ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಸಾಂ.ಜುಜೆ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಸೊಮಾರಾ ಥಾವ್ನ್ ಬುದ್ವಾರಾ ಪರ್ಯಾಂತ್ ಕಾರ್ಮೆಲ್ ವಾಡ್ಯಾಗಾರಾಂನಿ ಕರ್ಚಿ.

ಫಾಲ್ಯಾಂ ತಾಳಿಯಾಂಚೊ ಆಯ್ತಾರ್, ಸಕಾಳಿಂ ಎಕ್‍ಚ್ ಮೀಸ್ ಆಸ್ತೆಲೆಂ. 7.30ವೊರಾರ್ ಸಿಸ್ಟರಾಂಚ್ಯಾ ಕೊವೆಂತಾಲಾಗಿಂ ಸಾಂಗಾತಾ ಮೆಳ್ಚೆಂ. ಪಯ್ಲೆಂ ತಾಳಿಯಾಂಚೊ ಆಶೀರ್ವಾದ್, ಪುರ್ಶಾಂವ್ ಉಪ್ರಾಂತ್ ಮೀಸ್. ಮಿಸಾಚಿ ಮಾಂಡಾವಳ್ ವೆಲಂಕಣಿ ಆನಿ ಅವಿಲಾ ವಾಡ್ಯಾಗಾರಾಂನಿ ಕರ್ಚಿ.  

ಹ್ಯಾ ಹಫ್ತ್ಯಾಂತ್ ವಾಡ್ಯಾ ಜಮಾತ್

ಬಾಳ್ ಮರಿ ವಾಡೊ- ಹಿಲ್ಡಾ ಮೊನಿಸ್-4.00ವೊರಾರ್

ಲೂಡ್ಸ್ ವಾಡೊ- ಅನಿಲ್ ವಾಸ್-5.00ವೊರಾರ್

ಕಾರ್ಮೆಲ್ ವಾಡೊ- ಫಿಲಿಪ್ ನೆರಿ ಪಿರೇರಾ –4.00ವೊರಾರ್

ಅವಿಲಾ ವಾಡೊ-ಅಜಿತ್ ಜ್ಯೋತಿ ಡಿಸೋಜಾ-4.30

ಲ್ಹಾನ್ ಫುಲ್ ವಾಡೊ- ಜುಲಿಯಾನ ಡಿಸೋಜಾ-4.30ವೊರಾರ್

ಬಾಳೊಕ್ ಜೆಜು ವಾಡೊ- ಮರ್ವಿನ್ ಕರ್ನೆಲಿಯೊ-4.00ವೊರಾರ್

 

ಭಾಗೆವಂತ್ ಹಫ್ತ್ಯಾಚಿ ದೇವ್ ಸ್ತುತಿ ಹ್ಯಾ ಪರಿ ಆಸಾ:

ಸೊಮ್ಯಾಚ್ಯಾ ನಿಮಾಣ್ಯಾ ಜೆವ್ಣ್ಣಾಚೊ ಬ್ರೆಸ್ತಾರ್, ತ್ಯಾ ದೀಸ್ ಮೀಸ್:6.30ವರಾರ್ ಆಸ್ತೆಲೆಂ. ದೇವ್ ಸ್ತುತಿ ಆನಿ ಕಾಣಿಕೊ ಹಾಡುಂಕ್ ಜೆಜುಚೆಂ ಪವಿತ್ರ್ ಕಾಳಿಜ್ ಆನಿ ಬಾಳ್ ಮರಿ ವಾಡ್ಯಾಗಾರಾಂನಿ ಮಾಂಡಾವಳ್ ಕರ್ಚಿ. ಪವಿತ್ರ್ ಸಾಕ್ರಾಮೆಂತಾಚೆ ಅರಾಧಾನ್ ರಾತಿಂ 11.30 ವೊರಾ ಪರ್ಯಾಂತ್ ಆಸ್ತೆಲೆಂ. ಹೊ ದೀಸ್ ಯಾಜಕಾಂಚೊ ದೀಸ್ ಜಾಲ್ಲ್ಯಾನ್ ಪ್ರತ್ಯೇಕ್ ಜಾವ್ನ್ ಯಾಜಕಾಂ ಪಾಸೊತ್ ಮಾಗೊಂಕ್ ವಿನಂತಿ. ಅರಾಧಾನಾಚಿ ಜವಾಬ್ದಾರಿ ನೋಟಿಸ್ ಬೋರ್ಡಾರ್ ಘಾಲ್ಯಾ ತ್ಯಾ ಪರ್ಮಾಣೆಂ ಕರ್ಚಿ.

