ಮುಕ್ಲ್ಯಾ ಹಫ್ತ್ಯಾಂತ್ ದೇವ್ ಸ್ತುತಿ ಸಾಂ. ಜುಜೆ ವಾಡ್ಯಾಗಾರಾಂನಿ ಕರ್ಚಿ. ಪೆÇರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಐಸಿವೈಎಮ್ ಸಾಂಧ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಸೊಮಾರಾ 6 ತಾರಿಕೆರ್ ಆಮಿಂ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್, ಜೊಕ್ತಿ ತಯಾರಾಯ್ ಕರ್ಚಿ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ:
ಫೆಬ್ರವರಿ 11: ಲೂರ್ದಾಚಿ ಭಾಗೆವಂತ್ ಆಂಕ್ವಾರ್ ಮರಿ
ಫಿರ್ಗಜೆಚೊ ದೀಸ್ ವ್ಹಡಾ ಸಂಭ್ರಮಾನ್ ಆಚರಣ್ ಜಾಲೊ. ಸಹಕರ್ಸಿಲ್ಲ್ಯಾ ಸಮೇಸ್ತಾಂಕ್ ದೇವ್ ಬರೆಂ ಕರುಂ ಮ್ಹಣ್ತಾಂ.
ಫೆಬ್ರೆರ್ 12 ತಾರಿಕೆರ್ ಭುರ್ಗ್ಯಾಂಕ್ ಕ್ರೀಸ್ತಾಂವ್ ಶಿಕ್ಷಣ್ ಪರೀಕ್ಷಾ ಆಸ್ತೆಲಿ. ಭುರ್ಗ್ಯಾಂನಿ ಕಡ್ಡಾಯ್ ಜಾವ್ನ್ ಹಾಜರ್ ಜಾಂವ್ಕ್ ವಿನಂತಿ. ತಶೆಂಚ್ ಫೆಬ್ರೆರ್ 26 ತಾರಿಕೆರ್ ದೊತೊರ್ನಿಚೊ ದಿವಸ್ ಆಚರಣ್ ಕರ್ತೆಲ್ಯಾಂವ್ ಜಾಲ್ಲ್ಯಾನ್ ತಾಕಾ ಜೊಕ್ತಿ ತಯಾರಾಯ್ ಕರ್ಚಿ.
ಆಜ್ /ಫಾಲ್ಯಾಂ ಪವಿತ್ರ್ ಸಭೆಚೆಂ ಮಾಗ್ಣೆಂ ಆಸ್ತೆಲೆಂ.
ಹ್ಯಾ ಮಹಿನ್ಯಾಂತ್ ಪರತ್ ವಾಡ್ಯಾ ಜಮಾತ್ಯೊ ಆಸ್ತೊಲ್ಯೊ.
ಲ್ಹಾನ್ ಭುರ್ಗ್ಯಾಂಕ್, ಚೊವ್ತ್ಯಾ ಕ್ಲಾಸಿ ವಯ್ಲ್ಯಾಂಕ್ ಮರಿಯೆಚೆಂ ಸೊಡೆಲಿಟಿ ಆಮಿ ಪ್ರಾರಂಭ್ ಕರ್ತೆಲ್ಯಾಂವ್. ದೆಕುನ್ ಭರ್ತಿ ಜಾಂವ್ಕ್ ಮನ್ ಆಸ್‍ಲ್ಲ್ಯಾಂನಿ ತಾಂಚಿ ನಾoವಾಂ ದಫ್ತರಾಂತ್ ದಿಂವ್ಚಿ.
18ವರ್ಸಾಂ ಭರ್‍ಲ್ಲ್ಯಾಂನಿ ವೋಟರ್ ಐಡಿ ಕರುಂಕ್ ಆಸಾ, ಕೊಣೆಂ ಹಾಕಾ ಅಪ್ಲಿಕೇಶನ್ ಘಾಲುನಾಂ ಜಾಲ್ಯಾರ್ ಫಿರ್ಗಜ್ ದಫ್ತರಾ ಥಾವ್ನ್ ಅಪ್ಲಿಕೇಷನ್ ಘೆವ್ನ್ ಭರ್ತಿ ಕರ್ನ್ ದಿಂವ್ಚಿಂ.
