ಸಗ್ಳೊ ಹಫ್ತೋ ದೇವ್‍ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ಸಾಂ. ಅಂತೊನ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ಲ್ಹಾನ್ ಕ್ರೀಸ್ತಿ ಸ. ಆಯೋಗಾಚಾ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ವೈಸಿಯಸ್ ಭುರ್ಗ್ಯಾಂನಿ ದೇವ್ ಸ್ತುತಿ ಚಲವ್ನ್ ವರ್ಚಿ. ಹಫ್ತ್ಯಾಮಧೆಂ ಸಾಂ. ಜುಜೆ ವಾಡ್ಯಾಗಾರಾಂನಿ ದೇವ್‍ಸ್ತುತೆಕ್ ಮಾಂಡಾವಳ್ ಕರ್ಚಿ.
ಆಜ್ ಸಾಂಜೆರ್ 7 ವೊರಾರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ. ದೇಶಾಚೆಂ ರಕ್ಷಣ್ ಕರ್ಚ್ಯಾ ಸೊಜೆರಾಂ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ನವೆಂಬರ್ 30: ಸಾಂ. ಅಂದ್ರೆ, ಡಿಸೆಂಬರ್ 3: ಸಾಂ.ಫ್ರಾನ್ಸಿಸ್ ಸಾವೆರ್
ಯೆಂವ್ಚೊ ಸುಕ್ರಾರ್ ಮಹಿನ್ಯಾಚೊ ಪಯ್ಲೊ ಸುಕ್ರಾರ್ ಸಾಂಜೆರ್ 5.45ವೊರಾರ್ ತೇರ್ಸ್ ಉಪ್ರಾಂತ್ ಮೀಸ್ ಆಸ್ತೆಲೆಂ.
ಯೆಂವ್ಚೊ ಆಯ್ತಾರ್ ಮಹಿನ್ಯಾಚೊ ಪಯ್ಲೊ ಆಯ್ತಾರ್. ದುಸ್ರ್ಯಾ ಮಿಸಾ ಉಪ್ರಾಂತ್ ಭುರ್ಗ್ಯಾಂಕ್ ದೊತೊರ್ನ್ ಇಗರ್ಜೆಂತ್ ಆಸ್ತೆಲಿ. ಹಾಜರಿ ಆಸ್‍ಲ್ಲ್ಯಾನ್ ಸರ್ವ್ ಭುರ್ಗ್ಯಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಚೆಂ.
ಕಾಲ್ಚ್ಯಾ ದಿಸಾ ಆಲ್ತಾರ್ ಭುರ್ಗ್ಯಾಂನಿ ಸಾಂ ಜುವಾಂವ್ ಬಕ್ರ್ಸ್‍ಮನ್ ಪಾತ್ರೊನ್ ಸಾಂತಾಚೊ ದೀಸ್ ಆಚರಣ್ ಕೆಲೊ. ಭಾಗ್ ಘೆತ್‍ಲ್ಲ್ಯಾ ಸರ್ವ್ ಭುರ್ಗ್ಯಾಂಕ್ ದೇವ್‍ಬರೆಂ ಕರುಂ. ಚೊವ್ತೆ ಥಾವ್ನ್ ಧಾವ್ಯಾ ಕ್ಲಾಸಿಚಾ ಹರ್ಯೇಕಾ ಭುರ್ಗ್ಯಾಂನಿ ಹರ್ಯೇಕಾ ಸನ್ವರಾ 4.30ವೊರಾರ್ ಜಮಾತೆಕ್ ಚುಕಾನಾಸ್ತಾ ಹಾಜರ್ ಜಾಂವ್ಕ್. ಥೊಡಿಂ ಭುರ್ಗಿಂ ಚುಕೊನ್ ಕಾಣ್ಘೆತಾತ್. ತಾಂಕಾಂ ಪರತ್ ಉಗ್ಡಾಸ್ ಕರ್ತಾಂವ್. ವ್ಹಡಿಲಾಂನಿ ತುಮ್ಚ್ಯಾ ಭುರ್ಗ್ಯಾಂಕ್ ಪ್ರೋತ್ಸಾಹ್ ದೀಂವ್ಕ್ ವಿನಂತಿ ಕರ್ತಾಂವ್.
