ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ಬಾಳ್ ಮರಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ವೆಲಂಕಣಿ ವಾಡ್ಯಾಗಾರಾಂನಿ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾಕ್ ಸೆಕುಲರ್ ಕಾರ್ಮೆಲ್ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ಹರ್ಯೇಕಾ ಕ್ಲಾಸಿಚಾ ದೊತೊರ್ನಿಚಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಆಜ್ ಸಾಂಜೆರ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸಾ. ಹ್ಯಾ ಪ್ರಾಚಿತ್ ಕಾಳಾರ್ ಸಾಂಜೆಚೊ ಥೊಡೊ ವೇಳ್ ದೆವಾಚಾ ಹಾಜರ್ಪಣಾಂತ್ ಖರ್ಚುಂಕ್ ವಿನಂತಿ ಕರ್ತಾಂವ್.
ಭುರ್ಗ್ಯಾಂಚಾ ಮಿಸಾ ಉಪ್ರಾಂತ್ ಆಲ್ತಾರ್ ಭುರ್ಗ್ಯಾಂಚಿ ಜಮಾತ್ ಆಸ್ತೆಲಿ.
ಹ್ಯಾ ಹಫ್ತ್ಯಾಂತ್ ಘರಾ ಬೆಜ್ಮೆಂತಾ ಮಾರ್ಚಾಚಾ 8 ಆನಿ 9 ತಾರಿಕೆರ್ ಸೊಮಾರಾ ಆನಿ ಮಂಗ್ಳಾರಾ ಲ್ಹಾನ್ ಫುಲ್ ವಾಡೊ, 10 ತಾರಿಕೆರ್ ಬುದ್ವಾರಾ ಸಾಂ ಅಂತೊನ್ ವಾಡೊ, ಮಾರ್ಚಾ 11 ಆನಿ 15 ತಾರಿಕೆರ್ ಅವಿಲಾ ವಾಡೊ, ಮಾರ್ಚಾಚಾ 16 ಆನಿ 17 ತಾರಿಕೆರ್ ಸಾಂ ಜುಜೆ ವಾಡೊ.
ಹ್ಯಾ ಮಹಿನ್ಯಾಂತ್ ವಾಡ್ಯಾಂತ್ ವಾಡ್ಯಾ ಜಮಾತ್ಯೊ ಆಸ್ತಲ್ಯೊ ಘರ್ಚ್ಯಾ ಎಕಾ ಸಾಂದ್ಯಾನ್ ತರೀ ಹ್ಯಾ ಜಮಾತೆಕ್ ಹಾಜರ್ ಜಾಂವ್ಕ್ ವಿನಂತಿ.
ಮಾರ್ಚಾಚಾ 13ತಾರಿಕೆರ್ ಸನ್ವರಾ ಸಾಂಜೆಚಾ ಮಿಸಾ ಉಪ್ರಾಂತ್ ಪಯ್ಲ್ಯಾ ಕುಮ್ಗಾರಾಚಾ ಭುರ್ಗ್ಯಾಂಚಾ ವ್ಹಡಿಲಾಂಚಿ ಜಮಾತ್ ಆಸ್ತೆಲಿ.
ಯೆಂವ್ಚ್ಯಾ ಆಯ್ತಾರಾ ಮಾರ್ಚಾಚಾ 14 ತಾರಿಕೆರ್ ಸಾಂಜೆರ್ 7 ವೊರಾರ್ ತೈಝೆ ಮಾಗ್ಣ್ಯಾವಿಧಿ ಆಸ್ತೆಲಿ. ಗಾಯನ್ ಮಂಡಳಿ ಆನಿ ಐಸಿವೈಎಮ್ ಸಾಂದ್ಯಾಂನಿ ಮಾಗ್ಣ್ಯಾವಿಧಿ ಚಲವ್ನ್ ವ್ಹರ್ಚಿ.
ಕ್ರಿಜ್ಮಾಚೊ ಸಾಕ್ರಾಮೆಂತ್ ಸ್ವೀಕಾರ್ ಕರ್ಚ್ಯಾ ಭುರ್ಗ್ಯಾಂಕ್ ಹರ್ಯೇಕಾ ಸನ್ವಾರ್ ಆನಿ ಆಯ್ತಾರಾ ತರ್ಭೆತಿ ಆಸ್ತಲ್ಯೊ.
ಸನ್ವಾರ್ 4 ವೊರಾಂ ಥಾವ್ನ್ 6 ವೊರಾಂ ಪರ್ಯಾಂತ್ ಆನಿ ಆಯ್ತಾರಾ ಸಕಾಳಿಂ 10.15 ಥಾವ್ನ್ 12 ವೊರಾಂ ಪರ್ಯಾಂತ್ ಶಿಕೊವ್ಣ್ ಆಸ್ತೆಲಿ. ಹರ್ಯೇಕಾ ಭುರ್ಗ್ಯಾಂನಿ ಚುಕಾನಾಸ್ತಾ ಹಾಜರ್ ಜಾಂವ್ಕ್ ವಿನಂತಿ ಕರ್ತಾಂವ್.
ಸಕಾಳಿಂ 8ವೊರಾರ್ ಐಸಿವೈಎಮ್ ಸಾಂದ್ಯಾಂಚಿ ಜಮಾತ್ ಆಸ್ತೆಲಿ. ಎಪ್ರಿಲ್ ಮಹಿನ್ಯಾಂತ್ ಐಸಿವೈಎಮ್ ಸಾಂದ್ಯಾಚಾ ಹುದ್ದೆದಾರಾಂಚೆ ಚುನಾವ್ ಆಸ್ತೆಲೆಂ.
ಆಜ್ ಕ್ರೀಸ್ತೀ ದೊತೊರ್ನಿಚಿ ಫಲಿತಾಂಶ್-ವ್ಹಡಿಲಾಂನಿ ಯೇವ್ನ್ ಕ್ಲಾಸ್ ಟೀಚರೆಕ್ ಮೆಳ್ಚೆಂ. ತಶೆಂಚ್ ಭುರ್ಗ್ಯಾಂನಿ ಕಾಸ್ಲಿಂತ್ ಹ್ಯಾ ವರ್ಸಾಚಾ ದೊತೊರ್ನೆವಿಶಿಂ ಮೌಲ್ಯ್‍ಮಾಪನ್ ಕರ್ಚೆಂ. ಫಾಲ್ಯಾಂ ಭುರ್ಗ್ಯಾಂಕ್ ಕುಮ್ಸಾರಾ ಆಸ್ತೆಲಿಂ. ಮಾರ್ಚಾಚಾ 14 ತಾರಿಕೆರ್ ದೊತೊರ್ನಿಚೊ ದೀಸ್. ತ್ಯಾ ದಿಸಾ ಹರ್ಯೇಕಾ ಕ್ಲಾಸಿಚಾ ಭುರ್ಗ್ಯಾಂನಿ ದೇವ್‍ಸುತ್ತಿ ಮಾಂಡುನ್ ಹಾಡುಂಕ್ ಸಾಂಗಾತ್ ದಿಂವ್ಚೊ. ಮಿಸಾ ಉಪ್ರಾಂತ್ ಭುರ್ಗ್ಯಾಂಕ್ ಇನಾಮಾಂ ವಾಂಟ್ತೆಲ್ಯಾಂವ್.