ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಸಾಂ.ಅಂತೊನ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಸಾಂ.ಜುಜೆ ವಾಡ್ಯಾಗಾರಾಂನಿ ಕರ್ಚಿ. ಯೆಂವ್ಚೊ ಆಯ್ತಾರ್ ತಾಳಿಯಾಂಚೊ ಆಯ್ತಾರ್, ತ್ಯಾ ದೀಸ್ ಸಕಾಳಿಂ ಎಕ್‍ಚ್ ಮೀಸ್ ಆಸ್ತೆಲೆಂ. 7.30 ವೊರಾರ್ ಸಿಸ್ಟರಾಂಚ್ಯಾ ಕೊವೆಂತಾಲಾಗಿಂ ಸಾಂಗಾತಾ ಮೆಳ್ಚೆಂ. ಪಯ್ಲೆಂ ತಾಳಿಯಾಂಚೊ ಆಶೀರ್ವಾದ್, ಪುರ್ಶಾಂವ್ ಉಪ್ರಾಂತ್ ಮೀಸ್. ಮಿಸಾಚಿ ಮಾಂಡಾವಳ್ ವೆಲಂಕಣಿ ಆನಿ ಅವಿಲಾ ವಾಡ್ಯಾಗಾರಾಂನಿ ಕರ್ಚಿ. ಭಾಗೆವಂತ್ ಹಫ್ತ್ಯಾಚಿ ದೇವ್‍ಸ್ತುತಿ ನೋಟಿಸ್ ಬೋರ್ಡಾರ್ ಘಾಲ್ಯಾ ತ್ಯಾ ಪರ್ಮಾಣೆಂ ಚಲೊವ್ನ್ ವ್ಹರ್ಚಿ. ನಿಮಾಣ್ಯಾ ಸುಕ್ರಾರಾ ಸಾಕಾಳಿಂ 7.30ವೊರಾರ್ ಇಗರ್ಜೆಚ್ಯಾ ಮೈದಾನಾರ್ ದೃಶ್ಯಾಂ ಮುಕಾಂತ್ರ್ ಖುರ್ಸಾವಾಟ್.
ಆಜ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆಸ್ತೆಲೆಂ. ಹ್ಯಾ ವೆಳಾರ್ ದಾಕ್ತೆರಾಂ ಪಾಸೊತ್ ಮಾಗ್ತಲ್ಯಾಂವ್.
ಆದ್ಲ್ಯಾ ಆಯ್ತಾರಾ “ತೈಜೆ ಮಾಗ್ಣೆಂ” ಚಲವ್ನ್ ವ್ಹೆಲ್ಲ್ಯಾ ಯುವಜಣಾಂಕ್, ಗಾಯಾನ್ ಮಂಡಳಿ, ಆದ್ಯಾತ್ಮಿಕ್ ಸಮಿತಿಚಾ ಸಾಂದ್ಯಾಕ್ ತಶೆÀಂಚ್ ವ್ಹಡಾ ಸಂಖ್ಯಾನ್ ಹಾಜರ್ ಜಾಲ್ಲ್ಯಾ ಸರ್ವಾಂಕ್ ದೇವ್ ಬರೆಂ ಕರುಂ.
ಗುರ್ಕಾರ್ ಗುರ್ಕಾರ್ನಿನಿ ಮುಖಾಂತ್ರ್ ವಾಡ್ಯಾಕ್ ದಿಲ್ಲಿಂ ಸಿಒಡಿಪಿ ಕೂಪನಾಂ ಹ್ಯಾ ಹಫ್ತ್ಯಾ ಭಿತರ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ.
ಮಂಗ್ಳುರ್ ದಿಯೆಸೆಜಿಕ್ 2019 ವರ್ಸಾಚಾ ಆಕೇರಿ ಭಿತರ್ ಏಕ್ ಸಮಗ್ರ್ ಗೊವ್ಳಿಕ್ ಯೋಜನ್ ತಯಾರ್ ಕಚ್ರ್ಯಾಕ್ ಸಾಮಾಜಿಕ್-ಆರ್ಥಿಕ್ ಆನಿ ಗೊವ್ಳಿಕ್ ಸಮೀಕ್ಷಾಚಿ ಮಾಂಡಾವಳ್ ಕೆಲ್ಯಾ. ಹ್ಯಾ ಮಹಿನ್ಯಾಂತ್ ಪ್ರತಿನಿಧಿ ತುಮ್ಚ್ಯಾ ಘರಾ ಯೆತನಾ ತುಮ್ಚೊ ಸಹಕಾರ್ ದಿಂವ್ಚೊ. ಫಿರ್ಗಜೆಚ್ಯಾ ಹರ್ಯೆಕಾ ಕುಟ್ಮಾನ್ ಹ್ಯೆ ಸಮೀಕ್ಷೆಕ್ ಸಂಪೂರ್ಣ್ ಸಹಕಾರ್ ದೀಂವ್ಚೊ. ಪ್ರತಿನಿಧಿಕ್ ಕುಟ್ಮಾ ಥಾವ್ನ್ ಘೆತ್‍ಲ್ಲೊ ವಿವಿರ್ ಗುಪ್ತಿ ಸಾಂಬಾಳ್ಚೊ. ಮೇ 15 ತಾರಿಕೆ ಭಿತರ್ ಸಮೀಕ್ಷೆಚೊ ವಿವರ್ ವಿಗಾರ್ ಜೆರಾಲಾಕ್ ಪಾವಿತ್ ಕರುಂಕ್ ಆಸಾ.
