ಸಗ್ಳೊ ಹಫ್ತೋ ದೇವ್‍ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಲ್ಹಾನ್‍ಫುಲ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಸಮಾಜಿಕ್ ಆನಿ ಸಾಂಸ್ಕೃತಿಕ್ ಸಮಿತಿ ಸಾಂದ್ಯಾಂನಿ ಕರ್ಚಿ.
ಯೆಂವ್ಚ್ಯಾ ಆಯ್ತಾರಾ ಫಿರ್ಗಜೆಚೆಂ ವ್ಹಡ್ಲೆಂ ಫೆಸ್ತ್. ಸಂಭ್ರಮಿಕ್ ಮೀಸ್ ಸಕಾಳಿಂ 10.00ವೊರಾರ್ ಮಾನಾಚ್ಯೊ ವಾತಿ 9.45ವೊರಾರ್ ವಾಂಟ್ತೆಲ್ಯಾಂವ್. ಫೆಸ್ತಾಕ್ ಮುರ್ದೊಮ್ ಆನಿ ದುಡ್ವಾ ಕುಮಕ್ ದಿತೆಲ್ಯಾಂನಿ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ. ಫೆಸ್ತಾ ದಿಸಾ ಸಕಾಳಿಂ ಐಸಿವೈಎಮ್ ಸಾಂದೆ ಆನಿ ಗೊವ್ಳಿಕ್ ಪರಿಷದೆಚೆ ಸಾಂದ್ಯಾಚಾ ಸಾಂಗಾತ್ಪಣಾನ್ ಫ್ಯಾನ್ಸಿ ಫೆಟ್ ಆಸಾ ಕರ್ತಾತ್. ಸಕಾಳಿಂಚಿ ಗೇಮ್ಸ್ ಆನಿ ಪುಡ್ ಕೂಪನಾಂ ಸಾಂಜೆರಿ ವಾಪರ್ಯೆತ್. ಭುರ್ಗ್ಯಾಂಕ್ ಗೇಮ್ಸ್ ಸಾಂಜೆರ್ 4 ಥಾವ್ನ್ 6ವೊರಾಂ ಪರ್ಯಾಂತ್ ಆಸ್ತೆಲೆ. ಗೇಮ್ಸ್ ತಶೆಂಚ್ ಫುಡ್ ಕೂಪನಾಂ ಫೆಸ್ತಾ ಪಯ್ಲೆಂ ಘೆಂವ್ಕ್ ವಿನಂತಿ. ಫೆಸ್ತಾಚಿ ಜವಬ್ದಾರಿ ಯೆದೊಳ್‍ಚ್ಚ್ ನೋಟಿಸ್ ಬೋರ್ಡಾರ್ ಘಾಲ್ಯಾ ತಶೆಂಚ್ ವಾಡ್ಯಾಚಾ ಗುರ್ಕಾರಾಲಾಗಿಂ ದಿಲ್ಯಾ ಸರ್ವಾಂನಿ ಜೊಕ್ತಿ ತಯಾರಾಯ್ ಕರ್ಚಿ. ತ್ಯಾ ದೀಸ್ ಸಾಂಜೆರ್ 5.30ವೊರಾರ್ ಸಾಂಸ್ಕೃತಿಕ್ ಕಾರ್ಯೆಂ ಆಸ್ತೆಲೆಂ. ವಾಡ್ಯಾವಾರ್ ಸ್ಪರ್ಧ್ಯಾಂಚಿ ಇನಾಮಾಂ, ಚಾಂಪಯಿನ್‍ಶಿಪ್ ಶೀಲ್ಡ್, ಸವ್ಯಾ ವರ್ಸಾಚೆ ಉಗ್ತಾವಣ್ ಆನಿ “ಪೆಸ್ಟಿವ್ ಬೊನಾನ್ಜಾ” ಕೂಪನ್ ಡ್ರಾ, ಮಟ್ವೆಂ ಸಾಂಸ್ಕøತಿಕ್ ಕಾರ್ಯೆಂ ಫಿರ್ಗಜ್ ಸಾಲಾಂತ್ ಆಸ್ತೆಲೆಂ. ಫಿರ್ಗಜ್‍ಗಾರಾಂನಿ ವ್ಹಡಾ ಸಂಖ್ಯಾನ್ ಹಾಜರ್ ಜಾಂವ್ಕ್ ವಿನಂತಿ.
