ಸಗ್ಳೊ ಹಫ್ತೋ ದೇವ್‍ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ಬಾಳ್ ಮರಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ವೆಲಂಕಣಿ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಸಮಾಜಿಕ್ ಆನಿ ಸಾಂಸ್ಕೃತಿಕ್ ಸಮಿತಿ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ದುಸ್ರ್ಯಾ ಮಿಸಾಕ್ ಚೊವ್ತ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್‍ಸ್ತುತೆಕ್ ಆನಿ ವೈಸಿಯಸ್ ಭುರ್ಗ್ಯಾಂನಿ ಗಾಯಾನಾಕ್ ಮಾಂಡಾವಳ್ ಕರ್ಚಿ.
ಆಜ್ ಫಿರ್ಗಜೆಚಿಂ ಐಸಿವೈಯಮ್ ಯುವಜಣ್ ತಾಂಚೊ ವಾರ್ಶಿಕ್ ದೀಸ್ ಆಚರಣ್ ಕರ್ತಾತ್. ಸಕಾಳಿಂ 9.15ವೊರಾರ್ ಸಂಭ್ರಮಿಕ್ ಮೀಸ್. ಮಿಸಾ ಉಪ್ರಾಂತ್ ಸರ್ವ್ ಯುಜಣಾಂನಿ ಮಿನಿ ಹೊಲಾಂತ್ ಸಾಂಗಾಂತಾ ಮೆಳ್ಚೆಂ. ಸಾಂಜೆರ್ 5.30ವೊರಾರ್ ಸಾಂಸ್ಕøತಿಕ್ ಕಾರ್ಯೆಂ ಆಸ್ತೆಲೆಂ. ಯುವಜಣಾಂಕ್ ಸಮರ್ಪಿಲ್ಲ್ಯಾ ವರ್ಸಾ ಹ್ಯಾ ಕಾರ್ಯಾಕ್ ಫಿರ್ಗಜ್‍ಗಾರಾಂನಿ ವ್ಹಡಾ ಸಂಖ್ಯಾನ್ ಹಾಜರ್ ಜಾವ್ನ್ ಫಿರ್ಗಜೆಚಾ ಯುವಜಣಾಂಕ್ ಪ್ರೋತ್ಸಾಹ್ ದೀಂವ್ಕ್ ವಿನಂತಿ. ಫಾಲ್ಯಾಂ ಭುರ್ಗ್ಯಾಂಚಾ ಮಿಸಾವೆಳಾರ್ ಭುರ್ಗ್ಯಾಂ ಪಾಸತ್ ಪ್ರತ್ಯೇಕ್ ಆಶೀರ್ವಾದಾಚೆಂ ಮಾಗ್ಣೆಂ ಆಸ್ತೆಲೆಂ.
ಸಾಂಜೆರ್ ಯುವಜಣಾಂಚೆಂ ಕಾರ್ಯೆಂ ಆಸ್‍ಲ್ಲ್ಯಾವರ್ವಿಂ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸ್ಚೆಂ ನಾ
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ನವೆಂಬರ್ 18: ಸಾಂ ಪೆದ್ರು ಅನಿ ಪಾವ್ಲ್ ಬಾಸಿಲಿಕಾಚೆಂ ಸ್ಮರಣ್, ನವೆಂಬರ್ 21: ಅಂಕ್ವಾರ್ ಮರಿಯೆಚಿ ತೆಂಪ್ಲಾಕ್ ಭೆಟವ್ಣಿ, ನವೆಂಬರ್ 22: ಸಾಂ.ಸಿಸಿಲಿಯಾ ಸ್ಮರಣ್, ನವೆಂಬರ್ 24: ಜೆಜು ರಾಯಾಚೆಂ ಫೆಸ್ತ್.
