ಹೊ ಆಯ್ತಾರ್ ಆಮಿ ರಾಷ್ಟ್ರೀಯ್ ಯುವಜಣಾಂಚೊ ಆಯ್ತಾರ್ ಜಾವ್ನ್ ಆಚರಣ್ ಕರ್ತಾಂವ್. ಐಸಿವೈಎಮ್ ಕೇಂದ್ರಿಕ್ ಸಮಿತಿನ್ ಯುವಜಣಾಂಚಾ ವರ್ಸಾಚಾ ಉಗ್ಡಾಸಾಕ್, ದುಬ್ಳ್ಯಾ ಕುಟ್ಮಾಕ್ ಏಕ್ ಘರ್ ಬಾಂದುನ್ ದಿಂವ್ಚೆ ಯೋಜನ್ ಹಾತಿಂ ಘೆತ್ಲಾಂ. ಹ್ಯಾ ಯೋಜನಾಕ್ ಆದಾರ್ ಜಾವ್ನ್ ಬಾಪ್ ಅಂತೊನ್ ಪೀಂತ್ ಹಾಂಚಿ ‘ನಾಂವ್ ಮೊಲಾದಿಕ್’ ಕೊವ್ಳಿ ಧರ್ಮಾರ್ಥ್ ಮೆಳ್ತಾ. ಕೊಣಾಕ್ ಕೊವ್ಳೆಂತ್ಲಿಂ ಗಿತಾಂ ಜಾಯ್ ತಾಣಿಂ ತಾಂಚೆಂ ವಾಟ್ಸೆಪ್ ನಂಬರ್ ಯುವಜಣಾಂಲಾಗಿಂ ದಿಂವ್ಚೆಂ. ಮಿಸಾ ಉಪ್ರಾಂತ್ ಘರ್ ಬಾಂದ್ಚ್ಯಾ ಯೋಜನಾಕ್ ಯುವಜಣ್ ದಾನ್ ಜಮೊ ಕರ್ತಾತ್. ಮಿಸಾ ಉಪಾಂತ್ರ್ ಖುಶೆಚೆ ದಾನ್ ಬಾಯ್ರ್ ಆಸ್ಚ್ಯಾ ಬೊಕ್ಸಾಂತ್ ಘಾಲುಂಕ್ ವಿನಂತಿ. ಹ್ಯಾ ಬರ್ಯಾ ಕಾಮಾಕ್ ಆದಾರ್ ದೀಂವ್ಕ್ ಬಿಸ್ಪಾನ್ ವಿನಂತಿ ಕೆಲ್ಯಾ.
ಸಗ್ಳೊ ಹಫ್ತೋ ದೇವ್‍ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಸಾಂ.ವಿಶೆಂತ್ ಪಾವ್ಲ್ ಸಭೆಚ್ಯಾ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಚವ್ತ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್, ವೈಸಿಯಸ್ ಭುರ್ಗ್ಯಾಂನಿ ಗಾಯಾನಾಕ್ ಮಾಂಡಾವಳ್ ಕರ್ಚಿ.
ಆಜ್ ಸಾಂಜೆರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸಾ. ಹ್ಯಾ ವೆಳಾರ್ ಕೈದಾಂ ಪಾಸತ್ ಮಾಗ್ತೆಲ್ಯಾಂವ್. ಯೆಂವ್ಚೊ ಆಯ್ತಾರ್ ಕೈದ್ಯಾಂಚೊ ಆಯ್ತಾರ್ ಜಾವ್ನ್ ಆಚರಣ್ ಕರ್ತೆಲ್ಯಾಂವ್.