ಅನ್ವಲ್ ಕಾಯ್ದೊ-2020(ಜನೆರ್ ಥಾವ್ನ್ ದಶೆಂಬರ್ ಪರ್ಯಾಂತ್-ಎಕಾ ವರ್ಸಾಂತ್ ಎಕಾ ದಿಸಾಚೊ ಕುಟ್ಮಾಚೊ ಆದಾಯ್ ಇಗರ್ಜೆಕ್ ದೀಂವ್ಕ್ ಆಸಾ) ಹೊ ಐವಜ್ ಹ್ಯಾ ವರ್ಸಾ 200 ರುಪಯ್ ಚಡಯ್ಲಾ. ದೆಕುನ್ ಹ್ಯಾ ವರ್ಸಾ ಥಾವ್ನ್ ಅನ್ವಲ್ ಕಾಯ್ದೊ 700 ಆನಿ ಖುಶೆಮನಾನ್ ಚಡಿತ್ ದೀಂವ್ಕ್ ಆವ್ಕಾಸ್ ಆಸಾ.(ದೀಂವ್ಕ್ ಸಾದ್ಯ್‍ನಾತ್‍ಲ್ಲ್ಯಾ ವಾಡ್ಯಾಂತ್ಲ್ಯಾ ದುಬ್ಳಾ ಕುಟ್ಮಾಚಾ ವ್ಹಡಿಲಾಂನಿ ವಿಗಾರಾಕ್ ಮೆಳ್ಚೆಂ).
ವಾಡ್ಯಾ ಜಮಾತ್:
ಲೂಡ್ಸ್ ವಾಡೊ- ಸೆಬಾಸ್ಟಿಯನ್ ಲೋಬೊ, 5.00ವೊರಾರ್
ಬಾಳೊಕ್ ಜೆಜು ವಾಡೊ- ಪ್ರಕಾಶ್ ಸಲ್ಡಾನ್ಹಾ, 4.30ವೊರಾರ್
ಸಾಂ.ಜುಜೆ ವಾಡೊ- ಜೋನ್ ಫೆರ್ನಾಂಡಿಸ್, 4.00ವೊರಾಅರ್
ವೆಲಂಕಣಿ ವಾಡೊ- ಜುಲಿಯೆಟ್ ರೂಪಾ ಸಲ್ಡಾನಾ, 4.00ವೊರಾರ್
ಕಾರ್ಮೆಲ್ ವಾಡೊ- ಮೇರಿ ಡಿಸೋಜಾ, 3.30ವೊರಾರ್
ಜೆಜುಚೆಂ ಪವಿತ್ರ್ ಕಾಳಿಜ್ ವಾಡೊ- ಮೆಲ್ವಿನ್ ಡೆಲ್ಫಿನ್ ಡಿಸೋಜಾ, 4.30ವೊರಾರ್
ಅವಿಲಾ ವಾಡೊ- ವಿನ್ಸಿ ಜೆಸ್ಸಿ ಪಿಂಟೊಚಾ ಘರಾ-4 ವೊರಾರ್
ಸಾಂ ಅಂತೊನ್-ಜೋಸೆಫ್ ರಸ್ಕೀನ್ಹಾ- 4ವೊರಾರ್
ಜೆಜುಚೆಂ ಲ್ಹಾನ್ ಫುಲ್ ವಾಡೊ-ಪ್ಲೊಸ್ಸಿ ರೊಡ್ರಿಗಸ್-4.30