ಸೊಮ್ಯಾಚ್ಯಾ ಕಷ್ಟಾ-ಮರ್ಣಾಂಚೊ ಸುಕ್ರಾರ್: ಹ್ಯಾ ದೀಸ್ ಜಿಂಜ್ವಾರ್ ಕರುಂಕ್ ಇಗರ್ಜ್ ಮಾತೆಚೊ ಕಾಯ್ದೊ ಆಸಾ. ಸಕಾಳಿಂ 7.30 ವೊರಾರ್ ಇಗರ್ಜೆಚ್ಯಾ ಮೈದಾನಾರ್ ದೃಶ್ಯಾಂ ಮುಕಾಂತ್ರ್ ಖುರ್ಸಾವಾಟ್ ಆಸ್ತೆಲಿ. ಸಾಂಜೆರ್ 5 ವರಾರ್ ದೇವ್ ಸ್ತುತಿ ಪ್ರಾರಂಭ್ ಜಾತಾ. ತ್ಯಾ ದಿಸಾಚಿ ಮಾಂಡಾವಳ್ ಕಾರ್ಮೆಲ್ ಆನಿ ಲೂಡ್ಸ್ ವಾಡ್ಯಾಗಾರಾಂನಿ ಕರ್ಚಿ.

ಅಲ್ಲೆಲೂಯಾ ಸನ್ವಾರ್-ಪಾಸ್ಕಾಂಚಿ ಜಾಗೃಣ್: ತ್ಯಾ ದೀಸ್ ಸಾಂಜೆರ್ 7ವರಾರ್ ಸಂಭ್ರಮಿಕ್ ಮೀಸ್. ಕಾಣಿಕೊ ಹಾಡುಂಕ್ ಆನಿ ದೇವ್‍ಸ್ತುತಿ ಮಾಂಡಾವಳ್ ಲ್ಹಾನ್ ಫುಲ್, ಸಾಂ.ಅಂತೊನ್, ಸಾಂ.ಜುಜೆ ಆನಿ ಬಾಳೊಕ್ ಜೆಜು ವಾಡ್ಯಾಗಾರಾಂನಿ ಕರ್ಚಿ. ಪವಿತ್ರ್ ಸ್ನಾನಾಚ್ಯೊ ಆಂಗೊವ್ಣ್ಯೊ ಕರುಂಕ್ ಆಸ್‍ಲ್ಲ್ಯಾನ್ ವಾತಿ ಹಾಡ್ಚ್ಯೊ.

