ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ಸಾಂ.ಅಂತೊನ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ಸಾಂ. ಜುಜೆ ವಾಡ್ಯಾಗಾರಾಂನಿ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ 8ತಾರಿಕೆರ್ 7ವೊರಾಂಚ್ಯಾ ಮಿಸಾಕ್ ಮರಿಯಾಳ್ ಲೀಜನ್ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ 8.30ವೊರಾರ್ ಸೆಕುಲರ್ ಕಾರ್ಮೆಲ್ ಸಾಂದ್ಯಾನಿ ದೇವ್ ಸ್ತುತಿ ಮಾಂಡುನ್ ಹಾಡ್ಚಿ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ನವೆಂಬರ್ 2: ಅಲ್ಮಾಂವಾಚೆಂ ಫೆಸ್ತ್ ತ್ಯಾ ದೀಸ್ ಸಕಾಳಿಂ 6.30ವೊರಾರ್ ಆನಿ ಸಾಂಜೆರ್ 6ವೊರಾಂಚೆರ್ ಮೀಸ್ ಅಸ್ತೆಲೆಂ. ಬೆಂದುರ್ ಸಿಮೆಸ್ತ್ರ್ ಬೆಂಜಾರ್ ಸೊಮಾರಾ ಸಾಂಜೆರ್ 5.15ವೊರಾರ್ ಆಸ್ತೆಲಿ.
ನವೆಂಬರ್ 4: ಸಾಂ.ಚಾರ್ಲ್ಸ್ ಬರೋಮಿಯೊ, ಸ್ಮರಣ್
-ನವೆಂಬರ್ ಮಹಿನೊ ಪುಲ್ಗತ್ರಿಂತ್ಲ್ಯಾ ಅತ್ಮ್ಯಾಂಕ್ ಭೆಟಯ್ಲಾ ದೆಕುನ್ ಸರ್‍ಲ್ಲ್ಯಾ ಅತ್ಮ್ಯಾಂಕ್ ಲಾಗು ಜಾಂವ್ಚಿಂ ಇಂದುಲ್ಜೆನ್ಸಾ ನವೆಂಬರ್ 1 ತಾರಿಕೆ ಥಾವ್ನ್ 8 ತಾರಿಕೆ ಮ್ಹಣಾಸರ್ ಪವಿತ್ರ್‍ಸಭಾ ಪಾಟಯ್ತಾ. ಹ್ಯಾ ದಿಸಾಂನಿ ಇಗರ್ಜೆಕ್/ಸಿಮೆಸ್ತ್ರಿಕ್ ಭೆಟ್ ದೀವ್ನ್ ಸರ್‍ಲ್ಲ್ಯಾ ಖಾತಿರ್ ಮಾಗ್ಣೆಂ ಕರ್ನ್, ಸತ್ಮಾನ್ತಾ ಮ್ಹಣುನ್, ಪಾಪ್‍ಸಾಯ್ಬಾಚಾ ಇರಾದ್ಯಾ ಪಾಸತ್ ಮಾಗೊನ್ ಪ್ಲೆನಾರಿ ಇಂದುಲ್ಜೆನ್ಸಾ(ಸಂಪೂರ್ಣ್ ಮಾಫಿ) ಸರಲ್ಲ್ಯಾಂ ಖಾತಿರ್ ಜೋಡ್ನ್ ಘೆವ್ಯೆತ್.
-ಯೆಂವ್ಚೊ ಸುಕ್ರಾರ್ ಮಹಿನ್ಯಾಚೊ ಪಯ್ಲೊ ಸುಕ್ರಾರ್ ಸಾಂಜೆಚಾ ಮಿಸಾ ಉಪ್ರಾಂತ್ ಆರಾಧಾನ್ ಆಸ್ತೆಲೆಂ.
