ಸಗ್ಳೊ ಹಫೆÇ್ತ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ಕರ್ಚಿ. ಪೆÇರ್ವಾಂ ಆಯ್ತಾರಾ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಬಾಳ್ ಮರಿ ವಾಡ್ಯಾಗಾರಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.

ಪಿಡೆಸ್ತಾಂಕ್ ಕುಮ್ಗಾರ್ ಅಕ್ಟೋಬರ್ 8 ತಾರಿಕೆರ್ ಸೊಮಾರಾ ಹಾಡ್ನ್ ಯೆತೆಲ್ಯಾಂವ್. ಜೊಕ್ತಿ ತಯಾರಾಯ್ ಕರ್ಚಿ.

ಆಜ್ ಮಹಿನ್ಯಾಚೊ ಪಯ್ಲೊ ಆಯ್ತಾರ್. ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿಂ ಆರಾಧಾನ್ ಆಸಾ. ಧಾರ್ಮಿಕಾಂಚಾ ಮಿಸಾಂವಾಂ ಪಾಸತ್ ಆರಾಧಾನಾ ವೆಳಾರ್ ಮಾಗ್ತೆಲ್ಯಾಂವ್.

ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಅಕ್ಟೋಬರ್ 11: ಪಾಪಾ ಜುವಾಂವ್ ತೆವಿಸಾವೊ ಸ್ಮರಣ್

ಫಾಲ್ಯಾಂ ಐಸಿವೈಎಮ್ ಸಾಂದ್ಯಾಚೆಂ ಮೀಟಿಂಗ್ ಆಸಾ. ಹರ್ಯೇಕಾ ಮಹಿನ್ಯಾಚಾ ಪಯ್ಲ್ಯಾ ಆಯ್ತಾರಾ ಪಯ್ಲಾ ಮಿಸಾ ಉಪ್ರಾಂತ್ ಹಿ ಜಮಾತ್ ಚಲ್ತಾ. ಜಮಾತ್ ಕೇವಲ್ ಅರ್ಧೊ ಘಂಟೊ ಮಾತ್ರ್. ಹ್ಯಾ ಜಮಾತೆಂತ್ ಪವಿತ್ರ್‍ಪುಸ್ತಕ್ ತಶೆಂಚ್ ಪವಿತ್ರ್‍ಸಭೆವಿಶಿಂ ಮಟ್ವಿ ಶಿಕೊವ್ಣ್ ಆನಿ ಮುಕ್ಲ್ಯಾ ಕಾರ್ಯಕ್ರಮಾವಿಶಿಂ ಬಾಸಾಭಾಸ್ ಆಸಾ ಕರ್ತಾಂವ್. ಆಮ್ಚ್ಯಾ ಫಿರ್ಗಜೆಂತ್ 25 ವರ್ಸಾಂ ಭಿತರ್ಲಿಂ 145 ಯುವಜಣಾಂ ಆಸಾತ್. ಪರ್ಗಾಂವಾಂತ್ ಆಸ್ಚಿಂ 50 ತರ್ 100 ಯುವಜಣಾಂ ಗಾಂವಾತ್ ಆಸಾತ್. ಹಾಂಗಸರ್ ಮಿಸಾಕ್ ತಶೆಂಚ್ ಜಮಾತೆಕ್ ಹಾಜರ್ ಜಾಂವ್ಚೆ ಕೇವಲ್ 25 ವಾ 30 ಜಣಾಂ ಮಾತ್ರ್. ದೆಕುನ್ ಹ್ಯಾವಿಶಿಂ ವ್ಹಡಿಲಾಂನಿ ಚಡಿತ್ ಜವಬ್ದಾರಿ ಘೆಂವ್ಕ್ ಜಾಯ್ ಆನಿ ತುಮ್ಚ್ಯಾ ಭುರ್ಗ್ಯಾಂಕ್ ತುಮಿ ಉತ್ತೇಜನ್ ದೀಂವ್ಕ್ ಜಾಯ್.

