ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಡಿಸೆಂಬರ್ 14: ಖುರ್ಸಾಚೊ ಸಾಂ.ಜುವಾಂವ್,

ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾಕ್ ಮರಿಯಾಳ್ ಲೀಜನ್ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.

ನತಾಲಾಂಚೆ ಫೆಸ್ತ್ ಡಿಸೆಂಬರ್ 24 ಸಾಂಜೆರ್ 7ವೊರಾರ್ ನತಾಲಾಂಚಿ ಗಿತಾಂ, 7.30ವೊರಾರ್ ಫೆಸ್ತಾಚೆಂ ಸಂಭ್ರಮಿಕ್ ಮೀಸ್, ಉಪ್ರಾಂತ್ ಬಾಳ್ಕಾಚೊ ಉಮೊ. ಮಿಸಾ ಉಪ್ರಾಂತ್ ಹೊಲಾಂತ್ ಏಲಂ ತಶೆಂಚ್ ಹೌಸಿ ಹೌಸಿ ಮಟ್ವೆಂ ಕಾರ್ಯೆಂ ಆಸ್ತೆಲೆಂ. ಡಿಸೆಂಬರ್ 25 ತಾರಿಕೆರ್ ಸುಕ್ರಾರಾ ಸಕಾಳಿಂ 7.30ವೊರಾರ್ ಮೀಸ್ ಆಸ್ತೆಲೆಂ.

ಹ್ಯಾ ವರ್ಸಾ ಕ್ರಿಸ್ಮಸಾವೆಳಾರ್ ದೋನ್ ಸ್ಪರ್ಧೆ ಆಸಾ ಕೆಲ್ಯಾತ್. ನತಾಲ್ ನೆಕೆತ್ರ್ ಸ್ಪರ್ಧೊ ಆನಿ ಕ್ರಿಸ್ಮಸ್ ಟ್ರೀ ಸ್ಪರ್ಧೊ. ನಾಂವಾಂ ದೀಂವ್ಕ್ ಅಖ್ರೇಚಿ ತಾರೀಕ್ ಡಿಸೆಂಬರ್-15

ಸೊಮಾರಾ ಸಾಂಜೆರ್ 6.30ವೊರಾಂ ಥಾವ್ನ್ ಘರಾಂನಿ ಯಾಜಕಾಂಚಿ ಭೆಟ್ ಆಸ್ತೆಲಿ. ಕುಟ್ಮಾ ಸಾಂಗಾತಾ ಮಾಗ್ಣೆಂ, ಗಿತಾಂ, ಜೆಜು ಬಾಳ್ಕಾಚೆಂ ಆಶೀರ್ವಾದ್ ಕುಟ್ಮಾಂಚೆರ್ ಮಾಗ್ತೆಲ್ಯಾಂವ್. ಸೊಮಾರಾ ಲ್ಹಾನ್ ಫುಲ್ ಆನಿ ಕಾರ್ಮೆಲ್ ವಾಡೊ; ಮಂಗ್ಳಾರಾ ವೆಲಂಕಣಿ ಆನಿ ಬಾಳ್‍ಮರಿ ವಾಡೊ. ಗುರ್ಕಾರ್/ರ್ನ್, ಪ್ರತಿನಿಧಿ, ಗಾಯಾನ್ ಮಂಡಳಿಚಾ ಸಾಂದ್ಯಾಂನಿ ಸಾಂಗಾತ್ ದಿಂವ್ಚೊ.

ಆಯ್ತಾರಾ ಥಾವ್ನ್ ಹರ್ಯೆಕಾ ಆಯ್ತಾರಾ ಸಾಂಜೆರ್ 7 ಥಾವ್ನ್ 7.30ವೊರಾಂ ಪರ್ಯಾಂತ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ.

ನತಲಾಂ ಫೆಸ್ತಾಕ್ ಅತ್ಮಿಕ್ ತಯಾರಾಯ್ ಜಾವ್ನ್ ಸಾಂಜೆರ್ ಡಿಸೆಂಬರ್ 19 ತಾರಿಕೆರ್ ಸನ್ವಾರಾ ಸಾಂಜೆರ್ 3.45 ವೊರಾರ್ ತೇರ್ಸ್ ಮಟ್ವಿ ಶಿಕೊವ್ನ್, ಕುಮ್ಸಾರಾಂ ಆನಿ ಅರಾಧಾನ್ ಆನಿ ಮೀಸ್ ಆಸ್ತೆಲೆಂ. ಸರ್ವ್ ಫಿರ್ಗಜ್‍ಗಾರಾಂನಿ ಕ್ರಿಸ್ಮಸ್ ಫೆಸ್ತಾಕ್ ಆತ್ಮೀಕ್ ರಿತಿನ್ ತಯಾರ್ ಜಾಂವ್ಚೆಂ .

ನತಾಲಾಂ ಫೆಸ್ತಾಕ್ ಮುರ್ದೊಮ್ ದಿತಲ್ಯಾಂನಿ ಡಿಸೆಂಬರ್ 21ತಾರಿಕೆ ಭಿತರ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ. ಕ್ರಿಸ್ಮಸ್ ಫೆಸ್ತಾಕ್ ಸಂಬಂಧ್ ಜಾಲ್ಲ್ಯೊ ಜವಾಬ್ದಾರಿ, ಸ್ಫರ್ದೆ, ಹೆರ್ ವಿಷಯ್ ನೋಟಿಸ್ ಬೊರ್ಡಾರ್ ಘಾಲ್ಯಾತ್ ತ್ಯೊ ತುಮಿ ಪಳೆಂವ್ಕ್ ವಿನಂತಿ ತಶೆಂಚ್ ವಾಟ್ಸೆಪಾ ಮುಖಾಂತ್ರ್ ಆಮಿ ದಾಡ್ತೆಲ್ಯಾಂವ್.

ಡಿಸೆಂಬರ್ 13 ತಾರಿಕೆರ್ ಫಾಲ್ಯಾಂ ಸಾಂಜೆರ್ ಕಾರ್ಮೆಲ್ ಗುಡ್ಯಾರ್ ಸಾಂಜೆರ್ 5 ವೊರಾರ್ ಕ್ರಿಸ್ಮಸ್ ಕ್ಯಾರಲ್ಸ್ ಸ್ಪರ್ಧೊ ಮಾಂಡುನ್ ಹಾಡ್ಲಾ.

Home | About Us | Sitemap | Contact

Copyright © 2013 - www.infantmarychurch.org. Powered by eCreators

Contact Us

INFANT MARY CHURCH
Bajjodi, Bikarnakatte,
Mangalore - 575 005, India

Contact : +91 97403 16900