ಸಗ್ಳೊ ಹಫ್ತೋ ದೇವ್‍ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ಲ್ಹಾನ್ ಫುಲ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ದೇವ್ ಸ್ತುತಿ ಐಸಿವೈಮ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಬಾಳ್ ಮರಿ ವಾಡ್ಯಾಗಾರಾಂನಿ ದೇವ್ ಸ್ತುತಿ ಚಲವ್ನ್ ವರ್ಚಿ. ಹಫ್ತ್ಯಾ ಮಧೆಂ ಬಾಳ್ ಮರಿ ವಾಡ್ಯಾಗಾರಾಂನಿ ದೇವ್‍ಸ್ತುತಿಚಿ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಫಾಲ್ಯಾಂ ವಾರ್ಶಿಕ್ ರೆತಿರೆಚೊ ಅಖ್ರೇಚೊ ದೀಸ್ ಸಕಾಳಿಂ 6.30ವೊರಾರ್ ಮೀಸ್ ಆಸ್ತೆಲೆಂ. 9 ವೊರಾರ್ ಮಟ್ವಿ ಖುರ್ಸಾ ವಾಟ್ ಉಪ್ರಾಂತ್ ಶಿಕೊವ್ಣ್ ಕುಮ್ಸಾರಾಂ, ಅರಧಾನ್ ಮೀಸ್ ಆಸ್ತೆಲೆಂ. ಫಾಲ್ಯಾಂ ರಜೆಚೊ ದೀಸ್ ಜಾಲ್ಲ್ಯಾನ್ ಕುಟ್ಮಾಚಾ ಸರ್ವ್ ಸಾಂದ್ಯಾಂನಿ ಸಾಂಗಾತಾ ಹಾಜರ್ ಜಾಂವ್ಕ್ ವಿನಂತಿ ಕರ್ತಾಂವ್. ಕುಟ್ಮಾಕ್ ಸಂಬಂದ್ ಜಾಲ್ಲಿ ಶಿಕೊವ್ಣ್ ಬಾಪ್ ನೆಲ್ಸನ್ ಪಿಂಟೊ ದಿತಲೆ.
ಫಿರ್ಗಜೆಚಾ ಹರ್ಯೇಕಾ ಕುಟ್ಮಾಚಿ ಭೆಟ್ ಕರ್ನ್ ಕುಟ್ಮಾ ಸಾಂಗಾತಾ ಮಾಗ್ಣೆಂ ತಶೆಂಚ್ ಘರಾಂ ಆರ್ಶಿರ್ವಾದಿತ್ ಕೆಲ್ಯಾಂತ್. ಘರ್ ಬೆಜ್ಮೆಂತಾ ವೆಳಾರ್ ಸಾಂಗಾತ್ ದಿಲ್ಲ್ಯಾ ವಾಡ್ಯಾಚಾ ಗುರ್ಕಾರ್/ರ್ನಿಕ್ ಪ್ರತಿನಿಧಿಂಕ್, ಕೋರ್ ಸಮಿತಿಚಾ ಸಾಂದ್ಯಾಕ್ ದೇವ್‍ಬರೆಂ ಕರುಂ. ಕೊಣಾಯ್ಚಿಂ ಘರಾಂ ಬಾಕಿ ಉರ್ಲ್ಯಾಂತ್ ತರ್ ವಿಗಾರಾಕ್ ತಿಳ್ಸುಂಚೆಂ.
