ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ಲೂಡ್ಸ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾಕ್ ಸಾಂಸ್ಕೃತಿಕ್ ಸಮಿತಿ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ಆಟ್ವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಆಜ್ ಸಾಂಜೆರ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸಾ.
ಫಾಲ್ಯಾಂ ಭುರ್ಗ್ಯಾಂಚಾ ಮಿಸಾ ಉಪ್ರಾಂತ್ ಆಲ್ತಾರ್ ಭುರ್ಗ್ಯಾಂಚಿ ಜಮಾತ್ ಆಸ್ತೆಲಿ.
ಭುರ್ಗ್ಯಾಂಕ್ ಕ್ರೀಸ್ತೀ ದೊತೊರ್ನಿಚಿ ಪರೀಕ್ಷಾ ಫೆಬ್ರೆರ್ 28ತಾರಿಕೆರ್ ಆಸ್ತೆಲಿ. ಸರ್ವ್ ಭುರ್ಗ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ. ಮಾರ್ಚ್ 7ತಾರಿಕೆರ್ ಫಲಿತಾಂಶ್ ತಶೆಂಚ್ ಮೌಲ್ಯ್‍ಮಾಪನ್, ತಶೆಂಚ್ ಮಾರ್ಚಾಚಾ 14ತಾರಿಕೆರ್ ಭುರ್ಗ್ಯಾಂಕ್ ಇನಾಮಾಂ ವಾಂಟ್ತೆಲ್ಯಾಂವ್.
ಫೆಬ್ರೆರ್ 17ತಾರಿಕೆರ್ ಸಿಂಜಿಚೊ ಬುದ್ವಾರ್. ಜಿಂಜ್ವಾರಾಚೊ ಕಾಯ್ದೊ ಪಾಳ್ಚೊ. ತ್ಯಾ ದೀಸ್ ದೋನ್ ಮಿಸಾಂ ಆಸ್ತೆಲಿಂ. ಸಕಾಳಿಂ 6.30 ವೊರಾರ್ ಆನಿ ಸಾಂಜೆರ್ 6.00 ವೊರಾರ್. ಕರೆಜ್ಮಾಚ್ಯಾ ದಿಸಾಂನಿ ಹರ್ಯೇಕಾ ಸುಕ್ರಾರಾ 5.30ವೊರಾರ್, ಸನ್ವಾರಾ 5 ವೊರಾರ್ ಆನಿ ಆನಿ ಆಯ್ತಾರಾ 9 ವೊರಾರ್ ಖುರ್ಸಾವಾಟ್ ಆಸ್ತೆಲಿ. ಆಧ್ಯಾತ್ಮಿಕ್ ಸಮಿತಿಚ್ಯಾ ಮುಕೇಲ್ಪಣಾಖಾಲ್ ಜವಾಬ್ದಾರಿ ಘೆತ್‍ಲ್ಲ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ. ಯೆಂವ್ಚ್ಯಾ ಸುಕ್ರಾರ್ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡೊ ಆನಿ ಸನ್ವಾರಾ ಕಾರ್ಮೆಲ್ ವಾಡೊ ಆನಿ ಆಯ್ತಾರಾ ಸಾಂ. ವಿಶೆಂತ್ ಪಾವ್ಲ್ ಸಭೆಚಾ ಸಾಂದ್ಯಾಂನಿ ಖುರ್ಸಾವಾಟ್ ಚಲವ್ನ್ ವ್ಹರ್ಚಿ. ಹೆರ್ ದಿಸಾಂಚಿ ಮಾಂಡಾವಾಳ್ ನೋಟಿಸ್ ಬೋರ್ಡಾರ್ ಘಾಲ್ಯಾ ತಿ ತುಮಿ ಪಳೆಂವ್ಕ್ ವಿನಂತಿ.