ಸಿಒಡಿಪಿ ಥಾವ್ನ್ ಲಕ್ಕಿಡಿಪ್ ಆಯ್ಲ್ಯಾಂತ್ ವಾಡ್ಯಾಂಚ್ಯಾ ಗುರ್ಕಾರ್/ಗುರ್ಕಾರ್ನಿನಿಂ ತಿಂ ವಾಡ್ಯಾಗಾರಾಂಕ್ ಪಾವಿತ್ ಕರುಂಕ್ ವಿನಂತಿ.
ಮುಕ್ಲ್ಯಾ ಹಫ್ತ್ಯಾಂತ್ ಘರ್ ಬೆಜ್ಮೆತಾಂ ಸುರು ಕರ್ತೆಲ್ಯಾಂವ್.
ಫುಡ್ಲ್ಯಾ ಪಾಸ್ಕಾಂ ಫೆಸ್ತಾಚ್ಯಾ ಕುರೊವ್ ಅಂಕ್ಯಾಕ್ ತುಮ್ಚಿ ಜಾಹಿರಾತಾಂ, ಲೇಖನಾಂ, ಕವನಾಂ, ಸ್ವರಚಿತ್ ಪಿಂತುರಾಂ, ವಾಡ್ಯಾಚ್ಯೊ ವರ್ದ್ಯೊ, ಶುಭಾಶಯ್ ದೀಂವ್ಕ್ ನಿಮಾಣಿ ತಾರಿಕ್ ಮಾರ್ಚ್ 10 ತಾರಿಕ್. ಬರ್ಪಾಂ ಮಟ್ವಿಂ ಆಸೊಂಕ್ ಜಾಯ್. ವಿಷಯ್: ಲಗ್ನಾ ಸಾಕ್ರಾಮೆಂತ್ ಜಿವಿತ್ ಆನಿ ಸಂಭ್ರಮ್.
ಮಾರ್ಚ್ 3, 4 ಆನಿ 5 ತಾರಿಕೆರ್ ಹಾಂಗಾಸರ್ ಸಾಂಜೆರ್ 5.30 ವೊರಾ ಥಾವ್ನ್ 9 ವೊರಾ ಪರ್ಯಾಂತ್ ರೆತಿರ್ ಆಸಾ. ಭೋವ್ ಫಾಮಾದ್ ಪ್ರಸಂಗ್‍ದಾರ್ ಬಾಪ್ ರೋಮನ್ ಪಿಂಟೊ ರೆತಿರ್ ಚಲವ್ನ್ ವರ್ತೆಲೆ. ಸರ್ವ್ ಫಿರ್ಗಜ್‍ಗಾರಾಂನಿ ವಾಂಟೆಲಿ ಘೆವ್ನ್ ಅತ್ಮಿಕ್ ಬರೆಂಪಣ್ ಜೋಡ್ನ್ ಘೆಂವ್ಚೆಂ.
ಫಾಲ್ಯಾಂ/ಆಜ್ ಗಾಯಾನ್ ಪಂಗಡ್ ತಶೆಂಚ್ ದೊತೊರ್ನ್ ಶಿಕೊಂವ್ಚ್ಯಾ ಶಿಕ್ಷಕಾಂಕ್ ಏಕಾ ದಿಸಾಚೆಂ ಸಹಮಿಲನ್ ಗ್ರೀನ್ ರೆಟ್ರೀಟ್ ಸೆಕೆಂಡ್ ಹೋಮ್, ಕೈಕಂಬ ಆಸಾ ಕೆಲಾಂ.
ಅಪೆÇಸ್ತಲಿಕ್ ಕಾರ್ಮೆಲಿತ್ ಸಂಸ್ಥೊ ಸೈಂಟ್ ಆಗ್ನೇಸ್ ಸ್ಕೂಲ್ ಮೈದಾನಾರ್ ಫೆಬ್ರವರಿ 5 ತಾರಿಕೆರ್ ಸಾಂಜೆರ್ 5.30 ವೊರಾರ್ ತೆಲೆಕೆದ ಬರ್ಸ ತುಳು ಹಾಸ್ಯ ನಾಟಕ್, ಜಾದೂ ಪ್ರದರ್ಶನ್ ಮಾಂಡುನ್ ಹಾಡ್ತಾ. ವಿವರ್ ನೋಟಿಸ್ ಬೋರ್ಡಾರ್ ಆಸಾ.