ದ.ಕ. ಉಡುಪಿ ಜಿಲ್ಲ್ಯಾಂನಿ ಲೋಕ್‍ಸಭ್ ಚುನಾವ್ ಎಪ್ರಿಲಾಚಾ 18 ತಾರಿಕೆರ್ ಮ್ಹಣ್ ಆಮ್ಕಾಂ ಕಳಿತ್ ಆಸಾ. ತ್ಯಾ ದೀಸ್ ನಿಮಾಣೊ ಬ್ರೇಸ್ತಾರ್ ಆಮ್ಕಾಂ ಸರ್ವಾಂಕ್ ಪವಿತ್ರ್ ದೀಸ್.ಹರೇಕ್ ಚುನಾವಾಚೊ ವೇಳ್ ಚಾಲ್ತ್ಯಾ ಸರ್ಕಾರಾವಿಶಿಂ ಚಿಂತುಕ್, ಮೊಲಾವ್ಣಿಂ ಕರುಂಕ್, ಆನಿ ದೆಶಾಚಾ ಪುಡಾರಾಂ ಉದೆಶಿಂ ನವಿಂ ಮೆಟಾಂ ಕಾಡ್ಚೆವಿಶಿಂ ನಿರ್ದಾರ್ ಕರುಂಕ್ ಆಮ್ಕಾಂ ಆವ್ಕಾಸ್ ಕರ್ನ್ ದಿತಾ. ತ್ಯಾ ದಿಸಾ ದೇವ್‍ಸ್ತುತೆಂತ್  ಭಾಗ್ ಘೆಂವ್ಕ್ ಆಸಾ ತರೀ ಸಾಂಗಾಂತಾಚ್ಚ್ ಮತ್ ಚಲಂವ್ಚ್ಯೊ, ಆಮ್ಚ್ಯಾ ದೇಶಾ ಥಂಯ್ ಆಮ್ಕಾಂ ಆಸ್ಚೊ ಪವಿತ್ರ್ ಕಾಯ್ದೊ. ಹ್ಯಾ ವಿಶಿಂ ಗೊವ್ಳಿಬಾಪಾಂನಿ ತಿಳ್ಸುಂಕ್ ವಿನಂತಿ ಕೆಲ್ಯಾ. ಮ್ಹಜ್ಯಾ ಎಕಾ ವೊಟಾ ಥಾವ್ನ್ ಕಿತೆಂ ಜಾತಾ ಮ್ಹಳ್ಳೆಂ ಚಿಂತುನ್, ಘರಾ ಬಸ್ಚೆನಾಕಾ. ದಕ್ಷ್ ಆನಿ ಶಾಥಿವಂತ್ ಅಭ್ಯರ್ಥಿಕ್ ವಿಂಚುನ್ ಕಾಡ್ಚಿ ಜವಬ್ದಾರಿ ಆಮ್ಚಿ. ಕಿತ್ಯಾಕ್ ಮತ್‍ದಾರ್‍ಚ್ ರಾಯ್ ಆನಿ ವೊಟ್‍ಚ್ ಆಮ್ಚೆ ಹಾತಿಂ ಆಸ್ಚೆಂ ಹಾತೆರ್. ತ್ಯಾ ದೀಸ್ ಸಕಾಳಿಂ 7 ವೊರಾಂ ಥಾವ್ನ್ ಮತದಾನ್ ಕೇಂದ್ರ್ ಉಗ್ತೆಂ ಜಾತಾ ಜಾಲ್ಲ್ಯಾನ್ ವೆಳಾರ್ ವಚೊನ್ ಆಮ್ಚೊ ಮತ್ ಆಮಿ ಚಲವ್ಯಾಂ. ಸಾಂಜೆರ್ 6.30ವೊರಾರ್ ಪವಿತ್ರ್ ಮಿಸಾಚಾ ಬಲಿದಾನಾಂತ್ ಭಾಗ್ ಘೆವ್ಯಾಂ.

ಕಾರ್ಮೆಲ್ ಗುಡೊ, ಬಾಳೊಕ್ ಜೆಜುಚೆಂ ಪೂನ್‍ಶೆತಾಂತ್ ಸೊಮ್ಯಾಸಂಗಿಂ ಜಾಗ್ರಣೆಚಿ 40 ವೊರಾಂ, ಸಾಕ್ರಾಮೆಂತಾಚೆ ನಿರಂತರ್ ಆರಾಧಾನ್ ಎಪ್ರಿಲಾಚಾ 16 ಆನಿ 17 ತಾರಿಕೆರ್ ಆಸಾ ಕೆಲಾಂ. ಎಪ್ರಿಲಾಚಾ 16 ತಾರಿಕೆರ್ ಮಂಗ್ಳಾರಾ ಸಕಾಳಿಂ 5.30ವೊರಾರ್ ಆರಂಭ್ ಜಾತಾ. ಎಪ್ರಿಲಾಚಾ 17 ತಾರಿಕೆರ್ ಬುದ್ವಾರಾ 7ಥಾವ್ನ್ 8 ವೊರಾಂ ಪರ್ಯಾಂತ್ ಸೆಕುಲರ್ ಕಾರ್ಮೆಲ್ ಆನಿ ಆದ್ಯಾತ್ಮಿಕ್ ಸಮಿತಿಚೆ ಸಾಂದೆ ಆರಾಧನ್ ಚಲವ್ನ್ ವ್ಹರ್ತಾತ್. ಸರ್ವಾಂನಿ ಹ್ಯಾ ಆರಾಧಾನಾಂತ್ ಭಾಗ್ ಘೆಂವ್ಚೆಂ.

