ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಅವಿಲಾಚಿ ಸಾಂ.ತೆರೆಜ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಲೂಡ್ಸ್ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಲೂಡ್ಸ್ ವಾಡ್ಯಾಚಾ ಐಸಿವೈಯಮ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಆಜ್ ಧ್ಯಾನ್, ಆರಾಧಾನ್ ಆನಿಂ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆಸಾ. ಪಿಡೆಸ್ತಾಂ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.
ಒನ್ ರುಪಿ ರೆವೆಲ್ಯೂಶನಾಕ್ ಆಯಿಲ್ಲೊ ಐವಜ್
ಕಾರ್ಮೆಲ್ ವಾಡೊ-8,200/- ರುಪಯ್
ಅವಿಲಾ ವಾಡೊ -9,050/- ರುಪಯ್
ಜೆಜುಚೆಂ ಪವಿತ್ರ್ ಕಾಳಿಜ್ ವಾಡೊ -13,000/- ರುಪಯ್
ಜೆಜುಚೆಂ ಲ್ಹಾನ್ ಫುಲ್ ವಾಡೊ- 15,280/- ರುಪಯ್
ಹ್ಯಾ ಹಫ್ತ್ಯಾಂತ್ ವಾಡ್ಯಾ ಜಮಾತ್
ಜೆಜುಚೆಂ ಪವಿತ್ರ್ ಕಾಳಿಜ್ ವಾಡೊ- ವಲೇರಿಯನ್ ಅಂಜೆಲಿನ್ ಲೋಬೊ-4.00ವೊರಾರ್
ವಾಡ್ಯಾ ಜಮಾತ್ ವಾಡ್ಯಾಂತ್ಲ್ಯಾ ಹರ್ಯೇಕಾ ಘರಾ ಆಸಾ ಕರುಂಕ್ ಮಾಂಡಾವಳ್ ಕರ್ಚಿ.
ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ದಿಯೆಸೆಜಿಚೊ ಸಮಾವೇಶ್ ಮಾರ್ಚ್ ಮಹಿನ್ಯಾಚಾ 4ತಾರಿಕೆರ್ ಸಕಾಳಿಂ 9ಥಾವ್ನ್ ದನ್ಪಾರಾಂ 1ವೊರಾಂ ಪರ್ಯಾಂತ್ ಕುಲ್ಶೇಕರ್ ಹೊಲಾಂತ್ ಮಾಂಡುನ್ ಹಾಡ್ಲಾಂ. ನಾಂವಾಂ ದಿಲ್ಲ್ಯಾ 5 ಜಣಾಂನಿ ಹಾಜರ್ ಜಾಂವ್ಚೆಂ.
ಮಂಗ್ಳುರ್ ದಿಯೆಸೆಜೆ ಆಸಾ ಕೆಲ್ಲ್ಯಾ ಧಾವ್ಯಾ ಕ್ಲಾಸಿಚ್ಯಾ ಕ್ರೀಸ್ತಿ ಶಿಕ್ಷಣ್ ಪಬ್ಲಿಕ್ ಪರೀಕ್ಷೆಂತ್ ಆಮ್ಚ್ಯಾ ಫಿರ್ಗಜೆಚ್ಯಾ, ಆ್ಯನನ್ ಡಿಸೋಜಾನ್ 94ಅಂಕ್ ಆಪ್ಣಾಯ್ಲ್ಯಾತ್. ತಾಕಾ ಆಮಿ ಉಲ್ಲಾಸ್ ಪಾಟಯ್ತಾಂವ್.
ಘರ್ ಬೆಜ್ಮಾಂತಾ: ಫೆಬ್ರವರಿ 25 – ವೆಲಂಕಣಿ ವಾಡೊ
ಫೆಬ್ರವರಿ 26 ಆನಿ 28 – ಲೂಡ್ಸ್ ವಾಡೊ
ಉರ್‍ಲ್ಲ್ಯಾ ವಾಡ್ಯಾಚಿಂ ಬೆಜ್ಮೆತಾಂ ಸಿಂಜಿಚ್ಯಾ ಬುದ್ವಾರಾ ಉಪ್ರಾಂತ್ ಕರ್ತಾಂವ್.
ನಮಾನ್ ಬಾಳೊಕ್ ಜೆಜು ಪತ್ರಾಚೊ ದಶಮಾನೋತ್ಸವ್ ಮಾರ್ಚ್ 3ತಾರಿಕೆರ್ ಸಾಂಜೆರ್ 6ವೊರಾರ್, ಕಾರ್ಮೆಲ್ ಗುಡ್ಯಾರ್ ಆಸಾ ಕೆಲಾ. “ಮಮ್ಮಿ ಮ್ಹಾಕಾ ಜಾಯ್” ಮ್ಹಳ್ಳೊ ನಾಟಕ್ ಸಾದರ್ ಜಾತಲೊ. ತುಮ್ಕಾಂ ಸರ್ವಾಂಕ್ ಮೊಗಾಚೆಂ ಆಪೆÇವ್ಣೆಂ.
