ಸಗ್ಳೊ ಹಫೆÇ್ತ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಎದೊಳ್‍ಚ್ಚ್ ತಿಳ್ಸಿಲ್ಲ್ಯಾ ಪರ್ಮಾಣೆಂ ವಾಡ್ಯಾಗಾರಾಂನಿ ಕರ್ಚಿ. ಪೆÇರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಕುಟ್ಮಾ ಹಿತಾ ಸಮಿತಿ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಚೊವ್ತ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಫಾಲ್ಯಾ ಸಕಾಳಿಂಚೆ ನೊವೆನ್ 9 ವೊರಾರ್ ಉಪ್ರಾಂತ್ ಮೀಸ್.
ಆಜ್ ಲೂಡ್ಸ್ ಆನಿ ಸಾಂ.ಜುಜೆ ವಾಡ್ಯಾಕ್ ತಶೆಂಚ್ ಉರ್‍ಲ್ಲ್ಯಾ ವಾಡ್ಯಾಂಕ್ ಸೊಮಾರಾ 3ತಾರಿಕೆರ್ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್. ಜೊಕ್ತಿ ತಯಾರಾಯ್ ಕರ್ಚಿ.
ಆಜ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿಂ ಆರಾಧಾನ್ ಆಸಾ. ಶಿಕ್ಷಕಾಂ ಪಾಸತ್ ಮಾಗ್ತೆಲ್ಯಾಂವ್.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ
ಸಪ್ಟೆಂಬರ್ 5: ಕೊಲ್ಕೊತ್ತಾಚಿ ಸಾಂ.ತೆರೆಜ್
ಸಪ್ಟೆಂಬರ್ 8: ಭಾಗೆವಂತ್ ಮರಿಯೆಚ್ಯಾ ಜಲ್ಮಾಚಿ ದಬಾಜಿಕ್ ಪರಬ್
ತ್ಯಾ ದೀಸ್ ಸಕಾಳಿಂ 7.30 ಲೂಡ್ಸ್ ಸಾಯ್ಭಿಣಿಚ್ಯಾ ಗ್ರೊಟ್ಟ್ಯಾಲಾಗಿಂ ಕಣ್ಯಿ ಬೆಂಜಾರ್, ಪುರ್ಶಾಂವ್ ಆನಿ ಸಂಭ್ರಮಿಕ್ ಮೀಸ್. ಪುಶ್ಯಾಂವಾಕ್ ಗೊವ್ಳಿಕ್ ಪರಿಷದೆಚ್ಯಾ ಸಾಂದ್ಯಾನಿ ಪುಶ್ಯಾಂವಾರ್ ಮದೆಂ ಮಧೆಂ ರಾವುನ್ ಶಿಸ್ತ್ ಸಾಂಬಾಳುಂಕ್ ಕುಮೊಕ್ ಕರ್ಚೆಂ. ಪುಶ್ರ್ಯಾಂವ್ ಜಾತಾಚ್ಚ್ ಇಗರ್ಜೆ ಮುಖಾರ್ ಮರ್ಯೆಕ್ ಫುಲಾಂ ಅರ್ಪುನ್ ಉಪ್ರಾಂತ್ ಇಗರ್ಜೆ ಭಿತರ್ ವ್ಹೆಚೆಂ. ತ್ಯಾ ದಿಸಾಚಿ ದೇವ್‍ಸ್ತುತಿ ಭುರ್ಗ್ಯಾಂಕ್ ಆಸ್ತೆಲಿ ಆನಿ ಕಾಣಿಕೊ ಹಾಡೊಂಕ್ ಹರ್ಯೆಕಾ ವಾಡ್ಯಾಚ್ಯಾ (2ಪುಣೀ) ಭುರ್ಗ್ಯಾಂನಿ. ತಾಚೆಂ ದೇವ್‍ಸ್ತುತಿಚೆಂ ಪ್ರಾಕ್ಟಿಸ್ ಮಂಗ್ಳಾರಾ ಸಾಂಜೆಚಾ ಮಿಸಾ ಉಪ್ರಾಂತ್ ಆಸ್ತೆಲೆಂ. ಕಾರಣಾಂತರ್ ಫೆಸ್ತ್ ಮಿಸಾಕ್ ಯೇಂವ್ಕ್ ಅಸಾಧ್ಯ್ ಜಾಲ್ಲ್ಯಾಂನಿ ಸಕಾಳಿಂಚ್ಯಾ 6.30ವೊರಾಂಚ್ಯಾ ಮಿಸಾಕ್ ಯೆಂವ್ಚೆಂ.
