ತಿಳ್ಸೊಣ್ಯೊ
1. ಆಯ್ಚೊ ಆಯ್ತಾರ್, ಸಾದ್ಯಾ ಕಾಳಾಚೊ ಸವಿಸಾವೊ ಆಯ್ತಾರ್. ಹ್ಯಾ ಹಫ್ತಾಂತ್ ಫಾಲ್ಯಾಂ/ ಆಜ್, ಜೆಜುಚ್ಯಾ ಲ್ಹಾನ್ ಫುಲ್ ಸಾಂ. ತೆರೆಜಾಚೆಂ ಫೆಸ್ತ್. ಆನಿ ಲ್ಹಾನ್ ಫುಲ್ ವಾಡ್ಯಾಚೆಂ ಫೆಸ್ತ್. ತಶೆಂಚ್, ಬಜ್ಜೋಡಿ ವೈಶಂತಿಕ್ ಸಭೆಚೆಂ ಫೆಸ್ತ್.
ಸೊಮಾರಾ, ಬಾಗೆವಂತ್ ರಾಕ್ಣೆ ದೇವ್‍ದೂತ್; ಬುದ್ವಾರಾ, ಸಾಂ. ಪ್ರಾನ್ಸಿಸ್ ಆಸಿಸ್; ಸನ್ವಾರಾ, ಬಾಗೆವಂತ್ ಆಂಕ್ವಾರ್ ಮರಿ; ರೊಜಾರಿಚ್ಯಾ ಸಾಯ್ಬಿಣಿಚೆಂ ಫೆಸ್ತ್.
2. ಹೊ ಆಕ್ಟೋಬರ್ ಮಹಿನೊ, ರೊಜಾರ್ ಮಾಯೆಕ್ ಸಮರ್ಪಿಲ್ಲೊ ಮಹಿನೊ, ವ ಕೋಂತಾಚ್ಯಾ ತೇರ್ಸಾಚೊ ಮಹಿನೊ. ಹ್ಯಾ ಮಹಿನ್ಯಾಂತ್ ಇಗರ್ಜೆಂತ್, ಕುಟ್ಮಾಂತ್ ವ ಹೆರ್ ಕಡೆನ್ ಸಾಮೂಹಿಕ್ ಥರಾನ್ ತೇರ್ಸ್ ಮಾಗ್ಲ್ಯಾರ್, ತಾಂಕಾಂ ಪ್ಲೆನಾರಿ ಇಂದುಲ್‍ಜೆನ್ಸ್ ಫಾವೊ ಜಾತಾ. ದೆಕುನ್ ಸಾಂಜೆಚ್ಯಾ ವೆಳಾರ್ ಆಮ್ಚ್ಯಾ ಕುಟ್ಮಾಂತ್ ಆನಿ ಇಗರ್ಜೆಂತ್ ತೇರ್ಸ್ ಆಮಿಂ ಮಾಗ್ಯಾಂ. ತಶೆಂಚ್ ಹ್ಯಾ ಮಾಹಿನ್ಯಾಂತ್ ಪಾಪಾಚೊ ಇರಾದೊ ಜಾವ್ನಾಸ್‍ಲ್ಲ್ಯಾ ಸಿನೊದ್ ಸಭೆ ಪಾಸತ್ ಆಮಿಂ ಮಾಗ್ಯಾಂ.
