ಸಗ್ಳೊ ಹಫ್ತೋ ದೇವ್‍ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ಅವಿಲಾಚಿ ಸಾಂ. ತೆರೆಜ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಲೂಡ್ಸ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಲ್ಹಾನ್ ಕ್ರೀಸ್ತಿ ಸಮುದಾಯ್ ಸಮಿತಿಚಾ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ಸವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್‍ಸ್ತುತೆಕ್, ಪಾಂಚ್ವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ಗಾಯಾನಾಕ್ ಮಾಂಡಾವಳ್ ಕರ್ಚಿ.
ಆಜ್ ಸಾಂಜೆರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸಾ. ಮಿಸಾಂವಾಂ ಪಾಸತ್.
ಫಾಲ್ಯಾಂ ಥಾವ್ನ್ ವಾಡ್ಯಾಚಾ ಗುರ್ಕಾರಾಚೆಂ, ಪ್ರತಿನಿಧಿಚೆಂ ಚುನಾವ್, ಚುನಾವ್ ಸಮಿತಿಚಾ ಮುಕೇಲ್ಪಣಾರ್ ಪ್ರಾರಂಭ್ ಕರ್ತಾಂವ್. ಗೊವ್ಳಿಕ್ ಪರಿಷದೆಚಾ ನಿಯಮಾಂ ಪರ್ಮಾಣೆ ವಿಗಾರ್, ಸಹಾಯಕ್ ವಿಗಾರ್, ಉಪಾದ್ಯಕ್ಷ್, ಕಾರ್ಯದರ್ಶಿ ಆನಿ ತ್ಯಾ ವಾಡ್ಯಾಚಿ ಗುರ್ಕಾರ್/ಗುಕಾರ್ನ್ ಚುನುವ್ ಸಮಿತಿಚೆ ಸಾಂದೆ.
ಫಾಲ್ಯಾ ದೋನ್ ವಾಡ್ಯಾಂನಿ ಚುನಾವ್ ಆಸ್ತೆಲೆಂ. ಕಾರ್ಮೆಲ್ ವಾಡ್ಯಾಂತ್ ವಿಕ್ಟರ್ ಡಿಕೋಸ್ತಾಚಾ ಘರಾ ಸಾಂಜೆರ್ 4 ವೊರಾರ್. ಪವಿತ್ರ್ ಕಾಳಿಜ್ ವಾಡ್ಯಾಂತ್ ಲಿಲ್ಲಿ ರೊಡ್ರಿಗಸಾಚಾ ಘರಾ ಸಾಂಜೆರ್ 6 ವೊರಾರ್ ಆಸ್ತೆಲಿ. ಅವಿಲಾ ವಾಡ್ಯಾಚಿ ಜಮಾತ್ ಸೆಲಿನ್ ಡಿಸೋಜಾಚಾ ಘರಾ 5 ವೊರಾರ್ ಆಸ್ತೆಲಿ.
ಯೆಂವ್ಚ್ಯಾ ಆಯ್ತಾರಾ ದೋನ್ ವಾಡ್ಯಾಂನಿ ಚುನಾವ್ ಆಸ್ತೆಲೆಂ. ಸಾಂ ಅಂತೊನ್ ವಾಡೊ ಹೆರಾಲ್ಡ್ ಲಿಡ್ವಿನ್ ಮಾರ್ಟಿಸಾಚಾ ಘರಾ 4ವೊರಾರ್ ತಶೆಂಚ್ ಬಾಳೊಕ್ ಜೆಜು ವಾಡೊ ಮರಿಯ ಡಿಕುನ್ಹಾಚಾ ಘರಾ 5 ವೊರಾರ್. ಚುನಾವ್ ಆಸ್ತಾನಾ ಹರ್ಯೇಕಾ ಘರಾ ಥಾವ್ನ್ ಎಕ್ ವಾ ಚಡಿತ್ ಸಾಂದ್ಯಾಂನಿ ಹ್ಯಾ ಜಮಾತೆಕ್ ಹಾಜರ್ ಜಾಂವ್ಕ್ ವಿನಂತಿ.
ಆಜ್ ಥಾವ್ನ್ ಭುರ್ಗ್ಯಾಂಕ್ ದೊತೊರ್ನ್ ಪ್ರಾರಂಭ್ ಜಾತಾ. ಪಯ್ಲ್ಯಾ ಸೆಮಸ್ಟೆರಾಂತ್ ಕೇವಲ್ ಥೊಡ್ಯಾ ಕ್ಲಾಸಿಕ್ ಮಾತ್ರ್ ಹಾಜರ್ ಜಾಲ್ಲ್ಯಾಂ ಭುರ್ಗ್ಯಾಂಚೊ ವಿವರ್ ಎದೊಳ್‍ಚ್ಚ್ ತುಮ್ಕಾಂ ತಿಳ್ಸಿಲಾ. ವ್ಹಡಿಲಾಂನಿ ತುಮ್ಚಿ ಜವಬ್ದಾರಿ ಮತಿಂತ್ ದವರ್ನ್ ಭುರ್ಗ್ಯಾಂಕ್ ಚುಕಾನಾಸ್ತಾಂ ದೊತೊರ್ನಿಕ್ ದಾಡ್ಚೆಂ.
