ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ವೆಲಂಕಣಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಸಾಂ. ಅಂತೊನ್ ವಾಡ್ಯಾಗಾರಾಂನಿ ಕರ್ಚಿ. ಪೊರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಐಸಿವೈಯಮ್ ಸಾಂದ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ. ದುಸ್ರ್ಯಾ ಮಿಸಾಕ್ ಆಟ್ವಿ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ. ಹ್ಯಾ ಹಫ್ತ್ಯಾಚ್ಯಾ ಅರಾಧಾನಾ ವೆಳಾರ್ ಆಮಿಂ ಮಾಲ್ಘಡ್ಯಾಂ  ಪಾಸೊತ್ ಮಾಗ್ತೆಲ್ಯಾಂವ್. ಸೆಕುಲಾರ್ ಕಾರ್ಮೆಲಿತ್ ಸಾಂದೆ ಅರಾಧಾನ್ ಚಲೊವ್ನ್ ವರ್ತಾತ್.

ಸೊಮಾರಾ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್. ಜೊಕ್ತಿ ತಯಾರಾಯ್ ಕರ್ಚಿ.

ಹ್ಯಾ ಹಫ್ತ್ಯಾಂತ್ ಫೆಸ್ತಾಂ

ಅಕ್ಟೋಬರ್ 2: ಭಾಗೆವಂತ್ ರಾಖ್ಣೆ ದೇವ್‍ದೂತ್‍ತ್ ಸ್ಮರಣ್

ಅಕ್ಟೋಬರ್ 4: ಭಾಗೆವಂತ್ ಫ್ರಾನ್ಸಿಸ್ ಅಸ್ಸಿಸಿ

ಅಕ್ಟೋಬರ್ 7: ಭಾಗೆವಂತ್ ಅಂಕ್ವಾರ್ ಮರಿ, ರೊಜಾರಿಚಿ ಸಾಯ್ಭಿಣ್

ದೊತೊರ್ನಿಚ್ಯಾ ಪರೀಕ್ಷೆಚೆಂ ಫಲಿತಾಂಶ್ ಅಕ್ಟೋಬರ್ 8 ತಾರಿಕೆರ್ ಆಸ್ತೆಲೆಂ ಜಾಲ್ಲ್ಯಾನ್, ಭುರ್ಗ್ಯಾಂಚ್ಯಾ ವ್ಹಡಿಲಾಂನಿ ತ್ಯಾ ತ್ಯಾ ಕ್ಲಾಸಿಚ್ಯಾ ಶಿಕ್ಷಾಕಾಂಕ್ ಮೆಳೊನ್ ಫಲಿತಾಂಶ್ ಘೆಂವ್ಚೆಂ.

ಸೊಮಾರಾ ಎಲ್‍ಸಿಡಿ, ಬುದ್ವಾರಾ ವಾಚ್ಪಾ ಪಂಗಡ್ ಅನಿ ಸುಕ್ರಾರಾ ಲ್ಹಾನ್ ಕ್ರಿಸ್ತಾಂವ್ ಸಮಿತಿಚಿ ಜಮಾತ್ ಸಾಂಜೆಚ್ಯಾ ಮಿಸಾ ಉಪ್ರಾಂತ್ ಆಸ್ತೆಲಿ, ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾನಾಂ ಹಾಜರ್ ಜಾಂವ್ಚೆಂ.

ವಾಹಾನಾಂ ಬೆಂಜಾರ್ ಕೆಲ್ಲ್ಯಾ ದಿಸಾ ಜಮೊ ಜಾಲ್ಲೊ ಐವಜ್ 2330/ ರುಪಯ್ ಆಮ್ಚ್ಯಾ ಫಿರ್ಗಜೆಚ್ಯಾ ಐಸಿವೈಯಮ್ ಸಂಘಟನಾನ್ ಅಸಾ ಕರ್ಚ್ಯಾ ಫುಟ್‍ಬಾಲ್ ಪಂದ್ಯಾಟಕ್ ಕುಮೊಕ್ ಜಾವ್ನ್ ದಿಲ್ಯಾತ್.

