ಸಗ್ಳೊ ಹಫ್ತೋ ದೇವ್‍ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ವೆಲಂಕಣಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಸಾಂ.ಅಂತೊನ್ ವಾಡ್ಯಾಗಾರಾಂನಿ ಕರ್ಚಿ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಫೆಬ್ರವರಿ 11: ಲೂಡ್ಸ್ ಸಾಯ್ಭಿಣ್
ವಾಡ್ಯಾ ಜಮಾತ್
ಲೂಡ್ಸ್ ವಾಡೊ, ಮೊಂತಿ ಸೆರಾವೊ-5.00ವೊರಾರ್
ಸಾಂ.ಜುಜೆ ವಾಡೊ, ಜೆಸಿಂತಾ ಫೆರ್ನಾಂಡಿಸ್-4.00ವೊರಾರ್
ಕಾರ್ಮೆಲ್ ವಾಡೊ, ಪೀಟರ್ ಫೆರ್ನಾಂಡಿಸ್-4.00ವೊರಾರ್
ಬಾಳ್‍ಮರಿ ವಾಡ್ಯಾಚಿಂ ಸೆವೆಚೆ ಕಾಮ್ ಜಾವ್ನ್ ಮಂಗ್ಳುರ್ ಡಿಜಟಲ್ ಸೆವಾ ಸಂಸ್ಥ್ಯಾಚಾ ಸಹಯೋಗನ್ ಧಮಾರ್ಥ್ ಭಲಯ್ಕೆ ತಪಾಸ್ಣಿ ಶಿಬಿರ್, ಆಯುಷ್ಮಾನ್ ಹೆಲ್ತ್ ಕಾರ್ಡ್, ಸಿನಿಯರ್ ಸಿಟಿಜನ್ ಕಾರ್ಡ್, ಕರ್ನ್ ದಿಂವ್ಚ್ಯಾ ಕಾರ್ಯಕ್ರಮಾಚಿ ಮಾಂಡಾವಳ್ ಕೆಲ್ಲ್ಯಾ. ಆಜ್ ಸಕಾಳಿಂ 9 ವೊರಾಂ ಥಾವ್ನ್ ಇಗರ್ಜೆಲಾಗ್ಸಾರ್ ಆಸ್ಚ್ಯಾ ಗೌಂಡ್ರಾರ್ ಚಲ್ತೆಲೆಂ. ಪ್ರಸ್ತುತ್ ಪರಿಸ್ಥಿತೆಂತ್ ಹೆಂ ಸಕ್ಕಡ್ ಗರ್ಜೆಚೆಂ ಜಾಲ್ಲ್ಯಾನ್ ಹಾಚೊ ತುಮಿ ಪಾಯ್ದೊ ಜೊಡ್ಚೊ. ವಾಡ್ಯಾಂತ್ಲ್ಯಾ ಹೆರಾಂಕೀ ಸಾಂಗ್ಚೆಂ. ಯೆತನಾ ರೇಶನ್ ಕಾರ್ಡ್ ಆನಿ ಆದಾರ್ ಕಾರ್ಡ್ ಹಾಡ್ನ್ ಯೆಂವ್ಚೆಂ.
ಆಜ್ ದೊತೊರ್ನಿಚಿ ಪರೀಕ್ಷಾ ಆಸ್ತೆಲಿ. ಫಲಿತಾಂತ್ ಆನಿ ದೊತೊರ್ನಿಚೊ ದೀಸ್ ಫೆಬ್ರುವರಿ 16 ತಾರಿಕೆರ್ ಆಸಾ ಕರ್ತಾಂವ್. ಭುರ್ಗ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ. ದೊತೊರ್ನಿಚಾ ದಿಸಾ ಭುರ್ಗ್ಯಾಂಕ್ ಪ್ರೋತ್ಸಾಹ್ ದೀಂವ್ಕ್ ವ್ಹಡಿಲಾಂನಿ ಹಾಜರ್ ಜಾಂವ್ಚೆಂ.