-ನತಾಲಾಂಚ್ಯಾ ಫೆಸ್ತಾಕ್ ಪಾಯ್ಸ್ ಜಾಂವ್ಚ್ಯಾ ಬಜ್ಜೋಡಿಚೊ ಕುರೊವ್ ಫಿರ್ಗಜ್ ಪತ್ರಾಕ್ ಲೇಖನಾಂ, ಕವನಾಂ ಅನಿ ಜಾಹೀರಾತಾಂ ದಿತೆಲ್ಯಾಂನಿ ನವೆಂಬರ್ 20ತಾರಿಕೆ ಭಿತರ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ. ಕ್ರಿಸ್ಮಸಾವಿಶಿಂ ಲೇಖನಾಂ ಕವನಾಂ ಬರೊಂವ್ಕ್ ಭುರ್ಗ್ಯಾಂಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ.
-ಆಕ್ಟೋಬರ್ ಮಹಿನ್ಯಾಂತ್ 31 ಥಾವ್ನ್ 60 ವರ್ಸಾಂ ಬಿತರ್ಲ್ಯಾಂತ್ ಒನ್‍ಲೈನ್ ಕ್ವಿಜ್ ತಶೆಂಚ್ 61 ವರ್ಸಾಂ ವಯ್ಲ್ಯಾಂಕ್ ಭುರ್ಗ್ಯಾಂಕ್ ನಿದಾಂವ್ಚಿ ಗಾನಾಂ ಸ್ಪರ್ಧೊ ಆಸಾ ಕೆಲ್ಲೊ. ಭಾಗ್ ಘೆತ್‍ಲ್ಲ್ಯಾ ಸರ್ವಾಂಕ್ ದೇವ್‍ಬರೆಂ ಕರುಂ ಮ್ಹಣ್ತಾ.
-ಸೈಂಟ್ ಆ್ಯಂಟನಿ ಚಾರೀಟಿ ಇನ್ಸಿಟ್ಯೂಟಾಕ್ ಬಜ್ಜೋಡಿಚಾ ಜಾಗ್ಯಾಚೆ ಚಿತ್ರಣ್ ಲಾಬ್ಚೆ ಖಾತಿರ್ ನವೆಂಬರ್ ಮಹಿನ್ಯಾಂತ್ ಡಿಜಿಟಲ್ ಸರ್ವೆ ಕರ್ತಾತ್. ದೆಕುನ್ ಕೊಣೆಂಕ್ ಆಕಾಂತ್ ಪಾಂವ್ಚಿ ಗರ್ಜ್ ನಾ ಹೆಂ ಕೇವಲ್ ಜಾಗ್ಯಾಚೆಂ ಜೊಕ್ತೆಂ ಚಿತ್ರಣ್ ಮೆಳ್ಚೆ ಖಾತಿರ್ ಮಾತ್ರ್ ಮ್ಹಣ್ ದಿರೆಕ್ತೊರ್ ಬಾಪ್ ಒನಿಲ್ ಡಿಸೋಜಾನ್ ತಿಳ್ಸಿಲಾಂ.
ದಕ್ಷಿಣ ಕನ್ನಡ ಜಿಲ್ಲೆ ಥಾವ್ನ್ ಸಮಾಜ್ ಸೆವೆಕ್ ರಾಜೋತ್ಸವ ಪ್ರಸಸ್ತಿ ಸ್ವೀಕಾರ್ ಕರ್ಚ್ಯಾ ಮಾನೆಸ್ತ್ ಫ್ರಾನ್ಸಿಸ್ ಮ್ಯಾಕ್ಸಿಮ್ ಮೊರಾಸ್ ಹಾಂಕಾ ಫಿರ್ಗಜ್‍ಗಾರಾಂ ತರ್ಫೆನ್ ಅಭಿನಂದನ್ ಪಾಟಯ್ತಾಂವ್. ತಾಂಚ್ಯಾ ಸೆವೆಚ್ಯಾ ವಾವ್ರಾಕ್ ಬರೆಂ ಮಾನ್ತಾಂವ್.