ಸಗ್ಳೊ ಹಫ್ತೋ ದೇವ್‍ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ಬಾಳೊಕ್ ಜೆಜು ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ಸಾಂ.ವಿಶೆಂತ್ ಪಾವ್ಲ್ ಸಭೆಚಾ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ದೊತೊರ್ನಿಚಾ ಭುರ್ಗ್ಯಾಂನಿ ದೇವ್ ಸ್ತುತಿ ಚಲವ್ನ್ ವರ್ಚಿ. ಹಫ್ತ್ಯಾ ಮಧೆಂ ಲೂಡ್ರ್ಸ್ ವಾಡ್ಯಾಗಾರಾಂನಿ ದೇವ್‍ಸ್ತುತೆಚಿ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಆಜ್/ಫಾಲ್ಯಾಂ ಸಾಂಜೆರ್ 7ವೊರಾರ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ. ಹ್ಯಾ ವೆಳಾರ್ ಪ್ರತ್ಯೇಕ್ ರಿತಿನ್ ರಷ್ಯಾ ಆನಿ ಯುಕ್ರೇನಾ ಮದ್ಲೆ ಝಜ್ ರಾವೊನ್ ಶಾಂತಿ ಸ್ಥಾಪಿತ್ ಜಾಂವ್ಚೆ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.
ಸೊಮಾರಾ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್.
ಬುದ್ವಾರಾ ಸಾಂಜೆರ್ ಆಸಾ ಕೆಲ್ಲ್ಯಾ ಪ್ರತಿಭಟನಾಂತ್ ಭಾಗ್ ಘೆತ್‍ಲ್ಲ್ಯಾ ಸರ್ವ್ ಫಿರ್ಗಜ್‍ಗಾರಾಂಕ್ ದೇವ್‍ಬರೆಂ ಕರುಂ.
ಆಜ್/ಫಾಲ್ಯಾಂ ದೊತೊರ್ನಿಚೆಂ ಮೌಲ್ಯ್‍ಮಾಪಾನ್ ಆನಿ ಫಲಿತಾಂಶ್. ಭುರ್ಗ್ಯಾಂಚಾ ವ್ಹಡಿಲಾಂನಿ ಕ್ಲಾಸ್ ಟೀಚೆರೆಕ್ ಮೆಳೊವ್ನ್ ಫಲಿತಾಂಶ್ ಪಳೆಂವ್ಚೆಂ. ತಶೆಂಚ್ ಕ್ಲಾಸಿಂತ್ ಭುರ್ಗ್ಯಾಂನಿ ಯೆಂವ್ಚ್ಯಾ ಆಯ್ತಾರಾಚಾ ದೊತೊರ್ನಿಚಾ ದಿಸಾಚಿ ಮಾಂಡಾವಳ್ ಕರ್ಚಿ.
ಅವಿಲಾ ವಾಡ್ಯಾಚಿ ನವಿ ಪ್ರತಿನಿಧಿ ಜಾವ್ನ್ ವಿಂಚುನ್ ಆಯಿಲ್ಲ್ಯಾ ಶ್ರೀಮತಿ ಜೂಡಿ ಪಿಂಟೊಕ್ ತಶೆಂಚ್ ಆರ್ಥಿಕ್ ಸಮಿತಿಚೊ ನವೊ ಸಾಂದೊ ಜಾವ್ನ್ ನೇಮಕ್ ಜಾಲ್ಲ್ಯಾ ಶ್ರೀಮಾನ್ ಪ್ರಾನ್ಸಿಸ್ ರೇಗೊಕ್ ತಾಂಚಾ ಹ್ಯಾ ಸೆವೆಚಾ ವಾವ್ರಾಕ್ ಬರೆಂ ಮಾಗ್ತಾಂವ್.
