ಸಗ್ಳೊ ಹಫ್ತೋ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಲ್ಯಾ ಲೂಡ್ರ್ಸ್ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ಲಿತುರ್ಜಿ ಐಸಿವೈಮ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಲ್ಹಾನ್‍ಫುಲ್ ವಾಡ್ಯಾಗಾರಾಂನಿ ಲಿತುರ್ಜಿ ಚಲವ್ನ್ ವರ್ಚಿ. ಹಫ್ತ್ಯಾಮಧೆಂ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ಲಿರ್ತುಜೆಚಿ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಫಿರ್ಗಜ್‍ಪತ್ರ್-ಬಜ್ಜೋಡಿಚೊ ಕುರೊವ್ ಮೊಂತಿ ಫೆಸ್ತಾಚಾ ಅಂಕ್ಯಾಕ್ ಲೇಖನಾಂ, ಕವನಾಂ, ಕಾಣಿಯೊ ತಶೆಂಚ್ ಜಾಹೀರಾತಾಂ ದಾಡುಂಕ್ ನಿಮಾಣಿ ತಾರೀಖ್ ಆಗೋಷ್ಟ್ 15. ಜಾಹೀರಾತಾಂ ವಾಡ್ಯಾವಾರ್ ಕುರೊವ್ ಪ್ರತಿನಿಧಿಲಾಗಿಂ ದೀಂವ್ಕ್ ವಿನಂತಿ. ಹ್ಯಾ ಅಂಕ್ಯಾಂತ್ ಹರ್ಯೇಕಾ ವಾಡ್ಯಾಕ್ ಎಕೇಕ್ ಪಾನ್ ಅಮಾನತ್ ಕರ್ನ್ ದವರ್ಲಾಂ ಜಾಲ್ಲ್ಯಾನ್ ವಾಡ್ಯಾಂತ್ಲ್ಯಾ ವಿಶೇಷ್ ತಾಲೆಂತಾಂವಿಶಿಂ ಮಟ್ವೆಂ ಬರಪ್ ಆನಿ ತಸ್ವೀರ್ಯೊ, ನ್ಯಾನೊ ಕಾಣ್ಯೊ, ಡ್ರಾಯಿಂಗ್, ಚುಟುಕಾಂ ಇತ್ಯಾದಿ ಬರೊವ್ನ್ ದೀಂವ್ಕ್ ವಿನಂತಿ.
ಆಗೋಷ್ಟಾಚಾ 1 ತಾರಿಕೆರ್ ಸೊಮಾರಾ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್. ಜೊಕ್ತಿ ತಯಾರಾಯ್ ಕರ್ಚಿ.
ಫಾಲ್ಯಾಂ: ಸ್ತ್ರೀ ಸಂಘಟನಾಚಿ ಜಮಾತ್ ಸಾಂಜೆರ್ 4.30ವೊರಾರ್ ಆಸ್ತೆಲಿ. ಸರ್ವ್ ಸಾಂದ್ಯಾಂನಿ ಹಾಜರ್ ಜಾಂವ್ಚೆಂ.
ಲ್ಹಾ. ಕ್ರೀ. ಸಮುದಾಯ್ ಆಯೋಗಾಚಿ ಜಮಾತ್ ಆಗೋಷ್ಟ್ 3 ತಾರಿಕೆರ್ ಬುದ್ವಾರಾ ಸಾಂಜೆಚಾ ಮಿಸಾ ಉಪ್ರಾಂತ್ ಆಸ್ತೆಲಿ. ಆಯೋಗಾಚಾ ಸಾಂದ್ಯಾಂನಿ, ವಾಡ್ಯಾಚಾ ಪ್ರೇರಕಾಂನಿ ಹಾಜರ್ ಜಾಂವ್ಕ್ ವಿನಂತಿ.
ಯೆಂವ್ಚೊ ಸುಕ್ರಾರ್ ಮಹಿನ್ಯಾಚೊ ಪಯ್ಲೊ ಸುಕ್ರಾರ್. ಸಾಂಜೆರ್ 6ವೊರಾರ್ ಆರಾಧಾನ್ ಉಪ್ರಾಂತ್ ಮೀಸ್ ಆಸ್ತೆಲೆಂ.
