ಆಜ್ ತಶೆಂಚ್ ಫಾಲ್ಯಾಂ ವಿಯಾನ್ನಿ ಸಂಡೆ ವಾ ಯಾಜಕಾಂಚೊ ದೀಸ್ ಆಚರಣ್ ಕರ್ತಾಂವ್. ಸಾಂ. ಜೋನ್ ಮರಿ ವಿಯಾನ್ನಿ ಯಾಜಕಾಂಚೊ ಪಾತ್ರೊನ್. ಹ್ಯಾ ಪವಿತ್ರ್ ಮಿಸಾ ವೆಳಾರ್ ಯಾಜಕಾಂ ಪಾಸತ್ ಮಾಗ್‍ಲ್ಲ್ಯಾಂಕ್ ದೇವ್‍ಬರೆಂ ಕರುಂ. ಫಾಲ್ಯಾಂ ಪ್ರೆಂಡ್‍ಶಿಪ್ ಡೇ ಸಂಭ್ರಮ್. ಹ್ಯಾ ವರ್ಸಾ ಹೆಂ ಪ್ರೆಂಡ್‍ಶಿಪ್ ಡೇ “ಇಕೊ ಪ್ರೆಂಡ್‍ಶಿಪ್ ಡೇ” ಜಾವ್ನ್ ಆಚರಣ್ ಕರುಂಕ್ ಉಲೊ ದಿಲಾ. ‘ಪ್ರೆಂಡ್‍ಶಿಪ್ ಬ್ಯಾಂಡ್’ ಬಾಂದ್ಚ್ಯಾ ಬದ್ಲಾಕ್ ಝಾಡ್ ದೀವ್ನ್, ಬರಿ ತಸ್ವೀರ್ ಕಾಡ್ನ್ ಉಲ್ಲಾಸ್ ಪಾಟಂವ್ಕ್ ಏಕ್ ವಿನಂತಿ.
ಸಗ್ಳೊ ಹಫ್ತೋ ದೇವ್ ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ಲೂಡ್ಸ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಪಾಂಚ್ವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್, ಚವ್ತ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ಗಾಯಾನಾಕ್ ಮಾಂಡಾವಳ್ ಕರ್ಚಿ.
ಫಾಲ್ಯಾ ಪಯ್ಲ್ಯಾ ಮಿಸಾ ಉಪ್ರಾಂತ್ ಐಸಿವೈಎಮ್ ಸಾಂದ್ಯಾಚಿ ಜಮಾತ್ ಆಸ್ತೆಲಿ. ಸರ್ವ್ ಯುವಜಣಾಂನಿ ಹಾಜರ್ ಜಾಂವ್ಕ್ ವಿನಂತಿ.
ವಾಡ್ಯಾವಾರ್ ಫಾತ್ರಾ ಥಾವ್ನ್ ಕಲಾಕೃತಿ ಸ್ಪರ್ಧೊ ಬರ್ಯಾನ್ ಜಾಲಾ. ಗಾಂವಾಂತ್ ತಶೆಂಚ್ ಪರ್ಗಾಂವಾಂತ್ ಆಸ್ಲ್ಯಾ ಜಾಯ್ತ್ಯಾಂನಿ ಕಲಾಕೃತಿ ಪಳೆವ್ನ್ ಶಾಭಾಸ್ಕಿ ಉಚಾರ್ಲ್ಯಾ. ಭಾಗ್ ಘೆತ್‍ಲ್ಲ್ಯಾ ಸರ್ವಾಂಕ್ ದೇವ್ ಬರೆಂ ಕರುಂ. ಜೀಕ್ ಅಪ್ಣಾಯ್ಲ್ಯಾಂಕ್ ಶಾಬಾಸ್ಕಿ.
ಆಜ್ ಸಾಂಜೆರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸಾ. ಹ್ಯಾ ವೆಳಾರ್ ಯಾಜಕಾಂ ಪಾಸತ್ ಮಾಗ್ತೆಲ್ಯಾಂವ್.
ಸೊಮಾರಾ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್. ಘರಾಂನಿ ಜೊಕ್ತಿ ತಯಾರಾಯ್ ಕರ್ಚಿ.
ಬುದ್ವಾರಾ ಲ್ಹಾ.ಕ್ರೀ. ಸಮುದಾಯಾಚಿ ತರ್ಭೆತಿ ಆಸ್ತೆಲಿ. ಲ್ಹಾ.ಕ್ರೀ.ಸಮಿತಿಚಾ ಸಾಂದ್ಯಾಂನಿ ತಶೆಂಚ್ ವಾಡ್ಯಾಚಾ ಪ್ರೇರಕಾಂನಿ ಹಾಜರ್ ಜಾಂವ್ಕ್ ವಿನಂತಿ.
ಯೆಂವ್ಚ್ಯಾ ಆಯ್ತಾರಾ ಗೊವ್ಳಿಕ್ ಪರಿಷದಿಚಿ ಜಮಾತ್ 9.15ವೊರಾರ್ ಆಸ್ತೆಲಿ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾನಾ ಹಾಜರ್ ಜಾಂವ್ಚೆಂ.