ಪೆಬ್ರುವರಿ 22 ತಾರಿಕೆರ್ ಸೊಮಾರಾ ಥಾವ್ನ್ ಘರಾ ಬೆಜ್ಮೆಂತಾ ಪ್ರಾರಂಭ್ ಕರ್ತಾಂವ್. ಗುರ್ಕಾರ್/ರ್ನಿನ್ ತುಮ್ಚ್ಯಾ ವಾಡ್ಯಾಚಾ ಘರಾಂಚಿ ಲಿಸ್ಟ್ ಘೆವ್ನ್ ವಿಗಾರಾಕ್ ಮೆಳೊನ್ ದೀಸ್ ಆನಿ ವೇಳ್ ನಮಿಯಾರ್ಚೊ. ಅನ್ವಲ್ ಕಾಯ್ದೊ, Church Maintenance ದೀಂವ್ಕ್ ನಾತ್‍ಲ್ಲ್ಯಾಂನಿ ಹ್ಯಾ ಹಪ್ತ್ಯಾಂತ್ ದೀಂವ್ಕ್ ವಿನಂತಿ. ಘರ್ ಬೆಜ್ಮೆಂತಾ ವೆಳಾರ್ ಘರ್ಚ್ಯಾ ಸಾಂದ್ಯಾಂನಿ ಹಾಜರ್ ಆಸ್ಚೆಂ. ವಾಂಜೆಲಾಚೆ ವಾಚಾಪ್ ಪಯ್ಲೆಂಚ್ ದಿತಾಂಚ್ ಜಾಲ್ಲ್ಯಾನ್ ತಾಚಿ ತಯಾರಾಯ್ ಕರ್ಚಿ. ತಶೆಂಚ್ ಪವಿತ್ರ್‍ಸಭೆ ಖಾತಿರ್, ಕುಟ್ಮಾಂತ್ಲ್ಯಾ ಸಾಂದ್ಯಾ ಖಾತಿರ್, ಕುಟ್ಮಾಂತ್ ದೆವಾಧಿನ್ ಜಾಲ್ಲ್ಯಾ ಸಾಂದ್ಯಾ ಖಾತಿರ್, ಕುಟ್ಮಾಂಚಾ ಖಾಸ್ಗಿ ಗರ್ಜಾಂ ಖಾತಿರ್ ಪ್ರಾರ್ಥನಾಂ ಕುಟ್ಮಾಚಾ ಸಾಂದ್ಯಾಂನಿ ಬರೊವ್ನ್ ದವರ್ಚಿ ಆನಿ ಜೊಕ್ತ್ಯಾ ವೆಳಾರ್ ವಾಚುಂಕ್ ವಿನಂತಿ.
ಫಿರ್ಗಜ್ ಪತ್ರ್: ಬಜ್ಜೋಡಿಚೊ ಕುರೊವ್ ಪಾಸ್ಕಾಂ ಫೆಸ್ತಾಚ್ಯಾ ಅಂಕ್ಯಾಕ್ ಕವನಾಂ, ಲೇಕನಾಂ, ಪಿಂತುರಾ, ಲ್ಹಾನ್ ಕಾಣಿಯೊ ಬರೊವ್ನ್ ದಿಂವ್ಚೊ. ಜಲ್ಮಾದೀಸ್, ಕಾಜಾರ್ ತಶೆಂಚ್ ಜುಬ್ಲೆವಾಚೆ ಉಲ್ಲಾಸ್ ಪಾಟವ್ನ್ ಜಾಹೀರಾತಾಂ ಮಾರ್ಚಾಚಾ 15 ತಾರಿಕೆ ಭಿತರ್ ದೀಂವ್ಕ್ ವಿನಂತಿ.
ಮಂಗ್ಳುರ್ ದಿಯೆಸೆಜ್ ಹರ್ಯೆಕಾ ವರ್ಸಾ ಪ್ರಾಚಿತ್ ಕಾಳಾರ್ ಸ್ಥಳೀಯ್ ಮಿಸಾಂವಾ ಖಾತಿರ್ ಭಾವಾಥ್ರ್ಯಾಂಚೊ ತ್ಯಾಗ್ ದಾನಾ ರುಪಾರ್ ಎಕ್ಟಾಯ್ ಕರ್ತಾ ಆನಿ ಗರ್ಜೆವಂತಾ ಖಾತಿರ್ ವಾಪಾರ್ತಾ. ಸಿಒಡಿಪಿ ಕವರಾಂ ಯೆದೊಳ್‍ಚ್ಚ್ ಆಯ್ಲ್ಯಾಂತ್ ತುಮ್ಚೆ ಖುಶೆಚೆ ದಾನ್ ಕವರಾಂತ್ ಘಾಲ್ನ್ ಬಂದ್ ಕರ್ನ್, ಕುಟ್ಮಾಚಾ ವ್ಹಡಿಲಾಚೆಂ ನಾಂವ್ ಬರವ್ನ್ ಇಗರ್ಜೆಕ್ ಪಾವಿತ್ ಕರುಂಕ್ ವಿನಂತಿ. ಹೊ ಐವಜ್ ಸಿಒಡಿಪಿ ಸಂಸ್ಥ್ಯಾಕ್ ದಾಡ್ನ್ ದಿತೆಲ್ಯಾಂವ್.
ಪಯ್ಲ್ಯಾ ಮಿಸಾ ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಜಮಾತ್ ಆಸ್ತೆಲಿ. ಸರ್ವ್ ಸಾಂದ್ಯಾನಿ ಚುಕಾನಾಸ್ತಾನಾಂ ಹಾಜರ್ ಜಾಂವ್ಚೆಂ.