ತಿಳ್ಸೊಣ್ಯೊ
1.ಆಜ್ ಸೊಮ್ಯಾಚ್ಯಾ ಜಿವಂತ್ಪಣಾಚೊ ಸಂಭ್ರಮ್ ಆಮಿಂ ಆಚರ್ಸಿತಾಂವ್. ಜೆಜು ಜೀವಂತ್ ಜಾಲಾ. ಆಮಿ ಪಾಸ್ಕಾಂಚಿ ಪರ್ಜಾ ಜಾವ್ನಾಸಾಂವ್. ಆಮ್ಚೆಂ ಗಾಯನ್ ಜಾಂವ್ಕ್ ಜಾಯ್ ಆಲ್ಲೆಲೂಯಾ. ಸರ್ವ್ ಆಮ್ಚ್ಯಾ ಫಿರ್ಗಜೆಚ್ಯಾ ಯಾಜಕಾಂ ತರ್ಫೆನ್ ತುಮ್ಕಾಂ ಸಮೇಸ್ತಾಂಕ್ ಜೆಜು ಕ್ರೀಸ್ತಾಚ್ಯಾ ಪುನರ್‍ಜಿವಂತ್ಪಣಾಚೆಂ ಭಾಗಿ ಫೆಸ್ತ್ ಹಾಂವ್ ಮಾಗ್ತಾಂ. ಜೀವಂತ್ ಸೊಮ್ಯಾ ಜೆಜು ಕ್ರೀಸ್ತಾಚೆಂ ಶಾಂತ್ -ಸಮಾಧಾನ್ ಆಮ್ಚ್ಯಾ ಕುಟ್ಮಾಂನಿ ರಾಜ್ ಕರುಂದಿ.
2. ಭಾಗೆವಂತ್ ಹಫ್ತ್ಯಾಚಿ ದೇವ್‍ಸ್ತುತಿ ಬೋವ್ ಅರ್ಥಾಭರಿತ್ ರಿತಿನ್ ಚಲವ್ನ್ ವ್ಹೆಲ್ಯಾ, ಕಾಣಿಕೊ ಹಾಡ್‍ಲ್ಲ್ಯಾ ತಶೆಂಚ್ ಖುರ್ಸಾವಾಟ್ ಚಲವ್ನ್ ವ್ಹೆಲ್ಲ್ಯಾ ಸರ್ವ್ ವಾಡ್ಯಾಗಾರಾಂಕ್ ಆನಿ ಸಂಘ್ ಸಂಸ್ಥ್ಯಾಂಚ್ಯಾ ಸಾಂದ್ಯಾಂಕ್ ದೇವ್‍ಬರೆಂ ಕರುಂ ಮ್ಹಣ್ತಾ. ತಶೆಂಚ್ ತರ್ಭೆತಿಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ದೇವ್‍ಸ್ತುತಿ ಆಯೋಗಾಚಾ ಸಾಂದ್ಯಾಂಚೊ ಉಪ್ಕಾರ್ ಭಾವುಡ್ತಾಂ.
