ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಲ್ಹಾನ್ ಫುಲ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಬಾಳ್‍ಮರಿ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಸಮಾಜಿಕ್ ಆನಿ ಸಾಂಸ್ಕೃತಿಕ್ ಸಮಿತಿ ಸಾಂದ್ಯಾಂನಿ ಆನಿ ಸಾಂಜೆಚ್ಯಾ ಮಿಸಾಕ್ ವೆಲಂಕಣಿ ವಾಡ್ಯಾಗಾರಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.

ಆಜ್ ಧ್ಯಾನ್, ಆರಾದಾನ್ ಆನಿಂ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆಸಾ. ವಾವ್ರಾಡ್ಯಾಂ ಪಾಸತ್ ಆಮಿ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.

ಕರೆಜ್ಮಾಚಿ ಉರೊವ್ಣಿಂ ಟಂಜಾನಿಯಾ ಮಿಸಾಂವಾಂಕ್ ತಶೆಂಚ್ ಪಿರ್ಗಜೆಚಾ ಫಿಡೆಸ್ತಾಂಚಾ ಚಿಕಿತ್ಸಾ ಖಾತಿರ್ ಜಾವ್ನೆಸ್ತೆಲಿ. ಕರೆಜ್ಮಾಚಾ ಅಖ್ರೇಕ್ ಆಮ್ಚಿ ಉರೊವ್ಣಿಂ ಬೊಕ್ಸಾಂತ್ ವಾ ಫಿರ್ಗಜ್ ಧಪ್ತರಾಕ್ ದೀಂವ್ಕ್ ವಿನಂತಿ.

ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಮಾರ್ಚ್ 19- ಸಾಂ. ಜುಜೆ

ಘರಾ ಬೆಜ್ಮೆಂತಾ: ಮಾರ್ಚ್ 19 ಆನಿ 20 ತಾರಿಕೆರ್ ಮಂಗ್ಳಾರಾ ಆನಿ ಬುದ್ವಾರಾ ಸಾಂ ಜುಜೆ ವಾಡೊ. 21 ತಾರಿಕೆರ್ ಬ್ರೇಸ್ತಾರಾ ಬಾಳೊಕ್ ಜೆಜು ವಾಡೊ

ವಾಡ್ಯಾ ಜಮಾತ್:

