ಸಗ್ಳೊ ಹಫ್ತೊ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಲ್ಹಾನ್ ಫುಲ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಬಾಳ್‍ಮರಿ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಅವಿಲಾ ವಾಡ್ಯಾಚ್ಯಾ ಐಸಿವೈಯಮ್ ಯುವಜಣಾಂನಿ ಆನಿ ದುಸ್ರ್ಯಾ ಮಿಸಾಕ್ ವೆಲಂಕಣಿ ವಾಡ್ಯಾಗಾರಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಜನವರಿ 1: ಮರಿ ದೆವಾಚಿ ಮಾತಾ ಜನವರಿ 2: ಭಾಗೆವಂತ್ ಬಾಜಿಲ್ ಆನಿ ಗ್ರೆಗರಿ
ಯೆಂವ್ಚೊ ಸುಕ್ರಾರ್ ಮಹಿನ್ಯಾಚೊ ಪಯ್ಲೊ ಸುಕ್ರಾರ್ ಸಾಂಜೆರ್ ಮಿಸಾ ಉಪ್ರಾಂತ್ ಆರಾಧಾನ್ ಆಸ್ತೆಲೆಂ.
ಯೆಂವ್ಚ್ಯಾ ಆಯ್ತಾರಾ ಜನೆರಾಚ್ಯಾ 6 ತಾರಿಕೆರ್ ಎವ್ಕರಿಸ್ತಿಕ್ ಪುರ್ಶಾಂವ್ ಆಸಾ. ಮಿಲಾರ್ ಇಗರ್ಜೆಂತ್ 3.30 ವೊರಾರ್ ಮೀಸ್ ಉಪ್ರಾಂತ್ ಪುಶ್ರ್ಯಾಂವ್. ಆಮ್ಚ್ಯಾ ಫಿರ್ಗಜೆಥಾವ್ನ್ 30ಜಣ್ ಸ್ವಯಂಸೇವಕಾಚಿ ಗರ್ಜ್ ಆಸಾ. ಆಸಕ್ತ್ ಆಸ್‍ಲ್ಲ್ಯಾಂನಿ ತಾಂಚಿ ನಾವಾಂ ಫಿರ್ಗಜ್ ದಫ್ತರಾಕ್ ದಿಂವ್ಚಿಂ. ಆಲ್ತಾರ್ ಭುರ್ಗ್ಯಾಂನಿ ಪುಶ್ರ್ಯಾವಾಂಕ್ ಸಾಂಗಾತ್ ದಿಂವ್ಚೊ. ತ್ಯಾಚ್ ದೀಸ್ ಗೊವ್ಳಿಬಾಪ್ 2019 ವರಸ್ ಯುವಜಣಾಂಚೆ ವರಸ್ ಮ್ಹಣ್ ಪಾಚಾರ್ತಾಲೆ. ಚಡ್ ಆನಿ ಚಡ್ ಯುವಜಣಾಂನಿ ಹ್ಯಾ ಪುಶ್ಯಾಂವಾಂತ್ ಭಾಗ್ ಘೆಂವ್ಕ್ ಗೊವ್ಳಿಬಾಪಾಂನಿ ಉಲೊ ದಿಲಾ.
ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾ ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಜಮಾತ್ ಆಸ್ತೆಲಿ. ಸರ್ವ್ ಸಾಂದ್ಯಾನಿ ಚುಕಾನಾಸ್ತಾನಾಂ ಹಾಜರ್ ಜಾಂವ್ಕ್ ವಿನಂತಿ.