ಫಾಲ್ಯಾಂ/ಆಜ್ ಭುರ್ಗ್ಯಾಂಕ್ ದೊತೊರ್ನ್ ಆಸಾ. ಕ್ರೀಸ್ತಿ ದೊತೊರ್ನಿಚಾ ಪಯ್ಲ್ಯಾ ಆವ್ದೆಚೆ ಪಲಿತಾಂಶ್ ಘೆಂವ್ಕ್ ಭುರ್ಗ್ಯಾಂಚಾ ವ್ಹಡಿಲಾಂನಿ ತುಮ್ಚ್ಯಾ ಭುರ್ಗ್ಯಾಚಾ ಕ್ಲಾಸ್ ಟೀಚೆರೆಕ್ ಮೆಳ್ಚೆಂ. ಫುಡ್ಲ್ಯಾ ದೋನ್ ಆಯ್ತಾರಾ ಅಕ್ಟೋಬರ್ 14 ಆನಿ 21 ತಾರಿಕೆರ್ ಭುರ್ಗ್ಯಾಂಕ್ ದೊತೊರ್ನ್ ಆಸ್ಚಿನಾಂ. ರಜೆ ದಿಸಾಂನಿ ಭುರ್ಗ್ಯಾಂನಿ ಸದಾಂ ಮಿಸಾಚ್ಯಾ ಬಲಿದಾನಾಂತ್ ವಾಂಟೆಲಿ ಜಾಂವ್ಕ್ ವ್ಹಡಿಲಾಂನಿ ಜವಾಬ್ದಾರಿ ಘೆಂವ್ಚಿ.

ಆಮ್ಚ್ಯಾ ದಿಯೆಸೆಜಿಂತ್ ಹೆ ವರಸ್ ತೇರ್ಸಾಚೆ ವರಸ್. ತಶೆಂಚ್ ಹೊ ಆಕ್ಟೋಬರ್ ಮಹಿನೊ ಮರ್ಯೆಕ್ ಸಮರ್ಪಿಲ್ಲೊ ಮಹಿನೊ. ಫಿರ್ಗಜೆಂತ್ ಹರ್ಯೆಕಾ ದಿಸಾ ಮಿಸಾ ಪಯ್ಲೆಂ ತೇರ್ಸ್ ಆಸಾ ತಶೆಂಚ್ ಆಮ್ಚ್ಯಾ ಘರಾಂನಿ ಕುಟ್ಮಾ ಸಾಂಗತಾ ತೇರ್ಸ್ ಹರ್ಯೇಕ್ ದೀಸ್ ಚುಕಾನಾಸ್ತಾ ಮ್ಹಣ್ಚೊ ಆನಿ ಕ್ರಿಸ್ತಾಚೆ ಮಿಸ್ತೆರ್ ನಿಯಾಳ್ಚೆ.

ಮರಿಯಾಳ್ ಲೀಜನಾಚೊ ವಾರ್ಶಿಕ್ ದೀಸ್ ಅಕ್ಟೋಬರ್ 10ತಾರಿಕೆರ್ ಬುದ್ವಾರಾ ಸಂಭ್ರಮ್ತಾತ್. ಸಾಂಜೆರ್ 4ವೊರಾರ್ ಮೀಸ್ ಉಪ್ರಾಂತ್ ಮಟ್ವೆಂ ಕಾರ್ಯೆಂ ಆಸ್ತೆಲೆಂ. ತ್ಯಾ ದೀಸ್ ಸಾಂಜೆರ್ 6.30 ವೊರಾಂಚೆ ಮೀಸ್ ಆಸ್ಚೆಂನಾ. ಹ್ಯಾ ಕಾರ್ಯಾಕ್ ತುಮ್ಕಾಂ ಆಪೆÇವ್ಣೆಂ ಆಸಾ.