ಹೊ ಅಕ್ಟೋಬರ್ ಮಹಿನೊ ರೊಜಾರ್ ಮಾಯೆಕ್ ಸಮರ್ಪಿಲ್ಲೊ ಮಹಿನೊ ಜಾವ್ನಾಸಾ. ಪ್ರತ್ಯೇಕ್ ಜಾವ್ನ್ ಹ್ಯಾ ಮಹಿನ್ಯಾಂತ್ ಕೊಂತಾಚೆಂ ಭಕ್ತಿಪಣ್ ಆಧಾರ್ಚೆಂ. ಭುರ್ಗ್ಯಾಂಕೀ ಹ್ಯಾ ಮಹಿನ್ಯಾಂತ್ ಸಬಾರ್ ರಜೆ ಆಸಾತ್. ದೆಕುನ್ ಫಿರ್ಗಜೆಚ್ಯಾ ಸರ್ವ್ ಭುರ್ಗ್ಯಾಂನಿ ತಶೆಂಚ್ ವ್ಹಡಾಂನಿ ಸಾಂಜೆಚ್ಯಾ ಮಿಸಾ ಪಯ್ಲೆಂ ಜಾಂವ್ಚ್ಯಾ ತೇರ್ಸಾಕ್ ವ್ಹಡಾ ಸಂಖ್ಯಾನ್ ವಾಂಟೆಲಿ ಜಾವ್ನ್ ರೊಜಾರ್ ಮಾಯೆಚಿಂ ಪ್ರತ್ಯೇಕ್ ಆಶೀರ್ವಾದಾಂ ಜೋಡ್ನ್ ಘೆಂವ್ಚಿಂ.

ವಾಡ್ಯಾವಾರ್ ಮೊಡ್ಲಾಂಥಾವ್ನ್ ಕಲಾಕೃತಿ ಸ್ಪರ್ಧೊ ಅಕ್ಟೋಬರ್ 1 ತಾರಿಕೆರ್ (ಆಜ್/ಫಾಲ್ಯಾಂ) ಸಾಂಜೆರ್ 4 ವೊರಾರ್ ಮಾಂಡುನ್ ಹಾಡ್ತಾ. ಭಾಗ್ ಘೆಂವ್ಚ್ಯಾ ವಾಡ್ಯಾಗಾರಾಂನಿ ವೆಳಾರ್ ಹಾಜರ್ ಜಾಂವ್ಚೆಂ.

ಅಕ್ಟೋಬರ್ 8 ತಾರಿಕೆರ್ ಮಾಲ್ಘಡ್ಯಾಂಚೊ ದೀಸ್ ಆಚರಣ್ ಕರ್ತಾಂವ್. ನಾವಾಂ ದಿಲ್ಲ್ಯಾ ಮಾಲ್ಘಡ್ಯಾಂನಿ, ತ್ಯಾ ದೀಸ್ 10.30 ವೊರಾಂಚೆರ್ ಮಿಸಾಚ್ಯಾ ಬಲಿದಾನಾಕ್ ಫಿರ್ಗಜ್  ಹೊಲಾಂತ್ ಜಮೊ ಜಾಂವ್ಚೆಂ. ಮಿಸಾ ಉಪ್ರಾಂತ್ ಥಂಯ್ಚರ್‍ಚ್ಚ್ ಮಟ್ವೆಂ ಸಾಂಸ್ಕೃತಿಕ್ ಕಾರ್ಯೆಂ ತಾಂಚೆ ಖಾತಿರ್ ಆಸ್ತೆಲೆಂ. ಜೆವ್ಣಾಚಿ ವಿಲೆವಾರಿ ಆಸ್ತೆಲಿ.

ಅಕ್ಟೋಬರ್ 3 ತಾರಿಕೆರ್ ಫಿರ್ಗಜೆಚ್ಯಾ ಹೊಲಾಂತ್ ನಾಗರಿಕ್ ಸಮಿತಿಚ್ಯಾ ಮುಕೇಲ್ಪಣಾಖಾಲ್ ಜನ ಸಂಪರ್ಕ ಸಭೆ ಸಾಕಾಳಿಂ 10 ವೊರಾರ್ ಪ್ರಾರಂಭ್ ಜಾತಾ. ಎಮ್‍ಎಲ್‍ಎ ಆನಿ ಹೆರ್ ಅಧಿಕಾರಿ ಹ್ಯಾ ಸಭೆಕ್ ಹಾಜರ್ ಆಸ್ತೆಲೆ. ತುಮ್ಚೆ ಸಮಸ್ಯೆ ದೋನ್ ವಾ ತೀನ್ ವಾಕ್ಯಾಂನಿ ಬರೊವ್ನ್ ವೆಗ್ಗಿಂಚ್ ದಿಂವ್ಚೆಂ. ತಶೆಂಚ್ ತ್ಯಾ ಸಮಸ್ಸೆಚೊ ಸವಿಸ್ತಾರ್ ವಿಷಯ್ ಅಪ್ಲಿಕೇಶನ್ ರುಪಾರ್ ಬರೊವ್ನ್ ಹಾಡ್ನ್ ಸಂಬಂದ್ ಜಾಲ್ಲ್ಯಾ ಅಧಿಕಾರಿಂಕ್ ವೈಯುಕ್ತಿಕ್ ಜಾವ್ನ್ ತ್ಯಾ ದಿಸಾ ದೀಂವ್ಕ್ ವಿನಂತಿ. ವ್ಹಡಾ ಸಂಖ್ಯಾನ್ ವೆಳಾರ್ ಹಾಜರ್ ಜಾಂವ್ಕ್ ವಿನಂತಿ.

