ಫಾಲ್ಯಾಂ ಸಾಂಜೆರ್ ಪವಿತ್ರ್‍ಸಭೆಚೆ ಮಾಗ್ಣೆಂ ಆನಿ ಆರಾಧಾನ್ ಆಸ್ಚೆಂನಾ
ಸಗ್ಳೊ ಹಫ್ತೋ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಲ್ಯಾ ಬಾಳ್‍ಮರಿ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ಲಿತುರ್ಜಿ ಲ್ಹಾನ್ ಕ್ರೀಸ್ತಿ ಆಯೋಗಾಚಾ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ವೈಸಿಎಸ್ ಸಾಂದ್ಯಾಂನಿ ಲಿತುರ್ಜಿ ಚಲವ್ನ್ ವರ್ಚಿ. ಹಫ್ತ್ಯಾಮಧೆಂ ವೆಲಂಕಣಿ ವಾಡ್ಯಾಗಾರಾಂನಿ ಲಿರ್ತುಜೆಚಿ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಆಜ್ /ಫಾಲ್ಯಾ: ಆಯ್ತಾರಾ ಭಾರತೀಯ್ ಕಥೊಲಿಕ್ ಯುವ ಸಂಚಾಲನ್ ಸಿಟಿ ವಾರಾಡೊ ಗಾದ್ಯಾಂತ್ ಉಡ್ಕಣಾಂ 2022 ಆಸಾ ಕರ್ತಾ. ವಾರಾಡ್ಯಾ ಹಂತರ್ ಫಿರ್ಗಜ್‍ವಾರ್ ಗಾದ್ಯಾ ಖೆಳ್ ಸ್ಪರ್ಧೊ. ಭಾಗ್ ಘೆಂವ್ಚ್ಯಾ ಫಿರ್ಗಜೆಚಾ ಯುವಜಣಾಂಕ್ ಬರೆಂ ಆಶೆತಾಂವ್.
ಆಜ್ ಆಮಿ ಕೊಂಕ್ಣಿಂ ಆಸ್ಮಿತಾಯೆಚೊ ದೀಸ್ ಮ್ಹಣ್ ಪಾಳ್ತಾಂವ್. ಭಾರತಚಾಚ್ಯಾ ರಾಷ್ಟ್ರೀಯ್ ಭಾಸಾಂ ಪಯ್ಕಿ ಕೊಂಕ್ಣಿಯ್ ಏಕ್ ಭಾಸ್ ಮ್ಹಣ್ ಮಾನ್ಯತಾ ಮೆಳ್ಲಲೊ ದೀಸ್. ಹೊ ಸಂಭ್ರಮ್ ಅಮಿ ಫಾಲ್ಯಾಂಚಾ ದಿಸಾ ಆಸಾ ಕರ್ತಾಂವ್. ಹ್ಯಾ ದಿಶೆನ್ ತೀನ್ ಸಂಗ್ತ್ಯೊ ಆಸಾ ಕೆಲ್ಯಾತ್. ಕೊಂಕ್ಣಿ ಭಾಸ್ ಜಿವಾಳ್ ಉರಜಯ್ ತರ್ ತಿ ಉಲಯ್ಜೆ ಆನಿ ವಾಚಿಜಯ್. ಜಾಯ್ತ್ಯಾಂಚಾ ಘರಾಂನಿ ಕೊಂಕ್ಣಿ ಪತ್ರಾಂ ಬಂದ್ ಜಾಲ್ಯಾತ್. ದೆಕುನ್ ತುಮ್ಚ್ಯಾ ಎಕ್ ವಾ ದೋನ್ ಕೊಂಕ್ಣಿ ಪತ್ರಾಂ ಯೆಂವ್ಚೆಬರಿ ಪಳೆಂವ್ಚೆಂ. ಆಜ್ ಆನಿ ಫಾಲ್ಯಾಂ ವೈಸಿಎಸ್ ಸಾಂದೆ ರಾಕ್ಣೊ ತಶೆಂಚ್ ನಮಾನ್ ಬಾಳೊಕ್ ಜೆಜು ಪತ್ರಾಕ್ ವರ್ಗಣಿ ಸಂಗ್ರಹ್ ಕರ್ತಾತ್. ತಾಂಕಾಂ ತುಮಿ ಸಹಕಾರ್ ದಿಂವ್ಚೊ. ದುಸ್ರ್ಯಾನ್ ಆದಿಂ ಘರಾಂನಿ ಉಪ್ಯೋಗ್ ಕರ್ಚ್ಯಾ ವಸ್ತುಂಚೆ ಪದರ್ಶನ್ ಮಿನಿ ಹೊಲಾಂತ್ ದವರ್ಲಾಂ. ಜಾಯ್ತ್ಯಾಂನಿ ತುಮ್ಚ್ಯಾ ಘರಾಂನಿ ಜೊಗಾಸಾಣೆನ್ ದವರ್ಲ್ಯೊ ವಸ್ತು ಹಾಂಗಸರ್ ಹಾಡ್ನ್ ದಿಲ್ಯಾತ್ ತುಮ್ಕಾಂ ದೇವ್ ಬರೆಂ ಕರುಂ ಮ್ಹಣ್ತಾ. ಫಾಲ್ಯಾಂ ದುಸ್ರ್ಯಾ ಮಿಸಾ ಉಪ್ರಾಂತ್ ಹ್ಯೊ ವಸ್ತು ತುಮ್ಕಾಂ ಪಳೆಂವ್ಕ್ ಆವ್ಕಾಸ್ ಆಸಾ. ತಿಸ್ರ್ಯಾನ್ ಫಾಲ್ಯಾಂ ಸಾಂಜೆರ್ ಚಾರ್ ವೊರಾರ್ ವಾಡ್ಯಾಗಾರಾಂನಿ ಸಾಂಗಾತಾ ಮೆಳ್ಚ್ಯಾಕ್ ಯೆಂವ್ಚ್ಯಾ “ಆಪ್ರೊಸಾಚಿ ವಾಟ್ಲಿ ರೊಸಾಚಿ” ವಾಡ್ಯಾವಾರ್ ವೊವಿಯೊ ವೇರ್ಸ್ ಸ್ಫರ್ಧೊ ಆಸಾ ಕೆಲಾ. ಸರ್ವ್ ವಾಡ್ಯಾಗಾರಾಂನಿ ಹ್ಯಾ ಸ್ಪಧ್ರ್ಯಾಂತ್ ಉರ್ಭೆನ್ ಭಾಗ್ ಘೆಂವ್ಕ್ ಆನಿ ತುಮ್ಚೊ ಎಕ್ವಟ್ ದಾಕಂವ್ಕ್ ವಿನಂತಿ ಕರ್ತಾಂವ್. ಸಾಂಜೆರ್ 3.30ವೊರಾರ್ ಸರ್ವಾಂನಿ ವೆಳಾರ್ ಹಾಜರ್ ಜಾಂವ್ಚೆಂ.
ಮೊಂತಿ ಫೆಸ್ತಾಕ್ ತಯಾರಾಯ್ ಜಾವ್ನ್ ಆಗೊಸ್ತಾಚಾ 30 ತಾರಿಕೆರ್ ಥಾವ್ನ್ ನೊವೆನಾಂ ಪ್ರಾರಂಭ್ ಕರ್ತಾಂವ್. ಹರ್ಯೇಕಾ ದಿಸಾ ಸಾಂಜೆರ್ 5.45ವೊರಾರ್ ಫುಲಾಂ ಅರ್ಪುಂಕ್, ನೊವೆನ್ ಉಪ್ರಾಂತ್ ಮೀಸ್. ನೊವೆನಾಂಚಾ ದಿಸಾಂನಿ ಪವಿತ್ರ್‍ಪುಸ್ತಕಾಂತ್ಲ್ಯಾ ಆಟ್ ಭಾಗಿವಿಶಿಂ ನಿಯಾಳ್ ಕರ್ತೆಲ್ಯಾಂವ್. ಹ್ಯಾ ವರ್ಸಾ ನೊವೆನಾಂಚಾ ದಿಸಾಂನಿ ಮಿಸಾಂವಾಂ ಖಾತಿರ್ ಹರ್ಯೇಕ್ ದಿಸಾ ಭುರ್ಗ್ಯಾಂಚಾ ಶಿಕ್ಪಾಕ್ ಸಹಜ್ ಜಾಲ್ಲ್ಯೊ ವಸ್ತು ಭುರ್ಗ್ಯಾಂನಿ ತಶೆಂಚ್ ವ್ಹಡಾಂನಿ ಕಾಣಿಕೊ ರುಪಾರ್ ದಿಂವ್ಚ್ಯೊ ಹ್ಯೊ ವಸ್ತು ಜಗಳೂರ್, ಗುಲ್ಬರ್ಗ ಮಿಸಾಂವ್ ಗಾಂವಾಕ್ ದಾಡ್ನ್ ದಿತೆಲ್ಯಾಂವ್.
