ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಅವಿಲಾಚಿ ಸಾಂ.ತೆರೆಜ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಮರಿಯಾಳ್ ಲೀಜನ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಪಯ್ಲ್ಯಾ ಕುಮ್ಗಾರಾಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ. ಪಯ್ಲ್ಯಾ ಕುಮ್ಗಾರಾಚೆಂ ಸಂಭ್ರಮಿಕ್ ಮೀಸ್ 8.30ವೊರಾರ್ ಆಸ್ತೆಲೆಂ. 9.15ವೊರಾಂಚೆ ಮೀಸ್ ಆಸ್ಚೆನಾಂ.
ಮೇ 10 ತಾರಿಕೆರ್ ಸುಕ್ರಾರಾ ಸಾಂಜೆರ್ ಮಿಸಾ ಪಯ್ಲೆಂ ಪಯ್ಲ್ಯಾ ಕುಮ್ಗಾರಾಚಾ ಭುರ್ಗ್ಯಾಂಕ್ ತಶೆಂಚ್ ವ್ಹಡಿಲಾಂಕ್ ಕುಮ್ಸಾರಾ ಆಸ್ತೆಲಿಂ. ಉಪ್ರಾಂತ್ ಮಿಸಾಕ್ ಹಾಜರ್ ಜಾಂವ್ಚೆಂ. ಮಿಸಾ ಉಪ್ರಾಂತ್ ದೇವ್‍ಸ್ತುತೆಚೆಂ ಪ್ರ್ಯಾಕ್ಟಿಸ್ ಆಸ್ತೆಲೆಂ.
ಪಿಡೆಸ್ತಾಂಕ್ ಕುಮ್ಗಾರ್ ಮಂಗ್ಳಾರಾ 7 ತಾರಿಕೆರ್ ಹಾಡ್ನ್ ಯೆತೆಲ್ಯಾಂವ್. ಘರಾಂನಿ ಜೊಕ್ತಿ ತಯಾರಾಯ್ ಕರ್ಚಿ.
ಆಜ್ ಪಯ್ಲ್ಯಾ ಮಿಸಾ ಉಪ್ರಾಂತ್ ಐಸಿವೈಯಮ್ ಸಾಂದ್ಯಾಚೆಂ ಮೀಟಿಂಗ್ ಆಸ್ತೆಲೆಂ. ಹ್ಯಾ ಮಿಟಿಂಗಾಕ್ ಹ್ಯಾ ವರ್ಸಾ ಪಿಯುಸಿ ಸಂಪಯ್ಲ್ಯಾ ಸರ್ವ್ ಯುವಜಣಾಂನಿ ಹಾಜರ್ ಜಾಂವ್ಕ್ ವಿನಂತಿ. ತಶೆಂಚ್ ಎಪ್ರಿಲ್ ಮಹಿನ್ಯಾಂತ್ ದೊದೊನ್ ವಾಡೆ ಸಾಂಗಾತಾ ಮೆಳೊನ್ ಆಸಾ ಕೆಲ್ಲ್ಯಾ ಯುವಜಣಾಂಚಾ ಜಮಾತೆಚಿ ವರ್ಧಿ ಧಫ್ತರಾಕ್ ಪಾವಿತ್ ಕರ್ಚಿ.
ಆಜ್ ಸಾಂಜೆರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆಸಾ.
ಸೊಮಾರಾ 6ತಾರಿಕೆರ್ ಹೊಲಿ ಸ್ಪಿರಿಟ್ ಸಮುದಾಯಾಚಾ ಸಿಸ್ಟ್ರಾಂಕ್ ಸಂಭ್ರಮಾಚೊ ದೀಸ್. ತ್ಯಾ ದಿಸಾ ಸಾಂಜೆಚಾ 4 ವೊರಾಂಚಾ ಮಿಸಾ ವೆಳಾರ್ 6 ಜಣಾಂ ಸಿಸ್ಟ್ರಾಂ ಪಯ್ಲೆಂ ಸಮರ್ಪಣ್ ಕರ್ತೆಲಿಂ. ಹ್ಯಾ ಸಂಭ್ರಮಿಕ್ ಮಿಸಾಕ್ ಸಿಸ್ಟ್ರಾಂನಿ ಮೊಗಾಚೆಂ ಆಪೊವ್ಣೆಂ ದಿಲಾಂ. ಸಂಭ್ರಮಿಕ್ ಮಿಸಾಚೆ ಬಲಿದಾನ್ ಆಮ್ಚೆ ದಿಯೆಸೆಜಿಚೆ ಗೊವ್ಳಿಬಾಪ್ ಅದಿಕ್ ಮಾನಾದಿಕ್ ಪೀಟರ್ ಪಾವ್ಲ್ ಸಲ್ಡಾನಾ ಭೆಟಯ್ತೆಲೆ. ಗೊವ್ಳಿಬಾಪ್ ಅಮ್ಚ್ಯಾ ಫಿರ್ಗಜೆಕ್ ಪಯ್ಲೆಂ ಪಾವ್ಟಿಂ ಯೆತಾತ್ ಜಾಲ್ಲ್ಯಾನ್ 3.45ವೊರಾರ್ ಗೊವ್ಳಿಬಾಪಾಂಕ್ ಸ್ವಾಗತ್ ಕರುಂಕ್ ಸರ್ವಾಂನಿ ಸಾಂಗಾತಾ ಮೆಳ್ಚೆಂ. ಆನಿ ಉಪ್ರಾಂತ್ ಪವಿತ್ರ್ ಮಿಸಾಚಾ ಬಲಿದಾನಾಂತ್ ಭಾಗ್ ಘೆಂವ್ಕ್ ವಿನಂತಿ.
ಮೇ ಮಹಿನ್ಯಾಂತ್ ವಾಡ್ಯಾ ಜಮಾತ್ ಆಸ್ಚಿನಾ.