ಆಜ್ ಬೈಬಲ್ ಕ್ವಿಜ್ ಸ್ಪರ್ಧೊ ಸಾಂಜೆರ್ 5ವೊರಾರ್ ಆಸ್ತಲೊ. ವಾಡ್ಯಾಂತ್ಲ್ಯಾ ಹಯೇಕ್ಲ್ಯಾಂನಿ ಭಾಗ್ ಘೆಂವ್ಕ್ ಆವ್ಕಾಸ್ ಆಸಾ. ಕ್ವಿಜಾಂತ್ ಇನಾಮಾಂ ತಶೆಂಚ್ ವಾಡ್ಯಾವಾರ್ ಅಂಕ್ ಆಸ್ತೆಲೆ.
ಆಜ್ ಪಯ್ಲ್ಯಾ ಮಿಸಾ ಉಪ್ರಾಂತ್ ಪಯ್ಲ್ಯಾ ಕುಮ್ಗಾರಾಚಾ ಭುರ್ಗ್ಯಾಂಚಾ ವ್ಹಡಿಲಾಂಚಿ ಜಮಾತ್ ಆಸ್ತೆಲಿ. ವ್ಹಡಿಲಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಕ್ ವಿನಂತಿ.
ಪುಡಾರಾ ಸಂಬಂಧಿ ಸಾರ್ಕಿ ವಿಂಚವ್ಣ್ ತಶೆಂಚ್ ಭುರ್ಗ್ಯಾಂಕ್ ಜೊಕ್ತೆಂ ಮಾರ್ಗದರ್ಶನ್ ದಿಂವ್ಚ್ಯಾಕ್ ಆಟ್ವಿ, ನೊವಿ, ಧಾವಿ ಆನಿ ಪಿಯುಸಿಚ್ಯಾ ಭುರ್ಗ್ಯಾಂಕ್ ಎಪ್ರಿಲ್ 9 ತಾರಿಕೆರ್ ಸಾಂಜೆರ್ ಥಾವ್ನ್ 11 ತಾರಿಕೆ ಪರ್ಯಾಂತ್ ಕಾರ್ಮೆಲ್ ಗುಡ್ಯಾರ್ ಶಿಬಿರ್ ಆಸಾ ಕೆಲಾಂ. ಭುರ್ಗ್ಯಾಂನಿ ಹ್ಯಾ ಶಿಬಿರಾಕ್ ಹಾಜರ್ ಜಾಂವ್ಚೆಂ.
ಭುರ್ಗ್ಯಾಂಕ್ ಯೆದೊಳ್‍ಚ್ಚ್ ರಜಾ ಮೆಳ್ಳ್ಯಾ. ದೆಕುನ್ ವ್ಹಡಿಲಾಂನಿ ಭುರ್ಗ್ಯಾಂಕ್ ಸಾಂಜೆಚಾ ಮಿಸಾಕ್ ಹಾಜರ್ ಜಾಂವ್ಕ್ ಪ್ರೋತ್ಸಾಹ್ ದಿಂವ್ಚೊ. ಯೆಂವ್ಚ್ಯಾ ಹಪ್ತ್ಯಾ ಥಾವ್ನ್ ವೆದಿ ಸೆವಕಾಂನಿ ವೆದಿ ಸೆವಾ ಕರುಂಕ್ ವಾಡ್ಯಾವಾರ್ ಜವಬ್ದಾರಿ ಘೆಂವ್ಚಿ. ಸೊಮಾರಾ:ಲ್ಹಾನ್‍ಪುಲ್ ಆನಿ ಕಾರ್ಮೆಲ್; ಮಂಗ್ಳಾರಾ:ವೆಲಂಕಣಿ ಆನಿ ಬಾಳ್‍ಮರಿ, ಬುದ್ವಾರಾ:ಪವಿತ್ರ್‍ಕಾಳಿಜ್ ಆನಿ ಸಾಂ. ಅಂತೊನ್; ಬ್ರೇಸ್ತಾರಾ:ಲೂಡ್ರ್ಸ್ ಆನಿ ಸಾಂ.ಜುಜೆ. ಸುಕ್ರಾರಾ:ಅವಿಲಾ ಆನಿ ಬಾಳೊಕ್ ಜೆಜು. ಸನ್ವಾರಾ ಆನಿ ಆಯ್ತಾರಾ ಜವಬ್ದಾರಿ ವಾಂಟುನ್ ದಿಲ್ಲ್ಯಾ ವೆದಿ ಸೆವಕಾಂನಿ ವೆದಿಸೆವಾ ಕರ್ಚಿ. ಸದಾಂ ಮಿಸಾಕ್ ಹಾಜರ್ ಜಾಲ್ಲ್ಯಾ ಭುರ್ಗ್ಯಾಂಕ್ ಜೂನಾಚಾ ಪಯ್ಲ್ಯಾ ಹಪ್ತ್ಯಾಂತ್ ಇನಾಮಾಂ ದಿತೆಲ್ಯಾಂವ್.
ಆದ್ಲ್ಯಾ ಮಹಿನ್ಯಾಂತ್ ಬಜ್ಜೊಡಿಚಾ ಯುವಜಣಾಂನಿ ಮಾಂಡುನ್ ಹಾಡ್‍ಲ್ಲ್ಯಾ ಅಂತರ್ ಫಿರ್ಗಜ್ ಪುಟ್ಬೋಲ್ ಟೂರ್ನಮೆಂಟಾಂತ್ ದೋನ್ ಪಾವ್ಟಿಂ ಪಯ್ಲೆಂ ಸ್ಥಾನ್ ಆಪ್ಣಾಯ್ಲಾಂ. ತಾಂಕಾ ಆಮಿ ಅಭಿನಂದನ್ ಪಾಟಯ್ತಾಂವ್.
ಹಫ್ತೋ ಫೊರ್ವಾ