ಫೆಸ್ತಾಕ್ ತಯಾರಾಯ್ ಜಾವ್ನ್ ಭುರ್ಗ್ಯಾಂಕ್ ಯೆಂವ್ಚ್ಯಾ ಆಯ್ತಾರಾ ದೊತೊರ್ನಿ ವೆಳಾರ್ ಕುಮ್ಸಾರಾಂ ಆಸ್ತೆಲಿಂ. ಫಿರ್ಗಜ್‍ಗಾರಾಂಕ್ ಕುಮ್ಸಾರಾಂ ಸಪ್ಟೆಂಬರ್ 3 ತಾರಿಕೆರ್ ಸನ್ವರಾ ಸಾಂಜೆರ್ ಆಸ್ತೆಲಿಂ. ಹರ್ಯೇಕ್ಲ್ಯಾನ್ ಕುಮ್ಸಾರಾಚೊ ಸಾಕ್ರಾಮೆಂತ್ ಸ್ವೀಕಾರ್ ಕರ್ನ್ ಆತ್ಮೀಕ್ ರಿತಿನ್ ಫೆಸ್ತಾಕ್ ತಯಾರ್ ಜಾಂವ್ಚೆಂ.
ಫಿರ್ಗಜ್ ಗೊವ್ಳಿಕ್ ಪರಿಷದ್ ಜಮಾತ್ ಸಪ್ಟೆಂಬರ್ 4ತಾರಿಕೆರ್ ಆಯ್ತಾರಾ ಪಯ್ಲ್ಯಾ ಮಿಸಾ ಉಪ್ರಾಂತ್ ಆಸ್ತೆಲಿ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಚೆಂ.
ಯೆಂವ್ಚ್ಯಾ ಆಯ್ತಾರಾ ಆಗೋಸ್ತ್ 28ತಾರಿಕೆರ್ ಸಕಾಳಿಂ 9ವೊರಾರ್ ಗಾಯಾನ್ ಮಂಡಳಿ ಆನಿ ಆಧ್ಯಾತ್ಮಿಕ್ ಸಮಿತಿಚಾ ಸಾಂದ್ಯಾಂಕ್ ಲಿತುರ್ಜೆಚಿ ತರ್ಭೆತಿ ಆಸ್ತೆಲಿ. ಸರ್ವ್ ಸಾಂದ್ಯಾಂನಿ ವೆಳಾರ್ ಹಾಜರ್ ಜಾಂವ್ಚೆಂ.
ಯೆಂವ್ಚ್ಯಾ ಆಯ್ತಾರಾ ಆಗೋಸ್ತ್ 28ತಾರಿಕೆರ್ ಸಾಂಜೆರ್ 4 ವೊರಾರ್ ಐಸಿವೈಎಮ್ ಸಾಂದೆ ಪಯ್ಲ್ಯಾ ಕ್ಲಾಸಿ ಥಾವ್ನ್ ವೈಸಿಎಸ್ ಭುರ್ಗ್ಯಾಂಕ್ ಕೊಂಕ್ಣಿ ಹಾತ್ ಬರಪ್ ಸ್ಪರ್ಧೊ ಆಸಾ ಕರ್ತಾಂ. ಸರ್ವ್ ಭುರ್ಗ್ಯಾಂನಿ ಭಾಗ್ ಘೆಂವ್ಕ್ ವಿನಂತಿ ಕರ್ತಾಂವ್.