ನತಾಲಾಚೆಂ ಫೆಸ್ತ್ ಸಂಭ್ರಮಾನ್ ಆಚರಣ್ ಕರುಂಕ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ದೇವ್ ಬರೆಂ ಕರುಂ ಮ್ಹಣ್ತಾಂ. ತಶೆಂಚ್ ಕ್ರಿಸ್‍ಮಸ್ ಬೌಂಟಿ ಕುಪಾನಾಂ ಕಾಣ್ಘೆವ್ನ್ ಆಮ್ಚ್ಯಾ ಫಿರ್ಗಜೆಚ್ಯಾ ಯೋಜನಾಕ್ ಸಹಕಾರ್ ದಿಲ್ಲ್ಯಾಂಚೊ ಉಪ್ಕಾರ್ ಭಾವುಡ್ತಾಂ. 150 ವಯ್ರ್ ಕೂಪನಾಂ ವಿಕ್‍ಲ್ಲ್ಯಾ ಸುನಿಲ್ ಟೀನಾ ಡಿಸೋಜಾ ಆನಿ ಜಾನೆಟ್ ಡಿಸೋಜಾಕ್ ದೇವ್ ಬರೆಂ ಕರುಂ. ತಶೆಂಚ್ ಕ್ರಿಸ್‍ಮಸ್ ಬೌಂಟಿಚೆ ವಿಜೇತ್ ಬಾಪ್ ಶಾಬಾಸ್ ಕ್ರಾಸ್ತಾ, ತಾಣಿಂ ಹೊ ಐವಜ್ ಆಮ್ಚ್ಯಾಚ್ಚ್ ಫಿರ್ಗಜೆಕ್ ದಿಲಾ. ತಾಂಕಾಂ ಹಾಂವ್ ದೇವ್ ಬರೆಂ ಕರುಂ ಮ್ಹಣ್ತಾಂ. ಆಜ್ ತಾಂಚೊ ಜಲ್ಮಾ ದಿವಸ್ ಆಚರಣ್ ಕರ್ತಾನಾಂ ಬಾಳ್ ಮರಿ ತಾಂಕಾಂ ಬರ್ಯಾ ಭಲಾಯ್ಕೆನ್ ಭರುಂದಿ, ಫುಡ್ಲೆಂ ಮಿಸಾಂವ್ ಯಶಸ್ವೆಚೆಂ ಜಾಂವ್ದಿ ಮ್ಹಣ್ ಮಾಗ್ಯಾಂ.
ಸಾಂತಾ ಶೋಂತ್ ಭಾಗ್ ಘೆತ್‍ಲ್ಲ್ಯಾ ವಾಡ್ಯಾಗಾರಾಂಕ್ ಆನಿ ಏಲಂ ವಸ್ತು ದಾನ್ ದಿಲ್ಲ್ಯಾಂಕ್ ಆನಿ ವ್ಹಡಾ ಐವಜಾಕ್ ತೆ ಕಾಣ್ಘೆವ್ನ್ ಫಿರ್ಗಜೆಚ್ಯಾ ಯೋಜನಾಂಕ್ ಉದಾರ್ ಮನ್ ದಾಕಯಿಲ್ಲ್ಯಾ ಸರ್ವಾಂಕ್ ತಶೆಂಚ್ ಹೆಂ ಕಾರ್ಯೆಂ ನಿರ್ವಹಣ್ ಕೆಲ್ಲ್ಯಾ ಎಲೋಶಿಯಸ್ ಡಿಸೋಜಾಕ್ ದೇವ್‍ಬರೆಂ ಕರುಂ.
ಬಾಳೊಕ್ ಜೆಜುಚೆಂ ಪೂನ್‍ಶೆತ್, ಬಿಕರ್ಣಕಟ್ಟೆ ವಾರ್ಶಿಕ್ ದಬಾಜಿಕ್ ಪರಬ್ ಜನೆರಾಚ್ಯಾ 14 ಆನಿ 15ತಾರಿಕೆರ್ ಆಸ್ತೆಲಿ. ಫೆಸ್ತಾಕ್ ತಯಾರಾಯ್ ಜಾವ್ನ್ ಜನೆರ್ 5ತಾರಿಕೆರ್ ನೊವೆನಾಂ ಪ್ರಾರಂಭ್ ಜಾತಾತ್. ಜನೆರಾಚ್ಯಾ 4ತಾರಿಕೆರ್ ಸುಕ್ರಾರಾ ಸಾಂಜೆರ್ 5ವೊರಾರ್ ವೊಜ್ಯಾಚೊ ಪುರ್ಶಾಂವ್ ಆಸ್ತಲೊ. ವೊಜ್ಯಾಕ್ ವಸ್ತು ದಿತೆಲ್ಯಾಂನಿ ಬ್ರೆಸ್ತಾರಾ ಸಾಂಜೆ ಭಿತರ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ.