ಫಿರ್ಗಜ್ ಪತ್ರ್ ಬಜ್ಜೋಡಿಚೊ ಕುರೊವ್ ಮೊಂತಿ ಫೆಸ್ತಾಕ್ ಪಾಯ್ಸ್ ಜಾತಾ. ಮರಿ ಆನಿ ಪ್ರಕೃತೆಕ್ ಸಂಬಂಧ್ ಜಾಲ್ಲಿ ಲೇಖನಾಂ, ಮಟ್ವ್ಯೊ ಕಾಣಿಯೊ, ಕವನಾಂ, ಪಿಂತುರಾ, ವಾಡ್ಯಾಂತ್ಲ್ಯೊ ವರ್ದ್ಯೊ ತಶೆಂಚ್ ಪತ್ರಾಕ್ ಜಾಹೀರಾತಾಂ ಆಗೊಷ್ಟಾಚಾ 15 ತಾರಿಕೆ ಭಿತರ್ ದಾಡುಂಕ್ ವಿನಂತಿ. ಭುರ್ಗ್ಯಾಂಕ್ ಪ್ರಕೃತೆವಿಶಿಂ ಲ್ಹಾನ್ ಲ್ಹಾನ್ ಮಟ್ವಿಂ ಲೇಖನಾಂ ಬರೊಂವ್ಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ.
ಐಸಿವೈಎಮ್ ಕೇಂದ್ರಿಕ್ ಸಮಿತಿನ್ ಯುವಜಣಾಂಚಾ ವರ್ಸಾಚಾ ಉಗ್ಡಾಸಾಕ್, ದುಬ್ಳ್ಯಾ ಕುಟ್ಮಾಕ್ ಏಕ್ ಘರ್ ಬಾಂದುನ್ ದಿಂವ್ಚೆ ಯೋಜನ್ ಹಾತಿಂ ಘೆತ್ಲಾಂ. ಹ್ಯಾ ಯೋಜನಾಕ್ ಆದಾರ್ ಜಾವ್ನ್ ಬಾಪ್ ಅಂತೊನ್ ಪೀಂತ್ ಹಾಂಚಿ ‘ನಾಂವ್ ಮೊಲಾದಿಕ್’ ಕೊವ್ಳಿ ಧರ್ಮಾರ್ಥ್ ಮೆಳ್ತಾ. ಯೆಂವ್ಚೊ ಆಯ್ತಾರ್ ರಾಷ್ಟ್ರೀಯ್ ಯುವಜಣಾಂಚೊ ಆಯ್ತಾರ್. ತ್ಯಾ ದಿಸಾ ತಶೆಂಚ್ ಸನ್ವಾರಾ ಮಿಸಾ ಉಪ್ರಾಂತ್ ಘರ್ ಬಾಂದ್ಚ್ಯಾ ಯೋಜನಾಕ್ ಯುವಜಣ್ ದಾನ್ ಜಮೊ ಕರ್ತಾತ್. ಮಿಸಾ ಉಪಾಂತ್ರ್ ಖುಶೆಚೆ ದಾನ್ ಬಾಯ್ರ್ ಆಸ್ಚ್ಯಾ ಬೊಕ್ಸಾಂತ್ ಘಾಲುಂಕ್ ವಿನಂತಿ. ಹ್ಯಾ ಬರ್ಯಾ ಕಾಮಾಕ್ ಆದಾರ್ ದೀಂವ್ಕ್ ಬಿಸ್ಪಾನ್ ವಿನಂತಿ ಕೆಲ್ಯಾ.
ಕಲಾಂಗಣಾಂತ್ ನಟನಾಂತ್ ಆಸಕ್ತ್ ಆಸ್‍ಲ್ಲ್ಯಾ 15ಥಾವ್ನ್ 35ವರ್ಸಾಂ ಭಿತರ್ಲ್ಯಾಂಕ್ ತರ್ಭೆತಿ ಸವೆಂ ಭಾತೆಂ ಆಸ್ತೆಲೆಂ. ಆಸಕ್ತ್ ಆಸ್‍ಲ್ಲ್ಯಾಂನಿ ಹಾಕಾ ಭರ್ತಿ ಜಾಂವ್ಕ್ ವಿನಂತಿ. ಚಡಿತ್ ವಿವರ್ ನೋಟಿಸ್ ಬೋರ್ಡಾರ್ ಆಸಾ.
ಹಿ ಬಜ್ಜೋಡಿ ಚಿಡಿeಚಿ ಕಂಕನಾಡಿ ಪೊಲಿಸ್ ಸ್ಟೇಶನಾಚಾ ಪರಿಧಿ ಭಿತರ್ ಯೆತಾ ಜಾಲ್ಲ್ಯಾನ್ ಆಮ್ಕಾಂ ಕಾನೂನ್ ಸುವ್ಯವಸ್ಥಾವಿಶಿಂ ಸಲಾಹಾ ಸಮ್ಜೊಣಿ ದೀಂವ್ಕ್, ಆಮ್ಚ್ಯಾ ಸಮಸ್ಸ್ಯಾವಿಶಿಂ ಸಮ್ಜೊನ್ ಘೆಂವ್ಕ್ ಪೋಲಿಸ್ ಇನ್ಸ್‍ಪೆಕ್ಟರ್ ಆನಿ ತಾಚಿ ಸಿಬ್ಬಂದಿ ಯೆಂವ್ಚ್ಯಾ ಆಯ್ತಾರಾ 10.30ವೊರಾರ್ ಹಾಂಗಸರ್ ಯೆತಾತ್. ಹೊ ಆಮ್ಕಾಂ ಲಾಬ್ಲಲೊ ಬರೊ ಆವ್ಕಾಸ್ ಮ್ಹಣ್ ಸಮ್ಜೊನ್ ಘೆವ್ನ್ ಜಾತಾ ತಿತ್ಲ್ಯಾ ಜಣಾಂನಿ ಹಾಜರ್ ಜಾಂವ್ಕ್ ವಿನಂತಿ.