ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಅವಿಲಾಚಿ ಸಾಂ.ತೆರೆಜ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್  ಸಾಂ.ವಿಶೆಂ ಪಾವ್ಲ್ ಸಭೆಚ್ಯಾ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.

ಪಿಡೆಸ್ತಾಂಕ್ ಕುಮ್ಗಾರ್  ಸೊಮಾರಾ 4 ತಾರಿಕೆರ್ ಹಾಡ್ನ್ ಯೆತೆಲ್ಯಾಂವ್. ಜೊಕ್ತಿ ತಯಾರಾಯ್ ಕರ್ಚಿ.

ಘರಾ ಬೆಜ್ಮೆಂತಾ: ಮಾರ್ಚ್ 4-5 ತಾರಿಕೆರ್ ಸೊಮಾರಾ ಆನಿ ಮಂಗ್ಳಾರಾ ಸಾಂ. ಅಂತೊನ್ ವಾಡೊ. 7 ತಾರಿಕೆರ್ ಬ್ರೇಸ್ತಾರಾ ಪವಿತ್ರ್‍ಕಾಳಿಜ್ ವಾಡೊ

ಫಾಲ್ಯಾ ಮಹಿನ್ಯಾಚೊ ಪಯ್ಲೊ ಆಯ್ತಾರ್ ಸಾಂಜೆರ್ ಆರಾಧಾನ್ ನಾತ್ಲೆವರ್ವಿಂ ಸಕಾಳಿಂ ಪಯ್ಲ್ಯಾಮಿಸಾ ಉಪ್ರಾಂತ್ ಆರಾಧಾನ್ ಆಸ್ತೆಲೆಂ. ಸಕಾಳಿಂಚಾ ಮಿಸಾ ಉಪ್ರಾಂತ್ ಐಸಿವೈಎಮ್ ಸಾಂದ್ಯಾಚೆ ಮೀಟಿಂಗ್ ಆಸ್ತೆಲೆಂ.

ಯುವಜಣಾಂಕ್ ಸಮರ್ಪಿಲ್ಯಾ ಹ್ಯಾ ವರ್ಸಾ ಜೊಕ್ತಿ ಕಾರ್ಯಕ್ರಮಾ ಮಾಂಡುನ್ ಹಾಡುಂಕ್ ಆದಾರ್ ಜಾಂವ್ಚ್ಯಾಕ್  ಹರ್ಯೇಕಾ ವಾಡ್ಯಾ ಥಾವ್ನ್ ಯುವಪ್ರತಿನಿಧಿಕ್ ವಿಂಚುನ್ ಕಾಡುಂಕ್ ಉಲೊ ದಿಲಾ. ಯುವಪ್ರತಿನಿಧಿಂಚಿ ನಾಂವಾಂ ಮಾರ್ಚ್ 15 ತಾರಿಕೆ ಭಿತರ್ ಕೇಂದ್ರಿಕ್ ಸಮಿತಿಕ್ ದಾಡುಂಕ್ ಆಸ್‍ಲ್ಲ್ಯಾನ್ ವಾಡ್ಯಾಂತ್ ಎಕಾ ಯುವಪ್ರತಿನಿಧಿಕ್ ವಿಂಚುನ್ ಕಾಡುಂಕ್ ವಿನಂತಿ.

ಸೊಮಾರಾ ಲ್ಹಾನ್ ಕ್ರಿಸ್ತಾಂವ್ ಸಮುದಾಯಾಚೊ ಸಮಾವೇಶ್ ಕೊರ್ಡೆಲ್ ಹೊಲಾಂತ್  ಸಕಾಳಿಂ 9 ಥಾವ್ನ್ ದನ್ಪಾರಾಂ 1ವೊರಾಂ ಪರ್ಯಾಂತ್ ಚಲ್ತಲೊ. ನಾಂವಾಂ ದಿಲ್ಲ್ಯಾಂನಿ ಹಾಜರ್ ಜಾಂವ್ಕ್ ವಿನಂತಿ.

ಸೊಮಾರಾ ಸಕಾಳಿಂ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತಲ್ಯಾಂವ್. ಘರಾಂನಿ ಜೊಕ್ತಿ ತಯಾರಾಯ್ ಕರ್ಚಿ.