ಹರ್ಯೇಕಾ ಮಹಿನ್ಯಾಂತ್ ಜಾಯ್ತೆ ಸ್ಪರ್ಧೆ ಆಮಿ ಆಸಾ ಕರ್ತಾಂವ್ ಆನಿ ಜಾಯ್ತೊ ಖರ್ಚ್ ಆಸ್‍ಲ್ಲ್ಯಾನ್ ಖಂಚ್ಯಾಯ್ ಎಕಾ ಸ್ಪಧ್ರ್ಯಾಕ್ ತುಮಿ ಸ್ವಖುಶೆನ್ ಆಧಾರ್ ದೀಂವ್ಕ್ ಬರೆಂ ಮನ್ ದಾಕಂವ್ಚೆಂ.
ಬ್ಯಾಂಕಿಂಕ್ ಕ್ಷೇತ್ರಾಂತ್ ಕಾಮಾಂ ಮೆಳ್ಚ್ಯಾವಿಶಿಂ ಏಕ್ ತರ್ಭೆತಿ ಕಾರ್ಯೆಂ ಕಥೊಲಿಕ್ ಸಭೆನ್ ಆಂಜೆಲೊರ್ ಹೊಲಾಂತ್ ಯೆಂವ್ಚ್ಯಾ ಆಯ್ತಾರಾ ಸಕಾಳಿಂ 9 ಥಾವ್ನ್ 10.30ವೊರಾಂ ಪರ್ಯಾಂತ್ ಆಸಾ ಕೆಲಾಂ. ಡಿಗ್ರಿ ಸಂಪಯ್ಲ್ಯಾ ಭುರ್ಗ್ಯಾಂನಿ ಆನಿ ಆಸಕ್ತ್ ಆಸ್‍ಲ್ಲ್ಯಾ ಭುರ್ಗ್ಯಾಂಚಾ ವ್ಹಡಿಲಾಂನಿ ಹ್ಯಾ ಕಾರ್ಯಾಂತ್ ವಾಂಟೊ ಘೆಂವ್ಕ್ ಆಪೊವ್ಣೆಂ ಆಸಾ.
ಕ್ರೀಸ್ತೀ ಎಕ್ವಟ್ ಆಯೋಗಾಚಾ ಸಂಚಾಲಕಾಂಚಿ ಜಮಾತ್ ಆಗೋಸ್ತ್ 31 ತಾರಿಕೆರ್ ಬುದ್ವರಾ ಸಕಾಳಿಂ 9ಥಾವ್ನ್ 1ವೊರಾಂ ಪರ್ಯಾಂತ್ ಆಸ್ತೆಲಿ. ಸಂಬಂಧ್ ಜಾಲ್ಲ್ಯಾ ಸಾಂದ್ಯಾಂನಿ ಹಾಜರ್ ಜಾಂವ್ಕ್ ವಿನಂತಿ ಕರ್ತಾಂವ್.
ಯೆಂವ್ಚ್ಯಾ ಆಯ್ತಾರಾ ಆಗೊಸ್ತಾಚಾ 28ತಾರಿಕೆರ್ ಸಕಾಳಿಂ 8.30ಥಾವ್ನ್ 1ವೊರಾಂ ಪರ್ಯಾಂತ್ ಮಂಗ್ಳುರ್ ಕಮಿಸ್ಸಿಯಮ್ ಆಪ್ಲೊ ಲೀಜನಾಚೊ ಶತಮಾನೋತ್ಸವ್ ಇಜಯೆಂತ್ ಆಸಾ ಕರ್ತಾ.
(6.30ಮಿಸಾಕ್ ಮಾತ್ರ್) ಸೆಕುಲರ್ ಕಾರ್ಮೆಲ್ ಸಾಂದ್ಯಾಂಕ್ 8ವೊರಾಂಚಾ ಮಿಸಾಚಿ ಲಿತುರ್ಜಿ: ಚೊವ್ತ್ಯಾ ಕ್ಲಾಸಿಚ್ಯಾ ಭುಗ್ರ್ಯಾಂಕ್