3. ತಾಳಿಯಾಂಚಾ ಆಯ್ತಾರಾ ಥಾವ್ನ್ ಆಜ್ ಪರ್ಯಾನ್ ಜಾಯ್ತ್ಯಾಂನಿ ಹ್ಯಾ ಭಾಗೆವಂತ್ ಹಫ್ತ್ಯಾಂತ್ ಸಹಕಾರ್, ಆಧಾರ್ ಆನಿ ಕುಮೊಕ್ ದಿಲ್ಯಾ. ದೇವ್‍ಸ್ತುತೆಂತ್ ಸಾಂಗಾತ್ ದಿಲ್ಲ್ಯಾ ಬಾಪ್ ಸಿರಿಲ್ ಮಿನೆಜಸ್, ಬಾಪ್ ಪ್ರಣಾಮ್ ಫೆರ್ನಾಂಡಿಸ್, ಕಾರ್ಮೆಲ್ ಗುಡ್ಯಾಚೊ ಬಾಪ್ ಮೈಕಲ್ ಮೋರಿಸ್ ಶೆಣೊೈ ಹಾಂಚೊ ಹಾಂವ್ ಉಪ್ಕಾರ್ ಬಾವುಡ್ತಾಂ. ಫಿರ್ಗಜ್ ಗೊವ್ಳಿಕ್ ಪರಿಷದೆಚೆ ಉಪಾಧ್ಯಕ್ಷ್ ಶ್ರೀ ಪ್ರಕಾಶ್ ಸಲ್ಡಾನ್ಹಾ, ಕಾರ್ಯದರ್ಶಿ ಶ್ರೀಮತಿ ಎಲಿಜಾಬೆತ್ ಪಿರೇರಾ, ಆಯೋಗಾಚೊ ಸಂಯೋಜಕ್ ಶ್ರೀ ರೊನಾಲ್ಡ್ ಗೋವಿಯಸ್, ಗೊವ್ಳಿಕ್ ಪರಿಷದ್ ಸಾಂದ್ಯಾಂಚೊ, ಸರ್ವ್ ವಾಡ್ಯಾಚ್ಯಾ ಗುರ್ಕಾರ್ ಗುರ್ಕಾರ್ನಿಂಚೊ, ಆರ್ಥಿಕ್ ಪರಿಷದ್ ಸಾಂದ್ಯಾಂಚೊ, ಸರ್ವ್ ಆಯೋಗಾಚಾ ಸಾಂದ್ಯಾಂಚೊ ಆನಿ ಸರ್ವ್ ಸಂಘ್ ಸಂಸ್ಥ್ಯಾಂಚೊ ಉಪ್ಕಾರ್ ಬಾವುಡ್ತಾಂ.
4. ತಾಳಿಯಾಂಚ್ಯಾ ಆಯ್ತಾರಾ ಸುಮಧುರ್ ಗಾಯಾನ್ ಕೆಲ್ಲ್ಯಾ Youth Choir ಕ್, ತಶೆಂಚ್ ಪಾಸ್ಕಾಂಚ್ಯಾ ತ್ರ್ರಿದುವುಮ್ ದಿಸಾಂನಿ ದೇವ್-ಸ್ತುತೆಕ್ ಜೊಕ್ತಿ ಗಿತಾಂ ವಿಂಚುನ್, ದೇವ್-ಸ್ತುತೆಂತ್ ಭಕ್ತಿಪಣಾಂತ್ ವಾಂಟೊ ಘೆಂವ್ಕ್ ಆನಿ ತಿ ಆರ್ಥಾಭರಿತ್ ರಿತಿನ್ ಸಂಭ್ರಮುಂಕ್ ಆಧಾರ್ ದಿಲ್ಲ್ಯಾ ಫಿರ್ಗಜ್ ಗಾಯಾನ್ ಮಂಡಳಿಚ್ಯಾ ಸಾಂದ್ಯಾಚೊ ಆನಿ ತಾಂಕಾಂ ತರ್ಬೆತಿ ದಿಲ್ಲ್ಯಾ ಶ್ರೀ ಜೋಸೆಫ್ ಮಸ್ಕರೇನ್ಹಸಾಚೊ, ಆರಾಧನ್ ಚಲವ್ನ್ ವೆಲ್ಲ್ಯಾ ವಾಡ್ಯಾಗಾರಾಂಚೊ ಹಾಂವ್ ಉಪ್ಕಾರ್ ಬಾವುಡ್ತಾಂ.
