ಸಗ್ಳೊ ಹಫ್ತೋ ದೇವ್‍ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ಬಾಳೊಕ್ ಜೆಜು ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಆದ್ಯಾತ್ಮಿಕ್ ಸಮಿತಿ ಸಾಂದ್ಯಾಂನಿ ದುಸ್ರ್ಯಾ ಮಿಸಾಕ್ ಅವಿಲಾಚಿ ಸಾಂ ತೆರೆಜ್ ವಾಡ್ಯಾಗಾರಾಂನಿ ದೇವ್‍ಸ್ತುತೆಕ್ ಮಾಂಡಾವಳ್ ಕರ್ಚಿ.
ಫಾಲ್ಯಾಂ ಸಾಂಜೆರ್7 ವೊರಾರ್ ಪವಿತ್ರ್ ಸಭೆಚೆ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ. ಸ್ತ್ರೀಯಾಂಚೊ ದೀಸ್ ಜಾಲ್ಲ್ಯಾ ಸ್ತ್ರೀಯಾಂ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.
ಯೆಂವ್ಚ್ಯಾ ಸನ್ವರಾ ಬಾಪ್ ಪ್ಯಾಟ್ರಿಕ್ ಲೋಬೊ ತಾಂಚಾ ಜಿಣ್ಯೆಚೊ ಅಮೃತೋತ್ಸವ್ ಆಚರಣ್ ಕರ್ತಾತ್. ತಾಂಚೆ ಸಾಂಗಾಂತಾ ದೆವಾಕ್ ಆರ್ಗಾಂ ದೀಂವ್ಕ್ ಸಾಂಜೆಚಾ ಮಿಸಾಕ್ ವ್ಹಡಾ ಸಂಖ್ಯಾನ್ ಜಾಂವ್ಕ್ ವಿನಂತಿ. ಮಿಸಾ ಉಪ್ರಾಂತ್ ಲಿಪ್ಟಾಚೆ ಉಗ್ತಾವಣ್ ಆಸ್ತೆಲೆಂ ತಶೆಂಚ್ ಉಲ್ಲಾಸುಂಚೆ ಮಟ್ವೆಂ ಕಾರ್ಯೆಂ ಆಸ್ತೆಲೆಂ. ಸರ್ವಾಂಕ್ ಮೊಗಾಚೆಂ ಆಪೊವ್ಣೆಂ.
ವಾಡ್ಯಾ ಜಮಾತ್:
ಲೂಡ್ಸ್ ವಾಡೊ – ವಿಕ್ಟರ್ ದುಲ್ಸಿನ್ ಪಿಂಟೊ, 5.00ವೊರಾರ್
ಬಾಳ್ ಮರಿ ವಾಡೊ- ಹೆಲೆನ್ ಕ್ರಾಸ್ತಾ, 4.00ವೊರಾರ್
ಲ್ಹಾನ್ ಫುಲ್ ವಾಡೊ- ಲಿಲ್ಲಿ ಡಿಸೋಸ್ತಾ , 4.30ವೊರಾg
ಕಾರ್ಮೆಲ್ ವಾಡೊ -ಫ್ರಾನ್ಸಿಸ್ ಡಿಸೋಜಾ, 3.00 ವೊರಾರ್
ವೆಲಂಕಣಿ ವಾಡೊ – ಗಾಬ್ರಿಯೆಲ್ ರೊಜ್‍ಲಿನ್ ಫೆರ್ನಾಂಡಿಸ್, 4.00ವೊರಾರ್
ಫಾಲ್ಯಾಂ ಸ್ತ್ರೀಯಾಂಚೊ ದೀಸ್ ಜಾಲ್ಲ್ಯಾಂತ್ ವಾಡ್ಯಾ ಜಮಾತೆಂತ್ ಸ್ತ್ರೀಯಾಂಚೊ ದೀಸ್ ಆಚರಣ್ ಕರ್ಚೊ.