ಯೆಂವ್ಚೊ ಆಯ್ತಾರ್ ಸಾಂ ಜುವಾಂವ್ ಮರಿ ವಿಯಾನ್ನಿ ಆಯ್ತಾರ್ ಜಾವ್ನ್ ಸಂಭ್ರಮಾಂವ್. ಕುಟ್ಮಾಚಾ, ಫಿರ್ಗಜೆಚಾ, ಮಿಸಾಂವ್ ಗಾಂವಾಂನಿ ವಾವ್ರ್ ಕರ್ಚ್ಯಾ, ಪ್ರತ್ಯೇಕ್ ರಿತಿನ್ ಮಾಲ್ಘಡ್ಯಾಂ ಯಾಜಕಾಂ ಪಾಸತ್ ಮಾಗೊಂಕ್ ವಿನಂತಿ ಕರ್ತಾಂವ್. ತಶೆಂಚ್ ಪಯ್ಲ್ಯಾ ಕ್ಲಾಸಿ ಥಾವ್ನ್ ಧಾವ್ಯಾ ಕ್ಲಾಸಿಚಾ ಭುರ್ಗ್ಯಾಂಕ್ ಯಾಜಕಾಂಕ್ ಉಲ್ಲಾಸುನ್ ಕಾರ್ಡ್ ತಯಾರ್ ಕರ್ಚೊ ಸ್ಪರ್ಧೊ ಆಸಾ ಕೆಲಾ. ಭುರ್ಗ್ಯಾಂನಿ ಹ್ಯಾ ಸ್ಪಧ್ಯಾಂತ್ ಭಾಗ್ ಘೆಂವ್ಚೊ. ಸಾಂ ಜುವಾಂವಿ ಮರಿ ವಿಯಾನ್ನಿವಿಶಿಂ ಸಮ್ಜೊಣಿ ಜೊಡ್ಚಿ.
ಫಿರ್ಗಜೆಚಾ ಥೊಡ್ಯಾ ಭುರ್ಗ್ಯಾಂನಿ ಸಿಒಡಿಪಿ ಥಾವ್ನ್ ಎಡ್ಯುಕೇರ್ ವಾಡಿರಹಿತ್ ಶಿಕ್ಷಾರೀಣ್ ಘೆತ್ಲಾ. ಹ್ಯಾ ವರ್ಸಾ ವಾಯ್ದೊ ಸಪೊಂವ್ಚ್ಯಾ ಭುರ್ಗ್ಯಾಂನಿ ಹಿ ರೀಣ್ ಪಾಟಿಂ ಪಾವಿತ್ ಕರುಂಕ್ ಕರುಂಕ್ ಉಗ್ಡಾಸ್ ಕರ್ತಾಂವ್.
ಆಯೋಗಾಚಿ ತರ್ಭೆತಿ ಕಾರ್ಯಿಂ ಹ್ಯಾ ಪರಿ ಆಸಾತ್: ಸಂಬಂದ್ ಜಾಲ್ಲ್ಯಾ ಸಾಂದ್ಯಾಂನಿ ಚುಕಾನಾಸ್ತಾ ಹಾಜರ್ ಜಾಂವ್ಚೆಂ.
ಫಾಲ್ಯಾಂ ಆಯ್ತಾರಾ ಜುಲೈ 31 ತಾರಿಕೆರ್ ಅಂತರ್ ಧರ್ಮಿಯ್ ಆಯೋಗಾಚಾ ಸಂಚಾಲಕಾಕ್ ಆನಿ ಕಾರ್ಯದರ್ಶಿಕ್ ತರ್ಭೆತಿ ಸಾಂ ಅಂತೊನ್ ಆಸ್ರ್ಯಾಚ್ಯಾ ಸಂಭ್ರಮ್ ಸಾಲಾಂತ್ ಸಕಾಳಿಂ 9ವೊರಾರ್ ಆಸ್ತೆಲಿ.
ಫಾಲ್ಯಾಂ ಆಯ್ತಾರಾ ಜುಲೈ 31 ತಾರಿಕೆರ್ ಸಾಮಾಜಿಕ್ ಸಂಪರ್ಕ್ ಆಯೋಗಾಚಾ ಸಂಚಾಲಕ್ ಆನಿ ಕಾರ್ಯದರ್ಶಿಕ್ ತರ್ಭೆತಿ ಗೊವ್ಳಿಕ್ ಕೇಂದ್ರ್ ಬಜ್ಜೋಡಿಂತ್ ಸಕಾಳಿಂ 9.30ವೊರಾಂ ಥಾವ್ನ್ ಸಾಂಜೆರ್ 4.30ವೊರಾಂ ಪರ್ಯಾಂತ್ ಆಸ್ತೆಲಿ.