ಯೆಂವ್ಚೊ ಬುದ್ವಾರ್ ಸಿಂಜಿಚೊ ಬುದ್ವಾರ್. ತ್ಯಾ ದೀಸ್ ದೋನ್ ಮಿಸಾಂ ಆಸ್ತೆಲಿಂ. ಸಕಾಳಿಂ 6.30 ವೊರಾರ್ ಆನಿ ಸಾಂಜೆರ್ 6.00 ವೊರಾರ್. ಕರೆಜ್ಮಾಚ್ಯಾ ದಿಸಾಂನಿ ಹರ್ಯೇಕಾ ಸುಕ್ರಾರಾ 5.30ವೊರಾರ್, ಸನ್ವಾರಾ 5 ವೊರಾರ್ ಆನಿ ಆನಿ ಆಯ್ತಾರಾ 9 ವೊರಾರ್ ಖುರ್ಸಾವಾಟ್ ಆಸ್ತೆಲಿ. ಖುರ್ಸಾವಾಟೆಚಿ ಆನಿ ಭಾಗೆವಂತ್ ಹಪ್ತ್ಯಾಚಿ ಜವಬ್ದಾರಿ ಯೆದೊಳ್‍ಚ್ಚ್ ವಾಂಟುನ್ ದಿಲ್ಯಾ ಚಡಿತ್ ವಿವಿರ್ ನೋಟಿಸ್ ಬೋರ್ಡ್ ಪಳೆಂವ್ಚೊ ಆನಿ ಜೊಕ್ತಿ ತಯಾರಾಯ್ ಕರ್ಚಿ.  

ಯೆಂವ್ಚ್ಯಾ ಬುದ್ವಾರಾ ಸಾಂಜೆಚಾ ಮಿಸಾ ಉಪ್ರಾಂತ್ ಲ್ಹಾ.ಕ್ರಿ.ಸಮುದಾಯಾಚಿ ತರ್ಭೆತಿ ಆಸ್ತೆಲಿ. ಲ್ಹಾ.ಕ್ರಿ.ಸ. ಸಮಿತಿಚಾ ಸಾಂದ್ಯಾಂನಿ ಹರ್ಯೇಕಾ ವಾಡ್ಯಾಚಾ ಪ್ರೇರಕಾಂನಿ ಹಾಜರ್ ಜಾಂವ್ಕ್ ವಿನಂತಿ.

ಕರೆಜ್ಮಾಂತ್ ಆಮಿ ತಶೆಂಚ್ ತುಮಿ ಕೆಲ್ಲಿ ಉರೊವ್ಣಿ ಟಂಜಾನಿಯಾ ಮಿಸಾಂವಾಂಕ್ ದಾಡ್ನ್ ದಿತೆಲ್ಯಾಂವ್. ದುಬ್ಳ್ಯಾ ಕುಟ್ಮಾಂಕ್ ಆದಾರ್ ಜಾವ್ನ್ ಹ್ಯಾ ವರ್ಸಾ ಸಿಒಡಿಪಿ ಥಾವ್ನ್ “ಐeಟಿಣeಟಿ ಅಚಿmಠಿಚಿigಟಿ- 2019” ಕೂಪನಾಂಚೆ ಬೂಕ್ ಆಯ್ಲ್ಯಾತ್. ಎಕಾ ಬೂಕಾಕ್ 100/- ಕುಟ್ಮಾಕ್ ಎಕಾಲೆಕಾನ್ ಹೊ ಬೂಕ್ ಘೆಂವ್ಕ್ ವಿನಂತಿ. ಆಮ್ಚ್ಯಾ ಫಿರ್ಗಜೆಚಾ ಜಾಯ್ತ್ಯಾ ದುಬ್ಳ್ಯಾ ಕುಟ್ಮಾಂಕ್ ಸಿಒಡಿಪಿ ಥಾವ್ನ್ ಕುಮೊಕ್ ಮೆಳೊನ್‍ಂಚ್ ಆಸಾ.

ಪಾಸ್ಕಾಂ ಫೆಸ್ತಾಕ್ ತಯಾರಾಯ್ ಜಾವ್ನ್ ಪ್ರಾಚಿತ್ ಕಾಳಾರ್ ಫಿರ್ಗಜ್ ಕುಟ್ಮಾಕ್ ವಾರ್ಶಿಕ್ ರೆತಿರ್ ಮಾರ್ಚ್ 22,23,24 (ಸುಕ್ರಾರ್, ಸನ್ವಾರ್, ಆಯ್ತಾರ್) ಸಾಂಜೆರ್ 5 ಥಾವ್ನ್ 8.30ವೊರಾಂ ಪರ್ಯಾಂತ್ ಆಸ್ತೆಲಿ. ಶಿವಮೊಗ್ಗ ದಿಯೆಸೆಜಿಚೊ, ಬಾಪ್ ಪಿಯುಸ್ ಡಿಸೋಜಾ ಹಿ ರೆತಿರ್ ಚಲವ್ನ್ ವ್ಹರ್ತಲೆ. ಸರ್ವಾಂನಿ ರೆತಿರೆಕ್ ಹಾಜರ್ ಜಾವ್ನ್ ಪಾಸ್ಕಾಂ ಫೆಸ್ತಾಕ್ ತಯಾರಾಕ್ ಕರ್ಚಿ.