ಫಾಲ್ಯಾಂ ಸಾಂಜೆರ್ 6 ವೊರಾರ್ ಬೆಂದುರ್ ಸಾಂ. ಆಗ್ನೆಸ್ ಸ್ಪೆಶಲ್ ಸ್ಕೂಲ್  ಮೈದಾನಾರ್ ಕಾಪುಜಿನ್ ಫ್ರಾದ್ “ಹೊಸಾನ್ನಾ ಸಾಂಜ್” ಮಾಂಡುನ್ ಹಾಡ್ತಾತ್. ಕ್ರಿಸ್ತಾಚಾ ಕಷ್ಣಾ ಮರ್ಣಾಚ್ಯಾ ಚರಿತ್ರೆಚೆ ವರ್ಣನ್, ಗಾಯಾನ್ ಸಂಗೀತ್, ಆನಿ ದೃಶ್ಯಾಂ ಮುಖಾಂತ್ರ್ ಆಸ್ತೆಲೆಂ. ತುಮ್ಕಾಂ ಸರ್ವಾಂಕ್ ಮೊಗಾಚೆಂ ಆಪೊವ್ಣೆಂ ಆಸಾ.

ಪಾಸ್ಕಾಂಚಾ ಆಯ್ತಾರಾ ಸಕಾಳಿಂಚೆಂ ಮೀಸ್ ಎಕ್‍ಚ್ಚ್ ಮೀಸ್ 7ವೊರಾರ್ ಆಸ್ತೆಲೆಂ. ದೇವ್‍ಸ್ತುತಿ ಮಾಂಡಾವಳ್ ಗೊವ್ಳಿಕ್ ಪರಿಷದೆಚ್ಯಾ ಸಾಂದ್ಯಾಂನಿ ಕರ್ಚಿ. ಮಿಸಾ ಉಪ್ರಾಂತ್ ಪಾಸ್ಕಾಂಚೆಂ ಉದಾಕ್ ವ್ಹರುಂಕ್ ವಿನಂತಿ.

ನಿಮಾಣ್ಯಾ ಬ್ರೆಸ್ತಾರಾ ವಿಶೆವಾಚಿ ಅಲ್ತಾರ್ ಸೊಭಂವ್ಕ್ ಫುಲಾಂ ದಿತೆಲ್ಯಾಂನಿ ತ್ಯಾ ದೀಸ್ ಸಕಾಳಿಂ 10ವೊರಾಂ ಬಿತರ್ ಹಾಡ್ನ್ ದಿಂವ್ಚಿ ಆನಿ ಪಾಸ್ಕಾಂ ಫೆಸ್ತಾಕ್ ಮುರ್ದೊಮ್ ತಶೆಂಚ್ ಅಲ್ತಾರ್ ಸೊಭಂವ್ಕ್ ಫುಲಾಂ ದಾನ್ ದಿಂವ್ಕ್ ಆವ್ಕಾಸ್ ಆಸಾ. ವಿಶೆವಾಚಿ ಆಲ್ತಾರ್ ಸೊಭಂವ್ಕ್ ಸಿಸ್ಟರಾಂ ಸಾಂಗಾತಾ ಲೀಜನ್ ಆಫ್ ಮೇರಿ ಸಾಂದ್ಯಾಂನಿ ಕುಮೊಕ್ ಕರ್ಚಿ.

ತಾಳಿಯೊ ಹಾಡ್ನ್ ದಿಲ್ಲ್ಯಾ ಆಲ್ಬರ್ಟ್ ರೇಗೊ ಆನಿ ಕುಟ್ಮಾಕ್ ದೇವ್ ಬರೆಂ ಕರುಂ ಮ್ಹಣ್ತಾಂ. ಬಾಳ್ ಮರಿಯೆಚಿ ಆಶೀರ್ವಾದಾಂ ತಾಂಚೆರ್ ಮಾಗ್ತಾಂ.

Home | About Us | Sitemap | Contact

Copyright © 2013 - www.infantmarychurch.org. Powered by eCreators

Contact Us

INFANT MARY CHURCH
Bajjodi, Bikarnakatte,
Mangalore - 575 005, India

Contact : +91 97403 16900