3. ಯೆಂವ್ಚ್ಯಾ ಬುದ್ವಾರಾ, ಆಕ್ಟೋಬರ್ 4 ತಾರೀಕೆರ್ ಲ್ಹಾನ್ ಕ್ರಿಸ್ತಾಂವ್ ಆಯೋಗಾಚಿ ಜಮಾತ್ ಸಾಂಜೆಚ್ಯಾ ಮೀಸಾ ಉಪ್ರಾಂತ್ ಆಸ್ತೆಲಿ. ಬಾಪ್ ಜೊಕಿಮ್ ಪೆರ್ನಾಂದ್, ಲ್ಹಾನ್ ಕ್ರಿಸ್ತಾಂವ್ ಆಯೋಗಾಚೊ ದಿರೆಕ್ತೊರ್ ಹ್ಯಾ ಸಭೆಕ್ ಯೆತಲೊ. ದೆಕುನ್ ವಾಡ್ಯಾಚೆ ಗುರ್ಕಾರ್ ಪ್ರತಿನಿಧಿ, ಪ್ರೇರಕ್ ಆನಿ ಕೊರ್ ಕಮಿಟಿ ಚೆ ಸಾಂದೆ ಹ್ಯಾ ಜಮಾತೆಕ್ ಚುಕಾನಾಸ್ತಾನಾ ಹಾಜರ್ ಜಾಂವ್ಚೆಂ.
4. ಮಾಲ್ಗಡ್ಯಾಂಚೊ ದೀಸ್ ಆಮಿಂ ಆಕ್ಟೋಬರ್ 15 ತಾರೀಕೆರ್ ಆಮ್ಚ್ಯಾ ಫಿರ್ಗಜೆ ಹೊಲಾಂತ್ ಆಚರ್ಸಿತೆಲ್ಯಾಂವ್. ಸಕಾಳಿಂ 10.30 ವರಾರ್ ಮೀಸ್, 11.30 ವರಾರ್ ಸಾಂಸ್ಕøತಿಕ್ ಕಾರ್ಯಕ್ರಮ್, 12.30 ವರಾರ್ ಜೆವಾಣ್ ಆಸ್ತಲೆಂ. ಗುರ್ಕಾರಾಂನಿ , 65 ವರ್ಸಾಂ ವಯ್ಲ್ಯಾ ಕ್ರಯಾಕ್ರಮಾ ಕ್ ಯೆಂವ್ಕ್ ಸಾಧ್ಯ್ ಆಸ್ಚ್ಯಾ ಮಾಲ್ಗಡ್ಯಾಂಚಿ ನಾಂವಾಂ ದಿಂವ್ಚಿ. ಆನಿ ತಾಂಕಾಂ ಹ್ಯಾ ಕಾರ್ಯಕ್ರಮಾಕ್ ಆಪವ್ನ್ ಹಾಡುಂಕ್ ಫಾವೊತಿ ವ್ಯವಸ್ಥಾ ಕರ್ಚಿ.
5. ಆಮ್ಚ್ಯಾ ಫಿರ್ಗಜ್‍ಗಾರಾಂ ಆನಿ ಯುವಜಣಾಂ ಮಧೆಂ “ಮಾದಕ್ ದ್ಯವ್ಯಾಂ” ವ “Drugs” ವಿಶಿಂ ಜಾಗೃತಿ ಹಾಡ್ಚ್ಯಾಕ್ ICYM Bajjodi ಹಾಣಿ “Drugs Awareness” ಸ್ಪರ್ದೊ ಆಸಾ ಕೆಲ್ಲೊಂ. ಹಾಂತು Reels/short video competition, Slogan competition, selfie Competition ಆಸಾ ಕೆಲ್ಲೆಂ. ಹೆಂ ದಾಡುಂಕ್ ಫಾಲ್ಯಾ/ ಆಜ್ ಆಯ್ತಾರಾ ನಿಮಾಣಿ ತಾರೀಕ್. ಜಿಕ್‍ಲ್ಲ್ಯಾಂಕ್ ಫಿರ್ಗಜೆ ಆನಿ ದಿಯೆಸೆಜಿ ಹಂತಾರ್ ಇನಾಮಾಂ ಆಸ್ತೆಲಿಂ.
