ಸಗ್ಳೊ ಹಫ್ತೋ ದೇವ್‍ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ಸಾಂ ಜುಜೆ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ಮಾಧ್ಯಮ್ ಸಮಿತಿ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ಕುಟ್ಮಾ ಹಿತಾ ಸಮಿತಿ ಸಾಂದ್ಯಾನಿ ದೇವ್ ಸ್ತುತಿ ಚಲವ್ನ್ ವರ್ಚಿ. ಹಫ್ತ್ಯಾಮಧೆಂ ಕಾರ್ಮೆಲ್ ವಾಡ್ಯಾಗಾರಾಂನಿ ದೇವ್‍ಸ್ತುತೆಕ್ ಮಾಂಡಾವಳ್ ಕರ್ಚಿ.
ಆಜ್ ಸಾಂಜೆರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸ್ಚೆಂನಾ.
ಅಕ್ಟೋಬರ್ 1 ತಾರಿಕ್ ಮಹಿನ್ಯಾಚೊ ಪಯ್ಲೊ ಸುಕ್ರಾರ್, ಸಾಂಜೆರ್ ಪವಿತ್ರ್ ಸಾಕ್ರಾಮೆಂತಾಚೆಂ ಅರಾಧಾನ್ ಆಸ್ತೆಲೆಂ. 6 ವೊರಾರ್ ಆರಾಧಾನ್ ಆನಿ 6.30ವೊರಾರ್ ಮೀಸ್.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಸಪ್ಟೆಂಬರ್ 27-ಸಾಂ.ವಿಶೆಂತ್ ಪಾವ್ಲ್ (ಆಜ್/ಫಾಲ್ಯಾಂ ಮಿಸಾವೆಳಾರ್ ಜಮೊ ಜಾಲ್ಲಿ ಕಾಣಿಕ್ ಸಾಂ.ವಿಶೆಂತ್ ಪಾವ್ಲ್ ಸಭೆಚ್ಯಾ ಬರ್ಯಾ ಕಾಮಾಕ್ ಜಾವ್ನಾಸ್ತೆಲಿ), ಸಪ್ಟೆಂಬರ್ 29- ಭಾಗೆವಂತ್ ಮಿಂಗೆಲ್, ಗಾಬ್ರಿಯೆಲ್ ಆನಿ ರಫಾಯೆಲ್ ಮಹಾದೂತ್, ಸಪ್ಟೆಂಬರ್ 30- ಸಾಂ. ಜೊರೊಮ್, ಅಕ್ಟೋಬರ್ 1-ಜೆಜುಚೆಂ ಲ್ಹಾನ್ ಫುಲ್ ಲಿಸಿಯಾಚೆಂ ಸಾಂ.ತೆರೆಜ್, ತ್ಯಾ ದೀಸ್ ಲ್ಹಾನ್‍ಫುಲ್ ವಾಡ್ಯಾಚೆಂ ಫೆಸ್ತ್ ಜಾಲ್ಲ್ಯಾನ್ ಸಾಂಜೆಚಿ ದೇವ್‍ಸ್ತುತಿ ತಾಂಣಿಂ ಚಲೊವ್ನ್ ವ್ಹರ್ಚಿ. ಅಕ್ಟೋಬರ್ 2-ರಾಕಣ್ ಭಡ್ವೆಚೆ ಫೆಸ್ತ್.
ಅಕ್ಟೋಬರ್ ಮಹಿನೊ ರೊಜಾರ್ ಮಾಯೆಕ್ ಸಮರ್ಪಿಲ್ಲೊ ಮಹಿನೊ ಜಾಲ್ಲ್ಯಾನ್ ಘರಾಂನಿ ಚುಕಾನಾಸ್ತಾಂ ತೇರ್ಸ್ ಕರುನ್ ಆತ್ಮೀಕ್ ಬರೆಂಪಣ್ ಜೋಡ್ನ್ ಘೆಂವ್ಚೆ. ಮಿಸಾಂವಾಂ ಖಾತಿರ್ ವಿಶೇಷ್ ರಿತಿನ್ ಮಾಗೊಂಕ್ ವಿನಂತಿ. ಮಿಸಾಂವಾಂಚಿ ಕ್ಯಾಲೆಂಡಾರಾ ತಶೆಂಚ್ ಕವರಾಂ ಆಯ್ಲ್ಯಾಂತ್ ಗುರ್ಕಾರ್/ರ್ನಿನ್ ಹರ್ಯೇಕಾ ಕುಟ್ಮಾಕ್ ದೀಂವ್ಕ್ ವಿನಂತಿ ಕರ್ತಾಂವ್.
ಗೊವ್ಳಿಕ್ ಭೆಟ್ ಯಶಸ್ವಿ ಜಾಲ್ಯಾ. ಸಹಕರ್ಸಿಲ್ಲ್ಯಾ ಸರ್ವ್ ಫಿರ್ಗಜ್‍ಗಾರಾಂಚೊ ಉಪ್ಕಾರ್ ಭಾವುಡ್ತಾಂವ್ ಬಾಳ್ ಮರಿಯೆಚಿಂ ಆಶೀರ್ವಾದಾಂ ತುಮ್ಚೆರ್ ಮಾಗ್ತಾಂ.
