ಸಗ್ಳೊ ಹಫ್ತೋ ದೇವ್‍ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ಲೂಡ್ಸ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಅವಿಲಾ ವಾಡ್ಯಾಚ್ಯಾ ಐಸಿವೈಎಮ್ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ಮಾಂಡಾವಳ್ ಕರ್ಚಿ.
ಮಿಸಾಂವಾಂ ಖಾತಿರ್ ಜಮೊ ಜಾಲ್ಲೊ ಐವಜ್ ಬಿಸ್ಪಾಚಾ ಘರಾ ದಾಡುಂಕ್ ಆಸ್‍ಲ್ಲ್ಯಾನ್ ಕೊಣೆಂ ಮಿಸಾಂವಾಂಚಿ ಕವರಾಂ ಆನಿ ಕರ್ಡೆಂ ದೀಂವ್ಕ್‍ನಾಂತ್ ತಾಣಿಂ ವೆಗ್ಗಿಂಚ್ ಪಾಟಿಂ ದೀಂವ್ಕ್ ವಿನಂತಿ. ಕೇವಲ್ 225 ಕವರಾಂ ಮಾತ್ರ್ ಆಯ್ಲ್ಯಾಂತ್ ಅನೀಕೀ 80 ಕವರಾಂ ಯೇಂವ್ಕ್ ಬಾಕಿ ಆಸಾತ್.
ಆಜ್ ಸಾಂಜೆರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸಾ. ಪರ್ಗಾವಾಂತ್ ವಾವ್ರ್ ಕರ್ಚ್ಯಾ ಭಾವಾ ಭಯ್ಣಿಂ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.
ಬಜ್ಜೋಡಿಚೊ ಕುರೊವ್ ಸಂಪಾದಕೀಯ್ ಮಂಡಳಿಚಿ ಜಮಾತ್ ಸೊಮರಾ ಸಾಂಜೆರ್ 7.30ವೊರಾರ್ ಆಸ್ತೆಲಿ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ:
ನವೆಂಬರ್ 1: ಸಮೇಸ್ತ್ ಸಾಂತಾ ಭಕ್ತಾಂಚಿ ಪರಬ್, ತ್ಯಾ ದೀಸ್ ಮೀಸ್ ಸಾಂಜೆರ್ 6 ವೊರಾರ್ ಆಸ್ತೆಲೆಂ. ತ್ಯಾ ದೀಸ್ ಮಹಿನ್ಯಾಚೊ ಪಯ್ಲೊ ಸುಕ್ರಾರ್ ಜಾಲ್ಲ್ಯಾನ್ ಮಿಸಾ ಉಪ್ರಾಂತ್ ಆರಾಧಾನ್ ಆಸ್ತೆಲೆಂ.
ನವೆಂಬರ್ 2: ಸಮೆಸ್ತ್ ಸರ್‍ಲ್ಲ್ಯಾ ಭಾವಾರ್ಥ್ಯಾಂಚೆಂ ಸ್ಮರಣ್. ತ್ಯಾದೀಸ್ ದೋನ್ ಮಿಸಾಂ ಆಸ್ತೆಲಿಂ. ಸಕಾಳಿಂ 6.30ವೊರಾರ್ ಆನಿ ಸಾಂಜೆರ್ 5.30ವೊರಾರ್.
ಎದೊಳ್‍ಚ್ ವಾಡ್ಯಾಚಾ ಗುರ್ಕಾರಾಚೆಂ, ಪ್ರತಿನಿಧಿಚೆಂ ಚುನಾವ್, ಚುನಾವ್ ಸಮಿತಿಚಾ ಮುಕೇಲ್ಪಣಾರ್ ಪ್ರಾರಂಭ್ ಕೆಲಾಂ. ಫಾಲ್ಯಾಂ ದೋನ್ ವಾಡ್ಯಾಂನಿ ಚುನಾವ್ ಆಸ್ತೆಲೆಂ. ಸಾಂ ಅಂತೊನ್ ವಾಡೊ ಹೆರಾಲ್ಡ್ ಲಿಡ್ವಿನ್ ಮಾರ್ಟಿಸಾಚಾ ಘರಾ 4ವೊರಾರ್ ತಶೆಂಚ್ ಬಾಳೊಕ್ ಜೆಜು ವಾಡೊ ಕಾರ್ಮೆಲ್ ವಿವ್ ಆಪಾರ್ಟ್‍ಮೆಂಟ್, ಜ್ಯೋತಿ ಪಾಯ್ಸ್ ಘರಾ 5 ವೊರಾರ್. ಚುನಾವ್ ಆಸ್ತಾನಾ ಹರ್ಯೇಕಾ ಘರಾ ಥಾವ್ನ್ ಎಕ್ ವಾ ಚಡಿತ್ ಸಾಂದ್ಯಾಂನಿ ಹ್ಯಾ ಜಮಾತೆಕ್ ಹಾಜರ್ ಜಾಂವ್ಕ್ ವಿನಂತಿ.
ನವೆಂಬರಾಚ್ಯಾ 4 ತಾರಿಕೆರ್ ಸೊಮರಾ ಕ್ರೀಸ್ತಿ ದೊತೊರ್ನ್ ಶಿಕೊಂವ್ಚ್ಯಾ ಶಿಕ್ಷಕಾಂಚೊ ದೀಸ್ ಆಮಿ ಆಚರಣ್ ಕರ್ತಾಂವ್. ಸರ್ವ್ ಶಿಕ್ಷಕಾಂನಿ ಹಾಜರ್ ಜಾಂವ್ಕ್ ವಿನಂತಿ.
ವಾಡ್ಯಾವಾರ್ ಇಗರ್ಜ್ ನಿತಳಾಯ್ ಮಾಂಡಾವಳ್: ಆದ್ಲ್ಯಾ ಆಯ್ತಾರಾ ಐಸಿವೈಎಮ್ ಸಾಂದ್ಯಾಂನಿ ನಿತಳಾಯ್ ಕೆಲ್ಯಾ ತಾಂಕಾಂ ದೇವ್‍ಬರೆಂ ಕರುಂ.
ನವೆಂಬರ್: ಸಾಂ ಅಂತೊನ್ ವಾಡೊ; ದಶೆಂಬರ್: ವೆಲಂಕಣಿ ವಾಡೊ; ಜನವರಿ: ಬಾಳೊಕ್ ಜೆಜು ವಾಡೊ; ಪೆಬ್ರುವರಿ:ಬಾಳ್‍ಮರಿ ವಾಡೊ; ಮಾರ್ಚ್: ಕಾರ್ಮೆಲ್ ವಾಡೊ; ಎಪ್ರಿಲ್: ಪವಿತ್ರ್ ಕಾಳಿಜ್ ವಾಡೊ; ಮೇ: ಸಾಂ ಜುಜೆ ವಾಡೊ; ಜೂನ್: ಲೂಡ್ರ್ಸ್ ವಾಡೊ; ಜುಲೈ: ಅವಿಲಾ ವಾಡೊ. ಅಗೋಸ್ತ್: ಲ್ಹಾನ್ ಫುಲ್ ವಾಡೊ