ಯೆಂವ್ಚ್ಯಾ ಆಯ್ತಾರಾಚಿ ಕಾಣಿಕ್ ಸಾಂ.ವಿಶೆಂತ್ ಪಾವ್ಲ್ ಸಭೆಚ್ಯಾ ಸೆವೆ ಕಾಮಾಕ್ ದಿತೆಲ್ಯಾಂವ್. ಸಗ್ಳೊ ಹಫ್ತೋ  ದೇವ್‍ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ಸಾಂ.ಜುಜೆ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಕಾರ್ಮೆಲ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಕುರೊವ್ ಮಂಡಳಿ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಆಟ್ವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್‍ಸ್ತುತೆಕ್, ಸಾತ್ವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ಗಾಯಾನಾಕ್ ಮಾಂಡಾವಳ್ ಕರ್ಚಿ.

ಆಜ್ ಸಾಂಜೆರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸಾ. ಹ್ಯಾ ದಿಸಾಂನಿ ಮತಾಂತರಾಚೊ ಆರೋಪ್ ಪರತ್ ಪರತ್ ಆಯ್ಕೊಂಕ್ ಮೆಳ್ತಾ. ದರ್ಮಾಂ ಧರ್ಮಾಂ ಮಧೆಂ ಬರೊ ಸಂಬಂಧ್ ತಶೆಂಚ್ ಶಾಂತಿಚೆ ವಾತವರಣ್ ರುತಾ ಜಾಂವ್ಕ್ ಹ್ಯಾ ಸಾಂಜೆಚಾ ಮಾಗ್ಣ್ಯಾವೆಳಾರ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.

ಪಾಪಾ ಪ್ರಾನ್ಸಿಸಾನ್, ‘ಮಾಕ್ಸಿಮುಮ್ ಇಲ್ಲುದ್’ ಮ್ಹಳ್ಯಾ ಪಾಪಾ ಬೆನೆಡಿಕ್ಟ್ ಪಂದ್ರಾವ್ಯಾಚಾ ಆಪೊಸ್ತಲಿಕ್ ಪತ್ರಾಕ್ ಶೆಂಬರ್ ವರ್ಸಾಂ ಸಂಪ್ಚ್ಯಾ ಹ್ಯಾ ಸಂದರ್ಭಾರ್, 2019 ಇಸ್ವೆಚೊ ಆಕ್ಟೋಬರ್ ಮಹಿನೊ ವಿಶೇಷ್ ಮಿಸಾಂವಾಚೊ ಮಹಿನೊ ಮ್ಹಣ್ ಪರ್ಗಟ್ಲಾ. ಹಾಚೆಂ ಉಗ್ತಾವಣ್ ಪೊರ್ವಾಂ ಆಯ್ತಾರಾ ಭುರ್ಗ್ಯಾಂಚಾ ಮಿಸಾ ವೆಳಾರ್ ಕರ್ತೆಲ್ಯಾಂವ್.

ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಸಪ್ಟೆಂಬರ್ 27: ಸಾಂ ವಿನ್ಸೆಂಟ್ ದೆ ಪಾವ್ಲ್

ಫಾಲ್ಯಾಂ ಭುರ್ಗ್ಯಾಂಕ್ ದೊತೊರ್ನಿಚಿ ಪರೀಕ್ಷಾ. ಸಕ್ಕಡ್ ಭುರ್ಗ್ಯಾಂನಿ ವೆಳಾರ್ ಹಾಜರ್ ಜಾಂವ್ಚೆಂ. ಯೆಂವ್ಚ್ಯಾ ಆಯ್ತಾರಾ ವ್ಹಡಿಲಾಂನಿ ಕ್ಲಾಸ್ ಟೀಚೆರೆಕ್ ಮೆಳೊನ್ ಭುರ್ಗ್ಯಾಂಚೆಂ ಫಲಿತಾಂಶ್ ಘೆವ್ನ್ ತಾಂಚಾ ಪ್ರಯತ್ನಾಕ್ ಶಾಬಾಸ್ಕಿ ಪಾಟಂವ್ಚಿಂ.