ಹ್ಯಾ ಮಹಿನ್ಯಾಂತ್ ವಾಡ್ಯಾ ಜಮಾತ್ ಆಸಾ. ಆಕ್ಟೋಬರ್ 10 ತಾರಿಕೆರ್ ಬುದ್ವಾರ್ ಸಾಂಜೆರ್ 7ವೊರಾರ್ ಲ್ಹಾನ್ ಕ್ರೀಸ್ತಿ ಸಮುದಾಯಾಚಿ ತರ್ಭೆತಿ ಆಸಾ. ಲ್ಹಾ. ಕ್ರಿ. ಸಮಿತಿಚಿ ಸಾಂದ್ಯಾನಿ ವಾಡ್ಯಾ ಜಮಾತ್ ಚಲವ್ನ್ ವ್ಹರ್ಚ್ಯಾ ವಾಡ್ಯಾಚಾ ಪ್ರೇರಕಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಚೆಂ.

ಆಜ್ ಮಾಲ್ಘಡ್ಯಾಂಚೊ ದೀಸ್ ಆಮಿ ಸಂಭ್ರಮ್ತಾಂವ್. 9.15 ಮಾಲ್ಘಡ್ಯಾಂ ಪಾಸತ್ ಮೀಸ್, ಪವಿತ್ರ್ ತೆಲಾನ್ ಮಾಖ್ಣಿ, ಉಪ್ರಾಂತ್ ಹೊಲಾಂತ್ ಡಾ. ಡೆನ್ಜಿಲ್ ಪಿಂಟೊ ಹಾಂಚೆ ಥಾವ್ನ್ ಭಲಯ್ಕಿವಿಶಿಂ ಮಾಹೆತ್, ಮಟ್ವೆಂ ಸಾಂಸ್ಕøತಿಕ್ ಕಾರ್ಯೆಂ ಆಸ್ತೆಲೆಂ.

ಗಾಯಾನ್ ಪಂಗ್ಡಾಕ್ ದೇವ್‍ಸ್ತುತೆಚಾ ಸಂಗೀತಾವಿಶಿಂ ತರ್ಭೆತಿ ಆಕ್ಟೋಬರ್ 15-19 ತಾರಿಕೆ ಪರ್ಯಾಂತ್ ಸಾಂಜೆರ್ ಥಾವ್ನ್ 6ವೊರಾಂ ಪರ್ಯಾಂತ್ ಸಾಂ ಜುಜೆ ಸೆಮಿನರಿ ಜೆಪ್ಪು ಹಾಂಗಸರ್ ಆಸಾ ಕೆಲ್ಯಾ. ನಾಂವಾಂ ದೀಂವ್ಕ್ ಅಖ್ರೇಚಿ ತಾರೀಕ್ ಆಕ್ಟೋಬರ್ 10.

ಆದ್ಲ್ಯಾ ಆಯ್ತಾರಾ ವಾಡ್ಯಾವಾರ್ ಸ್ಲೋ ಬೈಕ್ ರೇಸ್ ಸ್ಪರ್ಧೊ ಆಸಾ ಕೆಲ್ಲೊ. ಫಲಿತಾಂಶ್ ನೊಟೀಸ್ ಬೋರ್ಡಾರ್ ಘಾಲಾಂ. ಭಾಗ್ ಘೆತ್‍ಲ್ಲ್ಯಾ ಸರ್ವಾಂಕ್ ತಶೆಂಚ್ ಸ್ಫರ್ಧೊ ಮಾಂಡುನ್ ಹಾಡ್‍ಲ್ಲ್ಯಾ ಐಸಿವೈಎಮ್ ಸಾಂದ್ಯಾಕ್ ದಿನ್ವಾಸ್. ಜಿಕ್‍ಲ್ಲ್ಯಾ ಸರ್ವಾಂಕ್ ಅಭಿನಂದನ್.

Home | About Us | Sitemap | Contact

Copyright © 2013 - www.infantmarychurch.org. Powered by eCreators

Contact Us

INFANT MARY CHURCH
Bajjodi, Bikarnakatte,
Mangalore - 575 005, India

Contact : +91 97403 16900