ಗೊವ್ಳಿಕ್ ಭೆಟೆಚೊ ವೇಳ್ ಕುರ್ಪೆಚೊ ವೇಳ್. ಹಿ ಭೆಟ್ ಪಾಂಚ್ ವರ್ಸಾಕ್ ಏಕ್ ಪಾವ್ಟಿಂ ಮಾತ್ರ್. ಆಮ್ಚ್ಯಾ ಫಿರ್ಗಜೆಕ್ ಬಿಸ್ಪಾಚಿ ಹಿ ಪಯ್ಲಿ ಅಧಿಕೃತ್ ಭೆಟ್ ಜಾವ್ನ್‍ಸ್‍ಲ್ಲಿ. ಬಿಸ್ಪಾನ್ ಫಿರ್ಗಜೆಕ್ ಅಧಿಕೃತ್ ರಿತಿನ್ ಬೆಟ್ ಕರ್ತಾನಾ ಕುಟ್ಮಾಚಾ ಸಾಂದ್ಯಾಂನಿ ಹಾಜರ್ ಜಾಂವ್ಚಿ ಜವಬ್ದಾರಿ ಹರ್ಯೇಕಾ ಕುಟ್ಮಾಕ್ ಬಾಂದ್ತಾ. ದೆಕುನುಂಚ್ ಪಾಟ್ಲ್ಯಾ ದೋನ್ ಮಹಿನ್ಯಾ ಥಾವ್ನ್ ಹ್ಯಾವಿಶಿಂ ಇಗರ್ಜೆಂತ್ ತಶೆಂಚ್ ವಾಟ್ಸೆಪಾರ್ ಸಗ್ಳೊ ವಿವರ್ ದೀವ್ನ್ ಅಸ್‍ಲ್ಲ್ಯಾಂವ್ ತರಿ ತ್ಯಾ ದಿಸಾ ಜಾಯ್ತಿಂ ಜಣಾಂ ಘರಾಚ್ಚ್ ರಾವ್ಲ್ಯಾಂತ್ ಹೆರ್ ಥೊಡಿಂ ಕಾಮಾಕ್ ಗೆಲ್ಯಾಂತ್. ಆದ್ಲ್ಯಾ ದಿಸಾ ಆಯಿಲ್ಲಿಂ ದುಸ್ರ್ಯಾ ದಿಸಾ ಯೇಂವ್ಕ್‍ನಾಂತ್. 320 ಕುಟ್ಮಾಂತ್ ಬಿಸ್ಪಾಚಾ ಶಿಕೊವ್ಣೆಕ್ ಕೇವಲ್ 50 ಕುಟ್ಮಾಂನಿ ಮಾತ್ರ್ ವಾಂಟೊ ಘೆತ್ಲಾ ಮ್ಹಣ್ ಸಾಂಗೊಕ್ ಬೆಜರಾಯ್ ಭೊಗ್ತಾ. ಬಿಸ್ಪಾಚಾ ಭೆಟೆ ಪಯ್ಲೆಂ ಎಕ್ ಅಧಿಕೃತ್ ಶಿಕೊವ್ಣ್ ಆಸಾ. ಪೂಣ್ ಎಕ್ ಮಹಿನೊ ಲೊಕ್‍ಡೌನ್ ಆಸ್‍ಲ್ಲ್ಯಾವರ್ವಿಂ ದೀಂವ್ಕ್ ಜಾವ್ನಾ ತರೀ ಜಾಯ್ತ್ಯಾ ಕುಟ್ಮಾಂನಿ ತ್ಯಾ ದಿಸಾ ಹಾಜರ್ ಜಾಂವ್ಕ್ ಉರ್ಬಾ ದಾಕಂವ್ಕ್ ನಾ.. ಗೊವ್ಳಿಕ್ ಭೆಟೆಚಾ ಮಹತ್ವಾವಿಶಿಂ ಘರ್ಚ್ಯಾ ಸಾಂದ್ಯಾಂಚಿ ಭೆಟ್ ಕರ್ತಾನಾ ತಶೆಂಚ್ ಆಯ್ತಾರಾಚಾ ಮಿಸಾ ವೆಳಾರ್ ಮುಕ್ಲ್ಯಾ ದಿಸಾಂನಿ ಸಮ್ಜೊಣಿ ದಿತೆಲ್ಯಾಂವ್. ಆನಿ ಮುಖಾರ್ ಪಾಂಚ್ ವರ್ಸಾಂ ಉಪ್ರಾಂತ್ ಪರತ್ ಜಾಂವ್ಚ್ಯಾ ಗೊವ್ಳಿಕ್ ಭೆಟೆ ವೆಳಾರ್ ಅಸಲ್ಯೊ ಚೂಕಿ ಪರತ್ ಜಾಯ್ನಾತ್ಲ್ಯಾಬರಿ ಪಳೆಂವ್ಚೊ.