ಯೆಂವ್ಚ್ಯಾ ಆಯ್ತಾರಾ ಎಪ್ರಿಲಾಚಾ 3 ತಾರಿಕೆರ್ ಲಯನ್ಸ್ ಕ್ಲಬ್ ಬಲ್ಮಠ, ಮಂಗ್ಳುರ್ ಡಿಜಿಟಲ್ ಸೇವಾ ಕೇಂದ್ರ್ ಆನಿ ಫಿರ್ಗಜ್ ವಾವ್ರಾಡ್ಯಾಚಾ ಆಯೋಗಾಚಾ ಸಾಂಗಾತ್ಪಣಾಕಾಲ್ ರೇಶನ್ ಕಾರ್ಡ್ ನೊಂದಾವ್ಣಿಂ, ತಿದ್ವೊಣಿ, ಇ-ಶ್ರಮ್ ಕಾರ್ಡ್, ಆಯುಷ್ಮಾನ್ ಬಾರತ್ ಭಲಾಯ್ಕೆ ಕಾರ್ಡಾವಿಶಿಂ ದರ್ಮಾಥ್ ಶಿಬಿರ್ ಸಕಾಳಿಂ 9ಥಾವ್ನ್ 12 ವೊರಾಂ ಪರ್ಯಾಂತ್ ಫಿರ್ಗಜೆಚಾ ಮಿನಿ ಹೊಲಾಂತ್ ಆಸಾ ಕೆಲಾಂ. ಯೆತಾಸ್ತಾನಾ ಆದಾರ್‍ಕಾರ್ಡ್ ಆನಿ ಸಂಭಂದ್ ಜಾಲ್ಲ್ಯೊ ಸರ್ಟಿಪಿಕೆಟ್ಯೊ ಹಾಡುಂಕ್ ವಿನಂತಿ. ಸ್ತ್ರೀ ಸಂಘಟನಾಚಾ ಸಾಂದ್ಯಾಂಕ್ ಸರ್ಕಾರ್ ಥಾವ್ನ್ ಲಾಬ್ಚ್ಯೊ ಸೌಲತ್ಯೊ ಹ್ಯಾವಿಶಿಂ ಮಾಹೆತ್ ಆಸ್ತೆಲಿ. ಶ್ರೀಮತಿ ಲೀಝಿ ಪಿಂಟೊ ಜೊಕ್ತಿ ಮಾಹೆತ್ ದಿತೆಲಿ. ಸರ್ವ್ ಸ್ತ್ರೀಯಾಂನಿ ಹಾಜರ್ ಜಾಂವ್ಚೆಂ. ಹೊ ವಿವಿರ್ ಹೆರಾಂಕಿ, ಸೆಜಾರ್ಚ್ಯಾಂಕೀ ತಿಳ್ಸುಂಕ್ ವಿನಂತಿ.
ಥೊಡೆಚ್ಚ್ ದೀಸ್ ಉರ್ಲ್ಯಾತ್ ಪಾಸ್ಕಾಂ ಫೆಸ್ತಾಕ್ ಪಾಯ್ಸ್ ಜಾಂವ್ಚ್ಯಾ ಬಜ್ಜೋಡಿಚೊ ಕುರೊವ್ ಫಿರ್ಗಜ್ ಪತ್ರಾಕ್ ಲೇಖÀನಾಂ, ಕವನಾಂ ಅನಿ ಜಾಹೀರಾತಾಂ ವೆಗ್ಗಿಂಚ್ಚ್ ಫಿರ್ಗಜ್ ದಫ್ತರಾಕ್ ವಾ ವಾಡ್ಯಾವಾರ್ ಕುರೊವ್ ಪ್ರತಿನಿಧಿಲಾಗಿಂ ದೀಂವ್ಕ್ ವಿನಂತಿ.
ಕರೆಜ್ಮಾಚ್ಯಾ ದಿಸಾಂನಿ ಹರ್ಯೇಕಾ ಸುಕ್ರಾರಾ 5.30ವೊರಾರ್, ಸನ್ವಾರಾ 5 ವೊರಾರ್ ಆನಿ ಆನಿ ಆಯ್ತಾರಾ 8ವೊರಾರ್ ಖುರ್ಸಾವಾಟ್‍ಆಸ್ತೆಲಿ. ಆಧ್ಯಾತ್ಮಿಕ್ ಸಮಿತಿಚ್ಯಾ ಮುಕೇಲ್ಪಣಾಖಾಲ್ ಜವಾಬ್ದಾರಿ ಘೆತ್‍ಲ್ಲ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ.
(6.30ಮಿಸಾಕ್) ದೇವ್‍ಸ್ತುತಿ: ಮರಿಯಾಳ್ ಲೀಜನ್ (8.00ಮಿಸಾಕ್)ದೇವ್‍ಸ್ತುತಿ: ಬಾಳ್ ಮರಿ