6. ಫಾಲ್ಯಾಂ/ಆಜ್, ಆಯ್ತಾರಾ ಸಾಂಜೆರ್ 7 ಥಾವ್ನ್ 7.45 ವರಾಂ ಪರ್ಯಾಂತ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧನ್ ಆನಿ ಕಾಮಾಚ್ಯಾ ಸೊದ್ನೆರ್ ಆಸ್ಚ್ಯಾ ಆನಿ ಫಾವೊತೆಂ ಕಾಮ್ ಮೆಳಾನಾತ್‍ಲ್ಲ್ಯಾ ಯುವಜಣಾಂ ಪಾಸತ್ ಪ್ರತ್ಯೇಕ್ ವಿನೊವ್ಣಿ ಆಸ್ತೆಲಿ.
7. ಆಯ್ಲೆವಾರ್ ಪಾಪಾ ಪ್ರಾನ್ಸಿಸಾನ್ ಇಗರ್ಜೆಂತ್ ಮೀಸಾ ವೆಳಾರ್ ಮೊಬೈಲ್ ಹಾಡ್ನ್ ಫೊಟೊ ಕಾಡುಂಕ್ ವ ಮೀಸಾ ವೆಳಾರ್ ಮೆಸೆಜ್ ಪಳೆಂವ್ಕ್ ವ ಉಲೊಂವ್ಕ್ , ಎಕಾ ಉತ್ರಾನ್ ಇಗರ್ಜೆಂತ್ ಮೊಬೈಲ್ ವಾಪರುಂಕ್ ಆಡ್ವಾರ್ಲಾಂ. ಇಸ್ಕೊಲಾಕ್ ವೆತಾನಾ ಆಮ್ಚ್ಯಾ ಭುಗ್ರ್ಯಾಂಕ್ ಮೊಬೈಲ್ ವ್ಹರುಂಕ್ ಆಡ್ವಾರ್ಲಾಂ, ತರ್ ಹೆಂ ವ್ಹತ್ರ್ಯಾ ಥರಾನ್ ಇಗರ್ಜೆಂತ್ ಆಮಿಂ ಪಾಳುಂಕ್ ಜಾಯ್, ಕಿತ್ಯಾಕ್ ಹೆಂ ಜಾವ್ನಾಸಾ ದೇವ್ ಮಂದಿರ್ ದೆಕುನ್ ದಯಾಕರ್ನ್ ಮೀಸಾಕ್ ಯೆತಾನಾ ಮೊಬೈಲ್ ಹಾಡಿನಾಕಾತ್ ವ ಹಾಡ್ಲ್ಯಾರ್ ಮೀಸಾ ವೆಳಾರ್ ಸ್ವಿಚ್ ಆಫ್‍ರ್ ದವರ್ನ್ ಖಂಚಾಯಿ ರೀತಿನ್ ವಾಪಾರ್ಚೆ ನಾಕಾ.
8. ಆಯ್ಚಿ ಕಾಣಿಕ್ ವೈಶಂತಿಕ್ ಸಭೆಕ್ ವೆತಾ.
9. ಯೆಂವ್ಚ್ಯಾ ಸೊಮಾರಾ, ಆಕ್ಟೋಬರ್ 2 ತಾರೀಕೆರ್ ಆಮಿಂ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್.
10. 2023 ವರಸ್ ಆಕೇರ್ ಜಾವ್ನ್ ಆಯ್ಲೆ. ದೆಕುನ್ ತುಮ್ಚೊ ವಾರ್ಪಿಕ್ ಆನ್ವಲ್ ಕಾಯ್ದೊ ತಶೆಂ ಮೆಂಟೆನೈಸ್ ಗುರ್ಕಾರಾಕ್ ವ ಫಿರ್ಗಜ್ ದಪ್ತಾರ್ ಕ್ ವೆಗ್ಗಿಂಚ್ ದಿಂವ್ಕ್ ವಿನಂತಿ. ದಿಲ್ಲ್ಯಾ ಯೆಮಾಂಟ್ ಕ್ ಆಮಿ ರಸೀದ್ ದಿತೆಲ್ಯಾಂವ್.
