ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಅವಿಲಾಚಿ ಸಾಂ ತೆರೆಜ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಲೂಡ್ಸ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಜೆಜುಚೆಂ ಲ್ಹಾನ್ ಫುಲ್ ವಾಡ್ಯಾಚ್ಯಾ ಐಸಿವೈಯಮ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಧಾವಿ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ. ಫಾಲ್ಯಾಂ ಸಾಕಾಳಿಂ 6.30ಚ್ಯಾ ಮಿಸಾ ಉಪ್ರಾಂತ್ ಅರಾಧಾನ್ ಆಸ್ಚೆಂ ನಾಂ.
ಸೊಮಾರಾ ಜುಲಾಯ್ 2 ತಾರಿಕೆರ್ ಸಕಾಳಿಂ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್. ಜೊಕ್ತಿ ತಯಾರಾಯ್ ಕರ್ಚಿ.
ಜುಲಾಯ್ 6ತಾರಿಕ್ ಮಹಿನ್ಯಾಚೊ ಪಯ್ಲೊ ಸುಕ್ರಾರ್, ತ್ಯಾ ದೀಸ್ ಪವಿತ್ರ್ ಸಾಕ್ರಾಮೆಂತಾಚೆಂ ಅರಾಧಾನ್ ಆಸ್ತೆಲೆಂ.
ಪವಿತ್ರ್ ಸಭೆಚ್ಯಾ ಮಾಗ್ಣೆಂ ಸಾಂಜೆರ್ 6.45 ವೊರಾರ್ ಆಸ್ತೆಲೆಂ. ಆರಾಧಾನಾ ವೆಳಾರ್ ಪಿಡೆಸ್ತಾಂಚಿ ಸೆವಾ ಕರ್ತೆಲ್ಯಾಂ ಖಾತಿರ್ ಮಾಗ್ತೆಲ್ಯಾಂವ್.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಜುಲೈ 3: ಸಾಂ.ತೊಮಸ್, ಆಫೊಸ್ತಲ್, ಜುಲೈ 6: ಸಾಂ.ಮರಿಯ ಗೊರಟ್ಟಿ.
ಜುಲಾಯ್ 2 ತಾರಿಕೆರ್ ಸಾಂಜೆರ್ 7.30ವೊರಾರ್ ಮಾಧ್ಯಮ್ ಸಮಿತಿಚಿ ಜಮಾತ್ ಆಸ್ತೆಲಿ.
ಜುಲಾಯ್ 3 ತಾರಿಕೆರ್ ಸಾಂಜೆರ್ 7.30ವೊರಾರ್ ಕುರೊವ್ ಸಂಪಾದಕೀಯ್ ಮಂಡಳಿಚಿ ಜಮಾತ್ ಆಸಾ.
ಜುಲಾಯ್ 4 ತಾರಿಕೆರ್ ಬುದ್ವಾರಾ ಸಾಂಜೆಚ್ಯಾ ಮಿಸಾ ಉಪ್ರಾಂತ್ ಲ್ಹಾನ್ ಕ್ರೀಸ್ತೀ ಸಮುದಾಯ್ ಸಮಿತಿ ಸಾಂದ್ಯಾಂಕ್ ಆನಿ ವಾಡ್ಯಾಚ್ಯಾ ಪ್ರೇರಕಾಂಕ್ ತರ್ಭೆತಿ ಆಸ್ತೆಲಿ.
ಯೆಂವ್ಚ್ಯಾ ಆಯ್ತಾರಾ ಜುಲಾಯ್ 8 ತಾರಿಕೆರ್ ಪಯ್ಲ್ಯಾ ಮಿಸಾ ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಜಮಾತ್ ಆಸ್ತೆಲಿ. ಸರ್ವಾಂನಿ ಚುಕಾನಾಸ್ತಾನಾಂ ಹಾಜರ್ ಜಾಂವ್ಚೆಂ.
ಸಾಂಸ್ಕೃತಿಕ್ ಸಮಿತಿ ಮಾಂಡುನ್ ಹಾಡ್ತಾ ‘ವಾಡ್ಯಾವಾರ್ ನಾಚ್ಪಾ ಸ್ಪರ್ಧೊ’, ಜುಲಾಯ್ಚ್ಯಾ 22ತಾರಿಕೆರ್ ಸಾಂಜೆರ್ 3.30ವೊರಾರ್. ಹೊ ಸ್ಪರ್ಧೊ ದೋನ್ ವಿಭಾಗಾಂನಿ ಚಲ್ತಲೊ. ತಶೆಂಚ್ ಅಗೋಸ್ಟಾಚ್ಯಾ 15ತಾರಿಕೆರ್ ಸಾಂಜೆರ್ 4ವೊರಾರ್ ಮರಿಯೆಚೊ ಗ್ರೊಟ್ಟೊ ಸ್ಪರ್ಧೊ ವಾಡ್ಯಾವಾರ್ ಆಸ್ತಲೊ. ನಿಯಾಮಾಂಕ್ ನೋಟಿಸ್ ಬೋರ್ಡ್ ಪಳಂವ್ಚೊ.
ಕೊಂಕ್ಣಿ ನಾಟಕ್ ಸಭಾ ಮಂಗ್ಳುರ್ ಡೊನ್ ಬೊಸ್ಕೊ ಹೊಲಾಂತ್ ಯುವಜಣಾಂ ತಶೆಂಚ್ ಭುರ್ಗ್ಯಾಂಚಿ ತಾಲೆತಾಂ ಉರ್ಜಿತ್ ಕರ್ಚ್ಯಾ ದಿಶೆನ್ ಸಂಗೀತ್, ನಾಚ್ ಆನಿ ನಕ್ಲಿ ನೆಸ್ಣಾ ಸ್ಪರ್ಧೆ ಮಾಂಡುನ್ ಹಾಡ್ತಾತ್. ಹಾಂತುನ್ ಭಾಗ್ ಘೆಂವ್ಕ್ ಆಸಕ್ತ್ ಆಸ್‍ಲ್ಲ್ಯಾಂನಿ ತಾಂಚಿ ನಾವಾಂ ಫಿರ್ಗಜ್ ದಫ್ತರಾಕ್ ಜುಲಾಯ್ ಮಹಿನ್ಯಾಚ್ಯಾ 10ತಾರಿಕೆ ಭಿತರ್ ಪಾವಿತ್ ಕರ್ಚಿಂ.
ಆಜ್ ಸಕಾಳಿಂ 7.30ವೊರಾ ಥಾವ್ನ್ 12.30ಪರ್ಯಾಂತ್ “ಯುವ ಅಂಗಣ್” ಕಾರ್ಯಕ್ರಮ್ ಐಸಿವೈಯಮ್ ಸಾಂದೆ ಮಾಂಡುನ್ ಹಾಡ್ತಾತ್. ಸರ್ವ್ ಯುವಜಣಾಂನಿ ವೆಳಾರ್ ಹಾಜರ್ ಜಾಂವ್ಚೆಂ.