ಲೌಕಿಕ್ ಶಿಕಾಪ್ ತಶೆಂಚ್ ಟ್ಯೂಶನೀ ಕಾರಣ್ ಜಾಂವ್ಕ್ ಪುರೊ ಪಾಟ್ಲ್ಯಾ ಥೊಡ್ಯಾ ಮಹಿನ್ಯಾಂ ಥಾವ್ನ್ ಭುರ್ಗ್ಯಾಂಚೆಂ ಮಿಸಾಕ್ ಹಾಜರ್ಪಣ್ ತಶೆಂಚ್ ಭುರ್ಗ್ಯಾಂನಿ ಆಲ್ತಾರ್ ಭುರ್ಗ್ಯಾಂಚಾ ಜಮಾತೆಕ್ ಯೆಂವ್ಚೆಂ, ವೆದಿ ಸೆವಕಾಚಾ ಜಮಾತೆಕ್ ಯೆಂವ್ಚೆಂ ಉಣೆಂ ಕೆಲಾಂ. ಆಮ್ಕಾಂ ಸಕ್ಡಾಂಕ್ ಕಳಿಸ್ ಆಸಾ ಪೂಣ್ ಆಮಿ ವಗ್ಗೆಚ್ ಆಸಾಂವ್. ಭುರ್ಗ್ಯಾಂಕ್ ಆತ್ಮೀಕ್ ಸಂಗ್ತಿ ಥಂಯ್ ಆಸಕ್ತ್ ದಿಂವ್ಚಿ ಜವಬ್ದಾರಿ ವ್ಹಡಿಲಾಂಚಿ ತಶೆಂಚ್ ಆಮ್ಚಿಯ್ ಜಾವ್ನಾಸಾ. ಲ್ಹಾನಾ ಭುರ್ಗ್ಯಾಂ ಥಂಯ್ ಆತ್ಮೀಕ್ ಸಂಗ್ತಿಂ ಥಂಯ್ ಉಮೆದ್ ಚಡೊಂವ್ಕ್ ಆನಿ ಮಿಸಾಂವಾಂಚೊ ಸ್ಪಿರಿತ್ ರುತಾ ಕರ್ಚ್ಯಾಕ್ “ಪೊಂತಿಫಿಕಾಲ್ ಮಿಶನರಿ ಭುರ್ಗ್ಯಾಂಚೊ ಮೇಳ್” ಸುರು ಕರುಂಕ್ ಬಿಸ್ಪಾನ್ ಉಲೊ ದಿಲಾ ಆನಿ ಹ್ಯಾ ಖಾತಿರ್ ಕ್ರಿಸ್ತಾಚಿ ಜಳ್ತಿಂ ಕಿರ್ಣಾಂ ಮ್ಹಳ್ಳೊ ಹಾತ್ ಪುಸ್ತಕ್ ತಯಾರ್ ಕೆಲಾ. ಹ್ಯಾ ವಿಶ್ಯಾಂತ್ ಜೊಕ್ತಿ ಸಮ್ಜೊಣಿ ದೀವ್ನ್ ಮುಕ್ಲೆಂ ಮೇಟ್ ಆಮಿ ಕಾಡ್ತೆಲ್ಯಾಂವ್. ವ್ಹಡಿಲಾಂನಿ ಸಹಕಾರ್ ದಿಂವ್ಚೊ.
ನವೆಂಬರ್ ಮಹಿನ್ಯಾಂತ್ ಸಾಂಸ್ಕøತಿಕ್ ಸಮಿತಿ ಭುರ್ಗ್ಯಾಂಕ್ ಮಾಂಡುನ್ ಹಾಡ್ತಾ “ಕಾಣಿ ಸಾಂಗ್ ಕಾಣಿ ಸಾಂಗ್” ಮ್ಹಳ್ಳೊ ಕಾಣಿ ಸಾಂಗ್ಚೊ ಸ್ಫರ್ದೊ. ಎಲ್‍ಕೆಜಿ ಥಾವ್ನ್ ದಾವ್ಯಾ ಕ್ಲಾಸಿಚಾ ಭುರ್ಗ್ಯಾಂನಿ ಹಾಂತುನ್ ಭಾಗ್ ಘೆಂವ್ಕ್ ಆವ್ಕಾಸ್ ಆಸಾ. ಚಡಿತ್ ವಿವರ್ ಮುಕ್ಲ್ಯಾ ದಿಸಾಂನಿ ತಿಳ್ಸಿತೆಲ್ಯಾಂವ್.
ವಾಡ್ಯಾವಾರ್ ಇಗರ್ಜ್ ನಿತಳಾಯ್ ಕರ್ಚಿ ಮಾಂಡಾವಳ್ ನೋಟಿಸ್ ಬೋರ್ಡಾರ್ ಘಾಲ್ಯಾ. ತ್ಯಾ ಪರ್ಮಾಣೆಂ ಕರ್ಚಿ. ಫಾಲ್ಯಾಂ ಸಕಾಳಿಂ ಎಕಾ ವೊರಾಂಚೊ ವೇಳ್ ಯುವಜಣ್ ಇಗರ್ಜ್ ನಿತಳಾಯ್ ಕರ್ತಾತ್. ಯುವಜಣಾಂನಿ 11 ವೊರಾರ್ ಇಗರ್ಜೆಲಾಗಿಂ ಸಾಂಗಾತಾ ಮೆಳ್ಚೆಂ.