ಭಾವಾರ್ಥಾವಿಶಿಂ ಸಾಕ್ರಾಮೆಂತಾಚಾ ಆಚರಣಾವಿಶಿಂ ಸವಾಲಾಂ-ಜಾಪಿ ಆಟಾಪ್ಚೊ “ಯ್ಯೂಕ್ಯಾಟ್” ಬೂಕ್ ಕೊಂಕ್ಣೆಂತ್ ತಯಾರ್ ಜಾಲಾ. ದಿಯೆಸೆಜಿಚಾ ಗೊವ್ಳಿಕ್ ಪರಿಷದೆನ್ ಹ್ಯಾ ಪುಸ್ತಕಾವಿಶಿಂ ಚರ್ಚಾ ಚಲೊವ್ನ್ ಹರ್ಯೆಕಾ ಯುವಜಣಾಂನಿ ತಶೆಂಚ್ ಹರ್ಯೆಕಾ ಕುಟ್ಮಾಂತ್ ಹೊ ಬೂಕ್ ಆಸಾಜಯ್ ಮ್ಹಳ್ಳೆಂ ಚಿಂತಾಪ್ ಆಟಾಯ್ಲಾಂ. ಗೊವ್ಳಿಬಾಪಾಂನಿ ಹಿ ಪ್ರತಿ ಘೆವ್ನ್ ಆಮ್ಚೊ ಬಾವಾರ್ಥ್ ಗೂಂಡ್ ಕರುಂಕ್ ಉಲೊ ದಿಲಾ. ಹ್ಯಾ ಬೂಕಾಚೆಂ ಮೋಲ್ 160/- ಹೊ ಬೂಕ್ ಘೆಂವ್ಕ್ ಮನ್ ಆಸ್ಲ್ಯಾಂನಿ ತುಮ್ಚಿ ನಾಂವಾಂ ಗುರ್ಕಾರಾಂ ಮುಖಾಂತ್ರ್ ಧಪ್ತರಾಕ್ ದೀಂವ್ಕ್ ವಿನಂತಿ ಕರ್ತಾಂವ್.
ಪ್ಲಂಬರ್, ಪೈಂಟರ್ಸ್, ಎಲೆಕ್ಟ್ರಿಶನ್ ತಶೆಂಚ್ ಬಿಲ್ಡಿಂಗಾಚೆ ಕಾಮ್ ಕರ್ತೆಲ್ಯಾಂನಿ ಲೇಬರ್ ಕಾರ್ಡ್ ಕೆಲೆಂ ತರ್ ಸರ್ಕಾರಾ ಥಾವ್ನ್ ಜಾಯ್ತ್ಯೊ ಸೌಲತ್ಯೊ ಮೆಳ್ತತ್. ಮಾರ್ಚಾಚಾ 10 ತಾರಿಕೆರ್ ದುಸ್ರ್ಯಾ ಮಿಸಾ ಉಪ್ರಾಂತ್ ಹ್ಯಾವಿಶಿಂ ಸಿಒಡಿಪಿ ಸಾಂದೆ ಮಾಹೆತ್ ದೀಂವ್ಕ್ ಯೆತಾತ್ ತಶೆಂಚ್ ಕಾರ್ಡಾಕ್ ಎಪ್ಲಿಕೇಶನ್ ಭರ್ತಿ ಕರುಂಕ್ ಆವ್ಕಾಸ್ ಆಸಾ. ಯೆತನಾ ಆದಾರ್ ಕಾರ್ಡ್, ಬ್ಯಾಂಕ್ ಪಾಸ್ ಬೂಕ್, ರೇಶನ್ ಕಾರ್ಡ್ ಕೊಪಿ, 2 ಪಾಸ್‍ಪೋರ್ಟ್ ಸೈಜ್ ಪೊಟೊ, ಬ್ಲಡ್ ಗ್ರೂಪ್ ವಿವರ್ ತುಮಿ ಹಾಡ್ನ್ ಯೆಂವ್ಚೊ. ಚಡಿತ್ ವಿವರ್ ನೋಟಿಸ್ ಬೋರ್ಡ್ ಪಳೆಂವ್ಚೊ.