ಫಿರ್ಗಜೆಚ್ಯಾ ಲಿಫ್ಟಾಚ್ಯಾ ಯೋಜನಾಕ್ “ಪೆಸ್ಟಿವ್ ಬೊನಾನ್ಜಾ” ಕೂಪನಾಂ ಆಸಾ ಕೆಲ್ಯಾಂತ್. ಥೊಡಿಂಚ್ಚ್ ಕೂಪನಾಂ ಉರ್ಲ್ಯಾಂತ್. ಕೂಪನಾಂಚೆ ಡ್ರಾ ಫೆಸ್ತಾ ದಿಸಾ ಸಾಂಜೆರ್ ಆಸ್ತೆಲೆಂ. ಚಡಿತ್ ಕೂಪನಾಂ ವಿಕ್‍ಲ್ಲ್ಯಾಂಕ್ ಏಕ್ ವಿಶೇಷ್ ಬಹುಮಾನ್ ಆಸ್ತೆಲೆಂ. ವಿಕುನ್ ಗೆಲ್ಲ್ಯಾ ಕೂಪನಾಚೊ ವಿವರ್ ಧಪ್ತರಾಕ್ ದೀಂವ್ಕ್ ವಿನಂತಿ.
ದೊತೊರ್ನಿಚಿ ಪರೀಕ್ಷಾ ಫೆಬ್ರುವರಿ 9 ತಾರಿಕೆರ್ ಆಸ್ತೆಲಿ. ಫಲಿತಾಂತ್ ಆನಿ ದೊತೊರ್ನಿಚೊ ದೀಸ್ ಫೆಬ್ರುವರಿ 16 ತಾರಿಕೆರ್ ಆಸಾ ಕರ್ತಾಂವ್. ಜನೆರ್ 26 ತಾರಿಕೆರ್ ದೊತೊರ್ನ್ ಆಸ್ಚಿನಾ. ಪೆಬ್ರೆರ್ 2 ತಾರಿಕೆರ್ ದೊತೊರ್ನ್ ಆಸ್ತೆಲಿ. ದೊತೊರ್ನಿಚಾ ಪರೀಕ್ಷೆಕ್ ಭುರ್ಗ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ.
ಕಾರ್ಮೆಲ್ ಕಿರಣ್ ಕಾರ್ಯಾವಳಿಂಕ್ ಆಧಾರ್ ಜಾವ್ನ್ ಕಾರ್ಮೆಲಿತ್ ಪ್ರಾದ್ ಸಾದರ್ ಕರ್ತಾತ್ ದೇವದಾಸ್ ಕಾಪಿಕಾಡ್ ಹಾಂಚಾ ಪಂಗ್ಡಾನ್ ಖೆಳಂವ್ಚೊ ತುಳು ನಾಟಕ್ ನಮಸ್ಕಾರ ಮಾಸ್ಟ್ರೇ ಪೆಬ್ರೆರ್ 3 ತಾರಿಕೆರ್ ಸಾಂಜೆರ್ 6 ವೊರಾರ್ ಆಗ್ನೆಸ್ ಸ್ಪೆಶಲ್ ಸ್ಕೂಲ್ ಮೈದಾನಾರ್ ಸಾದರ್ ಜಾತಲೊ. ಹ್ಯಾ ನಾಟಕಾಚ್ಯೊ ಟಿಕೆಟ್ಯೊ ಕಾರ್ಮೆಲ್ ಗುಡ್ಯಾರ್ ಸ್ಟೋಲಾಂತ್ ಮೆಳ್ತಾತ್.