ಅವಿಲಾ ವಾಡೊ- ಐರಿನ್ ಚಾರ್ಲ್ಸ್ ರಸ್ಕೀನ್ಹಾ- 5.00ವೊರಾರ್

ಜೆಜುಚೆಂ ಪವಿತ್ರ್ ಕಾಳಿಜ್ ವಾಡೊ- ವಿನ್ಸೆಂಟ್ ರೂಪಾ ಮಸ್ಕರೇನ್ಹಸ್- 4.00ವೊರಾರ್

ಲ್ಹಾನ್ ಫುಲ್ ವಾಡೊ- ಅಲ್ಬನ್ ಅಲ್ಮೇಡಾ- 4.30ವೊರಾರ್

ವೆಲಂಕಣಿ ವಾಡೊ- ಎವ್ಜಿನ್ ಮಚಾದೊ-4ವೊರಾರ್

ಯೆಂವ್ಚ್ಯಾ ಹಪ್ತ್ಯಾಂತ್ ಫಿರ್ಗಜ್ ಕುಟ್ಮಾಕ್ ವಾರ್ಶಿಕ್ ರೆತಿರ್. ಮಾರ್ಚ್ 22, 23, 24 (ಸುಕ್ರಾರ್, ಸನ್ವಾರ್, ಆಯ್ತಾರ್) ಸಾಂಜೆರ್ 5 ಥಾವ್ನ್ 8.30ವೊರಾಂ ಪರ್ಯಾಂತ್ ಆಸ್ತೆಲಿ. ಶಿವಮೊಗ್ಗ ದಿಯೆಸೆಜಿಚೊ, ಬಾಪ್ ಪಿಯುಸ್ ಡಿಸೋಜಾ ಹಿ ರೆತಿರ್ ಚಲವ್ನ್ ವ್ಹರ್ತಲೆ. ಸರ್ವಾಂನಿ ರೆತಿರೆಕ್ ಹಾಜರ್ ಜಾವ್ನ್ ಪಾಸ್ಕಾಂ ಫೆಸ್ತಾಕ್ ಅತ್ಮಿಕ್ ತಯಾರಾಕ್ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ರೆತಿರೊ ಅಖ್ರೇಚೊ ದೀಸ್ ಜಾಲ್ಲ್ಯಾನ್ ಸಕಾಳಿಂ 6.30ವೊರಾಂಚೆರ್ ಮೀಸ್ ಆಸ್ತೆಲೆಂ. ಆನ್ಯೇಕ್ ಮೀಸ್ ಸಾಂಜೆರ್ ರೆತಿರೆ ವೆಳಾರ್ ಆಸ್ತೆಲೆಂ. ಸಾಂಜೆಚಿ ಕಾಣಿಕ್ ರೆತಿರ್ ದಿಂವ್ಚ್ಯಾ ಪಂಗ್ಡಾಕ್ ಜಾವ್ನೆಸ್ತೆಲಿ.  ಹ್ಯಾ ತೀನೀ ದಿಸಾ ಸೈಕೊ ಸ್ಪಿರಿಚುವಲ್ ಕೌನ್ಸಿಲಿಂಗ್ ಆಸಾ ಕೆಲಾಂ. ಕೌನ್ಸಲಿಂಗಾಕ್, ಸಿಸ್ಟರ್ ಸೆವ್ರಿನ್ ಮಿನೇಜಸ್ ಹಾಜರ್ ಆಸ್ತೆಲಿ. ಭುರ್ಗ್ಯಾಂಕ್ ತಶೆಂಚ್ ವ್ಹಡಾಂಕ್ ಕೊಣಾಯ್ಕಿ ಕೌನ್ಸಿಲಿಂಗ್ ಜಾಯ್ ತರ್ ತಾಂಚಿ ನಾಂವಾಂ ಪಯ್ಲೆಂಚ್ ದಿಂವ್ಚಿಂ.

ಫಿರ್ಗಜ್ ಪತ್ರ್: ಬಜ್ಜೋಡಿಚೊ ಕುರೊವ್ ಪಾಸ್ಕಾಂ ಫೆಸ್ತಾಚ್ಯಾ ಅಂಕ್ಯಾಕ್ ಕವನಾಂ, ಲೇಕನಾಂ, ವಾಡ್ಯಾಚಿ ಸಂಘ್‍ಸಂಸ್ಥ್ಯಾಚಿ ವರ್ದಿ- ತಸ್ವಿರ್ಯೊ, ಜಾಹೀರಾತಾಂ ಮಾರ್ಚಾಚಾ 25 ತಾರೀಕೆ ಭಿತರ್ ದೀಂವ್ಕ್ ವಿನಂತಿ.

ಮಾರ್ಚಾಚಾ 31 ತಾರಿಕೆರ್ ಪಯ್ಲ್ಯಾ ಮಿಸಾ ಉಪ್ರಾಂತ್ ಗೊವ್ಳಿಕ್ ಪರಿಷದ್‍ಚಾ ಜಮಾತ್ ಆಸ್ತೆಲಿ. ಸರ್ವ್ ಸಾಂದ್ಯಾನಿ ಚುಕಾನಾಸ್ತಾ ಹಾಜರ್ ಜಾಂವ್ಚೆಂ.

ಯೆದೊಳ್‍ಚ್ಚ್ ತುಮಿ ವಾಡ್ಯಾವಾರ್ ಯುವಪ್ರತಿನಿಧಿಚಿ ವಿಂಚವ್ಣ್ ಕೆಲ್ಯಾ. ನಾಂವಾಂ ಹ್ಯಾಪರಿ ಆಸಾತ್. ವೆಲಂಕಣಿ ವಾಡೊ: ವ್ರೀತನ್ ಪಿಂಟೊ; ಪವಿತ್ರ್ ಕಾಳಿಜ್ ವಾಡೊ: ಜುವೆಲ್ ಫೆರ್ನಾಂಡಿಸ್; ಕಾರ್ಮೆಲ್ ವಾಡೊ:ನಿಹಾಲ್ ಡಿಸೋಜಾ, ಲ್ಹಾನ್‍ಪುಲ್ ವಾಡೊ:ಕ್ಲ್ಯಾನುಟ್ ಲೋಬೊ, ಬಾಳ್‍ಮರಿ ವಾಡೊ: ರವೀನಾ ಡಿಸೋಜಾ; ಲೂಡ್ರ್ಸ್ ವಾಡೊ:ಗ್ಲೆನ್ ಲಸ್ರಾದೊ; ಅವಿಲಾ ವಾಡೊ: ಹೀತಲ್ ಪಿರೇರಾ; ಸಾಂ.ಅಂತೊನ್ ವಾಡೊ:ಗ್ಲೆನ್ ಮೊರಾಸ್;  ಸಾಂ.ಜುಜೆ ವಾಡೊ: ಡೈಲನ್ ರೆಬೆಲ್ಲೊ; ಬಾಳೊಕ್ ಜೆಜು: ಅಸುಂತಾ ಫೆರ್ನಾಂಡಿಸ್. ವಿಂಚುನ್ ಕಾಡ್‍ಲ್ಲ್ಯಾ ಸಾಂದ್ಯಾಕ್ ಅಭಿನಂದನ್ ಪಾಟಯ್ತಾಂವ್ ತಶೆಂಚ್ ಯುವಜಣಾಂಕ್ ಸಮರ್ಪಿಲ್ಯಾ ಹ್ಯಾ ವರ್ಸಾ ಆಸಾ ಕರ್ಚ್ಯಾ ಕಾರ್ಯಾವಳಿಕ್ ಹರ್ಯೇಕಾ ವಾಡ್ಯಾಚಾ ಯುವಜಣಾಂನಿ ಯುವಪ್ರತಿನಿದಿ ಮುಕೇಲ್ಪಣಾಖಾಲ್ ಸಾಂಗಾತಾ ವಾವ್ರುಂಕ್ ವಿನಂತಿ ಕರ್ತಾಂವ್.

ಮಿಸಾಕ್ ವಾಚ್ಪಾ ವಾಚ್ತೆಲ್ಯಾಂಚಾ ಗಮನಾಕ್: ಪಯ್ಲ್ಯಾನ್ ಪಯ್ಲೆಂ ಮಿಸಾಚಾ ಬಲಿದಾನಾ ವೆಳಾರ್ ಆಲ್ತಾರ್ ಪ್ರಮುಖ್ ಸ್ಥಾನ್ ಘೆತಾ. ಆಲ್ತಾರ್ ಜೆಜು ಕ್ರಿಸ್ತಾಚೊ ಸಂಕೇತ್. ಹ್ಯಾ ವೆದಿರ್ ಜೆಜುಚಾ ಖುರ್ಸಾಚೆಂ ಬಲಿದಾನ್ ಬೆಟಯ್ತಾಂವ್ ದೆಕುನ್ ತಿ ತಾಚ್ಯಾ ಖುರ್ಸಾಚೊ ಸಂಕೇತ್‍ಯ್ ಜಾವ್ನಾಸಾ. ದೆಕುನ್ ಆಲ್ತಾರಿಕ್ ಯೆತಲ್ಯಾಂನಿ ಮದೆಂ ಯೇವ್ನ್ ಆಲ್ತಾರಿಕ್ ನಮಾನ್ ಕರುನ್ ವಾಚ್ಪಾಂ ತಶೆಂಚ್ ಪ್ರಸ್ತಾವನ್ ವಾಚುಂಕ್ ವಾಚ್ಪಾ ಸ್ಥಾನಾಕ್ ಯೆಂವ್ಚೆಂ. ವಾಚ್ಪಾಂ ತಶೆಂಚ್ ಕೀರ್ತನ್ ಗಾಯ್ತೆಲ್ಯಾಂನಿ ವಾಚ್ಪಾಚೊ ಬೂಕ್ ಕೆದಾಳಾಯ್ ಉಗ್ತೊಚ್ಚ್ ದವರ್ಚೊ. ವಾಚುನ್ ಜಾತಚ್ಚ್ ಬೂಕ್ ದಾಂಪ್ಲ್ಯಾರ್ ಉಪ್ರಾಂತ್ ವಾಚ್ತೆಲ್ಯಾಕ್ ಘುಸ್ಪೊಡ್ ಜಾಂವ್ಚೊ ಸಹಜ್. ವಾಂಜೆಲ್ ಆನಿ ನಿಯಾಳ್ ಜಾಲ್ಯಾ ಉಪ್ರಾಂತ್ ಯಾಜಕ್ ಬೂಕ್ ದಾಂಪ್ತಲೊ.

Home | About Us | Sitemap | Contact

Copyright © 2013 - www.infantmarychurch.org. Powered by eCreators

Contact Us

INFANT MARY CHURCH
Bajjodi, Bikarnakatte,
Mangalore - 575 005, India

Contact : +91 97403 16900