ಆಜ್ ಭುರ್ಗ್ಯಾಂಕ್ ಸವ್ಯಾ ಅಧ್ಯಾಯಾಚ್ಯೊ ಒನ್‍ಲೈನ್ ಕ್ಲಾಸಿ ಆಸಾತ್. ವಿಡಿಯೊ ಲಿಂಕ್ ಸಕಾಳಿಂ 8ವೊರಾಂ ಥಾವ್ನ್ ಸಾಂಜೆರ್ 8 ವೊರಾ ಪರ್ಯಾಂತ್ ಉಗ್ತ್ಯೊ ಆಸ್ತಲ್ಯೊ. ಭುರ್ಗ್ಯಾಂನಿ ಆಯ್ತಾರಾಚೆ ಮಿಸಾಕ್ ಹಾಜರ್ ಜಾಂವ್ಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ.
ಫಾಲ್ಯಾಂ ಸಕಾಳಿಂ 9.30 ವೊರಾರ್ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂಚಿ ಜಮಾತ್ ಆಸ್ತೆಲಿ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಚೆಂ.
ಯೆಂವ್ಚ್ಯಾ ಆಯ್ತಾರಾ ದುಸ್ರ್ಯಾ ಮಿಸಾ ಉಪ್ರಾಂತ್ ಭುರ್ಗ್ಯಾಂನಿ ವೊರ್ಮ್‍ವರ್ಕ್ ತುಮ್ಚ್ಯಾ ಕ್ಲಾಸಿ ಟಿಚೆರಾಂಕ್ ಹಾಡ್ನ್ ದೀವ್ನ್ ಹಾಜರಿ ಘಾಲುಂಕ್ ವಿನಂತಿ.
ಆಕ್ಟೋಬರ್ 28 ತಾರಿಕೆರ್ ಮಂಗ್ಳಾರಾ ಸಾಂಜೆರ್ 7ವೊರಾರ್ ಆರ್ಥಿಕ್ ಸಮಿತಿಚಿ ಜಮಾತ್ ಆಸ್ತೆಲಿ.
ಆಕ್ಟೋಬರ್ 10 ತಾರಿಕೆರ್ ಆಯ್ತಾರಾ ದುಸ್ರ್ಯಾಮಿಸಾ ಉಪ್ರಾಂತ್ ಚೊವ್ತೆ ಥಾವ್ನ್ ಧಾವಿ ಕ್ಲಾಸಿಂಚಾ ಭುರ್ಗ್ಯಾಂಕ್ ಪರೀಕ್ಷಾ ಆಸ್ತೆಲಿ. ದೊತೊರ್ನಿಚಾ ಶಿಕ್ಷಕಾಂಚಿ ಜಮಾತ್ ಮಿಸಾ ಉಪ್ರಾಂತ್ ಆಸ್ತೆಲಿ.
ಆದ್ಲ್ಯಾ ವರ್ಸಾಚೆಂ ವಾರ್ಷಿಕ್ ಲೇಕ್‍ಪಾಕ್ ನೋಟಿಸ್ ಬೋರ್ಡಾರ್ ಘಾಲಾಂ ತೆಂ ತುಮಿ ಪಳೆಂವ್ಚೆಂ. ಆಕ್ಟೋಬರ್ 3 ತಾರಿಕೆರ್ ಆಯ್ತಾರಾ ಪಯ್ಲ್ಯಾ ಮಿಸಾ ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದ್ ಸಾಂದ್ಯಾಂಚಿ ಜಮಾತ್ ಆಸ್ತೆಲಿ. ಆಕ್ಟೋಬರ್ 10 ತಾರಿಕೆರ್ ದುಸ್ರ್ಯಾ ಮಿಸಾ ಉಪ್ರಾಂತ್ ಫಿರ್ಗಜ್ ಸಭಾ ಆಸ್ತೆಲಿ. ತುಮಿ ಹಾಜರ್ ಜಾಂವ್ಕ್ ವಿನಂತಿ ಕರ್ತಾಂವ್.
ಹರ್ಯೆಕಾ ಸನ್ವಾರಾ ಸಾಂಜೆರ್ 4.30 ವೊರಾರ್ ವೆದಿಸೆವಕಾಂಚಿ ಜಮಾತ್ ಆಸ್ತೆಲಿ. ಸರ್ವಾಂನಿ ಚುಕಾನಾಸ್ತಾನಾಂ ಹಾಜರ್ ಜಾಂವ್ಚೆಂ.
ಅಕ್ತೋಬರ್ 2 ತಾರಿಕೆರ್ ಸನ್ವರಾ ಮರಿಯಾಳ್ ಲೀಜನ್ ಸಾಂದೆ ಸವೊ ವಾರ್ಶಿಕೋತ್ಸವ್ ಸಂಭ್ರಮ್ತಾತ್, ತಾಂಕಾಂ ಬರೆಂ ಮಾಗ್ತಾಂವ್.