ದೆವಾಚೆಂ ಉತಾರ್ ಪರ್ಗಟ್ಚೊ ಸ್ಪರ್ಧೊ ಬರ್ಯಾನ್ ಜಾಲೊ. ಭಾಗ್ ಘೆತ್‍ಲ್ಲ್ಯಾ ಸರ್ವ್ ಭುರ್ಗ್ಯಾಂಕ್ ಅಭಿನಂದನ್ ಪಾಟಯ್ತಾಂ, ಸಹಕರ್ಸಿಲ್ಲ್ಯಾ ಕ್ರೀಸ್ತಿ ಶಿಕ್ಷಣ್ ಸಂಯೋಜಕಿ ಶ್ರೀಮತಿ ಸ್ಟೆಲ್ಲಾ ಡಿಸೋಜಾಕ್ ತಶೆಂಚ್ ಸರ್ವ್ ಶಿಕ್ಷಕಾಂಕ್ ದೇವ್ ಬರೆಂ ಕರುಂ.
ನವೆಂಬರಾಚ್ಯಾ 4 ತಾರಿಕೆರ್ ಸನ್ವಾರಾ ಸಾಂಜೆರ್ ಕ್ರೀಸ್ತಿ ಶಿಕ್ಷಣ್ ಶಿಕೊಂವ್ಚ್ಯಾ ಶಿಕ್ಷಕಾಂಚಿ ವಾರಾಡ್ಯಾ ಹಂತಾಚಿ ಜಮಾತ್ ಕೊರ್ಡೆಲ್ ಫ್ರಾದ್ ಸಾಯ್ಬ್ ಹೊಲಾಂತ್ 3ವೊರಾರ್ ಆಸ್ತೆಲಿ. ಸರ್ವ್ ಶಿಕ್ಷಕಾಂನಿ ಹಾಜರ್ ಜಾಂವ್ಚೆಂ.
21 ಆಯೋಗಾಚಾ ಸಂಚಾಲಕಾಂಚಿ ಜಮಾತ್ ದಶೆಂಬರ್ 5 ತಾರಿಕೆರ್ ಆಯ್ತಾರಾ ಸಾಂಜೆರ್ 3ವೊರಾರ್ ಕೊರ್ಡೆಲ್ ಹೊಲಾಂತ್ ಆಸ್ತೆಲಿ.
ಡಿಸೆಂಬರ್ 5 ತಾರಿಕೆರ್ ಆಯ್ತಾರಾ ಪಯ್ಲ್ಯಾ ಮಿಸಾ ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಜಮಾತ್ ಆಸ್ತೆಲಿ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾನಾಂ ಹಾಜರ್ ಜಾಂವ್ಕ್ ವಿನಂತಿ.
ಹ್ಯಾ ವರ್ಸಾ ಕ್ರಿಸ್ಮಸಾವೆಳಾರ್ ದೋನ್ ಸ್ಪರ್ಧೆ ಆಸಾ ಕೆಲ್ಯಾತ್. ನತಾಲ್ ನೆಕೆತ್ರ್ ಸ್ಪರ್ಧೊ ಆನಿ ಕ್ರಿಸ್ಮಸ್ ಟ್ರೀ ಸ್ಪರ್ಧೊ. ನಾಂವಾಂ ದೀಂವ್ಕ್ ಅಖ್ರೇಚಿ ತಾರೀಕ್ ಡಿಸೆಂಬರ್ -15.
Nisarga Franchise: Dear life empower India Pvt.ltd ಆಯುರ್ವೇದ ವಕ್ತಾವಿಶಿಂ ಸಮ್ಜಿಣಿ ದಿಂವ್ಚೆ ಕಾರ್ಯೆಂ ಆತಾಂ ಮೀಸ್ ಜಾಲ್ಲೆಂಚ್ ಆಸ್ತೆಲೆಂ. ತುಮಿಂ ಹಾಜರ್ ಜಾವ್ನ್ ಹಾಚೊ ಫಾಯ್ದೊ ಜೊಡ್ಚೊ.