ಕಥೊಲಿಕ್ ಸಭಾ ಮಂಗ್ಳುರ್, ಭಾರತೀಯ್ ಕಥೊಲಿಕ್ ಯುವ ಸಂಚಾಲನ್, ಸ್ತ್ರೀ ಸಂಘಟನ್ ಮಂಗ್ಳುರ್, ಬೆಳ್ತಂಗಡಿ ಆನಿ ಪುತ್ತೂರ್ ದಿಯೆಸೆಜಿಚಾ ಸಹಯೋಗನ್ ಸರ್ವ್ ಕಥೊಲಿಕಾಂಕ್ ಯುವಜಣಾಂಕ್, ತಶೆಂಚ್ ವ್ಹಡಾಂಕ್ ಸಾಂಗಾತಾ ಹಾಡ್ಚೆಂ ಕಾರ್ಯೆ 2020 ಪೆಬ್ರುವರಿ 2 ತಾರಿಕೆರ್ ಮಡಂತ್ಯಾರ್ ಇಗರ್ಜೆಚಾ ಉಗ್ತ್ಯಾ ಮೈಧಾನಾರ್ ಆಯೋಜನ್ ಕೆಲಾಂ. ಹೊ ಸಮಾವೇಶ್ ಆಮ್ಚೆಂ ಅಸ್ಥಿತ್ವ್, ಆಮ್ಚ್ಯಾ ಸಮೊರ್ ಅಸ್ಚೆ ಸಮಸ್ಯೆ, ತಾಕಾ ಪರಿಹಾರ್ ಸೊದ್ಚ್ಯಾ ತೆವ್ಶಿಂ ಚಿಂತನ್ ಮಂಥನ್ ಕರುಂಕ್ ಆವ್ಕಾಸ್ ಕರುನ್ ದಿತಲೊ. ಸರ್ಕಾರಿ ಶೆತಾಂತ್ ಆಮ್ಚೆಂ ಮೆತೆರ್ಪಣ್, ಯುವಜಣಾಂಚೊ ಪುಡಾರ್, ತಾಂಕಾಂ ದೊಶ್ಚಿಂ ಸವಲಾಂ, ರಾಜಕೀಯ್ ತಶೆಂಚ್ ಸಾಮಾಜಿಕ್ ಥಳಾರ್ ತಾಂಣಿಂ ಮುಕೇಲ್ಪಣ್ ಘೆಂವ್ಚ್ಯಾ ಜವಾಬಾರೆ ವಿಶಿಂ ಜಾಗೃತ್ ಕರ್ಚೊ ಹೊ ಸಮಾವೇಶ್. ಆಮ್ಚ್ಯಾ ದಿಯೆಸೆಜಿಚ್ಯಾ ಸರ್ವ್ ಫಿರ್ಗಜೆಂತ್ಲ್ಯಾ ಯುವಜಣಾಂನಿ ತಶೆಂಚ್ ಲಾನಾಂ-ವ್ಹಡಾಂನಿ ಚಡ್ ಸಂಖ್ಯಾನ್ ಹಾಜರ್ ಜಾವ್ನ್ ಹೊ ಸಮಾವೇಶ್ ಯಶಸ್ವಿ ಕರುಂಕ್ ಬಿಸ್ಪಾನ್ ಉಲೊ ದಿಲಾ. ಹೆಂ ಕಾರ್ಯೆಂ ಸಕಾಳಿಂ 9 ವೊರಾಂ ಥಾವ್ನ್ 3 ವೊರಾಂ ಪರ್ಯಾಂತ್ ಆಸ್ತೆಲೆಂ.
ಹ್ಯಾವಿಶಿಂ ಚಡಿತ್ ಮಾಹೆತ್ ಗುರ್ಕಾರ್/ರ್ನಿಕ್, ಸಂಘ್ ಸಂಸ್ಥೆಚೆ ಸಾಂದ್ಯಾಂಕ್ ದಿತಾಂವ್. ಫಾಲ್ಯಾಂ ಪಯ್ಲ್ಯಾ ಮಿಸಾ ಉಪ್ರಾಂತ್ 10 ಮಿನುಟಾಂಕ್ ಮಿನಿ ಹೊಲಾಂತ್ ಸಾಂಗಾತಾ ಮೆಳ್ಚೆಂ.