ಸಗ್ಳೊ ಹಫ್ತೋ ದೇವ್‍ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ವೆಲಂಕಣಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಹಫ್ತ್ಯಾ ಮಧೆಂ ಸಾಂ. ಅಂತೊನ್ ವಾಡ್ಯಾಗಾರಾಂನಿ ದೇವ್‍ಸ್ತುತಿಚಿ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಆಜ್/ಫಾಲ್ಯಾಂ ವಾಡ್ಯಾ ಜಮಾತ್:
ಲ್ಹಾನ್ ಫುಲ್ ವಾಡೊ: ಸುನಿಲ್ ಆನಿ ಟೀನಾಚ್ಯಾ ಘರಾ ಸಾಂಜೆರ್ 4.30 ವೊರಾರ್
ಬಾಳೊಕ್ ಜೆಜು ವಾಡೊ: ಶ್ರೀಮತಿ ಜ್ಯೋತಿ ಪಾಯ್ಸ್‍ಚ್ಯಾ ಘರಾ ಸಾಂಜೆರ್ 4.30 ವೊರಾರ್
ಲೂಡ್ರ್ಸ್ ವಾಡೊ: ಶ್ರೀಮತಿ ಜೆಸ್ಸಿ ಸೆರಾವೊಚ್ಯಾ ಘರಾ ಸಾಂಜೆರ್ 4.30 ವೊರಾರ್.
ಕಾರ್ಮೆಲ್ ವಾಡೊ: ಪ್ರಕಾಶ್ ಪಿಂಟೊಚ್ಯಾ ಘರಾ ಸಾಂಜೆರ್ 4.00 ವೊರಾರ್.
ಸಾಂ. ಜುಜೆ ವಾಡೊ : ಕಿರಣ್ ರೋಶ್ನಿಚ್ಯಾ ಘರಾ ಸಾಂಜೆರ್ 4.30 ವೊರಾರ್.
ಅವಿಲಾ ವಾಡೊ: ಅಗೊಸ್ಟಿನ್ ವಾಯ್ಲೆಟ್‍ಚ್ಯಾ ಘರಾ ಸಾಂಜೆರ್ 4.30 ವೊರಾರ್
ಪವಿತ್ರ್ ಕಾಳಿಜ್ ವಾಡೊ: ಐರಿನ್ ಮಿನೇಜಸಾಚ್ಯಾ ಘರಾ ಸಾಂಜೆರ್ 4.30 ವೊರಾರ್
ಆಜ್/ಫಾಲ್ಯಾ ತಾಳಿಯಾಂಚೊ ಆಯ್ತಾರ್, ಸಕಾಳಿಂ ಎಕಚ್ಚ್ ಮೀಸ್ ಆಸ್ತೆಲೆಂ. ಸಕಾಳಿಂ 7.15ವೊರಾರ್ ಒಎಸ್‍ಎಸ್ ಕೊಂವೆಂತಾಲಾಗಿಂ ಸಾಂಗಾತಾ ಮೆಳ್ಚೆಂ. ಪಯ್ಲೆಂ ತಾಳಿಯಾಂಚೊ ಆಶೀರ್ವಾದ್, ಪುರ್ಶಾಂವ್ ಉಪ್ರಾಂತ್ ಮೀಸ್. ಮಿಸಾಚಿ ಮಾಂಡಾವಳ್ ಲೂಡ್ಸ್ ಆನಿ ವೆಲಂಕಣಿ ವಾಡ್ಯಾಗಾರಾಂನಿ ಕರ್ಚಿ.
ಭಾಗೆವಂತ್ ಹಫ್ತ್ಯಾಚಾ ತಶೆಂಚ್ ಪಾಸ್ಕಾಂ ಫೆಸ್ತಾಚಾ ಖರ್ಚಾಕ್ ಮುಡ್ದೊಮ್ ದೀವ್ನ್ ಸಹಕಾರ್ ದಿಂವ್ಚೊ. ಬ್ರೆಸ್ತಾರಾ ಆಲ್ತಾರಿಕ್ ತಶೆಂಚ್ ವಿಶೆವಾಚಾ ಆಲ್ತಾರಿಕ್ ಫುಲಾಂ, ಫೆಸ್ತಾಚಾ ದಿಸಾ ಫುಲಾಂ ಸ್ಪೋನ್ಸರ್ ಕರುಂಕ್ ವಿನಂತಿ ಕರ್ತಾಂವ್.