ಡಿಸೆಂಬರ್ 31 ತಾರಿಕೆರ್ ಸೊಮಾರಾ ಸಾಂಜೆರ್ 7 ಥಾವ್ನ್ 8 ಪರ್ಯಾಂತ್ ಪವಿತ್ರ್ ಎವ್ಕರಿಸ್ತಾಚೆಂ ಆರಾಧಾನ್, ಉಪ್ರಾಂತ್ ಸಂಭ್ರಮಿಕ್ ಮೀಸ್ ಆಸ್ತಲೆಂ. ಅರಾಧಾನ್ ಆಧ್ಯಾತ್ಮಿಕ್ ಸಮಿತಿ ಸಾಂದ್ಯಾಂನಿ ಚಲೊವ್ನ್ ವರ್ಚೆಂ. ಫಿರ್ಗಜ್‍ಗಾರಾಂನಿ ಸಾಂಗಾತಾ ಹ್ಯಾ ಮಿಸಾಚ್ಯಾ ಬಲಿದಾನಾಂತ್ ವಾಂಟೆಲಿ ಘೆವ್ನ್, ಹ್ಯಾ ವರ್ಸಾ ದೆವಾನ್ ಕೆಲ್ಲ್ಯಾ ಸರ್ವ್ ಉಪ್ಕಾರಾಂಕ್ ಅರ್ಗಾಂ ದಿಂವ್ಚೆಂ. ದೇವ್ ಸ್ತುತೆಚಿ ಮಾಂಡಾವಳ್ ನೋಟಿಸ್ ಬೋರ್ಡಾರ್ ಘಾಲ್ಯಾ, ತ್ಯಾ ಪರ್ಮಾಣೆಂ ಚಲವ್ನ್ ವರ್ಚಿ. ಮಿಸಾ ಉಪ್ರಾಂತ್ ಇಗರ್ಜೆ ಭಾಯ್ರ್ ಹೊಸಿ ಹೌಸಿ ಐಸಿವೈಯಮ್ ಸಾಂದೆ ಚಲೊವ್ನ್ ವ್ಹರ್ತಾತ್. ಸರ್ವಾಂನಿ ಏಕ್ ಘಡಿ ರಾವೊನ್ ಎಕಾಮೆಕಾ ಶುಭಾಶಯ್ ಪಾಟವ್ನ್ ಸಂತೊಸ್ ವಾಂಟುನ್ ಘೆಂವ್ಚೊ. ನತಾಲ್ ನೆಕೆತ್ರ್ ಸ್ಪರ್ಧೊ, ಗರ್ದನಾಟೊ ಗೊಟೊ ಸ್ಪರ್ಧೊ, ಸಾಂತಾ ಶೋ, ವಾಡ್ಯಾವಾರ್ ಸೆಲ್ಫಿ ಸ್ಪರ್ಧೊ, ಲಾವ್ದಾತೊ ಸಿ ಸ್ಲೋಗನ್ ಸ್ಪಧ್ರ್ಯಾಂಚಿ ಇನಾಮಾಂ ಸಾಂಜೆಚಾ ಮಿಸಾ ಉಪ್ರಾಂತ್ ದಿತೆಲ್ಯಾಂವ್. ಜನವರಿ 1 ತಾರಿಕೆರ್ ಸಕಾಳಿಂ 7.30ವೊರಾರ್ ಮೀಸ್ ಆಸ್ತೆಲೆಂ.
ವಾಡ್ಯಾವಾರ್ ದಿಲ್ಲ್ಯೊ ಒನ್ ರುಪಿ ರೆವೆಲ್ಯೂಶನಾಚ್ಯೊ ಪ್ರತಿ, ಲಾವ್ದಾತೊ ಸಿ ಆಂದೋಲನಾಚ್ಯೊ ಪ್ರತಿ ಆನಿ ವಾಡ್ಯಾ ಜಮಾತೆಂಚ್ ವಿಂಚುನ್ ಕಾಡ್‍ಲ್ಲ್ಯಾ ಜಿವಿತಾಚೆಂ ಉತರ್ ಬರಯಿಲ್ಲ್ಯೊ ಪ್ರತಿ ವೆಗ್ಗಿಂಚ್ ಗುರ್ಕಾರಾ ಮಾರಿಫಾತ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ.