ಮಾರ್ಚಾಚಾ 8 ತಾರಿಕೆರ್ ಮಂಗ್ಳಾರಾ ಸ್ತ್ರೀ ಸಂಘಟನ್ ಸ್ತ್ರೀಯಾಂಚೊ ದೀಸ್ ಆಚರಣ್ ಕರ್ತಾ. ಸರ್ವ್ ಸ್ತ್ರೀಯಾಂನಿ ಮಂಗ್ಳಾರಾ ಸಾಂಜೆಚಾ ಮಿಸಾಕ್ ಹಾಜರ್ ಜಾಂವ್ಚೆಂ. ಸ್ತ್ರೀಯಾಂ ಪಾಸತ್ ಮಾಗ್ಣ್ಯಾವಿಧಿ ಆಸ್ತೆಲಿ ಆನಿ ಮಿಸಾ ಉಪ್ರಾಂತ್ ಸರ್ವಾಂನಿ ಮಿನಿ ಹೊಲಾಂತ್ ಸಾಂಗಾತ್ ಮೆಳ್ಚೆಂ.
ಮಾರ್ಚಾಚಾ 13ತಾರಿಕೆರ್ ದೊತೊರ್ನಿಚೊ ದೀಸ್ ಆಚರಣ್ ಕರ್ತಾಂವ್. ದೊತೊರ್ನಿಚಾ ದಿಸಾಚಿ ಜವಬ್ದಾರಿ ಯೆದೊಳ್‍ಚ್ಚ್ ವಾಂಟುನ್ ದಿಲ್ಯಾ. ಜೊಕ್ತಿ ತಯಾರಾಯ್ ಕರ್ಚಿ. ಭುರ್ಗ್ಯಾಂಚಾ ವ್ಹಡಿಲಾಂನಿ ಹಾಜರ್ ಜಾಂವ್ಚೆಂ. ಮೀಸ್ ಜಾತಚ್ಚ್ ಹೊಲಾಂತ್ ಮಟ್ವೆಂ ಕಾರ್ಯೆಂ ಆಸ್ತೆಲೆಂ. ಕೊಣಾಯ್ಕಿ ಇನಾಮಾಂ ಸ್ಫೋನರ್ ಕರುಂಕ್ ಮನ್ ಆಸಾ ತರ್ ಮ್ಹಾಕಾ ತಿಳ್ಸುಂಚೆಂ.
ಫಾಲ್ಯಾಂ ಪಯ್ಲ್ಯಾ ಮಿಸಾ ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದ್ ಜಮಾತ್ ಆಸ್ತೆಲಿ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಕ್ ವಿನಂತಿ ಕರ್ತಾಂವ್
ಪಾಸ್ಕಾಂ ಫೆಸ್ತಾಕ್ ಪಾಯ್ಸ್ ಜಾಂವ್ಚ್ಯಾ ಬಜ್ಜೋಡಿಚೊ ಕುರೊವ್ ಫಿರ್ಗಜ್ ಪತ್ರಾಕ್ ಲೇಖÀನಾಂ, ಕವನಾಂ ಅನಿ ಜಾಹೀರಾತಾಂ ದಿತೆಲ್ಯಾಂನಿ ಮಾರ್ಚ್ 30ತಾರಿಕೆ ಭಿತರ್ ಫಿರ್ಗಜ್ ದಫ್ತರಾಕ್ ವಾ ವಾಡ್ಯಾವಾರ್ ಕುರೊವ್ ಪ್ರತಿನಿಧಿಲಾಗಿಂ ದೀಂವ್ಕ್ ವಿನಂತಿ. ಲೇಖನಾಂ ಕವನಾಂ ಬರೊಂವ್ಕ್ ಭುರ್ಗ್ಯಾಂಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ.