6. ತಶೆಂಚ್ ನಿಮಾಣ್ಯಾ ಬ್ರೆಸ್ತಾರಾ ಆಲ್ತಾರಿಚಿ ಫುಲಾಂ ದಿಲ್ಲ್ಯಾ ರೋನಾಲ್ಡ್ ಗೋವಿಯಸ್ ಆನಿ ಕುಟಾಮ್; ಪಾಸ್ಕಾಂಚ್ಯಾ ಫೆಸ್ತಾಚಿ ಆಲ್ತಾರಿಚಿ ಫುಲಾಂ ದಿಲ್ಲ್ಯಾ ಜೆನಿಟಾ ಶರೋನ್ ಡಿಸೋಜಾ ಆನಿ ಕುಟಾಮ್, ಪಾಸ್ಕಾಂಚಿ ವಾತ್ Sponsor ಕೆಲ್ಲ್ಯಾ ಸಿರಿಲ್ ಸ್ಟೆಲ್ಲಾ ಡಿಸೋಜಾ ಆನಿ ಕುಟಾಮ್; ಲ್ಹಾನ್ ವಾತಿ Sponsor ಕೆಲ್ಲ್ಯಾ ಜೋಸೆಫ್ ಮಸ್ಕರೇನ್ಹಸ್ ಆನಿ ಕುಟಾಮ್; ಥೊಡ್ಯಾ ದುಬ್ಳಾ ಕುಟ್ಮಾಂಕ್ ಕುಮೊಕ್ ಕೆಲ್ಲ್ಯಾ ಸ್ಟಾನ್ಲಿ ಡಿಕುನ್ಹಾಕ್ ಹಾಂವ್ ಬರೆಂ ಕರುಂ ಮ್ಹಣ್ತಾ.
7. ಹರ್ಯೇಕಾ ದಿಸಾ ವೆದಿ ಸೊಬಂವ್ಕ್ ಕುಮೊಕ್ ಕರ್ಚ್ಯಾ ಹೋಲಿ ಸ್ಪಿರಿಟ್ ಸಮುದಾಯಾಚ್ಯಾ ಸಿಸ್ಟರಾಂಕ್, ವರ್ಸ್‍ಭರ್ ಆಯ್ತಾರಾ ಆಲ್ತಾರಿಚಿ ಫುಲಾಂ ದಿಂವ್ಚ್ಯಾ ಮರೀನಾ ಪಿಂಟೊ, ಬೆಂಗ್ಳುರ್, ನಿಮಾಣ್ಯಾ ಬ್ರೆಸ್ತಾರಾ ವಿಶೆವಾಚಿ ಆಲ್ತಾರ್ ಆನಿ ಪಾಸ್ಕಾಂಚಾ ಫೆಸ್ತಾಚಿ ಜೆಜುಚ್ಯಾ ಜೀವಂತ್ಪಣಾಚಿ Seene ಆನಿ ಹೆರ್ Decoration ಕರುಂಕ್ ಕುಮಕ್ ಕೆಲ್ಲ್ಯಾ O.S.S ಸಿಸ್ಟ್ರಾಂಚೊ, ಲೀಜನ್ ಆಫ್ ಮೇರಿ ಸಾಂದ್ಯಾಂಚೊ, ವಿಕ್ಟರ್ ಪಿಂಟೊಕ್, ಸಿರಿಲ್ ಡಿಸೋಜಾ ಆನಿ ಸಂತೋಷ್ ವೇಗಸ್ ಆನಿ ಹೆರಾಂಕ್ ದೇವ್ ಬರೆಂ ಕರು. ವೆದಿ ಸೆವಾ ಕೆಲ್ಲ್ಯಾ ವೇದಿ ಸೆವಕಾಂಕ್ ಆಮ್ಚೆ ಧಿನ್ವಾಸ್. ತಶೆಂ ಕರೆಜ್ಮಾಚ್ಯಾ ದೀಸಾಂನಿ ಆನಿ ನಿಮಾಣ್ಯಾ ಸುಕ್ರಾರಾ ಖುರ್ಸಾವಾಟ್ ಚಲವ್ನ್ ವ್ಹೆಲ್ಲ್ಯಾ ವಾಡ್ಯಾಗಾರಾಂಕ್, ತಸ್ವಿರ್ಯೊ ಕಾಡ್‍ಲ್ಲ್ಯಾ ಗ್ರಿಪ್ಪಾನಾಕ್ , ಇಗರ್ಜೆಚ್ಯಾ ವಾವ್ರಾಂತ್ ಕುಮೊಕ್ ದಿಂವ್ಚ್ಯಾ ರೊನಾಲ್ಡ್, ರಿಯಾ, ಐರಿನ್, ಮೊನಿಕಾ, ಲ್ಯಾನ್ಸಿ ಆನಿ ಸ್ಟೀವನಾಕ್ ಆಮ್ಚೆ ಧಿನ್ವಾಸ್.
