ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ವೆಲಂಕಣಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ಸಾಂ.ಅಂತೊನ್ ವಾಡ್ಯಾಗಾರಾಂನಿ ಕರ್ಚಿ.

ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಅಕ್ಟೋಬರ್ 28: ಸಿಮಾಂವ್ ಅನಿ ಜೂದ್ ಅಪೊಸ್ತಲ್ , ನವೆಂಬರ್ 1: ಸರ್ವ್ ಸಾಂತಾಭಕ್ತಾಂಚೊ ದೀಸ್, ನವೆಂಬರ್ 2: ಅಲ್ಮಾಂವಾಚೆಂ ಫೆಸ್ತ್ ತ್ಯಾ ದೀಸ್ ಸಕಾಳಿಂ 6.30ವೊರಾರ್ ಆನಿ ಸಾಂಜೆರ್ 6ವೊರಾಂಚೆರ್ ಮೀಸ್ ಅಸ್ತೆಲೆಂ.

ದುಸ್ರ್ಯಾ ಮಿಸಾ ವೆಳಾರ್ ಆಕ್ಟೋಬರ್ 10 ತಾರಿಕೆರ್ ಇಟೆಲಿಚ್ಯಾ ಆಸ್ಸಿಸಿ ಶೆರಾಂತ್ ಭಾಗೆವಂತ್ ಮ್ಹಣ್ ಪಾಚಾರ್‍ಲ್ಲ್ಯಾ ಕಾರ್ಲೊ ಆಕುತಿಸಾಕ್ ಆಮಿ ಮಾನ್ ಕರ್ತಾಂವ್. ಹ್ಯಾ ಡಿಜಟಲ್ ಕಾಳಾರ್ ಏಕ್ ತರ್ನಾಟೊ ಬಾಗೆವಂತ್ ವ್ಯಕ್ತಿ ಕಂಪ್ಯೂಟರ್ ಪ್ರೊಗ್ರಾಮಿಂಗ್, ಫಿಲ್ಮ್ ಎಡಿಟಿಂಗ್, ವೆಬ್‍ಸೈಟ್ ಕ್ರಿಯೇಶನ್ ಹಾಂತುನ್ ಹೆಳ್‍ಲ್ಲೊ ತರಿ ಎವ್ಕರಿಸ್ತಾಚಾ ಮೊಗಾರ್ ಪಡೊನ್ ಆಪ್ಣಾಚಾ ಜಿವಿತಾಂತ್ ಜೆಜುಚಾ ಮೊಗಾನ್ ಜಿಯೆಲ್ಲೊ ತಶೆಂಚ್ ತಾಚೊ ಜಾಣ್ವಯ್ ಹೆರಾಂಕ್ ವಾಂಟ್‍ಲ್ಲೊ ಮಹಾನ್ ತರ್ನಾಟೊ ಮ್ಹಣ್ ಸಾಂಗ್ಯೆತ್. ತಾಚಿ ಜಿಣಿ ಸರ್ವಾಂಕ್ ಪ್ರೇರಣ್. ಫಾಲ್ಯಾಂ ಮಿಸಾಚಾ ಸುರ್ವೆರ್ ಹರ್ಯೇಕಾ ವಾಡ್ಯಾಚಾ ದೊಗಾಂ ಯುವಜಣಾಂನಿ ಫುಲಾಂ ಅರ್ಪುಚಿಂ ರೀತ್ ಆಸ್ತೆಲಿ. ಯೆತನಾ ಪುಲಾಂ ಹಾಡ್ನ್ ಯೆಂವ್ಚಿಂ. ಉಪ್ರಾಂತ್ ಶೆರ್ಮಾಂವಾ ವೆಳಾರ್ ತಾಚ್ಯಾ ಜಿಣ್ಯೆವಿಶಿಂ ಶಿಕೊವ್ಣ್ ಆಸ್ತೆಲಿ. ವೈಸಿಎಸ್ ತಶೆಂಚ್ ಫಿರ್ಗಜೆಚಾ ಸರ್ವ್ ಯುಜವಜಣಾಂನಿ ಹ್ಯಾ ಮಿಸಾಕ್ ಹಾಜರ್ ಜಾಂವ್ಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ. ಮಿಸಾ ಉಪ್ರಾಂತ್ ಐಸಿವೈಎಮ್ ಸಾಂದ್ಯಾಂಚಿ ಜಮಾತ್ ಆಸ್ತೆಲಿ.

ಪಾಪಾ ಪ್ರಾನ್ಸಿಸಾನ್ 2020 ಆಕ್ಟೋಬರ್ 03ವೆರ್ ಆಸ್ಸಿಸಿಂತ್ ಸಾಂ. ಪ್ರಾನ್ಸಿಸಾಚಾ ನಿಕೆಪಾ ಸುವಾತೆರ್ ನವೆಂ ವಿಶ್ವಪತ್ರ್ ಪಾಟಯ್ಲಾಂ. ಫಾತೆಲ್ಲಿ ತುತ್ತಿ-ಸಗ್ಳಿಂ ಭಾವ್‍ಭಯ್ಣಿಂ. ಹ್ಯಾ ವಿಶ್ವಪತ್ರಾಚೊ ವಿವಿರ್ ಹ್ಯಾ ಹಫ್ತ್ಯಾಚಾ ರಾಕ್ಣ್ಯಾರ್ ಆಸಾ. ತೊ ತುಮಿ ವಾಚುಂಕ್ ವಿನಂತಿ ಕರ್ತಾಂವ್.

ಮಿಸಾ ಉಪ್ರಾಂತ್ ವಾಹನಾಂ ಬೆಂಜಾರ್ ಕರ್ತೆಲ್ಯಾಂವ್.

 

 

 

Home | About Us | Sitemap | Contact

Copyright © 2013 - www.infantmarychurch.org. Powered by eCreators

Contact Us

INFANT MARY CHURCH
Bajjodi, Bikarnakatte,
Mangalore - 575 005, India

Contact : +91 97403 16900