ಕರೆಜ್ಮಾಚ್ಯಾ ದಿಸಾಂನಿ ಹರ್ಯೇಕಾ ಸುಕ್ರಾರಾ 5.30ವೊರಾರ್, ಸನ್ವಾರಾ 5 ವೊರಾರ್ ಆನಿ ಆನಿ ಆಯ್ತಾರಾ 8ವೊರಾರ್ ಖುರ್ಸಾವಾಟ್ ಆಸ್ತೆಲಿ. ಆಧ್ಯಾತ್ಮಿಕ್ ಸಮಿತಿಚ್ಯಾ ಮುಕೇಲ್ಪಣಾಖಾಲ್ ಜವಾಬ್ದಾರಿ ಘೆತ್‍ಲ್ಲ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ. ಯೆಂವ್ಚ್ಯಾ ಸುಕ್ರಾರಾ ಅವಿಲಾ ವಾಡೊ ಆನಿ ಸನ್ವಾರಾ ಬಾಳೊಕ್ ಜೆಜು ವಾಡೊ ಆನಿ ಆಯ್ತಾರಾ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂನಿ ಖುರ್ಸಾವಾಟ್ ಚಲವ್ನ್ ವ್ಹರ್ಚಿ.
ಮಾರ್ಚಾಚಾ 7 ತಾರಿಕೆರ್ ಮ್ಹಣ್ಜೆ ಸೊಮಾರಾ ಥಾವ್ನ್ ಕೆಲ್ಲ್ಯಾ ಕುಟ್ಮಾಚಿಂ ಘರ್ ಬೆಜ್ಮೆಂತಾ ಪ್ರಾರಂಭ್ ಕರ್ತಾಂವ್. ಮಾರ್ಚ್ 7: ಬಾಳೊಕ್ ಜೆಜು ವಾಡೊ; ಮಾರ್ಚ್ 9 & 10: ವೆಲಂಕಣಿ ವಾಡೊ; ಮಾರ್ಚ್ 12: ಕಾರ್ಮೆಲ್ ವಾಡೊ; ಮಾರ್ಚ್ 15: ಲೂಡ್ರ್ಸ್ ವಾಡೊ; ಮಾರ್ಚ್ 17 & 18 ಅವಿಲಾ ವಾಡೊ; ಮಾರ್ಚ್ 21: ಸಾಂ ಜುಜೆ ವಾಡೊ; ಮಾರ್ಚ್ 22: ಸಾಂ ಅಂತೊನ್ ವಾಡೊ; ಮಾರ್ಚ್ 23 ಬಾಳ್ ಮರಿ ವಾಡೊ.
ಘರ್ ಬೆಜ್ಮೆಂತಾ ವೆಳಾರ್ ಘರ್ ನಿತಳ್ ದವರ್ಚೆಂ. ಘರ್ಚ್ಯಾ ಸರ್ವ್ ಸಾಂದ್ಯಾಂನಿ ಮಾಗ್ಣ್ಯಾವೆಳಾರ್ ಹಾಜರ್ ಅಸ್ಚೆಂ. ವಾಚ್ಪಾಂ ಆನಿ ಪ್ರಾರ್ಥನಾಂ ಯೆದೊಳ್‍ಚ್ಚ್ ದಿ ಲ್ಯಾಂತ್. ತಿಂ ಘರ್ಚ್ಯಾ ಸಾಂದ್ಯಾಂನಿ ವಾಚುಂಕ್ ವಿನಂತಿ.
ಮಾರ್ಚಾಚಾ 25, 26 ಆನಿ 27, ಸುಕ್ರಾರಾ, ಸನ್ವರಾ, ಆಯ್ತಾರಾ ವಾರ್ಷಿಕ್ ರೆತಿರ್ ಆಸ್ತೆಲಿ. ಕಾರ್ಮೆಲಿತ್ ಯಾಜಕ್ ಬಾಪ್ ನೆಲ್ಸನ್ ಪಿಂಟೊ. ಹಿ ರೆತಿರ್ ಚಲವ್ನ್ ವ್ಹರ್ತೆಲೆ. ಸರ್ವಾಂನಿ ಹ್ಯಾ ರೆತಿರೆಂತ್ ವಾಂಟೊ ಘೆವ್ನ್ ಆತ್ಮೀಕ್ ಜಿಣ್ಯೆಚಿ ನವ್ಸರ್ಣಿ ಕರುಂಕ್ ಉಲೊ ದಿತಾಂವ್.