8. ಬಾಗೆವಂತ್ ಹಫ್ತ್ಯಾಚಾ ತಶೆಂಚ್ ಪಾಸ್ಕಾ ಫೆಸ್ತಾಚಾ ಖರ್ಚಾಕ್ ಮುಡ್ದೊಮ್ ದಿಲ್ಲ್ಯಾ ಸರ್ವಾಂಚೊ ಹಾಂವ್ ಉಪ್ಕಾರ್ ಬಾವುಡ್ತಾಂ. ತಾಂಚಿ ನಾಂವಾ ಆಕೇರಿಕ್ ವಾಚುನ್ ಸಾಂಗ್ತೆಲ್ಯಾಂವ್. ತುಮ್ಚೇ ಸಮೆಸ್ತಾಂಚೆರ್ ಬಾಳ್ ಮರಿ ಆಪ್ಲಿಂ ಬೆಸಾಂವಾಂ ವೊತುಂದಿ.
9. ಪ್ರಾಚಿತ್ ಕಾಳಾರ್ ತುಮಿಂ ಥೊಡೊ ಸಾಕ್ರಿಪಿಸ್ ಕರ್ನ್ ಉರಯಿಲ್ಲೊ ಐವಜ್ ಯೆಂವ್ಚ್ಯಾ ಹಫ್ತ್ಯಾ ಭಿತರ್ ಹಾಂಗಾ ಆಲ್ತಾರಿಕ್ ದವರ್‍ಲ್ಲ್ಯಾ ಬೊಕ್ಸಾಂತ್ ಘಾಲುಂಕ್ ವ ಫಿರ್ಗಜ್ ದಫ್ತರಾಕ್ ಹಾಡ್ನ್ ದೀಂವ್ಕ್ ವಿನಂತಿ. ತೊ ಐವಜ್ ಆಮಿಂ ಆಫ್ರಿಕಾಚಾ ಮಿಸ್ಯೊನಾರಿಚ್ಯಾ ವಾವ್ರಾಖಾತಿರ್ ದಾಡ್ನ್ ದಿತೆಲ್ಯಾಂವ್
10. ಯೆಂವ್ಚ್ಯಾ ಆಯ್ತಾರಾ ದೈವಿಕ್ ಕಾಕುಳ್ತಿಚೆಂ ಫೆಸ್ತ್ ಆಚರಣ್ ಕರ್ತಾಂವ್. ಫೆಸ್ತಾಕ್ ತಯಾರಾಯ್ ಜಾವ್ನ್ ಹರ್ಯೆಕಾ ದಿಸಾ ಸಾಂಜೆರ್ ಮಿಸಾ ಪಯ್ಲೆಂ ದೈವಿಕ್ ಕಾಕುಳ್ತಿಚೊ ತೇರ್ಸ್ ಆನಿ ಮಿಸಾ ಉಪ್ರಾಂತ್ ನೊವೆನಾಚೆ ಮಾಗ್ಣೆಂ ಆಸ್ತೆಲೆಂ. ದೈವಿಕ್ ಕಾಕುಳ್ತಿಚಿ ಪಿಂತುರಾಂ ಇಗರ್ಜೆಚ್ಯಾ ದಾರಾ ಕಡೆ ವ Parish Office ತ್ ಮೆಳ್ತೆಲಿ.
