ಆಜ್/ಫಾಲ್ಯಾ ಆಯ್ತಾರಾ ಫಿರ್ಗಜೆಂತ್ 9 ಜಣಾಂ ಭುರ್ಗ್ರ್ಯಾಂಕ್ ಪಯ್ಲ್ಯಾ ಕುಮ್ಗಾರಾಚೊ ಸಂಭ್ರಮ್. ಆಯ್ತಾರಾ ಪಯ್ಲೆಂ ಮೀಸ್ 6.30ವೊರಾರ್ ಆಸ್ತೆಲೆಂ. ಕುಮ್ಗಾರಾಚೆ ಸಂಭ್ರಮಿಕ್ ಮೀಸ್ 8ವೊರಾರ್ ಆಸ್ತೆಲೆಂ. ಹ್ಯಾ ಪವಿತ್ರ್ ಮಿಸಾಕ್ ಹಾಜರ್ ಜಾವ್ನ್ ಹ್ಯಾ ಭುಗ್ರ್ಯಾಂ ಪಾಸತ್ ಮಾಗೊಂಕ್ ವಿನಂತಿ.
ಫೊರ್ವಾ೦ ಆಯ್ತಾರಾ ಸಕಾಳಿಂಚಾ ಮಿಸಾಕ್ ದೇವ್‍ಸ್ತುತಿ, ಸ್ತ್ರಿ ಸಂಘಟನ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ಆನಿ ಹಫ್ತ್ಯಾ ಮಧೆಂ ಲೂಡ್ರ್ಸ್ ವಾಡ್ಯಾಗಾರಾಂನಿ ದೇವ್‍ಸ್ತುತಿಚಿ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಫಾಲ್ಯಾಂ ವಾಡ್ಯಾ ಜಮಾತ್
ಲೂಡ್ರ್ಸ್ ವಾಡೊ: ವಿನ್ಸೆಂಟ್ ಹಿಲ್ಡಾ ಡಿಸೋಜಾ ಚ್ಯಾ ಘರಾ ಸಾಂಜೆರ್ 5 ವೊರಾರ್
ಸಾಂ ಜುಜೆ ವಾಡೊ: ಸೈಮನ್ ಡಿಕುನ್ಹಾಚಾ ಘರಾ ಸಾಂಜೆರ್ 4.30ವೊರಾರ್
ಹ್ಯಾ ಮಹಿನ್ಯಾಂತ್ ವಾಡ್ಯಾ ಜಮಾತ್ ಆಸ್ತೆಲಿ. ಹ್ಯಾ ಮಹಿನ್ಯಾಂತ್ ವಾಡ್ಯಾವಾರ್ ಬೈಬಲಾಂತ್ಲ್ಯಾ ಬೂಕಾಂಚೊ ನಟನ್ ನಾಚ್ ವಿಡಿಯೊ ಚಾಲೆಂಜ್ ಸ್ಫರ್ದೊ ಆಸಾ ಕೆಲಾ. ಲ್ಹಾನಾಂನಿ ವ್ಹಡಾಂನಿ ಸಾಂಗಾತಾ ಮೆಳೊನ್ ಹ್ಯಾ ಸ್ಪಧ್ರ್ಯಾಂತ್ ಭಾಗ್ ಘೆಂವ್ಕ್ ವಿನಂತಿ. ಪಯ್ಲೆಂ ದುಸ್ರೆಂ ಆನಿ ತಿಸ್ರೆಂ ಇನಾಮ್ ಆಸ್ತೆಲೆಂ. ಇನಾಮಾಂ ಜೂನಾಚಾ 4 ತಾರಿಕೆರ್ ದಿತೆಲ್ಯಾಂವ್.
ಭುಗ್ರ್ಯಾಂಕ್ ಆಯ್ತಾರಾಚಿ ಕ್ರೀಸ್ತೀ ದೊತೊರ್ನ್ ಜೂನಾಚ್ಯಾ 4 ತಾರಿಕೆರ್ ಪ್ರಾರಂಭ್ ಜಾತೆಲಿ. ಪಯ್ಲ್ಯಾ ಕ್ಲಾಸಿಕ್ ಭರ್ತಿ ಜಾಂವ್ಚ್ಯಾ ಭುರ್ಗ್ಯಾಂಚಿ ನಾಂವಾಂ ದೀಂವ್ಕ್ ವಿನಂತಿ.
