ಆಜ್ ಸಾಂ ಜುಜೆಚೆಂ ಫೆಸ್ತ್. ತಶೆಂಚ್ ಸಾಂ ಜುಜೆ ವಾಡ್ಯಾಗಾರಾಂ ತಾಂಚೊ ಪಾತ್ರೊನ್ ಸಾಂತಾಚೆ ಫೆಸ್ತ್ ಆಚರಣ್ ಕರ್ತಾನಾ ವಾಡ್ಯಾಗಾರಾಂಕ್ ತಶೆಂಚ್ ಜಮ್ಲೆಲ್ಯಾ ತುಮ್ಕಾಂ ಸರ್ವಾಂಕ್ ಫೆಸ್ತಾಚೆ ಉಲ್ಲಾಸ್ ಪಾಟಯ್ಲಾಂ. ವಾಡ್ಯಾಚೆ ಮುಕೇಲ್ಪಣ್ ಘೆತ್‍ಲ್ಲ್ಯಾ ಗುರ್ಕಾರ್ ಮಾನೆಸ್ತ್ ಜೋನ್ ಫೆರ್ನಾಡಿಸ್, ಪ್ರತಿನಿಧಿಂಕ್ ಆನಿ ಕೋರ್ ಕಮಿಟಿಚಾ ಸಾಂದ್ಯಾಂಕ್ ಹ್ಯಾ ಮಿಸಾಚಿ ದೇವ್‍ಸ್ತುತಿ ಚಲವ್ನ್ ವ್ಹೆಲ್ಲ್ಯಾಕ್, ಕಾಣಿಕೊ ಹಾಡ್‍ಲ್ಲ್ಯಾಂಕ್ ದೇವ್‍ಬರೆಂ ಕರುಂ ಮ್ಹಣ್ತಾ. ವಾಡೊ ಕ್ರಿಯಾಳ್ ದವ್ರುಂಕ್ ತುಮಿ ದಿಂವ್ಚ್ಯಾ ಅಮೂಲ್ಯ್ ಸೆವೆಚೊ ಅಬಾರ್ ಮಾಂದ್ತಾ.
ಆಜ್ ಸ್ವೀಟ್ಸ್ ಸ್ಪೋನ್ಸರ್ ಕೆಲಾಂ ಸಾಂ ಜುಜೆ ವಾಡ್ಯಾ ಥಾವ್ನ್ ಸುನಿಲ್ ಫೆರ್ನಾಂಡಿಸ್ ಆನಿ ಜುವಾನ್ ಡಿಸಿಲ್ವಾ ತುಮ್ಕಾಂ ದೇವ್‍ಬರೆಂ ಕರುಂ ಮ್ಹಣ್ತಾಂವ್. ಮಿಸಾ ಉಪ್ರಾಂತ್ ಸರ್ವಾಂನಿ ಗೊಡ್ಶೆ ಸ್ವೀಕಾರ್ ಕರ್ಚೆಂ.
ಸಗ್ಳೊ ಹಫ್ತೋ ದೇವ್‍ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ದೇವ್ ಸ್ತುತಿ ದೇವ್‍ಸ್ತುತಿ ಆಯೋಗ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ದೇವ್ ಸ್ತುತಿ ಚಲವ್ನ್ ವರ್ಚಿ. ಹಫ್ತ್ಯಾ ಮಧೆಂ ಲ್ಹಾನ್ ಫುಲ್ವಾ ವಾಡ್ಯಾಗಾರಾಂನಿ ದೇವ್‍ಸ್ತುತಿಚಿ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಆಜ್/ಫಾಲ್ಯಾಂ ಸಾಂಜೆರ್ 7ವೊರಾರ್ ಇಗರ್ಜೆಂತ್ ತೈಝೆ ಮಾಗ್ಣ್ಯಾವಿಧಿ ಆಸ್ತೆಲಿ. ಹಿ ಧ್ಯಾನಾಚಿ ಮಾಗಾ ್ಣ್ಯವಿಧಿ ಆದ್ಯಾತ್ಮಿಕ್ ಸಮಿತಿ ಆನಿ ಐಸಿವೈಎಮ್ ಸಾಂದೆ ಚಲವ್ನ್ ವ್ಹರ್ತಲೆ. ಧ್ಯಾನ್ಯಾಚಾ ಮಾಗ್ಣ್ಯಾಕ್ ಸಹಜ್ ಜಾಲ್ಲೆಂ ವಾತಾವರಣ್ ಇಗರ್ಜೆಂತ್‍ಚ್ಚ್ ಆಸಾ ಕರ್ತೆಲ್ಯಾಂವ್.
