ್ಸಾಂಕ್ ಸೆವಾ ಸ್ಥಾನ್ ಘೆತಾ. ಉಪಾಧ್ಯಕ್ಷ್ ಆನಿ ಕಾರ್ಯದರ್ಶಿನ್ ಕರ್ಚ್ಯಾ ಪರ್ಮಾಣಾಚಿ ರೀತ್ ಆನಿ ಗೊವ್ಳಿಕ್ ಪರಿಷದೆಚಾ ಸಾಂದ್ಯಾನಿ ದಿಂವ್ಚಿ ಉತರ್ ಭಾಸ್ ಜನೆರ್ 5 ತಾರಿಕೆರ್ ಆಯ್ತಾರಾ ಸಕಾಳಿಂಚಾ 6.30ವೊರಾಚಾ ಮಿಸಾ ವೆಳಾರ್ ಆಸ್ತೆಲಿ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಚೆಂ. ಮಿಸಾ ಉಪ್ರಾಂತ್ ಪಯ್ಲಿ ಜಮಾತ್ ಆಸ್ತೆಲಿ.
ಬಾಳೊಕ್ ಜೆಜುಚಿ ವಾರ್ಶಿಕ್ ದಬಾಜಿಕ್ ಪರಬ್ ಜನೆರಾಚ್ಯಾ 14, 15 ಆನಿ 16 ತಾರಿಕೆರ್ ಆಸ್ತೆಲಿ. ಫೆಸ್ತಾಕ್ ತಯಾರಾಯ್ ಜಾವ್ನ್ ಜನೆರ್ 5 ತಾರಿಕೆರ್ ನೊವೆನಾಂ ಪ್ರಾರಂಭ್ ಜಾತಾತ್. ಜನೆರಾಚ್ಯಾ 4ತಾರಿಕೆರ್ ಸುಕ್ರಾರಾ ಸಾಂಜೆರ್ 5ವೊರಾರ್ ವೊಜ್ಯಾಚೊ ಪುರ್ಶಾಂವ್ ಆಸ್ತಲೊ. ದೊದೋನ್ ವಾಡ್ಯಾಚಾ ವಾಡ್ಯಾಗಾರಾಂನಿ ಎಕಾ ವಾಹನಾ ಆನಿ ಬ್ಯಾನಾರಾ ಸವೆಂ ಸಾಂಗಾತ್ ದಿಂವ್ಚೊ. ನೊವೆನಾಂಚಾ ದಿಸಾಂನಿ ಹರ್ಯೇಕ್ ದೀಸ್ ಜೆವಾಣ್ ಆಸ್‍ಲ್ಲ್ಯಾನ್ ವೊಜ್ಯಾಂಚಾ ಪುಶ್ಯಾಂವಾಂಕ್ ವೊರ್ವಿ ದೀವ್ನ್ ಸಹಕಾರ್ ದಿಂವ್ಚೊ. ತ್ಯಾ ದೀಸ್ ಹಾಂಗಾಸರ್ ಸಾಂಜೆಚೆ ಮೀಸ್ ಆಸ್ಚೆಂನಾ.
ಡಿಸೆಂಬರ್ 31 ತಾರಿಕೆರ್ ಸಾಂಜೆರ್ 7 ಥಾವ್ನ್ 8 ಪರ್ಯಾಂತ್ ಪವಿತ್ರ್ ಎವ್ಕರಿಸ್ತಾಚೆಂ ಆರಾಧಾನ್, ಉಪ್ರಾಂತ್ ಸಂಭ್ರಮಿಕ್ ಮೀಸ್ ಆಸ್ತಲೆಂ. ಅರಾಧಾನ್ ಆಧ್ಯಾತ್ಮಿಕ್ ಸಮಿತಿಚಾ ಸಾಂದ್ಯಾಂನಿ ಚಲೊವ್ನ್ ವರ್ಚೆಂ. ಫಿರ್ಗಜ್‍ಗಾರಾಂನಿ ಸಾಂಗಾತಾ ಹ್ಯಾ ಮಿಸಾಚ್ಯಾ ಬಲಿದಾನಾಂತ್ ವಾಂಟೆಲಿ ಘೆವ್ನ್, ಹ್ಯಾ ವರ್ಸಾ ದೆವಾನ್ ಕೆಲ್ಲ್ಯಾ ಸರ್ವ್ ಉಪ್ಕಾರಾಂಕ್ ಅರ್ಗಾಂ ದಿಂವ್ಚೆಂ. ದೇವ್ ಸ್ತುತೆಚಿ ಮಾಂಡಾವಳ್ ನೋಟಿಸ್ ಬೋರ್ಡಾರ್ ಘಾಲ್ಯಾ, ತ್ಯಾ ಪರ್ಮಾಣೆಂ ಚಲವ್ನ್ ವರ್ಚಿ. ಮಿಸಾ ಉಪ್ರಾಂತ್ ಇಗರ್ಜೆ ಭಾಯ್ರ್ ಐಸಿವೈಎಮ್ ಸಾಂದೆ ಹೌಸಿ ಹೌಸಿ ಚಲೊವ್ನ್ ವ್ಹರ್ತಾತ್. ಸರ್ವಾಂನಿ ಏಕ್ ಘಡಿ ರಾವೊನ್ ಎಕಾಮೆಕಾ ಶುಭಾಶಯ್ ಪಾಟವ್ನ್ ಸಂತೊಸ್ ವಾಂಟುನ್ ಘೆಂವ್ಚೊ. ನತಾಲ್ ನೆಕೆತ್ರ್ ಆನಿ ಕ್ರಿಸ್‍ಮಸ್ ಟ್ರೀ ಸ್ಪಧ್ರ್ಯಾಂಚಿ ಇನಾಮಾಂ ಸಾಂಜೆಚಾ ಮಿಸಾ ಉಪ್ರಾಂತ್ ದಿತೆಲ್ಯಾಂವ್. ಜನವರಿ 1 ತಾರಿಕೆರ್ ಸಕಾಳಿಂ 7.30ವೊರಾರ್ ಮೀಸ್ ಆಸ್ತೆಲೆಂ.