ಫಿರ್ಗಜ್ ಕುಟ್ಮಾ ಫೆಸ್ತ್ ಸಪ್ಟೆಂಬರಾಚ್ಯಾ 8ತಾರಿಕೆರ್ ಸಾಂಜೆರ್ 6.30ವೊರಾರ್ ಆಮಿಂ ಆಚರಣ್ ಕರ್ತೆಲ್ಯಾಂವ್. ಫಿರ್ಗಜ್ ಕುಟ್ಮಾನ್ ಎಕಾ ಮನಾನ್ ಹ್ಯಾ ಕಾರ್ಯಾಕ್ ಹಾಜರ್ ಜಾವ್ನ್ ಹೆಂ ಕಾರ್ಯೆಂ ಯಶಸ್ವಿರಿತಿನ್ ಜಾಂವ್ಕ್ ವಾವ್ರ್ ಕರ್ಚೊ ಆನಿ ಆಮ್ಚೊ ಎಕ್ವಟ್ ಘಟ್ ಕರ್ಚೊ.
ಫೆಸ್ತಾಕ್ ತಯಾರಾಯ್ ಜಾವ್ನ್ ಇಗರ್ಜೆ ಭೊಂವ್ತಿ ನಿತಳಾಯ್ ಕರುಂಕ್ ಆಸ್‍ಲ್ಲ್ಯಾನ್ ಸರ್ವಾಂನಿ ತಶೆಂಚ್ ಯುವಜಣಾಂನಿ ಆಯ್ತಾರಾ ಸಾಂಜೆರ್ 5ವೊರಾರ್ ಸಾಂಗಾತಾ ಯೇವ್ನ್ ಕುಮೊಕ್ ಕರ್ಚಿ.
ಕುಟ್ಮಾ ಫೆಸ್ತಾಕ್ ಮುರ್ದೊಮ್ ದಿತೆಲ್ಯಾಂನಿ ಬುದ್ವಾರಾ ಭಿತರ್ ದಫ್ತರಾಕ್ ಪಾವಿತ್ ಕರ್ಚೆಂ.
ಮೊಂತಿ ಸಾಯ್ಭಿಣಿಚ್ಯಾ ಫೆಸ್ತಾಕ್ ಅತ್ಮಿಕ್ ತಯಾರಾಯ್ ಜಾವ್ನ್ ಕುಮ್ಸಾರಾಂ ಸಪ್ಟೆಂಬರ್ 5ತಾರಿಕೆರ್ ಸಾಂಜೆರ್ 4.30ವೊರಾರ್ ಆಸ್ತೆಲಿಂ. ಫಿರ್ಗಜೆಚ್ಯಾ ಹರ್ಯೆಕ್ಲ್ಯಾಂನಿ ಕುಮ್ಸಾರ್ ಜಾವ್ನ್ ಅತ್ಮಿಕ್ ಬರೆಂಪಣ್ ಜೊಡ್ಚೆಂ. ಕುಮ್ಸಾರಾಕ್ ಭಾಯ್ಲೆ ಯಾಜಕ್ ಯೆತಲೆ ಜಾಲ್ಲ್ಯಾನ್ ವೆಳಾರ್ ಯೇಂವ್ಕ್ ವಿನಂತಿ.
ಬ್ರೆಸ್ತಾರಾ ಸಾಂಜೆರ್ 3.30ವೊರಾಂ ಥಾವ್ನ್ 5 ವೊರಾ ಪರ್ಯಾಂತ್ ಫೆಸ್ತಾ ಬಾಬ್ತಿನ್ ಗರ್ಜೆವಂತಾಂಕ್ ಸಾಂ ವಿಶೆಂತ್ ಪಾವ್ಲ್ ಸಭೆಚೆ ಸಾಂದೆ ತಾಂದುಳ್ ವಾಂಟ್ತೆಲೆ. ಯೆತಾಸ್ತಾನಾಂ ಫ್ಯಾಮಿಲಿ ಐಡಿ , ರೇಶನ್ ಕಾರ್ಡ್ ಹಾಡುಂಕ್ ವಿನಂತಿ.
ಅಲ್ತಾರ್ ಭುರ್ಗ್ಯಾಂಚೆ ಮೀಟಿಂಗ್ ಫುಡ್ಲ್ಯಾ ದಿಸಾಂನಿ ಸನ್ವಾರಾ ಸಾಂಜೆರ್ 5ವೊರಾರ್ ಆಸ್ತೆಲೆಂ. ಹಿ ಬದ್ಲಾವಣ್ ಮತಿಂತ್ ದವರ್ಚಿ.
ಆಜ್ ಸಾಂಜೆರ್ 3 ವೊರಾರ್ ಐಸಿವೈಎಮ್ ಯುವಜಣ್ ವಾಡ್ಯಾವಾರ್ ಲಗೋರಿ ಸ್ಫರ್ಧೊ ಮಾಂಡುನ್ ಹಾಡ್ತಾತ್. ತಾಂಕಾಂ ಬರೆಂ ಮಾಗ್ತಾಂವ್.
ಆಜ್ ಐಸಿವೈಯಮ್ ಮೀಟಿಂಗ್ ಪಯ್ಲ್ಯಾ ಮಿಸಾ ಉಪ್ರಾಂತ್ ಆಸ್ತೆಲೆಂ.