ಮೊಗಾಚ್ಯಾ ಸುಜಾನ್, ಗೇಬ್ರಿಯಲ್, ಸಾರಾ, ಲೆರಿಸ್ಸಾ, ಒಸ್ವೀಟಾ, ಏಂಜಲ್, ಆಶೆಲ್, ಜೆಸ್ವೀಟಾ, ಶರೋನ್, ಎಲ್ಡನ್ ಆಜ್ ತುಮ್ಚೊ ದೀಸ್. ತುಮ್ಚ್ಯಾ ಜಿವಿತಾಂತ್ ಉಗ್ಡಾಸ್ ಉರ್ಚೆ ತಸಲೊ ದೀಸ್. ಹಾಂಗಸರ್ ಹಾಜರ್ ಆಸ್ಚ್ಯಾ ಯಾಜಕಾಂಚಾ ತಶೆಂಚ್ ಜಮ್ಲೆಲ್ಯಾ ಸರ್ವಾಂಚಾ ತರ್ಭೆನ್ ತುಮ್ಕಾಂ ತಶೆಂಚ್ ತುಮ್ಚ್ಯಾ ವ್ಹಡಿಲಾಂಕ್ ಉಲ್ಲಾಸ್ ಆನಿ ಪರ್ಭಿಂ ಪಾಟಯ್ತಾಂ. ಮೊಗಾಚ್ಯಾ ಭುರ್ಗ್ಯಾಂನೊ ಕಾಳ್ಜಾಂತ್ ಪಯ್ಲೆಂ ಪಾವ್ಟಿಂ ಆಯ್ಲಾ ಮೊಗಾಳ್ ಇಷ್ಟ್ ತಶೆಂ ಜೆಜು ರಾಯ್ ತುಮ್ಚೊ. ವಿಸ್ರನಾಕಾತ್ ಮೋಗ್ ಕರುಂಕ್ ತಾಚೊ. ಹರ್ಯೇಕಾ ಮಿಸಾವೆಳಾರ್ ಅತ್ರೆಗ್ ತುಮ್ಚೊ ಜೆಜುಕ್ ಸೆಂವ್ಚೊ ಕೆದಿಂಚ್ ಉಣೊ ಜಾಂವ್ಕ್ ನಜೊ. ಹೆಂಚ್ ಆಮ್ಚೆಂ ಮಾಗ್ಣೆಂ ಆನಿ ಹಿಚ್ಚ್ ಆಮ್ಚಿ ಆಶಾ.
ಆಜ್ ಪ್ರದಾನ್ ಯಾಜಕ್ ಜಾವ್ನ್ ಸಂಭ್ರಮಿಕ್ ಮಿಸಾಚೆ ಬಲಿದಾನ್ ಭೆಟಯ್ಲಾಂ, ಕಾರ್ಮೆಲ್ ಗುಡೊ, ಬಾಳೊಕ್ ಜೆಜು ಪೂನ್‍ಶೆತಾಚೆ ದಿರೆಕ್ತೊರ್ ಬಾಪ್ ರೋವೆಲ್ ಡಿಸೋಜಾ. ತಾಂಕಾಂ ತುಮ್ಚ್ಯಾ ಸರ್ವಾಂಚಾ ನಾಂವಾನ್ ದೇವ್‍ಬರೆಂ ಕರುಂ ಮ್ಹಣ್ತಾ. ಆಜ್ ಭುರ್ಗ್ಯಾಂಕ್ ಜೊಕ್ತಿ ಶಿಕೊವ್ಣ್ ದಿಲ್ಲ್ಯಾ ಬಾಪ್ ರಾಯನ್ ಪಿಂಟೊಕ್ ತಶೆಂಚ್ ಸಹಭೆಟವ್ಟಿಂ ಕರ್ನ್ ಭುರ್ಗ್ಯಾಂ ಪಾಸತ್ ಮಾಗ್‍ಲ್ಲ್ಯಾ ಆನಿ ಭುರ್ಗ್ಯಾಂಚಾ ಮೊಗಾನ್ ಹಾಂಗಸರ್ ಆಯಿಲ್ಲ್ಯಾ ಬಾಪ್ ವಲೇರಿಯನ್ ಡಿಸೋಜಾ, ಬಾಪ್ ಎಲಯಾಸ್ ಡಿಸೋಜಾ, ಬಾಪ್ ಡೆನಿಸ್ ಡಿಸೋಜಾ. ಕಾರ್ಮೆಲ್ ಗುಡ್ಯಾ ಥಾವ್ನ್ ಆಯಿಲ್ಲ್ಯಾ ಬಾಪ್ ಜೊಸೆಫ್ ಸಿರಿಲ್ ಡಿಸೋಜಾ, ತುಮ್ಕಾಂಯ್ ದೇವ್ ಬರೆಂ ಕರುಂ ಮ್ಹಣ್ತಾ.
