ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ಸಾಂ.ಜುಜೆ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ಅವಿಲಾ ವಾಡ್ಯಾಗಾರಾಂನಿ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾಕ್ ಸೆಕುಲರ್ ಕಾರ್ಮೆಲ್ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ವೈಸಿಎಸ್ ತಶೆಂಚ್ ಐಸಿವೈಎಮ್ ಸಾಂದ್ಯಾನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಭುರ್ಗ್ಯಾಂಕ್ ದೊತೊರ್ನ್ ಆಸ್ಚಿನಾ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಜನೆರ್ 25: ಭಾಗೆವಂತ್ ಪಾವ್ಲ್ ಧರ್ಮ್‍ದುತಾಚಿ ಪರ್ತೊವ್ಣಿ, ಜನೆರ್ 27:ಸಾಂ.ತಿಮೊತಿ, ಜನೆರ್ 28: ಸಾಂ.ತೊಮಾಸ್ ಅಕ್ವಿನಾಸ್
ಸಾಂಜೆರ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ.
ಜನೆರ್ 31 ತಾರಿಕೆರ್ ಫಿರ್ಗಜ್ ಫೆಸ್ತಾಚೊ ದೀಸ್. ಸನ್ವರಾ ಸಾಂಜೆರ್ 5.30ವೊರಾರ್ ತಶೆಂಚ್ ಆಯ್ತಾರಾ ಸಕಾಳಿಂ6.30ವೊರಾಂಚೆ ಮೀಸ್ ಆಸ್ತೆಲೆಂ. ಸಂಭ್ರಮಿಕ್ ಮೀಸ್ ಸಕಾಳಿಂ 10.00ವೊರಾರ್. 9.45ವೊರಾರ್ ಮಾನಾಚೊ ವಾತಿ ವಾಂಟ್ತೆಲ್ಯಾಂವ್. ವೈಸಿಎಸ್ ತಶೆಂಚ್ ಐಸಿವೈಎಮ್ ಸಾಂದ್ಯಾಂನಿ ಫೆಸ್ತಾಚಿ ದೇವ್‍ಸ್ತುತಿ ಚಲವ್ನ್ ವ್ಹರ್ಚಿ. ಮಿಸಾ ಉಪ್ರಾಂತ್ ಐಸಿವೈಎಮ್, ಗೊವ್ಳಿಕ್ ಪರಿಷದ್ ಸಾಂದೆ ಥೊಡೆ ಗೇಮ್ಸ್ ಚಲವ್ನ್ ವ್ಹರ್ತಲೆ. ಕೇವಲ್ ಗೇಮ್ಸ್ ಕೂಪನಾಂ ಘೆವ್ನ್ ಸಹಕಾರ್ ದಿಂವ್ಚೊ. ಹರ್ಯೇಕಾ ಕೂಪನಾಂಚೆರ್ ತುಮ್ಚೆಂ ನಾಂವ್ ಆನಿ ನಂಬರ್ ಬರೊಂವ್ಕ್ ವಿನಂತಿ. ಏಕ್ ವಿಶೇಷ್ ಬಹುಮಾನ್ ಆಸ್ತೆಲೆಂ. ಸಾಂಜೆರ್ 5.45ವೊರಾರ್ ಮಟ್ವೆಂ ವೆದಿ ಕಾರ್ಯೆಂ ತಶೆಂಚ್ ಸಾಂಸ್ಕøತಿಕ್ ಕಾರ್ಯೆಂ ಆಸ್ತೆಲೆಂ. ಯೆದೊಳ್‍ಚ್ಚ್ ಜವಬ್ದಾರಿ ವಾಂಟುನ್ ದಿಲ್ಯಾ. ಸರ್ವ್ ವಾಡ್ಯಾಚಾ ಗುರ್ಕಾರ್ನ್ ಗುರ್ಕಾರ್ನಿನ್ ಪ್ರತಿನಿಧಿಂನಿ, ವಾಡ್ಯಾಗಾರಾಂನಿ ತುಮ್ಚೊ ಸಹಕಾರ್ ದೀಂವ್ಕ್ ಉಲೊ ದಿತಾಂವ್.
ಫುಡಾರ್ ಪ್ರತಿಷ್ಟಾನ್ ದಿಯೆಸೆಜಿಂತ್ ಧಾವಿ, ಪಿಯುಸಿ ಆನಿ ಸ್ನಾತಕೋತ್ತರ್ ಅಧಿಕ್ ಅಂಕ್ ಜೊಡ್‍ಲ್ಲ್ಯಾ ವಿಧ್ಯಾರ್ಥಿಂಕ್ ಮಾನ್ ಕರ್ತಾ. ದೆಕುನ್ 2020ವ್ಯಾ ವರ್ಸಾ ಅಧಿಕ್ ಅಂಕ್ ಜೊಡ್‍ಲ್ಲ್ಯಾಂನಿ ತಾಂಚೆ ಮಾರ್ಕ್ಸ್ ಕಾರ್ಡ್ ಹ್ಯಾ ಹಫ್ತ್ಯಾಚ್ಯಾ 26ತಾರಿಕೆ ಭಿತಾರ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ.