ಸಗ್ಳೊ ಹಫ್ತೋ  ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ವೆಲಂಕಣಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಸಾಂ.ಅಂತೊನ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ವೆಲಂಕಣಿ ವಾಡ್ಯಾಚ್ಯಾ ಯುವಜಣಾಂನಿ ಆನಿ ದುಸ್ರ್ಯಾ ಮಿಸಾಕ್ ಸಾಂ.ಜುಜೆ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.

ಫಿರ್ಗಜ್ ಕುಟ್ಮಾಚಾ ವಾರ್ಶಿಕ್ ರೆತಿರೆಂತ್ ಭಾಗ್ ಘೆತ್‍ಲ್ಲ್ಯಾ ತುಮ್ಕಾಂ ಸರ್ವಾಂಕ್ ದೇವ್ ಬರೆಂ ಕರುಂ.

ಫಿರ್ಗಜೆಚಾ ಕುಟ್ಮಾಂಚಿ ಘರ್ ಬೆಜ್ಮಾಂತಾ ಆಮಿ ಅಖೇರ್ ಕೆಲ್ಯಾಂತ್. ಹರ್ಯೇಕಾ ಕುಟ್ಮಾಚಿ ಭೆಟ್, ಕುಟ್ಮಾಂಚಾ ಸಾಂದ್ಯಾ ಸಾಂಗಾತಾ ಮಾಗ್ಣೆಂ ತಶೆಂಚ್ ಕುಟ್ಮಾಚೆರ್ ಆಶೀರ್ವಾದ್ ಮಾಗ್ಲಾ. ಕೊಣಾಯ್ಕಿ ಘರಾಂ ಬಾಕಿ ಉರ್ಲ್ಯಾರ್ ಫಿರ್ಗಜ್ ಯಾಜಕಾಂಕ್ ಯೇವ್ನ್ ತಿಳ್ಸುಂಚೆ. ಘರ್ ಬೆಜ್ಮೆಂತಾಕ್ ಸಾಂಗಾತ್ ದಿಲ್ಲ್ಯಾ ಗುರ್ಕಾರ್ ಗುರ್ಕಾನಿಕ್, ಪ್ರತಿನಿಧಿಂಕ್ ದೇವ್‍ಬರೆಂ ಕರುಂ. ತುಮಿ ದಿಲ್ಲಿ ಖುಶೆಚಿ ಕಾಣಿಕ್ ದುಬ್ಳ್ಯಾ ಕುಟ್ಮಾಚಾ ಪಿಡೆಸ್ತಾಂಚಾ ಚಿಕಿತ್ಸಾ ಖಾತಿರ್ ದಿತೆಲ್ಯಾಂವ್.

ಫಾಲ್ಯಾ ಸಾಂಜೆರ್ 7 ವೊರಾರ್ ತೈಝೆ ಮಾಗ್ಣೆಂ ಆಸಾ ಕೆಲಾಂ. ಜೆಜುನ್ ಮನ್ಶಾಕುಳಾಕ್ ಖುರ್ಸಾ ಮುಖಾಂತ್ರ್ ದಾಕಯಿಲ್ಲೊ ಮೋಗ್ ದ್ಯಾನಾಚಾ ಮಾಗ್ಣ್ಯಾಂತ್ ಆಮಿ ನಿಯಾಳ್ ಕರ್ಚೊ. ಹರ್ಯೇಕಾ ವಾಡ್ಯಾಚಾ ಭುರ್ಗ್ಯಾಂನಿ, ಯುವಜಣಾಂನಿ ಹ್ಯಾ ಮಾಗ್ಣ್ಯಾಕ್ ಹಾಜರ್ ಜಾಂವ್ಕ್ ವಿನಂತಿ.

ಫಾಲ್ಯಾ ಸಾಂಜೆರ್ ಸಿಟಿ ವಾರಾಡ್ಯಾಕ್ ಯುವಜಣಾಂಕ್  ‘ಜೆಜು ಸಂಗಿ ಯುವ ಖುರ್ಸಾವಾಟ್’ ಕುಲ್ಶೇಕರ್ ಇರ್ಗೆಜೆಚಾ ಮೈದಾನಾರ್ ಸಾಂಜೆರ್ 5.30ವೊರಾರ್ ಪ್ರಾರಂಭ್ ಜಾತಾ. ಖುರ್ಸಾವಾಟೆಚಿ ಜವಬ್ದಾರಿ ಘೆತಲ್ಯಾ ಯುವಜಣಾಂನಿ ಹಾಜರ್ ಜಾಂವ್ಕ್ ವಿನಂತಿ.

ಎಪ್ರಿಲಾಚಾ 1 ತಾರಿಕೆರ್ ಸೊಮಾರಾ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತಲ್ಯಾಂವ್. ಘರಾಂನಿ ಜೊಕ್ತಿ ತಯಾರಾಯ್ ಕರ್ಚಿ.

ಯೆಂವ್ಚ್ಯಾ ಬುದ್ವಾರಾ ಸಾಂಜೆಚಾ ಮಿಸಾ ಉಪ್ರಾಂತ್ ಲ್ಹಾನ್ ಕ್ರೀಸ್ತೀ ಸಮುದಾಯೆಚಿ ತರ್ಭೆತಿ ಆಸ್ತೆಲಿ. ಸಮಿತಿಚಾ ಸಾಂದ್ಯಾನಿ ತಶೆಂಚ್ ವಾಡ್ಯಾಚಾ ಪ್ರೇರಕಾಂನಿ ಹಾಜರ್ ಜಾಂವ್ಚೆಂ.

ಮಂಗ್ಳುರ್ ದಿಯೆಸೆಜಿಕ್ 2019 ವರ್ಸಾಚಾ ಆಕೇರಿ ಭಿತರ್ ಏಕ್ ಸಮಗ್ರ್ ಗೊವ್ಳಿಕ್ ಯೋಜನ್ ತಯಾರ್ ಕಚ್ರ್ಯಾಕ್ ಸಾಮಾಜಿಕ್-ಆರ್ಥಿಕ್ ಆನಿ ಗೊವ್ಳಿಕ್ ಸಮೀಕ್ಷಾ-2019 ಮಾಂಡಾವಳ್ ಕೆಲ್ಯಾ. ಯೆದೊಳ್‍ಚ್ಚ್ ಸಮೀಕ್ಷಾ ಪ್ರಶ್ನಾವಾಳ್ ತಯಾರ್ ಜಾಲ್ಯಾ. ಸಮೀಕ್ಷಾ ಚಲೊಂವ್ಚ್ಯಾಕ್ ಆಮ್ಚ್ಯಾ ಫಿರ್ಗಜೆಚ್ಯಾ ತೆಗಾಂ ಜಣಾಂಕ್ ತರ್ಭೆತಿ ಮೆಳ್ಯಾ ಆನಿ ವಾಡ್ಯಾಚಾ ಹೆರ್ ಥೊಡ್ಯಾ ಪ್ರತಿನಿಧಿಕ್ ಹ್ಯಾವಿಶಿಂ ತರ್ಭೆತಿ ದಿತೆಲ್ಯಾಂವ್. ಫಿರ್ಗಜೆಚ್ಯಾ ಹರ್ಯೆಕಾ ಕುಟ್ಮಾನ್ ಹ್ಯೆ ಸಮೀಕ್ಷೆಕ್ ಸಂಪೂರ್ಣ್ ಸಹಕಾರ್ ದೀಂವ್ಕ್ ಬಿಸ್ಪಾನ್ ವಿನಂತಿ ಕೆಲ್ಯಾ. ಎಪ್ರಿಲ್ ಮಹಿನ್ಯಾಂತ್ ಪ್ರತಿನಿಧಿ ತುಮ್ಚ್ಯಾ ಘರಾ ಯೆತನಾ ತುಮ್ಚೊ ಸಹಕಾರ್ ದಿಂವ್ಚೊ. ಮೇ 15 ತಾರಿಕೆ ಭಿತರ್ ಸಮೀಕ್ಷೆಚೊ ವಿವರ್ ವಿಗಾರ್ ಜೆರಾಲಾಕ್ ಪಾವಿತ್ ಕರುಂಕ್ ಆಸಾ.

 

ಪಯ್ಲ್ಯಾ ಮಿಸಾ ಉಪ್ರಾಂತ್ ಗೊವ್ಳಿಕ್ ಪರಿಷದ್‍ಚಾ ಜಮಾತ್ ಆಸ್ತೆಲಿ. ಸರ್ವ್ ಸಾಂದ್ಯಾನಿ ಚುಕಾನಾಸ್ತಾ ಹಾಜರ್ ಜಾಂವ್ಚೆಂ.

 

ಬಜ್ಜೋಡಿಚೊ ಕುರೊವ್ ಪಿಂತುರಾಕ್ ರಂಗ್ ಬರ್ಚೊ ಸ್ಪರ್ಧೊ ಎಪ್ರಿಲಾಚ್ಯಾ 6 ತಾರಿಕೆರ್ ಸನ್ವಾರಾ ಸಾಂಜೆರ್ 4ವೊರಾರ್ ತಶೆಂಚ್ ಬೈಬಲ್ ಕ್ವಿಜ್ ಸ್ಪರ್ಧೊ ಎಪ್ರಿಲಾಚ್ಯಾ 7 ತಾರಿಕೆರ್ ಆಯ್ತಾರಾ 5ವೊರಾರ್ ಆಸ್ತಲೊ. ದೊನೀ ಸ್ಪಧ್ರ್ಯಾಕ್ ಇನಾಮಾಂ ತಶೆಂಚ್ ವಾಡ್ಯಾವಾರ್ ಅಂಕ್ ಆಸ್ತೆಲೆ.  ಬೈಬಲ್ ಕ್ವಿಜಾಕ್ ಬೈಬಲ್ ತಶೆಂಚ್  ನೋಟ್ಸ್ ತಯಾರ್ ಕರ್ನ್ ಹಾಡುಂಕ್ ಆವ್ಕಾಸ್ ಆಸಾ.

ಎಪ್ರಿಲಾಚಾ 7 ತಾರಿಕೆರ್ ಆಯ್ತಾರಾ ಪಯ್ಲ್ಯಾ ಮಿಸಾ ಉಪ್ರಾಂತ್ ಪಯ್ಲ್ಯಾ ಕುಮ್ಗಾರಾಚಾ ಭುರ್ಗ್ಯಾಂಚಾ ವ್ಹಡಿಲಾಂಚಿ ಜಮಾತ್ ಆಸ್ತೆಲಿ. ವ್ಹಡಿಲಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಕ್ ವಿನಂತಿ.

ಆಟ್ವಿ, ನೊವಿ, ದಾವ್ಯೆಚಾ ತಶೆಂಚ್ ಪಿಯುಸಿಚ್ಯಾ ಭುರ್ಗ್ಯಾಂಕ್ ಪುಡಾರ್ ಸಂಬಂಧಿ ಸಾರ್ಕಿ ವಿಂಚವ್ಣ್ ಹ್ಯಾ ವಿಶ್ಯಾಂತ್ ಶಿಬಿರ್ ಎಪ್ರಿಲಾಚಾ 9 ತಾರಿಕೆರ್ ಸಾಂಜೆರ್ ಥಾವ್ನ್ 11  ತಾರಿಕೆ ಪರ್ಯಾಂತ್  ಕಾರ್ಮೆಲ್ ಗುಡ್ಯಾರ್ ಆಸಾ ಕೆಲಾಂ. ರಜೆಚಾ ದಿಸಾಂನಿ ಭುರ್ಗ್ಯಾಂನಿ ಹ್ಯಾ ಶಿಬಿರಾಕ್ ಹಾಜರ್ ಜಾಂವ್ಚೆಂ.

ಮಂಗ್ಳುರ್ ದಿಯೆಸೆಜ್ ಸಾಂ.ವಿಶೆಂತ್ ಪಾವ್ಲ್ ಸಭಾ, ರುಜಾಯ್ ಸಾಮೂಹಿಕ್ ಕಾಜಾರಾಂ ಮೇಯಾಚ್ಯಾ 5 ತಾರಿಕೆರ್ ಮಾಂಡುನ್ ಹಾಡ್ತಾ. ಚಡಿತ್ ವಿವರಾಕ್ ನೋಟಿಸ್ ಬೋರ್ಡ್ ಪಳಂವ್ಚೊ.

ಭುರ್ಗ್ಯಾಂಕ್ ಎದೊಳ್‍ಚ್ಚ್ ರಜಾ ಪ್ರಾರಂಭ್ ಜಾಲ್ಯಾ ದೆಕುನ್ ಸದಾಂಯ್ ಮಿಸಾಚ್ಯಾ ಬಲಿದಾನಾಂತ್ ವಾಂಟೆಲಿ ಜಾಂವ್ಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ.

Home | About Us | Sitemap | Contact

Copyright © 2013 - www.infantmarychurch.org. Powered by eCreators

Contact Us

INFANT MARY CHURCH
Bajjodi, Bikarnakatte,
Mangalore - 575 005, India

Contact : +91 97403 16900