ಸಗ್ಳೊ ಹಫ್ತೋ ದೇವ್‍ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ಲ್ಹಾನ್‍ಫುಲ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಲ್ಹಾನ್‍ಫುಲ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ವೆಲಂಕಣಿ ವಾಡ್ಯಾಚ್ಯಾ ಐಸಿವೈಯಮ್ ಸಾಂದ್ಯಾಂನಿ ದುಸ್ರ್ಯಾ ಮಿಸಾಕ್ ಸವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್‍ಸ್ತುತೆಕ್ ಆನಿ ಪಾಂಚ್ವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ಗಾಯಾನಾಕ್ ಮಾಂಡಾವಳ್ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಭುರ್ಗ್ಯಾಂಕ್ ದೊತೊರ್ನ್ ಆಸಾ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಜನವರಿ 28: ಸಾಂ.ತೊಮಸ್ ಆಕ್ವಿನಾಸ್ ಜನವರಿ 31: ಸಾಂ.ಜುವಾಂವ್ ಬೊಸ್ಕೊ.
ಕಾರ್ಮೆಲ್ ಕಿರಣ್ ಕಾರ್ಯಾವಳಿಂಕ್ ಆಧಾರ್ ಜಾವ್ನ್ ಕಾರ್ಮೆಲಿತ್ ಪ್ರಾದ್ ಸಾದರ್ ಕರ್ತಾತ್ ದೇವದಾಸ್ ಕಾಪಿಕಾಡ್ ಹಾಂಚಾ ಪಂಗ್ಡಾನ್ ಖೆಳಂವ್ಚೊ ತುಳು ನಾಟಕ್ ನಮಸ್ಕಾರ ಮಾಸ್ಟ್ರೇ ಪೆಬ್ರೆರ್ 3 ತಾರಿಕೆರ್ ಸಾಂಜೆರ್ 6 ವೊರಾರ್ ಆಗ್ನೆಸ್ ಸ್ಪೆಶಲ್ ಸ್ಕೂಲ್ ಮೈದಾನಾರ್ ಸಾದರ್ ಜಾತಲೊ. ಹ್ಯಾ ನಾಟಕಾಚ್ಯೊ ಟಿಕೆಟ್ಯೊ ಕಾರ್ಮೆಲ್ ಗುಡ್ಯಾರ್ ಸ್ಟೋಲಾಂತ್ ಮೆಳ್ತಾತ್.
ಕಥೊಲಿಕ್ ಸಭಾ ಮಂಗ್ಳುರ್, ಭಾರತೀಯ್ ಕಥೊಲಿಕ್ ಯುವ ಸಂಚಾಲನ್, ಸ್ತ್ರೀ ಸಂಘಟನ್ ಮಂಗ್ಳುರ್, ಬೆಳ್ತಂಗಡಿ ಆನಿ ಪುತ್ತೂರ್ ದಿಯೆಸೆಜಿಚಾ ಸಹಯೋಗನ್ ಸರ್ವ್ ಕಥೊಲಿಕಾಂಕ್ ಯುವಜಣಾಂಕ್, ತಶೆಂಚ್ ವ್ಹಡಾಂಕ್ ಸಾಂಗಾತಾ ಹಾಡ್ಚೆಂ ಕಾರ್ಯೆ 2020 ಪೆಬ್ರುವರಿ 2 ತಾರಿಕೆರ್ ಮಡಂತ್ಯಾರ್ ಇಗರ್ಜೆಚಾ ಉಗ್ತ್ಯಾ ಮೈಧಾನಾರ್ ಆಯೋಜನ್ ಕೆಲಾಂ. ಹೊ ಸಮಾವೇಶ್ ಆಮ್ಚೆಂ ಅಸ್ಥಿತ್ವ್, ಆಮ್ಚ್ಯಾ ಸಮೊರ್ ಅಸ್ಚೆ ಸಮಸ್ಯೆ, ತಾಕಾ ಪರಿಹಾರ್ ಸೊದ್ಚ್ಯಾ ತೆವ್ಶಿಂ ಚಿಂತನ್ ಮಂಥನ್ ಕರುಂಕ್ ಆವ್ಕಾಸ್ ಕರುನ್ ದಿತಲೊ. ಸರ್ಕಾರಿ ಶೆತಾಂತ್ ಆಮ್ಚೆಂ ಮೆತೆರ್ಪಣ್, ಯುವಜಣಾಂಚೊ ಪುಡಾರ್, ತಾಂಕಾಂ ದೊಶ್ಚಿಂ ಸವಲಾಂ, ರಾಜಕೀಯ್ ತಶೆಂಚ್ ಸಾಮಾಜಿಕ್ ಥಳಾರ್ ತಾಂಣಿಂ ಮುಕೇಲ್ಪಣ್ ಘೆಂವ್ಚ್ಯಾ ಜವಾಬಾರೆ ವಿಶಿಂ ಜಾಗೃತ್ ಕರ್ಚೊ ಹೊ ಸಮಾವೇಶ್. ಆಮ್ಚ್ಯಾ ದಿಯೆಸೆಜಿಚ್ಯಾ ಸರ್ವ್ ಫಿರ್ಗಜೆಂತ್ಲ್ಯಾ ಯುವಜಣಾಂನಿ ತಶೆಂಚ್ ಲಾನಾಂ-ವ್ಹಡಾಂನಿ ಚಡ್ ಸಂಖ್ಯಾನ್ ಹಾಜರ್ ಜಾವ್ನ್ ಹೊ ಸಮಾವೇಶ್ ಯಶಸ್ವಿ ಕರುಂಕ್ ಬಿಸ್ಪಾನ್ ಉಲೊ ದಿಲಾ. ಹೆಂ ಕಾರ್ಯೆಂ ಸಕಾಳಿಂ 9 ವೊರಾಂ ಥಾವ್ನ್ 3 ವೊರಾಂ ಪರ್ಯಾಂತ್ ಆಸ್ತೆಲೆಂ.