ಕರ್ನಾಟಕ ಸರ್ಕಾರ:ಕಾರ್ಮಿಕ ಇಲಾಖೆ ಥಾವ್ನ್ ಶ್ರೀಮಾನ್ ಜೋನ್ ಫೆರ್ನಾಂಡಿಸಾಕ್(ಗುರ್ಕಾರ್:ಸಾಂ ಜುಜೆ ವಾಡೊ) “ಶ್ರಮ ಸಮ್ಮಾನ ಪ್ರಶಸ್ತಿ” ಲಾಬ್ಲ್ಯಾ” ತಾಕಾ ಆಮಿ ಅಭಿನಂದನ್ ಪಾಟಯ್ತಾಂವ್.

ಪ್ಲಂಬರ್, ಪೈಂಟರ್ಸ್, ಎಲೆಕ್ಟ್ರಿಶನ್ ತಶೆಂಚ್ ಬಿಲ್ಡಿಂಗಾಚೆ ಕಾಮ್ ಕರ್ತೆಲ್ಯಾಂನಿ ಲೇಬರ್ ಕಾರ್ಡ್ ಕೆಲೆಂ ತರ್ ಸರ್ಕಾರಾ ಥಾವ್ನ್ ಜಾಯ್ತ್ಯೊ ಸೌಲತ್ಯೊ ಮೆಳ್ತತ್. ಮಾರ್ಚಾಚಾ 10 ತಾರಿಕೆರ್ ದುಸ್ರ್ಯಾ ಮಿಸಾ ಉಪ್ರಾಂತ್ ಹ್ಯಾವಿಶಿಂ ಸಿಒಡಿಪಿ ಸಾಂದೆ ಮಾಹೆತ್ ದೀಂವ್ಕ್ ಯೆತಾತ್ ತಶೆಂಚ್ ಕಾರ್ಡಾಕ್ ಎಪ್ಲಿಕೇಶನ್ ಭರ್ತಿ ಕರುಂಕ್ ಆವ್ಕಾಸ್ ಆಸಾ. ಯೆತನಾ ಆದಾರ್ ಕಾರ್ಡ್, ಬ್ಯಾಂಕ್ ಪಾಸ್ ಬೂಕ್, ರೇಶನ್ ಕಾರ್ಡ್ ಕೊಪಿ, 2 ಪಾಸ್‍ಪೋರ್ಟ್ ಸೈಜ್ ಪೊಟೊ, ಬ್ಲಡ್ ಗ್ರೂಪ್ ವಿವರ್ ತುಮಿ ಹಾಡ್ನ್ ಯೆಂವ್ಚೊ. ಚಡಿತ್ ವಿವರ್ ನೋಟಿಸ್ ಬೋರ್ಡ್ ಪಳೆಂವ್ಚೊ.

ಪಯ್ಲೊ ಕುಮ್ಗಾರ್ ಸೆಂವ್ಚ್ಯಾ ಭುರ್ಗ್ಯಾಂಕ್, ಕುಮ್ಗಾರಾಚಿ ದೊತೊರ್ನ್ ಎಪ್ರಿಲಾಚ್ಯಾ 15ತಾರಿಕೆ ಥಾವ್ನ್ ಸಕಾಳಿಂ 9ವೊರಾ ಥಾವ್ನ್ 11.30ಪರ್ಯಾಂತ್ ಆಸ್ತೆಲಿ.

ನಮಾನ್ ಬಾಳೊಕ್ ಜೆಜು ಪತ್ರಾಚೊ ದಶಮಾನೋತ್ಸವ್ ಮಾರ್ಚ್ 3ತಾರಿಕೆರ್ ಸಾಂಜೆರ್ 6ವೊರಾರ್, ಕಾರ್ಮೆಲ್ ಗುಡ್ಯಾರ್ ಆಸಾ ಕೆಲಾ. “ಮಮ್ಮಿ ಮ್ಹಾಕಾ ಜಾಯ್” ಮ್ಹಳ್ಳೊ ನಾಟಕ್ ಸಾದರ್ ಜಾತಲೊ. ತುಮ್ಕಾಂ ಸರ್ವಾಂಕ್ ಮೊಗಾಚೆಂ ಆಪೆÇವ್ಣೆಂ.

Home | About Us | Sitemap | Contact

Copyright © 2013 - www.infantmarychurch.org. Powered by eCreators

Contact Us

INFANT MARY CHURCH
Bajjodi, Bikarnakatte,
Mangalore - 575 005, India

Contact : +91 97403 16900