ಫಿರ್ಗಜೆಂತ್ ಜಾಯ್ತೆ ಸಂಘ್ ಸಂಸ್ಥೆ ಆಸಾತ್. ಜೂನಾ ಥಾವ್ನ್ ಹ್ಯಾ ವರ್ಸಾಚಿ ಕಾರ್ಯಕ್ರಮಾ ಪ್ರಾರಂಭ್ ಜಾತಾನಾ ಖಂಚ್ಯಾಯ್ ಎಕಾ ಸಂಘಾಂತ್ ಭರ್ತಿ ಜಾವ್ನ್ ಸೆವಾ ದೀಂವ್ಕ್ ವಿನಂತಿ.
ಮೇಯಾಚ್ಯಾ 20ತಾರಿಕೆರ್ ಸನ್ವರಾ ಸಾಂಜೆಚ್ಯಾ ಮಿಸಾ ಉಪ್ರಾಂತ್ ಐಸಿವೈಎಮ್ ಸಾಂದ್ಯಾಂಚಿ ಜಮಾತ್ ಆನಿ ಹುದ್ದೆದಾರಾಂಚಿ ವಿಂಚವ್ಣ್ ಆಸ್ತೆಲಿ. ಫಿರ್ಗಜೆಚಾ ಗಾಂವಾಂತ್ ಆಸ್ಚ್ಯಾ ಸರ್ವ್ ಯುವಜಣಾಂನಿ ಹಾಜರ್ ಜಾಂವ್ಕ್ ವಿನಂತಿ. ವಾಡ್ಯಾಚಾ ಗುರ್ಕಾರ್/ರ್ನಿನ್ ವಾಡ್ಯಾಚಾ ಯುವಜಣಾಂ ಸಾಂಗಾತಾ ಹಾಜರ್ ಜಾಂವ್ಚೆಂ.
ಧಾವಿ ಆನಿ ಪಿಯುಸಿ ಭುರ್ಗ್ಯಾಂಚೆಂ ಫಲಿತಾಂಶ್ ಯೆದೊಳ್‍ಚ್ಚ್ ಆಯ್ಲಾಂ. ಫಿರ್ಗಜೆಚೆ ಸರ್ವ್ ಭುಗ್ರ್ಯಾಂಕ್ ಉಲ್ಲಾಸ್ ಆನಿ ಅಭಿನಂದನ್.
ಅನ್ಯೇಕ್ ಖಬರ್ ತುಮ್ಚೆ ಮುಖಾರ್. ಬಜ್ಜೋಡಿ ಫಿರ್ಗಜೆಂತ್ ಮ್ಹಜೆಂ ಆನಿ ಬಾಪ್ ಪ್ಯಾಟ್ರಿಕ್ ಲೊಬೊಚೆಂ 6 ವರ್ಸಾಚೆಂ ಮಿಸಾಂವ್ ಹ್ಯಾ ಮಹಿನ್ಯಾಂತ್ ಸಂಪ್ತಾ. ಹಾಂವ್ ಸಾಂ ಜುಜೆಚೆ ಕೊಂವೆಂತ್ ಕಾರ್ಮೆಲ್ ಗುಡೊ ಆನಿ ಬಾಪ್ ಪ್ಯಾಟ್ರಿಕ್ ಲೋಬೊ ಆಶಾದೀಪಾ ಕೊವೆಂತ್ ಮಂಡತ್ಯಾರಾಕ್ ವರ್ಗ್ ಜಾವ್ನ್ ವೆತಾಂವ್. ಬಾಪ್ ರಾಯನ್ ಪಿಂಟೊ ಹಾಂಗಸರ್ ಆಸ್ತೆಲೆಂ. ಹ್ಯಾ ಫಿರ್ಗಜೆಕ್ ನವೆ ವಿಗಾರ್ ಜಾವ್ನ್ ಬಾಪ್ ದೊಮಿನಿಕ್ ವಾಸ್ ಆನಿ ಸಹಾಯಕ್ ಜಾವ್ನ್ ಬಾಪ್ ಸಿರಿಲ್ ಮಿನೇಜಸ್ ಯೆತೆಲೆ. ನವ್ಯಾ ವಿಗಾರಾಕ್ ಹ್ಯಾ ಸೆವೆ ಸ್ಥಾನಾರ್ ಬಸೊಂವ್ಚ್ಯಾ ರಿತಿಚೊ ದೀಸ್ ಆನಿ ವೇಳ್ ಮುಕ್ಲ್ಯಾ ದಿಸಾಂನಿ ತಿಳ್ಸಿತೆಲ್ಯಾಂವ್.