ಮಾರ್ಚಾಚಾ 22 ತಾರಿಕೆರ್, ಮಂಗ್ಳಾರಾ ಸಾಂಜೆರ್ 6ವೊರಾರ್ ಬಾಪ್ ಮೆಲ್ವಿನ್ ಡಿಕುನ್ಹಾ ತಾಂಚೆ ಯಾಜಕೀ ರುಪ್ಯಾಳಾಚೆ ಆರ್ಗಾಂ ಮೀಸ್ ಭೆಟಯ್ತಲೆ. ರುಪ್ಯಾಳೊ ಸಂಭ್ರಮ್ ಆದ್ಲ್ಯಾ ವರ್ಸಾ ಜಾಲಾ ತರೀ ಆಮ್ಕಾಂ ಆಚರಣ್ ಕರುಂಕ್ ಸಾಧ್ಯ್ ಜಾವ್ನಾ ವಾ ತಾಣಿಂ ದವರ್ಲ್ಯಾ ಸಂಭ್ರಮಾಕ್ ಹಾಜರ್ ಜಾಂವ್ಕ್ ಸಾಧ್ಯ್ ಜಾವ್ನಾ. ದೆಕುನ್ ಮಂಗ್ಳಾರಾ ದಿಸಾ ತುಮಿ ಪವಿತ್ರ್ ಮಿಸಾಚಾ ಬಲಿದಾನಾಕ್ ಹಾಜರ್ ಜಾಂವ್ಚೆಂ. ಮಿಸಾ ಉಪ್ರಾಂತ್ ಮಟ್ವೆಂ ಉಲ್ಲಾಸುಂಚೆ ಕಾರ್ಯೆಂ ಮಿನಿ ಹೊಲಾಂತ್ ಆಸ್ತೆಲೆಂ. ಫಿರ್ಗಜೆಚಾ ಹರ್ಯೇಕಾ ಸಂಘ್-ಸಂಸ್ಥ್ಯಾಕ್, ಫಿರ್ಗಜ್‍ಗಾರಾಂಕ್ ಉಲ್ಲಾಸುಂಕ್ ಆವ್ಕಾಸ್ ಆಸ್ತಲೊ.
ಆದ್ಲ್ಯಾ ಆಯ್ತಾರಾ ದೊತೊರ್ನಿಚೊ ದೀಂವ್ಕ್ ಆಚರಣ್ ಕರುಂಕ್ ಸಹಕಾರ್ ದಿಲ್ಲ್ಯಾ ಭುರ್ಗ್ಯಾಂಚೊ, ವ್ಹಡಿಲಾಂಚೊ ತಶೆಂಚ್ ದೊತೊರ್ನ್ ಶಿಕೊಂವ್ಚ್ಯಾ ಸರ್ವ್ ಶಿಕ್ಷಕಿಂಕ್ ದೇವ್‍ಬರೆಂ ಕರುಂ ಮ್ಹಣ್ತಾ.
ಪಾಸ್ಕಾಂ ಫೆಸ್ತಾಕ್ ಪಾಯ್ಸ್ ಜಾಂವ್ಚ್ಯಾ ಬಜ್ಜೋಡಿಚೊ ಕುರೊವ್ ಫಿರ್ಗಜ್ ಪತ್ರಾಕ್ ಲೇಖÀನಾಂ, ಕವನಾಂ ಅನಿ ಜಾಹೀರಾತಾಂ ದಿತೆಲ್ಯಾಂನಿ ಮಾರ್ಚ್ 30ತಾರಿಕೆ ಭಿತರ್ ಫಿರ್ಗಜ್ ದಫ್ತರಾಕ್ ವಾ ವಾಡ್ಯಾವಾರ್ ಕುರೊವ್ ಪ್ರತಿನಿಧಿಲಾಗಿಂ ದೀಂವ್ಕ್ ವಿನಂತಿ. ಲೇಖನಾಂ ಕವನಾಂ ಬರೊಂವ್ಕ್ ಭುರ್ಗ್ಯಾಂಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ.
ಫಾಲ್ಯಾಂ ದುಸ್ರ್ಯಾ ಮಿಸಾ ಉಪ್ರಾಂತ್ ಪರಿಸರ್ ಆಯೋಗಾಚ್ಯಾ ಸಾಂದ್ಯಾಂಚಿ ಜಮಾತ್ ಆಸ್ತೆಲಿ.
ಕರೆಜ್ಮಾಚ್ಯಾ ದಿಸಾಂನಿ ಹರ್ಯೇಕಾ ಸುಕ್ರಾರಾ 5.30ವೊರಾರ್, ಸನ್ವಾರಾ 5 ವೊರಾರ್ ಆನಿ ಆನಿ ಆಯ್ತಾರಾ 8ವೊರಾರ್ ಖುರ್ಸಾವಾಟ್‍ಆಸ್ತೆಲಿ. ಆಧ್ಯಾತ್ಮಿಕ್ ಸಮಿತಿಚ್ಯಾ ಮುಕೇಲ್ಪಣಾಖಾಲ್ ಜವಾಬ್ದಾರಿ ಘೆತ್‍ಲ್ಲ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ.