ಮಂಗ್ಳುರ್ ದಿಯೆಸೆಜ್ ಹರ್ಯೆಕಾ ವರ್ಸಾ ಪ್ರಾಚಿತ್ ಕಾಳಾರ್ ಸ್ಥಳೀಯ್ ಮಿಸಾಂವಾ ಖಾತಿರ್ ಭಾವಾಥ್ರ್ಯಾಂಚೊ ತ್ಯಾಗ್ ದಾನಾ ರುಪಾರ್ ಎಕ್ಟಾಂಯ್ ಕರ್ತಾ ಆನಿ ಗರ್ಜೆವಂತಾ ಖಾತಿರ್ ವಾಪಾರ್ತಾ. ಪ್ರಾಚಿತ್ ಕಾಳಾರ್ ತುಮ್ಚೆ ಖುಶೆಚೆ ದಾನ್ ಕವರಾಂತ್ ಘಾಲ್ನ್, ಕುಟ್ಮಾಚಾ ವ್ಹಡಿಲಾಚೆಂ ನಾಂವ್ ಬರವ್ನ್ ಗುರ್ಕಾರಾಲಾಗಿಂ ದೀಂವ್ಕ್ ವಿನಂತಿ. ಹೊ ಐವಜ್ ಸಿಒಡಿಪಿ ಸಂಸ್ಥ್ಯಾಕ್ ದಾಡ್ನ್ ದಿತೆಲ್ಯಾಂವ್.
ಪಾಟ್ಲ್ಯಾ 5 ವರ್ಸಾಂ ಥಾವ್ನ್ ಫಿಗರ್ಜೆಚಾ ಧಪ್ತರಾಂತ್ ಸೆವಾ ದಿಲ್ಲ್ಯಾ ಶ್ರೀಮತಿ ಲವಿನಾ ಡಿಸೋಜಾಕ್ ದೇವ್‍ಬರೆಂ ಕರುಂ ಮ್ಹಣ್ತಾಂವ್. ಫಿರ್ಗಜೆಚಾ ಹರ್ಯೇಕಾ ಸಂಗ್ತಿಂನಿ ಉರ್ಬೆನ್, ಹುಮೆದಿನ್ ಆನಿ ಪ್ರಾಮಾಣಿಕ್ಪಣಿ ದಿಲ್ಲ್ಯಾ ಸೆವಾಚೊ ಅಬಾರ್ ಮಾಂದ್ತಾವ್ ಆನಿ ಮುಕ್ಲ್ಯಾ ಜಿಣ್ಯೆಕ್ ಬರೆಂ ಮಾಗ್ತಾಂವ್. ಹ್ಯಾ ಮಹಿನ್ಯಾ ಥಾವ್ನ್ ಫಿರ್ಗಜ್ ಧಪ್ತರಾಂತ್ ಸೆವಾ ದಿತಾ ರಿಯಾ ರೊಡ್ರಿಗಸ್. ತುಮ್ಚ್ಯಾ ಹರ್ಯೇಕಾ ಗರ್ಜಾಂಕ್ ಫಿರ್ಗಜ್ ಧಪ್ತರಾಕ್ ಯೆಂವ್ಚೆ. ತುಮಿ ದಿಂವ್ಚ್ಯಾ ಮಿಸಾಂಕ್ ರಿಸಿಟ್ ದೀಂವ್ಕ್ ಆಸ್‍ಲ್ಲ್ಯಾನ್ ಫೊನಾರ್ ಮಿಸಾ ದಿಂವ್ಚಿಂ ಆಡಾಂವ್ಚಿಂ.
(6.30ಮಿಸಾಕ್) ದೇವ್‍ಸ್ತುತಿ: ಐಸಿವೈಎಮ್. (8.00ಮಿಸಾಕ್)ದೇವ್‍ಸ್ತುತಿ: ನೊವಿ ಕ್ಲಾಸ್--