ಹಿ ಬಜ್ಜೋಡಿ area ಕಂಕನಾಡಿ ಪೊಲಿಸ್ ಸ್ಟೇಶನಾಚಾ ಪರಿಧಿ ಭಿತರ್ ಯೆತಾ ಜಾಲ್ಲ್ಯಾನ್ ಆಮ್ಕಾಂ ಕಾನೂನ್ ಸುವ್ಯವಸ್ಥಾವಿಶಿಂ ಸಲಾಹಾ ಸಮ್ಜೊಣಿ ದೀಂವ್ಕ್, ಆಮ್ಚ್ಯಾ ಸಮಸ್ಸ್ಯಾವಿಶಿಂ ಸಮ್ಜೊನ್ ಘೆಂವ್ಕ್ ಪೋಲಿಸ್ ಇನ್ಸ್‍ಪೆಕ್ಟರ್ ಆನಿ ತಾಚಿ ಸಿಬ್ಬಂದಿ ಯೆಂವ್ಚ್ಯಾ ಆಯ್ತಾರಾ 10.30ವೊರಾರ್ ಹಾಂಗಸರ್ ಯೆತಾತ್. ಹೊ ಆಮ್ಕಾಂ ಲಾಬ್ಲಲೊ ಬರೊ ಆವ್ಕಾಸ್ ಮ್ಹಣ್ ಸಮ್ಜೊನ್ ಘೆವ್ನ್ ಜಾತಾ ತಿತ್ಲ್ಯಾ ಜಣಾಂನಿ ಹಾಜರ್ ಜಾಂವ್ಕ್ ವಿನಂತಿ.
ವಾಡ್ಯಾ ಜಮಾತ್
ಬಾಳ್ ಮರಿ ವಾಡೊ- ಸಿಸಿಲಿಯಾ ಡಿಸೋಜ – 4.00ವೊರಾರ್
ವೆಲಂಕಣಿ ವಾಡೊ- ಅಗೊಸ್ತಿನ್ ನೊರೊನ್ಹಾ-4.30ವೊರಾರ್
ಫಿರ್ಗಜ್ ಪತ್ರ್ ಬಜ್ಜೋಡಿಚೊ ಕುರೊವ್ ಮೊಂತಿ ಫೆಸ್ತಾಕ್ ಪಾಯ್ಸ್ ಜಾತಾ. ಮರಿ ಆನಿ ಪ್ರಕೃತೆಕ್ ಸಂಬಂಧ್ ಜಾಲ್ಲಿ ಲೇಖನಾಂ, ಮಟ್ವ್ಯೊ ಕಾಣಿಯೊ, ಕವನಾಂ, ಪಿಂತುರಾ, ವಾಡ್ಯಾಂತ್ಲ್ಯೊ ವರ್ದ್ಯೊ ತಶೆಂಚ್ ಪತ್ರಾಕ್ ಜಾಹೀರಾತಾಂ ಆಗೊಷ್ಟಾಚಾ 15 ತಾರಿಕೆ ಭಿತರ್ ದಾಡುಂಕ್ ವಿನಂತಿ.
ಆಗೊಸ್ತ್ 15 ತಾರಿಕೆರ್ ಮರ್ಯೆಚಾ ಸ್ವರ್ಗಾರೋಹಣಾಚೆಂ ಫೆಸ್ತ್ ತಶೆಂಚ್ ಭಾರತಾಚಾ ಸತ್ತರ್ ಆನಿ ದೋನ್ ವರ್ಸಾಚೊ ಸುಟ್ಕೆ ಸಂಭ್ರಮ್. ಪಯ್ಲೆಂ ಮೀಸ್ ಸಕಾಳಿಂ 6.30 ವೊರಾರ್, ಮಿಸಾ ಉಪ್ರಾಂತ್ ಧ್ವಜಾರೋಹಣ್ ಕಾರ್ಯೆಂ ಆಸ್ತೆಲೆಂ ಮಿಸಾಕ್ ಆಯ್ಲ್ಯಾ ಸರ್ವಾಂನಿ ರಾಂವ್ಚೆಂ. ದುಸ್ರೆಂ ಮೀಸ್ ಸಾಂಜೆರ್ 6 ವೊರಾರ್ ಆಸ್ತೆಲೆಂ.