ಬಿಸ್ಪಾಚೆಂ ಪತ್ರ್:
ಮನ್ಶಾ ಜಿವಾಕ್ ಮಾನ್ ದಿ, ಜೀವ್ ರಾಕ್ ಆನಿ ಜಿವಾಚೆಂ ಘನ್ ವಾಡಯ್ ಮ್ಹಳ್ಳೊ ವಿಷಯ್ ಘೆವ್ನ್ ಮಂಗ್ಳುರ್ ದಿಯೆಸೆಜಿಚ್ಯಾ ಪಾಂವ್ಡ್ಯಾರ್ 2020ವರಸ್ ‘ಮನ್ಶಾ ಜಿವಾಚೆಂ ವರಸ್’ ಮ್ಹಣ್ ಎದೊಳ್‍ಚ್ ಜನೆರ್ 5ವೆರ್ ಪರ್ಗಟ್ಲಾಂ. ಜಿವಾಕ್ ಮಾನ್, ಜಿವಾಕ್ ರಾಕ್ವಲ್, ಜಿವಾಕ್ ಘನ್ ಹ್ಯಾ ವಿಷಯಾ ಭೊಂವ್ತಿಂ ದಿಯೆಸೆಜಿಚ್ಯಾ ಆನಿ ವರಾಡ್ಯಾಚ್ಯಾ ಪಾಂವ್ಡ್ಯಾರ್ ಆಮ್ಚ್ಯಾ ಫಿರ್ಗಜಾಂನಿ ಅನಿ ಧಾರ್ಮಿಕ್ ತಶೆಂ ಸಾಮಾಜಿಕ್ ಸಂಸ್ಥ್ಯಾಂನಿ ಚಿಂತಪ್ ವ್ಹಾಳುಂದಿ ಆನಿ ವೆವೆಗ್ಳಿಂ ಕಾರ್ಯಕ್ರಮಾಂ ಚಲುಂದಿತ್. ದಿಯೆಸೆಜಿಚೆಂ ಕುಟ್ಮಾ ಜಿವಿತಾ ಕೇಂದ್ರ್, ಲವ್ದಾತೊ ಸಿ ಸಮಿತಿ, ಕಂವ್ಸೆಲಿಂಗ್ ಕೇಂದ್ರ್ ಆನಿ ಫಾದರ್ ಮುಲ್ಲರ್ ಆಸ್ಪತ್ರೆಚೊ ಆಧಾರ್ ಘೆವ್ಯೆತ್.
ಮಾರ್ಚ್ ಮ್ಹಯ್ನ್ಯಾಚ್ಯೆ ಪಯ್ಲೆರ್ ದಿಯೆಸೆಜಿಚ್ಯಾ ಪಾಂವ್ಡ್ಯಾರ್ ‘ಜಿವ್ಘಾತಾ ವಿರೊಧ್ ರಾವುನ್ ಜೀವ್ ರಾಕ್ಚೊ ದೀಸ್’ ಚಲಯ್ತಾಂವ್. ತ್ಯಾ ದಿಸಾಚಿ ದೇವ್‍ಸ್ತುತಿಯ್ ಹಾಕಾ ಪೂರಕ್ ಜಾವ್ನ್ ಆಸ್ತಲಿ. ಹ್ಯಾ ಬಾಬ್ತಿನ್ ಫೆಬ್ರೆರ್ 21, ಸುಕ್ರಾರಾ, ಮಾಗ್ಣ್ಯಾಂತ್ ಅನಿ ಆರಾಧನಾಂತ್ ವೇಳ್ ಖರ್ಚುಂಕ್ ಉಲೊ ದಿತಾಂ.
ಪೀಟರ್ ಪಾವ್ಲ್ ಸಲ್ಡಾನ್ಹಾ
ಮಂಗ್ಳುರ್ಚೊ ಬಿಸ್ಪ್