ಪಯ್ಲ್ಯಾ ಕುಮ್ಗಾರಾಚಾ ಭುರ್ಗ್ಯಾಂಕ್ ದೊತೊರ್ನ್ ಎಪ್ರಿಲಾಚಾ 18 ತಾರಿಕೆರ್ ಥಾವ್ನ್ ಪ್ರಾರಂಭ್ ಜಾತಾ. ಹಾಕಾ ತಯಾರಾಯ್ ಜಾವ್ನ್ ಪಯ್ಲ್ಯಾ ಕುಮ್ಗಾರಾಚಾ ಭುರ್ಗ್ಯಾಂಚಿ ತಶೆಂಚ್ ವ್ಹಡಿಲಾಂಚಿ ಜಮಾತ್ ಫಾಲ್ಯಾಂ ಮಿಸಾ ಉಪ್ರಾಂತ್ ಆಸ್ತೆಲಿ.
ಯೆಂವ್ಚೊ ಹಪ್ತೊ ಭಾಗೆವಂತ್ ಹಫ್ತೊ ಜಾಲ್ಲ್ಯಾ ರಜಾ ಮೆಳ್‍ಲ್ಲ್ಯಾ ಭುರ್ಗ್ಯಾಂನಿ ಸದಾಂಯ್ ಮಿಸಾ ಹಾಜರ್ ಜಾಂವ್ಚೆಂ. ವೆದಿ ಸೆವಾ ಕರುಂಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ.
ಪರಿಸರ್ ಆಯೋಗಾಚಾ ಸಾಂಗಾತ್ಪಣಾಕಾಲ್ ಲ್ಹಾನ್ ಲ್ಹಾನ್ ಸಂಗ್ತಿಂನಿ ಹರ್ಯೇಕ್ ದೀಸ್ ಪರಿಸರ್ ದೀಸ್ ಕರ್ಯಾಂ ಮ್ಹಳ್ಳೊ ವಾವ್ರ್ ಆಸಾ ಕೆಲಾ. ಘರಾ ಬಾಯ್ರ್, ದೊರ್ಯಾರ್, ಬಾಲ್ಕನಿಂತ್ ವಾ ಟೆರೆಸಾರ್ ಲ್ಹಾನ್ ಆಯ್ದಾನಾಂತ್ ಸುಕ್ಣ್ಯಾಂಕ್ ನಿತಳ್ ಉದಾಕ್ ದವರ್ಚೆಂ. ಘರಾಂ ಚಡ್ ಲಾಗಿಂ ಆಸಾತ್ ತರ್ ಪಾಂಚ್ ಘರ್ಚ್ಯಾ ಸಾಂದ್ಯಾಂನಿ ಸಾಂಗಾತ್ ಮೆಳೊನ್ ಎಕ್ ಉದ್ಕಾಚೆ ಆಯ್ದಾನ್ ದವರ್ಯೆತ್. ಪ್ರಕೃತೆ ಥಂಯ್ ಮೋಗ್ ವಾಡೊಂವ್ಕ್ ಆಸಾ ಕೆಲ್ಲ್ಯಾ ಹ್ಯಾ ಲ್ಹಾನ್ಶಾ ವಾವ್ರಾಂತ್ ಹರ್ಯೇಕಾ ಕುಟ್ಮಾನಿ ಸಾಂಗಾತ್ ದಿಂವ್ಚೊ. ತಸ್ವೀರ್ಯೊ ವಿಗಾರಾರ್ ದಾಡುಂಕ್ ವಿನಂತಿ.