ವಾರಾಡ್ಯಾಹಂತಾರ್ ಜಾಲ್ಲ್ಯಾ ಲ್ಹಾನ್ ಕ್ರೀಸ್ತಿ ಸಮುದಾಯ್ ತರ್ಭೆತಿಕ್ ಹಾಜರ್ ಜಾಲ್ಲ್ಯಾ ಸರ್ವಾಂಕ್ ದೇವ್ ಬರೆಂ ಕರುಂ ಮ್ಹಣ್ತಾಂ.

ಎಮ್‍ಸಿಸಿ ಬ್ಯಾಂಕಾಚ್ಯಾ ವಾರ್ಷಿಕ್ ಜೆರಾಲ್ ಜಮಾತೆಕ್ ಭಾಗ್ ಘೆತ್‍ಲ್ಲ್ಯಾಂಕ್ ದೇವ್ ಬರೆಂ ಕರುಂ ಮ್ಹಣ್ ಬ್ಯಾಂಕಾಚ್ಯಾ ಮ್ಯಾನೆಜರಾನ್ ತಿಳ್ಸಿಲಾಂ.

ಮಂಗ್ಳುರ್ ದಿಯೆಸೆಜಿಚೊ ವೈಸಿಯಸ್ ಸಮಾವೇಶ್ ನವೆಂಬರ್ 5 ತಾರಿಕೆರ್ ಆಸ್ತಲೊ.

ಮಾಂಡ್ ಸೊಭಾಣ್ ಅಕ್ಟೋಬರ್ 1 ತಾರಿಕೆರ್ ಸಾಂಜೆರ್ 6.30 ವೊರಾರ್ ಅಂತರ್‍ರಾಷ್ಟ್ರೀಯ್ ಸಂಗೀತ್ ದಿವಸ್ ಆಚರಣ್ ಕರ್ತಾ. ತುಮ್ಕಾಂ ಮೊಗಾಚೆಂ ಆಪವ್ಣೆಂ.

ಮಿಸಾಂವ್ ಆಯ್ತಾರಾ ತಯಾರಾಯ್ ಜಾವ್ನ್ ಮಿಸಾಂವಾಂಚಿ ಕವಾರಾಂ ಅನಿ ಕ್ಯಾಲೆಂಡಾರಾ ತಯಾರ್ ಆಸಾತ್. ವಾಡ್ಯಾಚ್ಯಾ ಗುರ್ಕಾರ್/ಗುರ್ಕಾರ್ನಿನಿ ಆಜ್‍ಚ್ಚ್ ತಿಂ ಕಾಣ್ಘೆವ್ನ್ ವಾಡ್ಯಾಗಾರಾಂಕ್ ಪಾವಿತ್ ಕರ್ಚಿಂ. ಉಪ್ರಾಂತ್ ಅಕ್ಟೋಬರ್ 19 ತಾರಿಕೆ ಭಿತರ್ ತಿ  ಪಾಟಿಂ ದಫ್ತರಾಕ್ ಗುರ್ಕಾರ್/ಗುರ್ಕಾರ್ನಿನಿ ಸಾಂಗಾತಾ ಪಾವಿತ್ ಕರುಂಕ್ ವಿನಂತಿ ಕರ್ತಾಂವ್. ತಶೆಂಚ್ ಮಿಸಾಂವಾಚೆ ಕರ್ಡೆಂ ಆಮಿ ಆದ್ಲ್ಯಾ ವರ್ಸಾ ಭುರ್ಗ್ಯಾಂಕ್ ತಶೆಂಚ್ ಥೊಡ್ಯಾ ವ್ಹಡಿಲಾಂಕ್ ದಿಲ್ಲೆ, ತೆ ತಾಣಿಂ ಯೆಂವ್ಚ್ಯಾ ಆಯ್ತಾರಾ ಅಕ್ಟೋಬರ್ 8 ತಾರಿಕೆರ್ ಹಾಡ್ನ್ ಪಾವಿತ್ ಕರ್ಚೆ.

ನಮಾನ್ ಬಾಳೊಕ್ ಜೆಜು “ಯುವ ಪ್ರತಿಭಾ ಪುರಸ್ಕಾರ್ 2017” ಮಾಂಡುನ್ ಹಾಡ್ತಾ. ಹ್ಯಾ ವಿಶಿಂ ಸವಿಸ್ತಾರ್ ವಿವರಾಕ್ ನೋಟಿಸ್ ಬೋರ್ಡ್ ಪಳಂವ್ಚೊ. ತಶೆಂಚ್ ಪ್ರಕೃತಿ ಕಲಾಕೃತಿ ಸ್ಪರ್ಧೊ ನವೆಂಬರ್ 12 ತಾರಿಕೆರ್ ಮಾಂಡುನ್ ಹಾಡ್ಲಾ. ವಿವರಾಕ್ ನೋಟಿಸ್ ಬೋರ್ಡ್ ಪಳಂವ್ಚೊ.