ಜನೆರಾಚ್ಯಾ 26ತಾರಿಕೆರ್ ಆಯ್ತಾರಾ ಫಿರ್ಗಜೆಚೆಂ ವ್ಹಡ್ಲೆಂ ಫೆಸ್ತ್. ಫೆಸ್ತಾಕ್ ಮುರ್ದೊಮ್ ಆನಿ ದುಡ್ವಾ ಕುಮಕ್ ದಿತೆಲ್ಯಾಂನಿ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ. ಫೆಸ್ತಾ ದಿಸಾ ಸಕಾಳಿಂ 9.45ವೊರಾರ್ ಮಾನಾಚ್ಯೊ ವಾತಿ ವಾಂಟ್ತೆಲ್ಯಾಂವ್ ಆನಿ 10ವೊರಾರ್ ಸಂಭ್ರಮಿಕ್ ಮಿಸಾಚೆ ಬಲಿದಾನ್. ವಿಗಾರ್ ಜೆರಾಲ್, ಬೊ. ಮಾ. ಮೊನ್ಸಿ. ಮ್ಯಾಕ್ಷಿಮ್ ನೊರೊನ್ಹಾ ಸಂಭ್ರಮಿಕ್ ಮಿಸಾಚೆ ಬಲಿದಾನ್ ಭೆಟಯ್ತೆಲೆ. ತ್ಯಾ ದೀಸ್ ಸಾಂಜೆರ್ ಮಟ್ವೆಂ ವೆದಿ ಕಾರ್ಯೆಂ ಆನಿ ಸಾಂಸ್ಕøತಿಕ್ ಕಾರ್ಯೆಂ ಆಸ್ತೆಲೆಂ. ಹೆಂ ಫೆಸ್ತ್ ಸಂಭ್ರಮಾನ್ ಆಚರಣ್ ಕರುಂಕ್ ತುಮ್ಚೊ ಸಹಕಾರ್ ದಿಂವ್ಚೊ. ಸಕಾಳಿಂ ಐಸಿವೈಎಮ್ ಸಾಂದೆ ಪ್ಯಾನ್ಸಿಪೆಟ್ ಆಸಾ ಕರ್ತಾತ್ ತಾಂಕಾಂಯ್ ತುಮ್ಚೊ ಸಹಕಾರ್ ದಿಂವ್ಚೊ.
ಮೊಗಾಚ್ಯಾಂನೊ ಹ್ಯಾ ಜನೆರೆಚಾ 2ತಾರಿಕೆರ್ ಆಮ್ಚಿ ಫಿರ್ಗಜ್ ಉಗ್ತಾವಣ್ ಜಾವ್ನ್ (2015)ಚಾರ್ ವರ್ಸಾಂ ಸಂಪ್ತಾತ್. ಆಮಿ ಪಾಂಚ್ವ್ಯಾ ವರ್ಸಾಕ್ ಪಾಂಯ್ ತೆಂಕ್ತಾನಾ, ಬಾಳ್ ಮರಿಯೆ ಮುಖಾಂತ್ರ್ ದೆವಾನ್ ಆಮ್ಚೆ ವಯ್ರ್ ವೊತ್‍ಲ್ಲ್ಯಾ ಸರ್ವ್ ಬೆಸಾಂವಾಂ ಖಾತಿರ್ ಆರ್ಗಾಂ ದೀಂವ್ಕ್ ಫಾವೊ. ತ್ಯಾ ದೀಸ್ ಫಿರ್ಗಜ್‍ಗಾರಾಂನಿ ಹ್ಯಾ ಧಿನ್ವಾಸ್ಣೆಚಾ ಬಲಿದಾನಾಂತ್ ವಾಂಟೊ ಘೆಂವ್ಕ್ ವಿನಂತಿ ಕರ್ತಾ.
ಡಿಸೆಂಬರ್ 30ತಾರಿಕೆರ್ ಸೊಮಾರಾ ಸಾಂಜೆರ್ ರೆಸ್ಪೆರಾಚಾ ಮೀಸ್ ಆಸ್‍ಲ್ಲ್ಯಾನ್ 6 ವೊರಾಂಚೆಂ ಮೀಸ್ ಆಸ್ಚೆನಾಂ.
ಫಾಲ್ಯಾಂ ಆನಿ ಯೆಂವ್ಚ್ಯಾ ಆಯ್ತಾರಾ ಭುರ್ಗ್ಯಾಂಕ್ ದೊತೊರ್ನ್ ಆಸ್ಚಿನಾ.