11. ಪಯ್ಲ್ಯಾ ಕುಮ್ಗಾರಾಚ್ಯಾ ಭುರ್ಗ್ಯಾಂಕ್ ದೊತೊರ್ನ್ ಎಪ್ರಿಲಾಚ್ಯಾ 8 ತಾರೀಕೆರ್ ಸೊಮಾರಾ ಥಾವ್ನ್ ಪ್ರಾರಂಭ್ ಜಾತಾಲಿ. ಹರ್ಯೇಕಾ ದೀಸಾ ಸಾಂಜೆರ್ 4.30 ವರಾರ್ ದೊತೊರ್ನ್, ತ್ಯಾ ಉಪ್ರಾಂತ್ 6.00 ವೊರಾರ್ ಮೀಸ್. ಸರ್ವ್ ಪಯ್ಲ್ಯಾ ಕುಮ್ಗಾರಾಚ್ಯಾ ಭುರ್ಗ್ಯಾಂನಿ ಹ್ಯಾ ದೊತೊರ್ನೆಕ್ ಚುಕಾನಸ್ತಾನಾ ಹಾಜರ್ ಜಾಂವ್ಚೆಂ. ಯೆಂವ್ಚ್ಯಾ ಆಯ್ತಾರಾ, ಎಪ್ರಿಲ್ 7 ತಾರೀಕೆರ್ ಪಯ್ಲ್ಯಾ ಮೀಸಾ ಉಪ್ರಾಂತ್ ಸರ್ವ್ ಪಯ್ಲ್ಯಾ ಕುಮ್ಗಾರಾಚ್ಯಾ ಭುರ್ಗ್ಯಾಂಚಿ ಆನಿ ತಾಚ್ಯಾ ಆವಯ್-ಬಾಪಾಯ್ಚಿ ಜಮಾತ್ ಲ್ಹಾನ್ ಹೊಲಾಂತ್ ಆಸ್ತೆಲಿ. ಸರ್ವಾಂನಿ ಹಾಜರ್ ಜಾಂವ್ಚೆ.
12. ಭುರ್ಗ್ಯಾಂಕ್ ರಜೆಚೆ ದೀಸ್ ಜಾಲ್ಲ್ಯಾನ್ ಸಾಂಜೆಚೆಂ ಚುಕನಾಸ್ತಾಂ ಮಿಸಾಕ್ ಹಾಜರ್ ಜಾಂವ್ಚೆಂ. ಚುಕಾನಾಸ್ತಾಂ ಹಾಜರ್ ಜಾಲ್ಲ್ಯಾ ಭುರ್ಗ್ಯಾಂಕ್ ಅಂಕ್ ತಶೆಂಚ್ ಇನಾಮಾಂ ಆಸ್ತೆಲಿಂ.
13. ಹ್ಯಾ ಮಹಿನ್ಯಾಂತ್ ವಾಡ್ಯಾಜಮಾತ್ ಆಸ್ತೆಲಿ. ಹಿ ಜಮಾತ್ ಭುರ್ಗ್ಯಾಂಚಿ ಜಮಾತ್ ಜಾವ್ನಾಸ್ತೆಲಿ. ವಾಡ್ಯಾಂಚಾ ಸರ್ವ್ ಭುರ್ಗ್ಯಾಂನಿ ಹ್ಯಾ ವಾಡ್ಯಾ ಜಮಾತೆಕ್ ಹಾಜರ್ ಜಾಂವ್ಚೆಂ ಆನಿ ಗುರ್ಕಾರಾಂನಿ ಆನಿ ಪ್ರೇರಕಾಂನಿ ಭುರ್ಗ್ಯಾಂಕ್ 7 ಮೆಟಾಂಚ್ಯಾ ವಿಧಾನಾಚಿ ತರ್ಬೇತಿ ದಿಂವ್ಚೆ. ಥೊಡೆ ಖೆಳ್ ತಾಂಚೆ ಖಾತಿರ್ ಆಸಾ ಕರ್ಚೆಂ
14. ಎಪ್ರಿಲ್-ಮೇ ಮಹಿನ್ಯಾಂತ್ ಪಿಕ್‍ನಿಕಾಕ್ ವೆಚ್ಯಾಂನಿ ಆಯ್ತಾರಾಚೆಂ ಮೀಸ್ ಚುಕಾನಾಸ್‍ಲ್ಲ್ಯಾ ಪರಿ, ಸನ್ವಾರಾ ಸಾಂಜೆರ್ ವ ಆಯ್ತಾರಾ ಸಕಾಳಿಂ ಫಿರ್ಗಜೆಂತ್ ಮೀಸಾಕ್ ಹಾಜರ್ ಜಾವ್ನ್ ಉಪ್ರಾಂತ್ ಪಿಕ್‍ನಿಕಾಕ್ ವೆಚೆಂ.