ಫಾಲ್ಯಾಂ ಕ್ರೀಸ್ತಿ ದೊತೊರ್ನಿಚೊ ದೀಸ್ ಆಚರಣ್ ಕರ್ತಾಂವ್. ದೊತೊರ್ನಿಚಿಂ ಭುರ್ಗಿಂ ದೇವ್‍ಸ್ತುತಿ ಚಲವ್ನ್ ವ್ಹರ್ತೆಲಿಂ. ಭುರ್ಗ್ಯಾಂಚಾ ವ್ಹಡಿಲಾಂನಿ ಹ್ಯಾ ಮಿಸಾಕ್ ಹಾಜರ್ ಜಾಂವ್ಚೆಂ. ಮಿಸಾ ಉಪ್ರಾಂತ್ ಹೊಲಾಂತ್ ಬಹುಮಾನಾಂ ದಿಂವ್ಚೆಂ ಮಟ್ವೆಂ ಕಾರ್ಯೆಂ ಆಸ್ತೆಲೆಂ. ಹೆಂ ಸಗ್ಳೆಂ ವರಸ್ ಭುರ್ಗ್ಯಾಂಕ್ ದೊತೊರ್ನ್ ಶಿಕೊಂವ್ಕ್ ಬೆಂದುರ್ ಥಾವ್ನ್ ಆಯಿಲ್ಲ್ಯಾ ಬೆಥನಿ ತಶೆಂಚ್ ಎಸಿ ಸಿಸ್ಟ್ರಾಂಕ್ ಆಮಿ ದೇವ್‍ಬರೆಂ ಕರುಂ ಮ್ಹಣ್ತಾಂವ್. ತಾಂಚಾ ಸೆವೆಚೊ ಅಬಾರ್ ಮಾನ್ತಾಂವ್ ತಾಂಚಾ ಮಿಸಾಂವಾಂಕ್ ಬರೆಂ ಮಾಗ್ತಾಂವ್. ಸಗ್ಳೆಂ ವರ್ಸ್ ಭುರ್ಗ್ಯಾಂಕ್ ದೊತೊರ್ನ್ ಶಿಕೊಂವ್ಕ್ ಸ್ವಖುಶೆನ್ ಸೆವಾ ದಿಲ್ಲ್ಯಾ ಫಿರ್ಗಜೆಚಾ ಸರ್ವ್ ಶಿಕ್ಷಕ್-ಶಿಕ್ಷಕಿಂಚೊ ಆನಿ ಸಂಯೋಜಕಿ ಸ್ಟೆಲ್ಲಾ ಡಿಸೋಜಾಚೊ ಹಾಂವ್ ಉಪ್ಕಾರ್ ಭಾವುಡ್ತಾಂ.
ಹ್ಯಾ ವರ್ಸಾಚಿ ಭುರ್ಗ್ಯಾಂಚಿ ದೊತೊನ್ ಫಾಲ್ಯಾಂ ಸಂಪ್ತಾ. ತಶೆಂ ಮ್ಹಳ್ಯಾರ್ ಆನಿ ಆಯ್ತಾರಾ ಮಿಸಾಕ್ ಯೇಜಾಯ್ ಮ್ಹಣ್ ನಾ ಚಿಂತುನ್ ಭುರ್ಗ್ಯಾಂನಿ ಘರಾ ಬಸ್ಚೆಂ ನ್ಹಯ್. ಆಯ್ತಾರಾಚೆ ಮೀಸ್ ಕಾಯ್ದಾಚೆ ಜಾಲ್ಲ್ಯಾನ್ ಭುರ್ಗ್ಯಾಂನಿ ಆಯ್ತಾರಾಚೆಂ ಮೀಸ್ ಚುಕೊಂವ್ಕ್ ನಾ. ಖಂಚ್ಯಾಯ್ ಎಕಾ ಮಿಸಾಕ್ ಚುಕಾನಾಸ್ತಾಂ ಹಾಜರ್ ಜಾಂವ್ಚೆಂ.
ಲೋಕ್‍ಸಭೆಚಾ ಎಲಿಸಾವಾಂಕ್ ನವ್ಯಾ ಮತ್‍ದಾರಾಂಚಿ ನೊಂದಾವ್ಣಿಂ ಕರುಂಕ್ ಉಲೊ ದಿತಾಂವ್. ಹೊ ವಿವರ್ ದಿಯೆಸೆಜಿಚಾ ನಾಗರಿಕ್ ಸಮಿತಿಕ್ ದಾಡುಂಕ್ ಆಸಾ ಜಾಲ್ಲ್ಯಾನ್ ಹ್ಯಾಚ್ ಜನೆÀರ್ 2019ವೆರ್ 18 ವರ್ಸಾಂ ಭರ್‍ಲ್ಲ್ಯಾ ಹರ್ಯೇಕಾ ಯುವಕ್-ಯುವತಿಂನಿ ತಾಂಚಿಂ ನಾಂವಾಂ ಮತ್‍ದಾನಾಚಾ ಪಟ್ಟೆರ್ ದಾಖಲ್ ಕರುಂಕ್ ವಿನಂತಿ.
ಹಫ್ತೋ ಫೊರ್ವಾ