ಅಕ್ಟೋಬರ್ 7 ಆನಿ 8 ತಾರಿಕೆರ್ ಧಾವಿ ಕ್ಲಾಸಿಚ್ಯಾ ಭುರ್ಗ್ಯಾಂಕ್ ಜೀವನ್ ಜ್ಯೋತಿ ಶಿಬಿರ್ ವಾಮಂಜೂರ್ ಫಿರ್ಗಜ್ ಸಾಲಾಂತ್ ಆಸ್ತೆಲೆಂ. ಸರ್ವ್ ಭುರ್ಗ್ಯಾಂನಿ ಹಾಜರ್ ಜಾಂವ್ಕ್ ವಿನಂತಿ.

ಆಕ್ಟೋಬ್ರ್ 6 ಆನಿ 7 ತಾರಿಕೆರ್ ಸಕಾಳಿಂ 9 ಥಾವ್ನ್ 5 ವೊರಾಂ ಪರ್ಯಾಂತ್ ಕಥೊಲಿಕ್ ಕರಿಜ್ಮಾತಿಕ್ ಸಂಚಾಲನ್ ಮಂಗ್ಳುರ್ ಆಸಾ ಕರ್ತಾ ಮುಖೆಲ್ಯಾಂಚಿಂ ತರ್ಭೆತಿ ಶಿಬಿರ್. ಹಿ ರೆತಿರ್ ಸಾಂತ್ ಅಂತೊನಿಚಾ ಆಸ್ರ್ಯಾಚಾ ಸಬಾ ಸಾಲಾಂತ್ ಆಸಾ ಕೆಲ್ಯಾ.

ಯುವಜಣಾಂ ಖಾತಿರ್ ಯ್ಯೂತ್ ಬೈಬಲ್ ಕನ್‍ವೆನ್ಶನ್ ಆಕ್ಟೋಬರ್ 4, 5, 6 ತಾರಿಕೆರ್ ಮುಲ್ಕಿ ದೈವಿಕ್ ಉಲೊ ರೆತಿರ್ ಮಂದಿರಾಂತ್ ಆಸಾ ಕೆಲಾಂ. ಯುವಜಣಾಂನಿ ತಾಂಚಿಂ ನಾಂವಾಂ ಸಪ್ತೆಂಬ್ರ್ 29 ತಾರಿಕೆ ಭಿತರ್ ನೋಂದಾವಣ್ ಕರುಂಕ್ ವಿನಂತಿ.

ಪೊಯಟ್ಸಿಕ್ ಪಂಗ್ಡಾಚಿ ಸಪ್ತೆಂಬರಾಚಿ ಕವಿಗೋಶ್ಟಿ ಪಾಲ್ಯಾ ಸಾಂಜೆರ್ 3.30ವೊರಾರ್ ಫಿರ್ಗಜ್ ಸಾಲಾಂತ್ ಆಸ್ತೆಲಿ. ಆಲ್ವಿ ದಾಂತಿ ಫೆರ್ನಾಲ್ ಕವಿಗೋಶ್ಟಿ ಚಲವ್ನ್ ವ್ಹರ್ತೆಲೆ.  ಹ್ಯಾ ವೆಳಾರ್ ನೆಲ್ಸನ್ ಮಥಾಯಸಾಚಿ ನವಿ ಕೊಂಕ್ಣಿ ಕೊವ್ಳಿ ‘ವೆಂಗೆಂತ್ ಮೊಗಾ’ ಮೊಕ್ಳಿಕ್ ಜಾತೆಲಿ. ಸರ್ವಾಂಕ್ ಮೊಗಾಚೆಂ ಆಪೊವ್ಣೆಂ.

Home | About Us | Sitemap | Contact

Copyright © 2013 - www.infantmarychurch.org. Powered by eCreators

Contact Us

INFANT MARY CHURCH
Bajjodi, Bikarnakatte,
Mangalore - 575 005, India

Contact : +91 97403 16900