15 ಫಾಲ್ಯಾಂ ಸಕಾಳಿಂ ಎಕ್‍ಚ್ಚ್ ಮೀಸ್ ಸಕಾಳಿಂ 7.30 ವೊರಾರ್ ಆಸ್ತೆಲೆಂ. ಗೊವ್ಳಿಕ್ ಪರಿಷದೆಚ್ಯಾ ಸಾಂದ್ಯಾಂನಿ ದೇವ್ -ಸ್ತುತಿ ಆನಿ ಕಾಣಿಕೊ ಪಳೆಂವ್ಚೊ. ಮೀಸಾ ಉಪ್ರಾಂತ್ ಆಶೀರ್ವಾದಿತ್ ಕೆಲ್ಲೆಂ ಉದಾಕ್ ವರ್ಯೆತ್. ಸಾಂಜೆರ್ 4 ವೊರಾರ್ ಪಾಸ್ಕಾ ದಬಾಜೊ 2K24 ಫಿರ್ಗಜೆಚ್ಯಾ ಮೈದಾನಾರ್ ಪೆನ್ಸಿಪೆಟ್, ಖೆಳ್, ಫುಡ್ ಪೆಸ್ತ್, ಹೌಸಿ ಹೌಸಿ ಆನಿ ಸಾಂಸ್ಕøತಿಕ್ ಕಾರ್ಯಾಕ್ರಮ್ ಆಸ್ತಲೆಂ.
18. ಸಗ್ಳೊ ಹಫ್ತೊ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಲ್ಯಾ ವೆಲಂಕಣಿ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಯೆಂವ್ಚ್ಯಾ ಆಯ್ತಾರಾ ಎಪ್ರಿಲ್ 7 ತಾರೀಕೆರ್ ಸಕಾಳಿಂಚ್ಯಾ ಮಿಸಾಕ್ ದೇವ್‍ಸ್ತುತಿ- ICYM ಸಾಂದ್ಯಾಂನಿ ಕರ್ಚಿ. ದುಸ್ರ್ಯಾ ಮೀಸಾಕ್ ಸಾಂ. ಜುಜೆ ವಾಡ್ಯಾಗಾರಾಂನಿ ಕರ್ಚಿ. ಆನಿ ತ್ಯಾಚ್ ವಾಡ್ಯಾಚ್ಯಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ. ಹಫ್ತ್ಯಾ ಮಧೆಂ ಸಾಂ.ಅಂತೋನ್ ವಾಡ್ಯಾಗಾರಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ತ್ಯಾಚ್ ವಾಡ್ಯಾಚ್ಯಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
19. ಆಜ್ ಸಕಾಳಿಂ ಸಾಂ. ಜುಜೆ ವಾಡ್ಯಾಚಿ ಶ್ರೀಮತಿ ಮಾರ್ಗರೆಟ್ ಫೆರ್ನಾಂಡಿಸ್ ದೇವಾದಿನ್ ಜಾಲ್ಯಾ. ತಿಚೆಂ, ಮೊರ್ನ್ ಸೊಮಾರಾ 9:00 ವೊರಾರ್ ಇಗರ್ಜೆಂತ್ ಆಸ್ತೆಲೆಂ. ತಶೆಂಚ್ ಕಾರ್ಮೆಲಿತ್ ಪಾದ್ರಾಪ್ ಬಾಪ್. ವಾಲ್ಟರ್ ಲೋಬೊ ಗೆಲೆತ್ಯಾ ಬುದ್ವಾರಾ ದೇವಾದಿನ್ ಜಾಲಾ. ತಾಚೇ ಮೊರ್ನ್ ಕಾರ್ಮೆಲ್ ಗುಡ್ಯಾರ್ ಸೊಮಾರಾ ತೀನ್ ವೊರಾರ್ ಜಾತಲೆಂ. ತಾಂಚ್ಯಾ ಆತ್ಮ್ಯಾಕ್ ಶಾಂತಿ ಮಾಗುಂಯಾಂ.
20.ಆಮ್ಚ್ಯಾ ಸರ್ವ್ ಧಾನಿ ಆನಿ ಹಿತಚಿಂತಕಾ ಪಾಸತ್ ಜೆಜು ಆನಿ ಬಾಳ್ ಮರಿಯೆ ಲಾಗಿಂ ಏಕ್ ಆಮ್ಚ್ಯಾ ಬಾಪಾ ಎಕ್ ನಮಾನ್ ಮರ್ಯೆ ಮಾಗ್ಯಾಂ