ಪಾಟ್ಲ್ಯಾ ದಿಸಾಂನಿ ಭುರ್ಗ್ಯಾಂಕ್ ತರ್ಭೆತಿ ದಿಲ್ಲ್ಯಾ ಬಾಪ್ ರಾಯನ್ ಪಿಂಟೊ, ಶ್ರೀಮತಿ ಸ್ಟೆಲ್ಲಾ ಡಿಸೋಜಾ, ಶ್ರೀಮತಿ ಜುಲಿಯೆಟ್ ಆಳ್ವಾ, ಒಎಸ್‍ಎಸ್ ಸಿಸ್ಟ್ರಾಂಕ್ ದೇವ್‍ಬರೆಂ ಕರುಂ. ಸೊಭಿತ್ ಫುಲಾಂನಿ ಆಲ್ತಾರ್ ಸೊಬಯಿಲ್ಲ್ಯಾ ಒಎಸ್‍ಎಸ್ ಸಿಸ್ಟ್ರಾಂಕ್ ಧಿನ್ವಾಸ್. ಹ್ಯಾ ಮಿಸಾಚಿ ದೇವ್‍ಸ್ತುತಿ ಚಲವ್ನ್ ವ್ಹರುನ್, ಇಗರ್ಜೆಕ್ ಜಾಯ್ ಪಡ್ಚ್ಯೊ ವಸ್ತು ಪÀಯ್ಲ್ಯಾ ಕುಮ್ಗಾರಾಚಾ ಉಗ್ಡಾಸಾಕ್ ಕಾಣಿಕ್ ಜಾವ್ನ್ ದಿಲ್ಯಾ ಪಯ್ಲ್ಯಾ ಕುಮ್ಗಾರಾಚಾ ಭುರ್ಗ್ಯಾಂಕ್ ಆನಿ ವ್ಹಡಿಲಾಂಕ್ ದೇವ್‍ಬರೆಂ ಕರುಂ. ಹ್ಯಾ ಸಂಭ್ರಮಿಕ್ ಮಿಸಾಂತ್ ಭಕ್ತಿಪಣಾನ್ ವಾಂಟೊ ಘೆವ್ನ್ ಆಮ್ಚಿ ಕಾಳ್ಜಾಂ ಮನಾಂ ದೆವಾ ಥಂಯ್ ಉಬಾರ್ ಆದಾರ್ ದಿಲ್ಲ್ಯಾ ಗಾಯನ್ ಮಂಡಳಿಚಾ ಸಾಂದ್ಯಾಕ್, ವೆದಿರ್ ಸೆವಾ ದಿಲ್ಯಾ ವೆದಿ ಸೆವಕಾಂಕ್ ದೇವ್‍ಬರೆಂ ಕರುಂ. ಪೊಟೊಗ್ರಾಪಿ ಕೆಲ್ಲ್ಯಾ ಕ್ಲ್ಯಾನುಟ್ ಲೋಬೊಕ್, ಕಾರ್ಮೆಲ್ ಕಿರಣ್ ಯ್ಯೂಟ್ಯೂಬಾರ್ ಹೆಂ ಮೀಸ್ ಲೈಸ್ ಪ್ರಸಾರ್ ಕೆಲ್ಲ್ಯಾ ಬಾಪ್ ಸ್ಟೀಫನ್ ಲೋಬೊಕ್, ಕ್ಲೀಯೊನ್ ತುಮ್ಕಾಂ ಆಮ್ಚೆ ಧಿನ್ವಾಸ್. ಲೈವ್ ಸ್ಪೋನ್ಸರ್ ಕೆಲ್ಲ್ಯಾ ಹಿತಚಿಂತಕಾಕ್ ಆನಿ ಪವಿತ್ರ್ ಪುಸ್ತಕ್ ಭುರ್ಗ್ಯಾಂಕ್ ದಿಲ್ಲ್ಯಾ ಹಿತಚಿಂತಕಾಕ್ ದೇವ್ ಬರೆಂ ಕರುಂ.
ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ಅವಿಲಾ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ಬಾಳೊಕ್ ಜೆಜು ವಾಡ್ಯಾಗಾರಾಂನಿ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾಕ್ ನಾಗರಿಕ್ ಸಮಿತಿ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ಕುಟ್ಮಾ ಹಿತಾ ಸಮಿತಿ ದೇವ್ ಸ್ತುತಿ ಮಾಂಡುನ್ ಹಾಡ್ಚಿ.