ಯೆಂವ್ಚ್ಯಾ ಹಪ್ತ್ಯಾಂತ್ ಘರ್ ಬೆಜ್ಮೆಂತಾ: ಮಾರ್ಚಾಚಿ 21 ತಾರಿಕೆರ್ ಸೊಮಾರಾ ಸಾಂ ಜುಜೆ ವಾಡೊ, ಮಾರ್ಚಾಚಿ 23 ತಾರಿಕ್ ಬುದ್ವರಾ ಬಾಳ್ ಮರಿ ವಾಡೊ, ಮಾರ್ಚಾಚಿ 24 ತಾರಿಕ್ ಬ್ರೇಸ್ತಾರಾ ಸಾಂ. ಅಂತೊನ್ ವಾಡೊ. ಘರ್ ಬೆಜ್ಮೆಂತಾ ವೆಳಾರ್ ಘರ್ ನಿತಳ್ ದವರ್ಚೆಂ. ಘರ್ಚ್ಯಾ ಸರ್ವ್ ಸಾಂದ್ಯಾಂನಿ ಮಾಗ್ಣ್ಯಾವೆಳಾರ್ ಹಾಜರ್ ಅಸ್ಚೆಂ. ವಾಚ್ಪಾಂ ಆನಿ ಪ್ರಾರ್ಥನಾಂ ಯೆದೊಳ್‍ಚ್ಚ್ ದಿಲ್ಯಾಂತ್. ತಿಂ ಘರ್ಚ್ಯಾ ಸಾಂದ್ಯಾಂನಿ ವಾಚುಂಕ್ ವಿನಂತಿ.
ಮಾರ್ಚಾಚಾ 25, 26 ಆನಿ 27, ಯೆಂವ್ಚ್ಯಾ ಸುಕ್ರಾರಾ, ಸನ್ವರಾ, ಆಯ್ತಾರಾ ವಾರ್ಷಿಕ್ ರೆತಿರ್ ಆಸ್ತೆಲಿ. ಕಾರ್ಮೆಲಿತ್ ಯಾಜಕ್ ಬಾಪ್ ನೆಲ್ಸನ್ ಪಿಂಟೊ. ಹಿ ರೆತಿರ್ ಚಲವ್ನ್ ವ್ಹರ್ತೆಲೆ. ಸಾಂಜೆರ್ 5.15ವೊರಾರ್ ತೇರ್ಸ್ ಉಪ್ರಾಂತ್ ಶಿಕೊವ್ಣ್, ಅರ್ಗಾಂ ಸ್ತುತಿ, ಆರಾಧಾನ್ ಆನಿ ಮಿಸಾಚೆ ಬಲಿದಾನ್ ಆಸ್ತೆಲೆಂ. ಸರ್ವಾಂನಿ ಹ್ಯಾ ರೆತಿರೆಂತ್ ವಾಂಟೊ ಘೆವ್ನ್ ಆತ್ಮೀಕ್ ಜಿಣ್ಯೆಚಿ ನವ್ಸರ್ಣಿ ಕರುಂಕ್ ಉಲೊ ದಿತಾಂವ್.
ಪಯ್ಲ್ಯಾ ಮಿಸಾಕ್ ಮಾತ್ರ್ (ದೆವಾಚ್ಯಾ ಕುರ್ಪೆನ್ ಕಾಜಾರ್ ಜಾತಾತ್)
ರೀತಾನ್ ಪ್ರವೀನ್ ಕುಟೀನ್ಹಾ, ಪೂತ್ ರಿಚಾರ್ಡ್ ಜೋಸೆಫ್ ಕುಟೀನ್ಹಾ, ಆನಿ ಮರೀಯಾ ಕುಟಿನ್ಹಾ, ಹಾಂಚಿ, ವೆಲಂಕಣಿ ವಾಡೊ, ಬಾಳ್ ಮರಿ ಫಿರ್ಗಜ್, ಬಜ್ಜೋಡಿಚೆಂ, ಕ್ಯಾರೊನ್ ಪ್ರಮೀತಾ ಪಿರೇರಾಲಾಗಿಂ, ಧುಂ ದೆವಾದೀನ್ ಡೆನೀಸ್ ಪಿರೇರಾ ಆನಿ ಐರಿನ್ ರೊಡಿಗಸ್ , ಸಾಂ.ಫ್ರಾನ್ಸಿಸ್ ಸಾವೆರಾಚಿ ಫಿರ್ಗಜ್, ಸಾವೆರಾ ಪುರಾ. ಹಿ ಪಯ್ಲಿ ಚೀಟ್ï
ಹಾಂಚ್ಯೆ ಮಧೆಂ ಕಾಜಾರಾಕ್ ಆಡ್ಕಳ್ ಆಸಾ ತರ್ ಇಗರ್ಜ್ ಮಾತೆಚ್ಯಾ ವ್ಹಡಿಲಾಂಕ್ ಕಳಂವ್ಚೊ ತುಮ್ಚೊ ಕಾಯ್ದೊ.
(6.30ಮಿಸಾಕ್) ದೇವ್‍ಸ್ತುತಿ: ಮರಿಯಾಳ್ ಲೀಜನ್ (8.00ಮಿಸಾಕ್)ದೇವ್‍ಸ್ತುತಿ: ಲ್ಹಾನ್ ಫುಲ್