ವಾಡ್ಯಾಂತ್ ಜಾಂವ್ಚ್ಯಾ ಚುನಾವಾಚೊ ವಿವರ್:
17 ತಾರಿಕೆರ್ ಆಯ್ತಾರಾ-ವೆಲಂಕಣಿ ವಾಡೊ - ಸಿರಿಲ್ ಸ್ಟೆಲ್ಲಾ ಡಿಸೋಜಾಚಾ ಘರಾ -3.30ವೊರಾರ್
17 ತಾರಿಕೆರ್ ಆಯ್ತಾರಾ-ಸಾಂ.ಜುಜೆ ವಾಡೊ –ಜೋನ್ ಮಾರ್ಗರೇಟ್ ಪಾಯ್ಸ್‍ಚಾ ಘರಾ- 4.30ವೊರಾರ್
20 ತಾರಿಕೆರ್ ಬುದ್ವಾರಾ-ಲ್ಹಾನ್ ಫುಲ್ ವಾಡೊ - ಲೀನಾ ಪಿಂಟೊಚಾ ಘರಾ- 6.00ವೊರಾರ್
24 ತಾರಿಕೆರ್ ಆಯ್ತಾರಾ-ಅವಿಲಾ ವಾಡೊ –ರಿಚ್ಚ್ಚರ್ಡ್ ನೀತಾ ಪಿಂಟೊಚಾ ಘರಾ -4.00ವೊರಾರ್
24 ತಾರಿಕೆರ್ ಆಯ್ತಾರಾ-ಬಾಳ್ ಮರಿ ವಾಡೊ -ಇಗರ್ಜೆಚ್ಯಾ ಮಿನಿ ಸಾಲಾಂತ್-5.00ವೊರಾರ್
ಚುನಾವ್ ಆಸ್ತಾನಾ 18 ವರ್ಸಾಂ ವಯ್ಲ್ಯಾ, ಹರ್ಯೇಕಾ ಘರಾ ಥಾವ್ನ್ ಎಕ್ ವಾ ಚಡಿತ್ ಸಾಂದ್ಯಾಂನಿ ಹ್ಯಾ ಹಾಜರ್ ಜಾಂವ್ಕ್ ವಿನಂತಿ.
ಫಾಲ್ಯಾಂ ವಾಡ್ಯಾ ಜಮಾತ್ ಆನಿ ವಾಡ್ಯಾಂತ್ ಭುರ್ಗ್ಯಾಂಚೊ ದೀಸ್ ಆಚರಣ್
ಕಾರ್ಮೆಲ್ ವಾಡೊ: ವಾಲ್ಟರ್ ಪಿಂಟೊ-3.30ವೊರಾರ್
ಸಾಂ. ಅಂತೊನ್ ವಾಡೊ: ಎಡ್ವಿನ್ ಸಿಂತಿಯಾ -4.00 ವೊರಾರ್
ನತಾಲಾಂಚ್ಯಾ ಫೆಸ್ತಾಕ್ ಪಾಯ್ಸ್ ಜಾಂವ್ಚ್ಯಾ ಬಜ್ಜೋಡಿಚೊ ಕುರೊವ್ ಫಿರ್ಗಜ್ ಪತ್ರಾಕ್ ಲೇಖÀನಾಂ, ಕವನಾಂ ಅನಿ ಜಾಹೀರಾತಾಂ ದಿತೆಲ್ಯಾಂನಿ ನವೆಂಬರ್ 25ತಾರಿಕೆ ಭಿತರ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ. ಕ್ರಿಸ್ಮಸಾವಿಶಿಂ ಲೇಖನಾಂ ಕವನಾಂ ಬರೊಂವ್ಕ್ ಭುರ್ಗ್ಯಾಂಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ.