ಯೆಂವ್ಚ್ಯಾ ಆಯ್ತಾರಾ ಆಗೋಷ್ಟ್ 7 ತಾರಿಕೆರ್ ವಾರಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂಕ್ ಎಕಾ ದಿಸಾಚೊ ಸಮ್ಮೇಳ್ ಸಕಾಳಿಂ 9.30ವೊರಾಂ ಥಾವ್ನ್ ಸಾಂಜೆರ್ 4.30ವೊರಾಂ ಪರ್ಯಾಂತ್ ಕೊರ್ಡೆಲ್ ಹೊಲಾಂತ್ ಆಸಾ ಕೆಲಾ. ಆಲ್ತಾರ್ ಭುರ್ಗ್ಯಾಂನಿ ಹ್ಯಾ ಸಮ್ಮೇಳನಾಂತ್ ಭಾಗ್ ಘೆಂವ್ಕ್ ವಿನಂತಿ.
ಯೆಂವ್ಚ್ಯಾ ಆಯ್ತಾರಾ ಆಗೋಷ್ಟ್ 7 ತಾರಿಕೆರ್ ಸಿಟಿ ವಾರಾಡ್ಯಾಚಾ ಕ್ರಿಸ್ತಾಂವ್ ಶಿಕ್ಷಣ್ ಶಿಕ್ಷಕಾಂಕ್ ಪವಿತ್ರ್ ಪುಸ್ತಕ್ ಆನಿ ದೇವ್‍ಸ್ತುತಿವಿಶಿಂ ತರ್ಭೆತಿ ಸಕಾಳಿಂ 9.00ವೊರಾಂ ಥಾವ್ನ್ ಸಾಂಜೆರ್ 1ವೊರಾಂ ಪರ್ಯಾಂತ್ ದೆರೆಬೈಲ್ ಫಿರ್ಗಜ್ ಹೊಲಾಂತ್ ಆಸಾ ಕೆಲ್ಯಾ.
ಆದ್ಲ್ಯಾ ಆಯ್ತಾರಾ ಆಸಾ ಕೆಲ್ಲ್ಯಾ ಯುವಮಿಲನ್ ಕಾರ್ಯಾಕ್ ಹಾಜರ್ ಜಾಲ್ಲ್ಯಾ ಸರ್ವ್ ಯುವಜಣಾಂಕ್ ದೇವ್‍ಬರೆಂ ಕರುಂ ಮ್ಹಣ್ತಾಂವ್. ತಶೆಂಚ್ ಹರ್ಯೇಕಾ ಮಹಿನ್ಯಾಚಾ ಪಯ್ಲ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾ ಉಪ್ರಾಂತ್ ಜಾಂವ್ಚ್ಯಾ ಜಮಾತೆಕ್ ಹಾಜರ್ ಜಾಂವ್ಕ್ ವಿನಂತಿ ಕರ್ತಾಂವ್. ಹೆಂ ಕಾರ್ಯೆಂ ಆಸಾ ಕರುಂಕ್ ಸಾಂಗಾತ್ ದಿಲ್ಲ್ಯಾ ಐಸಿವೈಎಮ್ ಸಾಂದ್ಯಾಂಕ್, ಗುರ್ಕಾರ್ ಗುರ್ಕಾರ್ನ್ ಕೋರ್ ಕಮಿಟಿಚಾ ಸಾಂದ್ಯಾಂಕ್ ದೇವ್‍ಬರೆಂ ಕರುಂ.
ಕೊಂಕ್ಣಿ ನಾಟಕ್ ಸಭಾ(ರಿ)ಮಂಗ್ಳುರ್ ಆಗೋಷ್ಟಾ ಥಾವ್ನ್ ವಿವಿಧ್ ಕೊಂಕ್ಣಿ ಸ್ಪರ್ಧೆ ಆಸಾ ಕರ್ತಾ. ಆಸಕ್ತ್ ಆಸ್‍ಲ್ಲ್ಯಾನ್ ಹ್ಯಾ ಸ್ಪದ್ರ್ಯಾಂಕ್ ಭಾಗ್ ಘೆಂವ್ಕ್ ವಿನಂತಿ.
(6.30ಮಿಸಾಕ್ ಮಾತ್ರ್) ಸಾಂ. ವಿಶೆಂತ್ ಪಾವ್ಲ್. 8ವೊರಾಂಚಾ ಮಿಸಾಚಿ ಲಿತುರ್ಜಿ: ಸವ್ಯಾ ಕ್ಲಾಸಿಚಾ ಭುರ್ಗ್ಯಾಂಕ್.