ಭಾಗೆವಂತ್ ಹಫ್ತ್ಯಾಚಿ ದೇವ್ ಸ್ತುತಿ ಹ್ಯಾ ಪರಿ ಆಸಾ:
ಸೊಮ್ಯಾಚ್ಯಾ ನಿಮಾಣ್ಯಾ ಜೆವ್ಣ್ಣಾಚೊ ಬ್ರೆಸ್ತಾರ್, ತ್ಯಾ ದೀಸ್ ಸಾಂಜೆಚೆ ಸಂಭ್ರಮಿಕ್ ಮೀಸ್ 6.30ವೊರಾರ್ ಆಸ್ತೆಲೆಂ. ಪವಿತ್ರ್ ಸಾಕ್ರಾಮೆಂತಾಚೆ ಅರಾಧಾನ್ ರಾತಿಂ 11.30ವೊರಾಂ ಪರ್ಯಾಂತ್ ಆಸ್ತೆಲೆಂ. ಹೊ ದೀಸ್ ಯಾಜಕಾಂಚೊ ದೀಸ್ ಜಾಲ್ಲ್ಯಾನ್ ಪ್ರತ್ಯೇಕ್ ಜಾವ್ನ್ ಯಾಜಕಾಂ ಪಾಸೊತ್ ಮಾಗೊಂಕ್ ವಿನಂತಿ. ಅರಾಧಾನಾಚಿ ಜವಬ್ದಾರಿ ಘೆತ್‍ಲ್ಲ್ಯಾ ಸಾಂದ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ.
ಸೊಮ್ಯಾಚ್ಯಾ ಕಷ್ಟಾ-ಮರ್ಣಾಂಚೊ ಸುಕ್ರಾರ್: ಹ್ಯಾ ದೀಸ್ ಜಿಂಜ್ವಾರ್ ಕರುಂಕ್ ಇಗರ್ಜ್ ಮಾತೆಚೊ ಕಾಯ್ದೊ ಆಸಾ. ಸಕಾಳಿಂ 7.30ವೊರಾರ್ ಬೆಸ್‍ಮೆಂಟಾ ಥಾವ್ನ್ ಇಗರ್ಜೆಕ್ ಖುರ್ಸಾವಾಟ್ ಆಸ್ತೆಲಿ. ಸಾಂಜೆರ್ 5 ವರಾರ್ ದೇವ್ ಸ್ತುತಿ ಪ್ರಾರಂಭ್ ಜಾತಾ.
ಅಲ್ಲೆಲೂಯಾ ಸನ್ವಾರ್-ಪಾಸ್ಕಾಂಚಿ ಜಾಗೃಣ್: ತ್ಯಾ ದೀಸ್ ಸಾಂಜೆರ್ 7 ವೊರಾರ್ ಸಂಭ್ರಮಿಕ್ ಮೀಸ್. ಪವಿತ್ರ್ ಸ್ನಾನಾಚ್ಯೊ ಆಂಗೊವ್ಣ್ಯೊ ಕರುಂಕ್ ಆಸ್ತಲ್ಯೊ.
ಪಾಸ್ಕಾಂಚಾ ಆಯ್ತಾರಾ ಸಕಾಳಿಂಚೆಂ ಮೀಸ್ ಎಕ್‍ಚ್ಚ್ ಮೀಸ್ 7.30ವೊರಾರ್ ಆಸ್ತೆಲೆಂ. ದೇವ್‍ಸ್ತುತಿ ಮಾಂಡಾವಳ್ ಗೊವ್ಳಿಕ್ ಪರಿಷದೆಚ್ಯಾ ಸಾಂದ್ಯಾಂನಿ ಕರ್ಚಿ.
ಮೇಯಾಚಾ 9 ಆನಿ 10 ತಾರಿಕೆರ್ ಕುಮ್ಗಾರ್ ಮೆಳ್‍ಲ್ಲ್ಯಾ ಭುರ್ಗ್ಯಾಂ ಥಾವ್ನ್ ದಾವ್ಯಾ ಕ್ಲಾಸಿ ಮ್ಹಣಾಸರ್ ದೋನ್ ದಿಸಾಚೆಂ ಸಮ್ಮರ್ ಕ್ಯಾಂಪ್ ದವರ್ಲಾಂ. ಹಾಜರ್ ಜಾಂವ್ಚ್ಯಾ ಭುರ್ಗ್ಯಾಂನಿ ತಾಂಚಿ ನಾಂವಾಂ ಸೊಮಾರಾ ಭಿತರ್ ಕ್ಲಾಸ್ ಟಿಚೆರೆಕ್ ದೀಂವ್ಕ್ ವಿನಂತಿ.