ಭುರ್ಗ್ಯಾಂಚೊ ಬೈಬಲ್ ಕ್ವಿಜ್ ಸ್ಪರ್ಧೊ ಬರ್ಯಾನ್ ಜಾಲಾ. ಸರ್ವ್ ಭುರ್ಗ್ಯಾಂಕ್ ಆಮ್ಚೆ ಅಭಿನಂದನ್. ಬೈಬಲ್ ಕ್ವಿಜಾಚಿ ಮಾಂಡಾವಳ್ ಕೆಲ್ಲ್ಯಾ ಸಂಯೋಜಕಿ ಶ್ರೀಮತಿ ಸ್ಟೆಲ್ಲಾ ಡಿಸೋಜಾ ಆನಿ ಸರ್ವ್ ದೊತೊರ್ನ್ ಶಿಕೊಂವ್ಚ್ಯಾ ಶಿಕ್ಶಕಾಂಕ್ ದೇವ್‍ಬರೆಂ ಕರುಂ.
ಕಾಣಿ ಸಾಂಗ್ಚೊ ಸ್ಪರ್ಧೊ ಡಿಸೆಂಬರ್ 1ತಾರಿಕೆರ್ ಸಾಂಜೆರ್ 4ವೊರಾರ್ ಕೆಜಿ ಥಾವ್ನ್ ಧಾವಿ ಕ್ಲಾಸಿಚ್ಯಾ ಭುರ್ಗ್ಯಾಂಕ್ ತಶೆಂಚ್ 55ವರ್ಸಾಂ ವಯ್ಲ್ಯಾಂಕ್ ವಿವಿಧ್ ವಿಭಾಗಾಂನಿ ಆಸಾ ಕೆಲಾ. ಸ್ಪರ್ಧಿಕಾಂನಿ ತಾಂಚಿ ನಾಂವಾಂ ನವೆಂಬರ್ 23ತಾರಿಕೆ ಭಿತರ್ ದಫ್ತರಾಕ್ ಪಾವಿತ್ ಕರ್ಚಿಂ. ಚಡಿತ್ ವಿವರ್ ನೋಟಿಸ್ ಬೋರ್ಡಾರ್ ಆಸಾ.
ನವೆಂಬರ್ 24ತಾರಿಕೆರ್ ಆಯ್ತಾರಾ ಸಾಂಜೆರ್ 4.00ವೊರಾರ್ ಭುರ್ಗ್ಯಾಂಕ್ ಪಿಂತುರಾಕ್ ರಂಗ್ ಭರ್ಚೊ ಸ್ಪರ್ಧೊ ಆಸ್ತಲೊ.
ಡಿಸೆಂಬರ್ 1 ತಾರಿಕೆರ್ ಆಯ್ತಾರಾ ಪಯ್ಲ್ಯಾ ಮಿಸಾ ಉಪ್ರಾಂತ್ ಗೊವ್ಳಿಕ್ ಪರಿಷದೆಚಿ ಜಮಾತ್ ಆಸ್ತೆಲಿ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಚೆಂ.
ಮಹಾನಗರ್ ಪಾಲಿಕೆಚಾ ಚುನಾವಾಂತ್ ಆಮ್ಚ್ಯಾ ಫಿರ್ಗೆಜೆಚೆ ಕಾರ್ಮೆಲ್ ವಾಡ್ಯಾಂತ್ ವಸ್ತಿ ಕರ್ಚೆ ಮಾನೆಸ್ತ್ ನವೀನ್ ರೊಬರ್ಟ್ ಡಿಸೋಜಾ ಬೆಂದುರ್ 38 ವಾರ್ಡಾಚೆ ಕಾರ್ಪೊರೇಟರ್ ಜಾವ್ನ್ ಕಾಂಗ್ರೆಸ್ ಪಾಡ್ತಿ ಥಾವ್ನ್ ಜೀಕ್ ಜೊಡ್ಲ್ಯಾ. ತಾಂಕಾಂ ಆಮಿ ಉಲ್ಲಾಸ್ ಪಾಟಯ್ತಾಂವ್ ಆನಿ ತಾಂಚಾ ಸೆವೆಚಾ ಕಾಮಾಕ್ ಬರೆಂ ಮಾಗ್ತಾಂವ್.