11. ಐಸಿವೈಮ್ ಸುರತ್ಕಲ್ ಘಟಕ್ “ಗೊಲ್ಡನ್ ಜುಬಲಿ ಕಪ್ 2023” ಅಂತರ್ ಫಿರ್ಗಜ್ ಮಂಗ್ಳುರ್ ಆನಿ ಉಡುಪಿ ದಿಯೆಸೆಜ್, ಕ್ರಿಕೆಟ್ ಆನಿ ತ್ರೋಬಾಲ್ ಪಂದ್ಯಾಟ್ ನವೆಂಬರ್ 5 ತಾರೀಕೆರ್ ಆಯ್ತಾರಾ ಸುರತ್ಕಲ್ ಇಗರ್ಜೆಚ್ಯಾ ಮೈದಾನಾರ್ ಆಸಾ ಕರ್ತಾ. ಟೂರ್ನಮೆಂಟಾಂತ್ ಭಾಗ್ ಘೆಂವ್ಕ್ ಯುವಜಣಾಂಕ್ ಆಪವ್ಣೆ ಆಸಾ. ಚಡಿತ್ ವಿವರ್ ನೋಟಿಸ್ ಬೊರ್ಡಾಚೆರ್ ಪಳೆಯಾ.
12. ಸಗ್ಳೊ ಹಫ್ತೊ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಯಾ ಅವಿಲಾ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ.
ಯೆಂವ್ಚ್ಯಾ ಆಯ್ತಾರಾ ಒಕ್ಟೋಬರ್ 8 ತಾರೀಕೆರ್ ಸಕಾಳಿಂಚಾ ಮಿಸಾಕ್ ದೇವ್‍ಸ್ತುತಿ- ಎಕ್ತಾರ್ ಪಂಗಡ್ ಸಾಂದ್ಯಾಂನಿ ಕರ್ಚಿ. ದುಸ್ರ್ಯಾ ಮೀಸಾಕ್ ಮರಿಯಾಲ್ ಲೀಜನ್ ಸಾಂದ್ಯಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ಆಟ್ವ್ಯಾ ಕ್ಲಾಸಿಚ್ಯಾ ಭುಗ್ರ್ಯಾಂನಿ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ . ಹಫ್ತ್ಯಾ ಮಧೆಂ ಬಾಳೊಕ್ ಜೆಜು ವಾಡ್ಯಾಗಾರಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ .
ಪಯ್ಲ್ಯಾ ಮಿಸಾಕ್ ಮಾತ್ರ್ (ದೆವಾಚ್ಯಾ ಕುರ್ಪೆನ್ ಕಾಜಾರ್ ಜಾತಾತ್)
ಗ್ಲೇನ್ ಅಲೋಶಿಯಸ್ ರೇಗೊ , ಪೂತ್ ಅಲ್ಬರ್ಟ್ ರೇಗೊ ಆನಿ ಲಿಡ್ವೀನ್ ಗ್ರೆಟ್ಟಾ ರೇಗೊ ಹಾಂಚೊ, ಅವಿಲಾವಾಡೊ, ಬಾಳ್‍ಮರಿ ಫಿರ್ಗಜ್ ಬಜ್ಜೋಡಿಚೊ; ಮೆವೀಸ್ ಪಿಂಟೊ ಲಾಗಿಂ, ಧು ದೆವಾದೀನ್ ಇಗ್ಣೇಶಿಯಸ್ ವಿಜಯ್ ಕುಮಾರ್ ಪಿಂಟೊ ಆನಿ ಮೇರಿ ಪಿಂಟೊ ಹಾಂಚಿ, ಸಾಂ. ಜುಜೆ ಕಾಮೆಲಿ ಫಿರ್ಗಜ್, ವಾಮಾಂಜೂರ್. ಹಿ ಪಯ್ಲಿ ಚೀಟ್.
ಹಾಂಚೆ ಮಧೆಂ ಕಾಜಾರಾಕ್ ಆಡ್ಕಳ್ ಆಸಾ ತರ್ ಇಗರ್ಜ್ ಮಾತೆಕ್ ಕಳಂವ್ಚೊ ತುಮ್ಚೊ ಕಾಯ್ದೊ.