ಅಕ್ಟೋಬರಾಚ್ಯಾ 2 ತಾರಿಕೆರ್ “ರಾಷ್ಟ್ರೀಯ್ ವಿನೊವ್ಣೆಚೊ ದಿವಸ್” ಜಾವ್ನ್ ಮಂಗ್ಳುರ್ ದಿಯೆಸೆಜಿಚ್ಯಾ ಕಾರಿಜ್ಮಾತಿಕ್ ಸಂಚಾಲನಾನ್, ಬಾಳೊಕ್ ಜೆಜುಚ್ಯಾ ಪೂನ್ ಶೆತಾಂತ್ ಸಾಕಾಳಿಂ 9.30 ಥಾವ್ನ್ 4.30 ವರಾಂ ಪರ್ಯಾಂತ್ ಮಾಂಡುನ್ ಹಾಡ್ಲಾಂ. ತುಮಿಂ ವ್ಹಡಾ ಸಂಖ್ಯಾನ್ ಭಾಗ್ ಘೆವ್ನ್ ಪ್ರೋತ್ಸಾಹ್ ದಿಂವ್ಚೊ.

ಸಿಟಿ ವಾರಾಡೊ ಧಾವಿ ಕ್ಲಾಸಿಚ್ಯಾ ಭುರ್ಗ್ಯಾಂಕ್ ಜೀವನ್ ಜ್ಯೋತಿ ಶಿಬಿರ್ ಹ್ಯಾ ಮಹಿನ್ಯಾಚ್ಯಾ 18, 19 ಆನಿ 20 ತಾರಿಕೆರ್ ಚಲ್ತೆಲೆಂ. ತುಮ್ಚಿಂ ನಾವಾಂ ಕಡ್ಡಾಯ್ ಜಾವ್ನ್  ಸೊಮಾರಾ 2 ತಾರಿಕೆ ಭಿತರ್ ದಫ್ತರಾಂತ್ ನೊಂದಾವಣ್ ಕರ್ಚಿಂ.

ಸಿಟಿ ವಾರಾಡೊ ಅಲ್ತಾರ್ ಭುರ್ಗ್ಯಾಂಚೆ ಶಿಬಿರ್ ಕೊರ್ಡೆಲಾಂತ್ ನವೆಂಬರ್ 6 ತಾರಿಕೆರ್ ಸಾಕಾಳಿಂ 8.30 ಥಾವ್ನ್ ಸಾಂಜೆರ್ 4 ವೊರಾಂ ಪರ್ಯಾಂತ್ ಆಸ್ತೆಲೆಂ.

ಆಮ್ಚ್ಯಾ ಫಿರ್ಗಜೆಚೊ ಸ್ಪೋರ್ಟ್ಸ್ ಡೇ ನವೆಂಬರ್ 5 ತಾರಿಕೆರ್ ಚಲ್ತಲೊ. ಹಾಕಾ ಇನಾಮಾಂ, ಸೌಂಡ್ಸ್, ಕದೆಲಾಂ ಅನಿ ಇತರ್ ಖೆಳಾ ವಸ್ತು, ತಶೆಂಚ್ ಇತರ್ ಖರ್ಚಾಕ್ ಪೋಷಕ್ ಜಾಂವ್ಕ್ ತುಮ್ಕಾಂ ಅವ್ಕಾಸ್ ಅಸಾ. ಸಾಂಗಾತಾ ಲಗ್ಬಗ್ 35,000/ ರುಪಯ್ ಖರ್ಚ್ ಆಸ್ತಲೊ. ಉದಾರ್ ಮನ್ ದಾಕೊಂವ್ಕ್ ವಿನಂತಿ ಕರ್ತಾಂ.

ಏಕ್ ಹಫ್ತೋ ಫಿರ್ಗಜ್ ವಿಗಾರ್ ಆಸ್ಚೆನಾಂತ್ ಜಾಲ್ಲ್ಯಾನ್, ತುಮ್ಚ್ಯಾ ಗರ್ಜಾಂಕ್ ಸಹಾಯಕ್ ಬಾಪಾಂಕ್ ಮೆಳ್ಯೆತ್.

 

Home | About Us | Sitemap | Contact

Copyright © 2013 - www.infantmarychurch.org. Powered by eCreators

Contact Us

INFANT MARY CHURCH
Bajjodi, Bikarnakatte,
Mangalore - 575 005, India

Contact : +91 97403 16900