ವೈಸಿಎಸ್ ಪಯ್ಲ್ಯಾ ವರ್ಸಾಂತ್ ಆಸ್ಚ್ಯಾ ಭುರ್ಗ್ಯಾಂಕ್ ಬಿಗಿನರ್ಸ್ ಕ್ಯಾಂಪ್ ಆಗೋಷ್ಟ್ ಮಹಿನ್ಯಾಚಾ 18 ತಾರಿಕೆರ್ ಸಕಾಳಿಂ 9 ಥಾವ್ನ್ ಸಾಂಜೆರ್ 3.30ವೊರಾಂ ಪರ್ಯಾಂತ್ ಕೊರ್ಡೆಲ್ ಹೊಲಾಂತ್ ಆಸ್ತೆಲೆಂ. ಸರ್ವ್ ಭುರ್ಗ್ಯಾಂನಿ ಹಾಜರ್ ಜಾಂವ್ಕ್ ವಿನಂತಿ.
ಆಗೋಷ್ಟ್ 25 ತಾರಿಕೆರ್ ಆಯ್ತಾರಾ ದೋನಿ ಕಾರ್ಯಿಂ ಆಸಾತ್. ಸಕಾಳಿಂ 8 ಥಾವ್ನ್ 9 ವೊರಾಂ ಪರ್ಯಾಂತ್ ಭುರ್ಗ್ಯಾಂಕ್ ತಶೆಂಚ್ ವ್ಹಡಾಂಕ್ ಬೈಬಲ್ “ಮ್ಯಾಜಿಕ್ ಶೋ” ಆಸಾ ಕೆಲ್ಯಾ. ಚಲವ್ನ್ ವ್ಹರ್ತಾತ್ ಬಾಪ್ ಐವನ್ ಮಾಡ್ತಾ. ತಶೆಂಚ್ 9.15ಮಿಸಾ ವೆಳಾರ್ ಮಾಲ್ಗಡ್ಯಾಂಚೊ ದೀಸ್ ಆಚರಣ್ ಕರ್ತಾಂವ್. 65ವರ್ಸಾ ವಯ್ಲ್ಯಾ ಸರ್ವಾಂನಿ ತಾಂಚಿಂ ನಾಂವಾಂ ವಾಡ್ಯಾಚಾ ಗುರ್ಕಾರಾಲಾಗಿಂ ವೆಗ್ಗಿಂಚ್ ದೀಂವ್ಕ್ ವಿನಂತಿ. ಮಿಸಾ ವೆಳಾರ್ ಮಾಲ್ಘಡ್ಯಾಂ ಪಾಸತ್ ವಿಶೇಷ್ ಮಾಗ್ಣೆಂ ಆನಿ ಪವಿತ್ರ್ ತೆಲಾ ಥಾವ್ನ್ ಮಾಖ್ಣಿ ಆಸ್ತೆಲಿಂ. ಮಿಸಾ ಉಪ್ರಾಂತ್ ಮಟ್ವೆಂ ಕಾರ್ಯೆಂ ಹೊಲಾಂತ್ ಆಸ್ತೆಲೆಂ. ಡಾ. ರಿತೇಶ್ ಭಲಯ್ಕೆವಿಶಿಂ ಮಾಹೆತ್ ದಿತಲೆ ಉಪ್ರಾಂತ್ ಜೆವಾಣ್ ಆಸ್ತೆಲೆಂ. ಹ್ಯಾ ದೋನಿ ಕಾರ್ಯಾಕ್ ಖರ್ಚ್ ಆಸ್‍ಲ್ಲ್ಯಾನ್ ದುಡ್ವಾ ಕುಮೊಕ್ ದೀಂವ್ಕ್ ವಿನಂತಿ ಕರ್ತಾಂವ್.
ಹಫ್ತೋ ಫೊರ್ವಾ