ನವೆಂಬರ್ 24ತಾರಿಕೆರ್ ಮಂಗ್ಳಾರಾ ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಜಮಾತ್ ಸಾಂಜೆಚ್ಯಾ ಮಿಸಾಉಪ್ರಾಂತ್ ಆಸ್ತೆಲಿ. ಸರ್ವ್ ಸಾಂದ್ಯಾನಿ ಚುಕಾನಾಸ್ತಾನಾಂ ಹಾಜರ್ ಜಾಂವ್ಚೆಂ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ನವೆಂಬರ್ 23: ಸಾಂ.ಕ್ಲೆಮೆಂತ್ ಪಯ್ಲೊ, ಸ್ಮರಣ್, ನವೆಂಬರ್ 26: ಸಾಂ.ಜುವಾಂವ್ ಬರ್ಕ್ಸ್‍ಮನ್, ಆಲ್ತಾರ್ ಭುರ್ಗ್ಯಾಂಚೊ ಪಾತ್ರೊನ್.
ನತಾಲಾಂಚ್ಯಾ ಫೆಸ್ತಾಕ್ ಪಾಯ್ಸ್ ಜಾಂವ್ಚ್ಯಾ ಬಜ್ಜೋಡಿಚೊ ಕುರೊವ್ ಫಿರ್ಗಜ್ ಪತ್ರಾಕ್ ಲೇಖನಾಂ, ಕವನಾಂ ಅನಿ ಜಾಹೀರಾತಾಂ ದಿತೆಲ್ಯಾಂನಿ ವೆಗಿಂಚ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ.
ನವೆಂಬರ್ 29 ತಾರಿಕೆರ್ ಆಯ್ತಾರಾ ಭುರ್ಗ್ಯಾಂಕ್ ಕ್ರೀಸ್ತೀ ದೊತೊರ್ನಿಚಿ ಪರೀಕ್ಷಾ ಸಕಾಳಿಂ 9.30 ಥಾವ್ನ್ 10.30ವೊರಾಂ ಪರ್ಯಾಂತ್ ಆಸ್ತೆಲಿ. ಭುರ್ಗ್ಯಾಂನಿ ವೆಳಾರ್ ಹಾಜರ್ ಜಾಂವ್ಕ್ ವಿನಂತಿ.
ಯೆಂವ್ಚ್ಯಾ ಆಯ್ತಾರಾ ವಾಡ್ಯಾವಾರ್ ಬ್ಯಾಡ್‍ಮಿಂಟನ್ ಟೂರ್ನಮೆಂಟ್ ಆಸಾ ಕೆಲಾಂ. ಜಿಕ್‍ಲ್ಲ್ಯಾಂಕ್ ಕ್ಯಾಶ್ ಪ್ರೈಜ್ ತಶೆಂಚ್ ಟ್ರೋಫಿಸ್ ಬಹುಮಾನ್ ಜಾವ್ನ್ ದಿತೆಲ್ಯಾಂವ್. ಬಹುಮಾನಾಂ ಪ್ರಾಯೋಜಕ್ ರಾವುಂಕ್ ಖುಶಿ ಆಸ್‍ಲ್ಲ್ಯಾಂನಿ ವೆಗ್ಗಿಂಚ್ ತಿಳ್ಸುಂಕ್ ವಿನಂತಿ.
ಸಿಟಿ ವಾರಾಡ್ಯಾಚೆ ವಿಗಾರ್‍ವಾರ್ ಬಾಪ್ ವಿಕ್ಟರ್ ಮಚಾದೊನ್ ಆದ್ವೆಂತಾಚಾ ಕಾಳಾರ್ ಹರೈಕಾ ದಿಸಾಚೊ ನಿಯಾಳ್ ಆಟಾಪ್ಚೊ ಸೊಮ್ಯಚೆಂ ಯೆಣೆಂ ಕುರ್ಪೆ ದೆಣೆಂ ಮ್ಹಳ್ಳೊ ಬೂಕ್ ಉಜ್ವಾಡಾಕ್ ಹಾಡ್ಲಾ. ಹೆಂ ಬೂಕಾಚಿ ಪ್ರತಿ ಮಿಸಾ ಉಪ್ರಾಂತ್ ತುಮಿ ಘ್ಯೆವೆತ್. ಹ್ಯಾ ಬೂಕಾಚೆ ಮೋಲ್ 100/.