ಘರ್ ಬೆಜ್ಮೆಂತಾ ಎದೊಳ್‍ಚ್ಚ್ ಪ್ರಾರಂಭ್ರ್ ಕೆಲ್ಯಾಂತ್. ಸದಾಂಯ್ ಸಾಂಜೆರ್ 6.30ವೊರಾಂ ಥಾವ್ನ್ 9ವೊರಾಂ ಪರ್ಯಾಂತ್. ಸೊಮಾರಾ ಮಾರ್ಚಾಚಿ 9 ತಾರಿಕ್ ಸಾಂ.ಅಂತೊನ್ ವಾಡೊ, ಮಾರ್ಚ್ 10 ಮಂಗ್ಳಾರಾ ಅವಿಲಾ ವಾಡೊ; ಮಾರ್ಚ್ 11 ಬುದ್ವಾರಾ ಬಾಳ್ ಮರಿ ವಾಡೊ, ಮಾರ್ಚ್ 12 ಬ್ರೆಸ್ತಾರಾ ಸಾಂ.ಜುಜೆ ವಾಡೊ; ಮಾರ್ಚ್ 13 ಸುಕ್ರಾರಾ ವೆಲಂಕಣಿ ವಾಡೊ. ಘರಾ ಬೆಜ್ಮೆಂತಾ ವೆಳಾರ್ ಘರ್ಚ್ಯಾ ಸಾಂದ್ಯಾಂನಿ ಹಾಜರ್ ಜಾಂವ್ಚೆಂ, ಘರಾ ನಿತಳ್ ದವರ್ಚೆಂ, ಪವಿತ್ರ್‍ಪುಸ್ತಕಾಚೆ ವಾಚಾಪ್, ಮಾಗ್ಣಿಂ ಆಯ್ತಿಂ ದವರ್ಚಿಂ. ಖುಶೆಚಿ ಕಾಣಿಕ್ ದಿವ್ಯೆತ್. ಪ್ರಾಚಿತ್ ಕಾಳಾರ್ ಆಸಾಂವ್ ಜಾಲ್ಲ್ಯಾನ್ ಹೊ ಐವಜ್ ಗರ್ಜೆವಂತ್ ಕುಟ್ಮಾಕ್ ಆಮಿ ದಿತೆಲ್ಯಾಂವ್.
ಫಿರ್ಗಜ್ ಪತ್ರ್:ಬಜ್ಜೋಡಿಚೊ ಕುರೊವ್ ಪಾಸ್ಕಾಂ ಫೆಸ್ತಾಚ್ಯಾ ಅಂಕ್ಯಾಕ್ ವಿಂಚ್ಲಲೊ ವಿಷಯ್-ಜೀವ್:ಮೊಲಾಧಿಕ್ ದೆಣೆಂ. ಹ್ಯಾ ವಿಷಯಾಕ್ ಸಂಬಂಧ್ ಜಾಲ್ಲಿಂ ಕವನಾಂ, ಲೇಕನಾಂ, ವಾಡ್ಯಾಚಿ ಸಂಘ್‍ಸಂಸ್ಥ್ಯಾಚಿ ವರ್ದಿ- ತಸ್ವಿರ್ಯೊ, ಜಾಹೀರಾತಾಂ ಮಾರ್ಚಾಚಾ 22 ತಾರಿಕೆ ಭಿತರ್ ದೀಂವ್ಕ್ ವಿನಂತಿ.
ಬುದ್ವಾರಾ 11ತಾರಿಕೆರ್ ಕೊರ್ಡೆಲ್ ಫಿರ್ಗಜೆಚ್ಯಾ ಫ್ರಾದ್ ಸಾಯ್ಬ್ ಹೊಲಾಂತ್ ಬಾಪ್ ಫ್ರಾನ್ಸಿಸ್ ಅಸ್ಸಿಸಿ ಡಿಅಲ್ಮೇಡಾ ಹಾಂಚೆ ಥಾವ್ನ್ ಸಿಎಎ, ಎನ್‍ಆರ್‍ಸಿ, ಎನ್‍ಪಿಆರ್ ಹಾಚ್ಯೆ ವಿಶಿಂ 5.30 ಥಾವ್ನ್ 7.30ವೊರಾ ಪರ್ಯಾಂತ್ ಮಾಹೆತ್ ಆಸ್ತೆಲಿ. ಆಸಕ್ತ್ ಆಸ್‍ಲ್ಲ್ಯಾಂನಿ ನಾಂವಾಂ ದಿಂವ್ಚಿ.
ಬೈಬಲ್ ಕ್ವಿಜ್ ಮಾರ್ಚ್ 15ತಾರಿಕೆರ್ ಸಾಂಜೆರ್ 5ವೊರಾರ್ ಚಲ್ತಲೊ.
ಮಾರ್ಚ್ 15ತಾರಿಕೆರ್ ಸಕಾಳಿಂ 10, ದೊನ್ಪಾರಾಂ 2 ಅನಿ ಸಾಂಜೆರ್ 5.30ವೊರಾರ್ ಮಂಗ್ಳುರ್ ಸಾಂ.ಲುವಿಸ್ ಕೊಲೆಜಿಚ್ಯಾ ಹೊಲಾಂತ್ ‘ನಾಚುಯಾಂ ಕುಂಪಾಸಾರ್’ ಕೊಂಕ್ಣಿ ಫಿಲ್ಮ್ ದಾಕಯ್ತಲೆ. ರಾಷ್ಟ್ರೀಯ್ ತಶೆಂ ಅಂತರಾಶ್ಟ್ರೀಯ್ ಮಟ್ಟಾರ್ ನಾಂವ್ ವೆÉಲ್ಲ್ಯಾ ಹ್ಯಾ ಕೊಂಕಣಿ ಪಿಂತುರಾಕ್ ಟಿಕೆಟಿಚಿ ದರ್ ಶೆಂಭರ್ ರುಪಯ್. ತುಮ್ಚೊ ಸಹಕಾರ್ ದಿಂವ್ಚೊ.