ಜನೆರಾಚ್ಯಾ 27ತಾರಿಕೆರ್ ಆಯ್ತಾರಾ ಫಿರ್ಗಜೆಚೆಂ ವ್ಹಡ್ಲೆಂ ಫೆಸ್ತ್. ಫೆಸ್ತಾಕ್ ಮುರ್ದೊಮ್ ಆನಿ ದುಡ್ವಾ ಕುಮಕ್ ದಿತೆಲ್ಯಾಂನಿ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ. ಫೆಸ್ತಾ ದಿಸಾ ಸಕಾಳಿಂ 9.45ವೊರಾರ್ ಮಾನಾಚ್ಯೊ ವಾತಿ ವಾಂಟ್ತೆಲ್ಯಾಂವ್ ಆನಿ 10ವೊರಾರ್ ಸಂಭ್ರಮಿಕ್ ಮೀಸ್ ಬಲಿದಾನ್. ಸಿಟಿ ವಾರ್ಯಾಡ್ಯಾಚೆ ವಿಗಾರ್‍ವಾರ್ ಬಾಪ್ ವಿಕ್ಟರ್ ಮಚಾದೊ ಸಂಭ್ರಮಿಕ್ ಮಿಸಾಚೆ ಬಲಿದಾನ್ ಭೆಟಯ್ತೆಲೆ. ತ್ಯಾ ದೀಸ್ ಸಾಂಜೆರ್ ಮಟ್ವೆಂ ವೆದಿ ಕಾರ್ಯೆಂ ತಶೆಂಚ್ ಗೊವ್ಳಿಬಾಪಾಚೆಂ ಬಂದುತ್ವ ಚಿಂತಾಪ್ ಮತಿಂತ್ ದವರ್ನ್ ಸಾಂಜೆರ್ ತುಳು ನಾಟಕ್ ದವರ್ಲಾ. ತುಳು ನಾಟಕಾಂಕ್ ಫಾಮಾಧ್ ಜಾಲ್ಲ್ಯಾ ನವೀನ್ ಡಿ ಪಡೀಲ್ ಹಾಂಚಾ ಪಂಗ್ಡಾ ಥಾವ್ನ್ ನವೊಚ್ಚ್ ತುಳು ಹಾಸ್ಯಮಯ್ ನಾಟಕ್ ’ಬಂಜಿಗ್ ಆಕೊಡ್ಚಿ’ ಸಾದರ್ ಜಾತಲೊ. ವ್ಹಡಾ ಸಂಖ್ಯಾನ್ ಹಾಜರ್ ಜಾಂವ್ಚೆಂ ಆಮ್ಚ್ಯಾ ಸೆಜಾರ್ಚ್ಯಾಂಕ್ ಸಾಂಗ್ಚೆಂ ಆನಿ ಹೆಂ ಫೆಸ್ತ್ ಸಂಭ್ರಮಾನ್ ಆಚರಣ್ ಕರುಂಕ್ ತುಮ್ಚೊ ಸಹಕಾರ್ ದಿಂವ್ಚೊ. ಸಕಾಳಿಂ ಐಸಿವೈಎಮ್ ಸಾಂದೆ ಪ್ಯಾನ್ಸಿ ಪೆಟ್ ಆಸಾ ಕರ್ತಾತ್ ತಾಂಕಾ ತುಮ್ಚೊ ಸಹಕಾರ್ ದಿಂವ್ಚೊ.
ಮೊಗಾಚ್ಯಾಂನೊ ಜನೆರಾಚಿ 2ತಾರಿಕೆರ್ ಆಮ್ಚಿ ಫಿರ್ಗಜ್ ಉಗ್ತಾವಣ್ ಜಾವ್ನ್ ತೀನ್ ವರ್ಸಾಂ ಸಂಪ್ತಾತ್. ಆಮಿ ಚೊವ್ತ್ಯಾ ವರ್ಸಾಕ್ ಪಾಂಯ್ ತೆಂಕ್ತಾನಾ, ಬಾಳ್ ಮರಿಯೆ ಮುಖಾಂತ್ರ್ ದೆವಾನ್ ಆಮ್ಚೆ ವಯ್ರ್ ವೊತ್‍ಲ್ಲ್ಯಾ ಸರ್ವ್ ಬೆಸಾಂವಾಂ ಖಾತಿರ್ ಆಮಿ ಆರ್ಗಾಂ ದೀಂವ್ಕ್ ಜಾಯ್. ತ್ಯಾ ದೀಸ್ ಸರ್ವ್ ಫಿರ್ಗಜ್‍ಗಾರಾಂನಿ ಹ್ಯಾ ಧಿನ್ವಾಸ್ಣೆಚಾ ಬಲಿದಾನಾಂತ್ ವಾಂಟೊ ಘೆಂವ್ಕ್ ವಿನಂತಿ ಕರ್ತಾ.