ಜೂನಾಚ್ಯಾ 20 ಆನಿ 21ತಾರಿಕೆರ್ ಆಮ್ಚ್ಯಾ ಫಿರ್ಗಜೆಕ್ ಗೊವ್ಳಿಕ್ ಭೆಟ್ ಆಸಾ. ಜೂನಾಚಾ 20 ತಾರಿಕೆರ್ ಸಾಂಜೆರ್ ಕ್ರಿಜ್ಮ್ ಆಸ್ತಲೊ. ಹ್ಯಾ ವರ್ಸಾ ಆಟ್ವಿ ಸಂಪಯ್ಲ್ಯಾ ಭುರ್ಗ್ಯಾಂ ಥಾವ್ನ್ ಕೊಣಾಕ್ ಕ್ರಿಜ್ಮ್ ಮೆಳೊಂವ್ಕ್ ನಾ ತ್ಯಾ ಭುರ್ಗ್ಯಾಂನಿ ವ್ಹಡಿಲಾಂನಿಸವೆಂ ವಯುಕ್ತಿಕ್ ಜಾವ್ನ್ ಮ್ಹಾಕಾ ಮೆಳ್ಚೆಂ ಆನಿ ನಾಂವ್ ನೋಂದಾವಣ್ ಕರ್ಚೆಂ. ಯೆತನಾ ಬಾವ್ತಿಜ್ಮಾಚಿ ಸರ್ಟಿಪಿಕಟ್ ಹಾಡ್ನ್ ಯೆಂವ್ಚಿಂ. ಮೇ ಮಹಿನ್ಯಾಂತ್ ಕ್ರಿಜ್ಮಾಚಿ ದೊತೊರ್ನ್ ಆಸ್ತೆಲಿಂ.
ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್-ವಾರಾಡೊ ಸಮಾವೇಶ್ ಮಾರ್ಚ್ 25ವೆರ್ ಸಕಾಳಿಂ 9ಥಾವ್ನ್ 1ವೊರಾ ಪರ್ಯಾಂತ್, ದೇವ್ ಮಾತಾ ಫಿರ್ಗಜ್ ಸಾಲ್, ಶಕ್ತಿನಗರಾಂತ್ ಆಸಾ ಕೆಲ್ಯಾ. ನಾಂವಾಂ ದಿಲ್ಲ್ಯಾಂನಿ ಹಾಜರ್ ಜಾಂವ್ಕ್ ವಿನಂತಿ.
ಸಿಒಡಿಪಿಚಿಂ ಕವರಾಂ ಗುರ್ಕಾರಾಲಾಗಿಂ ದಿಂವ್ಚಿ.
ಮಾರ್ಚ್ 29 ತಾರಿಕೆರ್ ಪಯ್ಲ್ಯಾ ಮಿಸಾಉಪ್ರಾಂತ್ ಪಯ್ಲ್ಯಾ ಕುಮ್ಗಾರಾಚಾ ಭುರ್ಗ್ಯಾಂಚಾ ವ್ಹಡಿಲಾಂಚಿ ಜಮಾತ್ ಮಿನಿ ಹೊಲಾಂತ್ ಆಸ್ತೆಲಿ.
ಪಾಸ್ಕಾಂ ಫೆಸ್ತಾಕ್ ತಯಾರಾಯ್ ಜಾವ್ನ್ ಪ್ರಾಚಿತ್ ಕಾಳಾರ್ ಫಿರ್ಗಜ್ ಕುಟ್ಮಾಕ್ ವಾರ್ಶಿಕ್ ರೆತಿರ್ ಮಾರ್ಚ್ 27,28,29 (ಸುಕ್ರಾರ್, ಸನ್ವಾರ್, ಆಯ್ತಾರ್) ಸಾಂಜೆರ್ 5 ಥಾವ್ನ್ 8.30ವೊರಾಂ ಪರ್ಯಾಂತ್ ಆಸ್ತೆಲಿ. ಬಾಪ್ ಸ್ಟೀವನ್ ಲೋಬೊ ಹಿ ರೆತಿರ್ ಚಲವ್ನ್ ವ್ಹರ್ತಲೆ. ಸರ್ವಾಂನಿ ರೆತಿರೆಕ್ ಹಾಜರ್ ಜಾವ್ನ್ ಪಾಸ್ಕಾಂ ಫೆಸ್ತಾಕ್ ಅತ್ಮಿಕ್ ತಯಾರಾಕ್ ಕರ್ಚಿ.